Search result for "hile-dule" | Category - Nazm, Page

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "hile-dule"

Nazm MATCHES FOR "hile-dule"

Nazm

sita

uThe phir tiraa naam le kar javaa.n kuchh
jarii hausla-mand sachche jiyaale
hilaa Daale aivaan ik saltanat ke
tire paasbaa.n the ba.De aan vaale
tirii vaapsii kar rahii thii ye elaa.n
ki miTte nahii.n zulmato.n se ujaale

Shafiq Fatima Shera

Nazm

aur bhi gham hain zamane mein

terii KHushbuu se mahaktii hai.n fazaa.e.n dil kii
KHaamushii hai tirii aavaaz kaa aahang liye
jo hasii.n shai hai mirii aa.nkh ke aa.iine me.n
terii shoKHii tirii ra.anaa.ii tiraa rang liye
mere har sher me.n aahaT hai tire qadmo.n kii
mere har naqsh me.n pinhaa.n hai tiraa aks-e-shabaab
aaj lekin mirii jaa.n haal-e-dil-e-zaar na puuchh
aaj kii raat mirii aa.nkh me.n kuchh aur hai.n KHvaab

Ali Minai

Nazm

nuqush-e-fikr-o-‘amal

dariyaa-e-tabii'at ko ravaa.n ham ne kiyaa hai
durr-e-haa-e-ma'aanii ko 'ayaa.n ham ne kiyaa hai
yuu.n haal-e-dil-e-zaar bayaa.n ham ne kiyaa hai
KHud un ko bhii ab ashk-fishaa.n ham ne kiyaa hai
in me.n bhii nazar kuchh kii haqaa.eq se hai mahruum
ye tajziya-e-diida-varaa.n ham ne kiyaa hai
kam hai.n bahut insaaniyat-o-KHulq kii qadre.n
ye tajraba-e-ahl-e-jahaa.n ham ne kiyaa hai
hai baat hamaarii hii ki rindo.n ko bahar-taur
zer-e-asar-e-piir-e-muGaa.n ham ne kiyaa hai
kyaa KHuub ubhar aa.e nuquush-e-gul-o-laala
aa.nkho.n ko jo KHuu.n-naaba-fashaa.n ham ne kiyaa hai
ik mo.D diyaa hai ruKH-e-taariiKH ko jis ne
kirdaar vo 'aalam pe 'ayaa.n ham ne kiyaa hai
maahaul ke zulmat-kada-e-tiira-shabii ko
ik jalva-gah-e-kaahkashaa.n ham ne kiyaa hai
goyaa hai.n dil-o-diida zabaa.n saakit-o-KHaamosh
is tarz se bhii shor-e-fuGaa.n ham ne kiyaa hai
paiham rahe ham husn-e-yaqii.n ke mutajassis
kab ko.ii Galat vahm-o-gumaa.n ham ne kiyaa hai
'ibrat-kada-e-dahr kii ik khii.nch dii tasviir
jab zikr-e-jahaan-e-guzaraa.n ham ne kiyaa hai
shaa.istagii-e-fikr ko bhii naaz hai jis par
paidaa vahii usluub-e-bayaa.n ham ne kiyaa hai
labbaik kahaa hai rasan-o-daar ko jis ne
vo hausla-e-qalb-e-tapaa.n ham ne kiyaa hai
KHallaaq-e-do-'aalam kaa kiyaa zikr-o-tasavvur
kyaa KHuub 'ilaaj-e-Gam-e-jaa.n ham ne kiyaa hai
ham ne hii banaayaa unhe.n mardaan-e-KHush-anfaas
tabdiil ruKH-e-baada-kashaa.n ham ne kiyaa hai
har KHalvat-o-jalvat me.n jo kahte rahe daa.im
vo barsar-e-mimbar bhii bayaa.n ham ne kiyaa hai
har haal me.n raazii rahe ham us kii razaa me.n
kab tabsira-e-suud-o-ziyaa.n ham ne kiyaa hai
kohsaar-o-samaa jis ke uThaane se the maa'zuur
bardaasht vo ik baar-e-garaa.n ham ne kiyaa hai
haq-go.ii agar jurm hai ye jurm niko-tar
ham DaT ke ye kahte hai.n ki haa.n ham ne kiyaa hai
insaan hai.n insaan ham ik ashraf-e-maKHluuq
tasKHiir jo ye kaun-o-makaa.n ham ne kiyaa hai
jis darja pa.e-'aalam-e-baalaa hai zaruurii
'in'aam' vo saamaan kahaa.n ham ne kiyaa hai

