Search result for "irshaad-e-huzuur" | Category - Nazm, Page

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "irshaad-e-huzuur"

Nazm MATCHES FOR "irshaad-e-huzuur"

Nazm

tumhein jaane ki jaldi hai

jahaa.n KHvaabo.n ke jugnuu kitnii sadiyo.n se
tumhaare muntazir hai.n
tumhe.n kis mu.nh se ham roke.n magar jaanaa.n
kabhii jab ham nahii.n ho.nge
to is duniyaa ke mele me.n kise apnaa kahoge tum
kise 'arshad' pukaaroge
bayaaz-e-dil pe kis kii surma.ii nazme.n utaaroge

Arshad Malik

Nazm

paDhoge likhoge

is pa.Dhaa.ii likhaa.ii se kyaa faa.eda
jo sikhaa.e faqat aisii tahriir
aaGaaz jis kaa janaab-o-huzuur
intihaa taabedaarii kaa ik Gair mashruut paimaan
aur peshgii shukriya
jaane kis baat kaa

Basir Sultan Kazmi

Nazm

maut

lahad me.n bhii yahii Gaib-o-huzuur rahtaa hai
agar ho zinda to dil naa-subuur rahtaa hai
mah-o-sitaara misaal-e-sharaara yak-do-nafas
mai-e-KHudii kaa abad tak suruur rahtaa hai
farishta maut kaa chhuutaa hai go badan teraa
tire vujuud ke markaz se duur rahtaa hai

Allama Iqbal

Nazm

farogh farruKH-zad ke liye ek nazm

kahaa.n pe maasuum daar par khii.nchnaa pa.Degaa
huzuur ahkaam jo bhii jaarii kare.nge
faqat iltijaa ye hogii
ki apne irshaad-e-aaliya ko
zabaanii rakhe.n
vagarna
qaanuunii uljhane.n hai.n!

Parveen Shakir

Nazm

irshad ki yaad mein

ik baar phir vatan me.n gayaa jaa ke aa gayaa
laKHt-e-jigar ko KHaak me.n dafnaa ke aa gayaa
har ham-safar pe KHizr kaa dhokaa hu.aa mujhe
aab-e-baqaa kii raah se katraa ke aa gayaa
huur-e-lahad ne chhiin liyaa tujh ko aur mai.n
apnaa saa mu.nh liye hu.e sharmaa ke aa gayaa
dil le gayaa mujhe tirii turbat pe baar baar
aavaaz de ke baiTh ke uktaa ke aa gayaa
royaa ki thaa jahez tiraa vaajib-ul-adaa
me.nh motiyo.n kaa qabr pe barsaa ke aa gayaa
merii bisaat kyaa thii huzuur-e-razaa-e-dost
tinkaa saa ek saamne dariyaa ke aa gayaa
ab ke bhii raas aa.ii na hubb-e-vatan 'hafiiz'
ab ke bhii ek tiir-e-qazaa khaa ke aa gayaa

Hafeez Jalandhari

Nazm

palaT aao

palaT aa.o
ki KHvaabo.n kii zamiino.n par
kisii duniyaa kaa shahzaada
ka.ii qarno.n
ka.ii sadiyo.n se terii yaad kii chhaa.nv me.n baiThaa hai
use izn-e-huzuurii do
ki us kii munjamid barfaab aa.nkho.n me.n KHushii kii titliyaa.n utre.n

Arshad Malik

Nazm

ye baaten jhuTi baaten hain

ye baat ajiib sunaate ho vo duniyaa se be-aas hu.e
ik naam sunaa aur Gash khaayaa ik zikr pe aap udaas hu.e
vo ilm me.n aflaatuun sune vo sher me.n tulsiidaas hu.e
vo tiis baras ke hote hai.n vo B-A M.A paas hu.e
ye baate.n jhuuTii baate.n hai.n ye logo.n ne phailaa.ii hai.n
tum 'inshaa'-jii kaa naam na lo kyaa 'inshaa'-jii saudaa.ii hai.n

Ibn۔e۔Insha

Nazm

kal humne sapna dekha hai

haa.n kis ke liye sab us ke liye
vo jis ke lab par Tesuu hai.n
vo jis ke nainaa.n aahuu hai.n
jo KHaar bhii hai aur KHushbuu bhii
jo dard bhii hai aur daaruu bhii
vo allha.D sii vo chanchal sii
vo shaa.er sii vo paagal sii
log aap-hii-aap samajh jaa.e.n
ham naam na us kaa batlaa.e.n
ai dekhne vaalo tum ne bhii
us naar kii piit kii aa.ncho.n me.n
is dil kaa tiinaa dekhaa hai?
kal ham ne sapnaa dekhaa hai

Ibn۔e۔Insha

Nazm

us aangan ka chand

chaa.nd kisii kaa ho nahii.n saktaa chaa.nd kisii kaa hotaa hai
chaa.nd kii KHaatir zid nahii.n karte ai mire achchhe 'inshaa' chaa.nd