Inam Thanvi

Nazm

ek manzar

surKH gulaab
chamakte hiire
jagmag karte motii
shahd me.n Duube adhuure jumle
manzar phuulo.n par ma.nDlaatii be-kal titlii
ruu.ii jaisii narm mulaa.em miTTii me.n roTii ke Tuk.De
chhat par baiThe kavve chi.Diyaa.n
muTThii khule roTii ke Tuk.De farsh par bikhre.n
kavvaa chi.Diyaa.n shor machaate lapkii.n
jhapTe.n
motii apnaa ruup dikhaa.ii.n
hiire aur chamakte jaa.e.n

Athar Adeeb

Nazm

paspai

paa.nch das kaa
chhoTaa kamra
do
darvaaze
ek me.n ganda parda
duuje me.n vo bhii nahii.n
band khi.Dkii
paivand-zada machchhar-daanii
Doltaa pala.ng
baiTho to tahtus-suraa hil jaa.e
ek aurat
aalam-e-supurdagii me.n
paa.nch das ke note
khuu.nTii pe Ta.ngaa overcoat
laam se be-nail-o-muraam vaapas
paspaa.ii
maarka-aaraa.ii
ja.ng se haataa-paa.ii
socho to sidrat-ul-muntahaa hil jaa.e

Wahab Danish

Nazm

dastan-e-dil-e-do-nim

ik hasii.n gaa.nv thaa kanaar-e-aab
kitnaa shaadaab thaa dayaar-e-aab
kyaa ajab be-niyaaz bastii thii
muflisii me.n bhii ek mastii thii
kitne dildaar the hamaare dost
vo bichaare vo be-sahaare dost
apnaa ik daa.era thaa dhartii thii
zindagii chiin se guzartii thii
qissa jab yuusuf o zuleKHaa kaa
miiThe miiThe suro.n me.n chhi.Dtaa thaa
qasr shaaho.n ke hilne lagte the
chaak siino.n ke silne lagte the

Habib Jalib

Nazm

aaina

la.Dkii sar ko jhukaa.e baiThii
kaafii ke pyaale me.n chamcha hilaa rahii hai
la.Dkaa hairat aur mohabbat kii shiddat se paagal
laa.nbii palko.n ke larziida saayo.n ko
apnii aa.nkh se chuum rahaa hai
dono.n merii nazar bachaa kar
ik duuje ko dekhte hai.n ha.ns dete hai.n

Parveen Shakir

Nazm

dhund achchhi hai

dhund achchhii hai
mire zehn kii ham-zaad hai dhund
dhund achchhii hai
har ik jabr se aazaad hai dhund

Khursheed Rizvi

Nazm

pin-kishan

mire pin-cushion me.n bahut sii pine.n hai.n
aur aksar पिनें is me.n aisii hai.n jo duur anjaane mulko.n
se aa.e KHato.n se nikaalii ga.ii hai.n
ye us vaqt zaahir haqiiqat kii suurat mire pin-cushion
me.n lagii hai.n
agar pin-cushion kii har ik pin ye soche
ki mai.n to fulaa.n desh kii huu.n
fulaa.n desh ne meraa lohaa janaa thaa
fulaa.n desh ne merii suurat ga.Dhii thii
to ye sochnaa pin-cushion kii haqiiqat ko KHatre me.n Daale na Daale
pino.n ko yaqiinan ja.Do.n se hilaa degaa
aur phir ye saarii pine.n
be-sakat
be-jahat
be-hadaf
yuu.nhii rultii phire.ngii

Partav Rohila

Nazm

hermaphrodite

us ko shak thaa
KHudaa ne do aadhe jism amuudan jo.D ke
us ko taamiir kiyaa hai
jis me.n ik hissa apnaa aur ek paraayaa hai
vo aadhe aadhe do jismo.n kaa haasil hai
vo aksar raat ke kaale chehre se Dar jaataa
to apnii hii god me.n chhup kar rone lagtaa
KHud se baate.n kartaa
diivaaro.n se sar Takraataa
apnii takmiil kii KHaatir
dono.n aadhe jismo.n ko
bistar par tanhaa chho.D ke
apne aslii hisse kii talaash me.n kho jaataa
lekin KHaalii haatho.n ko jab
dozaKH kii jaanib laTkaa.e vaapas aataa
apnii hii gardan me.n baazuu Daale
KHud se lipaT kar so jaataa

Zahid Imroz

Nazm

nauha

rahne ko sadaa dahr me.n aataa nahii.n ko.ii
tum jaise ga.e aise bhii jaataa nahii.n ko.ii
Dartaa huu.n kahii.n KHushk na ho jaa.e samundar
raakh apnii kabhii aap bahaataa nahii.n ko.ii
ik baar to KHud maut bhii ghabraa ga.ii hogii
yuu.n maut ko siine se lagaataa nahii.n ko.ii
maanaa ki ujaalo.n ne tumhe.n daaG diye the
be-raat Dhale sham.a bujhaataa nahii.n ko.ii
saaqii se gilaa thaa tumhe.n mai-KHaane se shikva
ab zahr se bhii pyaas bujhaataa nahii.n ko.ii
har sub.h hilaa detaa thaa zanjiir zamaana
kyuu.n aaj divaane ko jagaataa nahii.n ko.ii
arthii to uThaa lete hai.n sab ashk bahaa ke
naaz-e-dil-e-betaab uThaataa nahii.n ko.ii

Kaifi Azmi

Nazm

chashm-e-tar

ghaTaa chhaa.ii hai saavan kii jha.Dii hai
dil-e-maGmuum kii khetii harii hai
chhalak uTThaa hai paimaana nazar kaa
buKHaar-e-dil kii aashufta-sarii hai
ruKH-e-mahtaab par taaro.n ke haale
ye taare hai.n ki motii kii la.Dii hai
ujaale ke liye sham-e-farozaa.n
a.ndhere me.n sar-e-mizhgaa.n dharii hai
gul-e-nargis pe hai.n shabnam ke qatre
ki siipii hai jo motii se bharii hai
uma.nD aayaa hai dariyaa jazb-e-dil kaa
bha.nvar me.n sabr kii kashtii pa.Dii hai
'jamiil' ash.aar me.n gauhar-fishaanii
ye chashm-e-tar kii sab jaaduu-garii hai

Jameel Azimabadi

Nazm

haq-kesh ki fariyaad

tahsiin ke taalib nahii.n ausaaf-e-KHudaa-daad
aafaaq hilaa detii hai haq-kesh kii fariyaad
aabaad kahaa.n halqa-e-sherii kii fazaa me.n
but-KHaana-e-maanii ki sanam-e-KHaana-e-bahzaad
miT jaa.egaa aivaan-e-tafaaKHur kaa takalluf
yak shola-e-javvaala hai aah-e-dil-e-naashaad
zarGaam hai rubaah ke zarriin qafas me.n
aazaad hai.n paaband giraftaar hai.n aazaad
Gaazii ne kahaa luuT lo but-KHaana-e-daulat
suufii ne kahaa chho.D do ishrat gah-e-shaddaad
tezaab-e-siyaasat me.n KHudii jis kii hu.ii Garq
vo kaaGzii lo.bat bane kyaa paikar-e-faulaad
haajaat ke but-KHaana-e-tazviir hazaaro.n
bando.n ne tire naam pe kar Daale hai.n iijaad
luT jaataa hai har gaam pe ismat kaa KHazaana
dilkash bahut hai maanaa ki har raqs-e-parii-zaad
jamhuur kii tahziib se iKHlaas hai ma.aduum
imroz na.ii nasl ko allaah nahii.n yaad
jamhuur kii barakat se hu.e aadmii na.nge
science ne sau fitna-e-mahshar kiye iijaad

Bebak Bhojpuri

Nazm

aangan

dar diivaar dariiche aa.ngan
dahliize.n daalaan aur kamre
saare ruup ye kitne naazuk
socho to miTTii ke khilaune
mere liye ye kunj-e-ibaadat
mere liye ye koh-e-sadaaqat
mere liye ye manzil-e-va.ada
KHuld-e-tahaffuz qasr-e-rifaaqat
jis ke raaj-si.nghaasan baiThii
mai.n raanii huu.n mai.n bechaarii
baahar chaahe tuufaa.n aa.e.n
lekin yaa.n sab chain se so.e.n
jab jaage.n tab suuraj nikle
so jaa.e.n tab chaa.ndnii mahke
mere ghar vaale japte hai.n
mere naam kii jai-maalaa.e.n
laxmii chhaayaa jaane.n mujh ko
sarasvatii saa maane.n mujh ko
chaa.nd dekh ke mujh ko dekhe.n
hariyaalii par mujhe chalaa.e.n
apnaa taKHt aur taaj sambhaale
shaal doshaale kaa.ndho.n Daale
baal baal motii pirvaa.uu.n!
por por me.n hiire pahnuu.n
kaam-kaaj kaa palluu Daale!
din bhar ghar se uljhuu.n suljhuu.n
raat ko lekin aa.nkhe.n muu.nde
pichhlii rut kaa saavan dekhuu.n
hiire la.al bikharte jaa.e.n
mahl do mahle haTte jaa.e.n
chhoTaa aa.ngan niiche kamre!
duur duur se haath hilaa.e.n
biite lamhe jugnuu aise
u.Dte aur chamakte aa.e.n
muTThii baa.ndh ke un ko dekhuu.n
champaa phuul mahakte jaa.e.n
jagmag jagmag sone jaisaa
ghar sab kii nazro.n me.n aayaa
bhiigaa aa.nchal phailaa kaajal
kis ne dekhaa kis ne chhupaayaa

Zehra Nigaah

Nazm

tabassum

chamak hiire se ba.Dh kar ai tabassum tujh me.n pinhaa.n hai
unhii.n ho.nTo.n pe zau bikhraa tuu jin ho.nTo.n ko shaayaa.n hai
misaal-e-barq tuu girtaa hai jaan-e-naa-shakebaa par
girii thii jis tarah bijlii kaliim-e-tuur-e-siinaa par
na hogaa la.al ko.ii terii qiimat kaa badaKHshaa.n me.n
tuu hii ik misra-e-barjasta hai qudrat ke diivaa.n me.n
jahaa.n kii daulato.n me.n ko.ii bhii daulat nahii.n aisii
falak par kab chamaktii hai sitaaro.n kii jabii.n aisii
Gam-e-duniyaa kaa shaakii jab hu.aa haq se dil-e-aadam
tujhe de kar ataa farmaa diyaa har zaKHm kaa marham
hu.aa jaataa hai pazhmurda dil-e-aavaara siine me.n
to Tapkaa qatra-e-aab-e-baqaa is aabgiine me.n
jhalak pal-bhar kii hai lekin asar hai daa.imii teraa
sar-e-gulzaar dam bhartii hai goyaa har kalii teraa
lab-e-jaa.n-baKHsh par kuchh kuchh numaayaa.n ho ke rah jaa phir
adhuurii rah ga.ii hai daastaan-e-ishq kah jaa phir

Amjad Najmi

Nazm

meri aankhon se dekho

ik roz apne aap ko mai.n ne
KHalaa kii vus.ato.n se jhaa.nk kar dekhaa
to vahshat me.n palaT aayaa
kahii.n par duur ik nuqta saa raushan thaa
aur us nuqte me.n ik zarra nazar aayaa
zamii.n kahiye zamaa.n kahiye ki apnaa aasmaa.n kahiye
sabhii kuchh is me.n gum paayaa
vahii zarra
ki jis kii vus.ato.n ko baa.nT kar ham ne
ka.ii KHitte banaa Daale
aur un KHitto.n me.n ham ne sarhade.n bhii KHuub khii.nchii hai.n
so ik sarhad ke andar bhii ka.ii Tuk.De nazar aa.e
ki jin Tuk.Do.n ke Tuk.Do.n me.n kahii.n ik shahr bastaa hai
ki jis ke ek Tuk.De me.n puraanaa ik mohalla hai
so us ke ek hisse me.n ko.ii chhoTaa saa ghar hogaa
aur us ghar ke kisii kamre ke kone me.n
ko.ii apnii haqiiqat likh rahaa hogaa

Faisal Azeem

Nazm

dil

ai dil-e-betaab tujh me.n hai sifat siimaab kii
tere qatro.n me.n hai.n kuchh buu.nde.n sharaab-e-naab kii
tere aa.iina se paidaa hai mohabbat kaa tilism
terii naira.ngii me.n poshiida hai hairat kaa tilism
saaGar-e-ra.ngii.n me.n hai kasrat-numaa.ii kii jhalak
terii maujo.n ne dikhaa.ii hai KHudaa.ii kii jhalak
naqsh-e-ulfat se numaayaa.n ik nayaa andaaz hai
tuu hariim-e-ishq hai yaa jalva-gaah-e-naaz hai
tere hisse me.n azal ke din se hai Gam kii fazaa
laa-makaa.n par jaa ke Thahre hai tirii aah-e-rasaa
tere iimaa se hazaaro.n KHaanamaa.n-barbaad hai.n
tere viiraane me.n laakho.n hasrate.n aabaad hai.n
kyo.n na ho tere talaatum se samundar me.n sukuut
terii mauje.n inqilaab-e-dahr kaa hai.n ik subuut
tarz-e-mastii-o-KHudii tere gale kaa haar hai
tuu vo miinaa hai ki is se ik jahaa.n sarshaar hai

Saqib Kanpuri

Nazm

dil

ai dil-e-betaab tujh me.n hai sifat siimaab kii
tere qatro.n me.n hai.n kuchh buu.nde.n sharaab-e-naab kii
tere aa.iine se paidaa hai mohabbat kaa tilism
terii nairangii me.n poshiida hai hairat kaa tilism
saaGar-e-rangii.n me.n hai kasrat-numaa.ii kii jhalak
terii maujo.n ne dikhaa.ii hai KHudaa.ii kii jhalak
naqsh-e-ulfat se numaayaa.n ik nayaa andaaz hai
tuu hariim-e-ishq hai yaa jalva-gaah-e-naaz hai
tere hisse me.n azal ke din se hai Gam kii fazaa
laa-makaa.n par jaa Thahartii hai tirii aah-e-rasaa
tere iimaa se hazaaro.n KHaanamaa.n-barbaad hai.n
tere viiraane me.n laakho.n hasrate.n aabaad hai.n
kyo.n na ho tere talaatum se samundar me.n sukuut
terii mauje.n inqilaab-e-dahr kaa hai.n ik subuut
tarz-e-mastii-o-KHudii tere gale kaa haar hai
tuu vo miinaa hai ki is se ik jahaa.n sarshaar hai

Saqib Kanpuri

Nazm

pam ke peD se guftugu

mujhe sabz hairat se kyuu.n dekhte ho
vahii titliyaa.n jam.a karne kii hobby
idhar khe.nch laa.ii
magar titliyaa.n itnii ziirak hai.n
hijrat ke TuuTe paro.n par
havaa ke doshaale me.n lipTii
mire KHauf se ajnabii ja.ngalo.n me.n
kahii.n jaa chhupii.n...

Saqi Faruqi

Nazm

but-tarash

yuu.n to ik kohna but-taraash huu.n me.n
zindagii kii taviil raato.n ko
baar haale ke tesha-e-afkaar
but-taraashe hai.n sai.nka.Do.n mai.n ne
but-taraashe hai.n to.D Daale hai.n

Sufi Ghulam Mustafa Tabassum

Load More

Search

ENG

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

Speak Now