Ibn۔e۔Insha

Nazm

ye kaun aaya

'inshaa'-jii ye kaun aayaa kis des kaa baasii hai
ho.nTo.n pe tabassum hai aa.nkho.n me.n udaasii hai
KHvaabo.n ke gulistaa.n kii KHush-buu-e-dil-aaraa hai
yaa sub.h-e-tamannaa ke maathe kaa sitaaraa hai
tarsii hu.ii nazro.n ko ab aur na tarsaa re
ai husn ke saudaagar ai ruup ke banjaare
ramnaa dil-e-'inshaa' kaa ab teraa Thikaanaa ho
ab ko.ii bhii suurat ho ab ko.ii bahaanaa ho

Ibn۔e۔Insha

Nazm

ai mere soch-nagar ki rani

tujh se jo mai.n ne pyaar kiyaa hai tere liye? nahii.n apne liye
vaqt kii be-unvaan kahaanii kab tak be-unvaan rahe
ai mire soch-nagar kii raanii ai mire KHuld-e-KHayaal kii huur
itne dino.n jo mai.n ghultaa rahaa huu.n tere binaa yuu.nhii duur hii duur
soch to kyaa phal mujh ko milaa mai.n man se gayaa phir tan se gayaa
shahr-e-vatan me.n ajnabii Thahraa aaKHir shahr-e-vatan se gayaa
ruuh kii pyaas bujhaanii thii par yahaa.n ho.nTo.n kii pyaas bhii bujh na sakii
bachte sambhalte bhii ek sulagtaa rog banii mire jii kii lagii
duur kii baat na soch abhii mire haat me.n tuu zaraa haat to de
tujh se jo mai.n ne pyaar kiyaa hai tere liye? nahii.n apne liye
baaG me.n hai ik bele kaa taKHta bhiinii hai is bele kii sugandh
ai kaliyo kyuu.n itne dino.n tum rakkhe rahii.n ise god me.n band
kitne hii ham se ruup ke rasiyaa aa.e yahaa.n aur chal bhii diye
tum ho ki itne husn ke hote ek na daaman thaam sake
sehn-e-chaman par bhau.nro.n ke baadal ek hii pal ko chhaa.e.nge
phir na vo jaa kar lauT sake.nge phir na vo jaa kar aa.e.nge
ai mire soch-nagar kii raanii vaqt kii baate.n rang aur buu
har ko.ii saath kisii kaa Dhuu.nDe gul ho.n ki bele mai.n huu.n ki tuu
jo kuchh kahnaa hai abhii kah le jo kuchh sun.naa hai sun le
tujh se jo mai.n ne pyaar kiyaa hai tere liye? nahii.n apne liye

Ibn۔e۔Insha

Nazm

ai matawalo! naqon walo!!

apnaa bhii vo dost thaa ham bhii paas us ke baiTh aate hai.n
idhar udhar ke qisse kah ke jii us kaa bahlaate hai.n
ukh.Dii-ukh.Dii baat kare hai bhuul ke aglaa yaaraanaa
kaun ho tum kis kaam se aa.e? ham ne na tum ko pahchaanaa
jaane ye kis ne choT lagaa.ii jaane ye kis ko pyaar kare
tumhii kaho ham kis ko Dhuu.nDe.n aahe.n khii.nche naam na le
piit me.n aise jaan se yaaro kitne log guzarte hai.n
piit me.n naahaq mar nahii.n jaate piit to saare karte hai.n
ai matvaalo naaqo.n vaalo! nagrii nagrii jaate ho
kahii.n jo us kii jaan kaa bairii mil jaa.e ye baat kaho
chaak-girebaa.n ik diivaana phirtaa hai hairaa.n hairaa.n
patthar se sar pho.D maregaa diivaane ko sabr kahaa.n
tum chaaho to bastii chho.De tum chaaho to dasht basaa.e
ai matavaalo naaqo.n vaalo varna ik din ye hogaa
tum logo.n se aate jaate puuchhe.nge 'inshaa' kaa pataa

Ibn۔e۔Insha

Nazm

dil-ashob

tire lutf-o-ataa kii dhuum sahii mahfil mahfil
ik shaKHs thaa inshaa naam-e-mohabbat me.n kaamil
ye shaKHs yahaa.n paamaal rahaa, paamaal gayaa

Ibn۔e۔Insha

Nazm

nizam-e-shamsi

hai.n kavaakib ke bhii kuchh taabe nujuum
kah rahe hai.n aisaa as.haab-e-uluum

Ansar Ahmad

Nazm

bachchon ki dua

mere allaah mirii itnii du.aa hai tujh se
mujh ko as.haab-e-mohammad kii mohabbat de de

Saeed Ahmad Saeed Kadwi

Nazm

pak o hind yak-jehti

miyaan-e-hind-o-pakistan ik sarhad kaa jhag.Daa hai
vagarna is imaarat ke manaare ek jaise hai.n
karaachii kaa kitchen ho yaa vo dakan kii ''raso.ii'' ho
namak kaa farq hai be.ngan bhagaare ek jaise hai.n
pajaamo.n ke design ko badal Daalaa to kyaa Gam hai
hamaarii biiviyo.n ke to Garaare ek jaise hai.n
pareshaa.n haal hai public magar dono.n mumaalik ke
miraasii cricketer filmii sitaare ek jaise hai.n
ka.nvaare log to har mulk me.n aazaad phirte hai.n
magar shaadii-shudaa qismat ke maare ek jaise hai.n
baraa.e aqd-KHvaanii qaaziyo.n me.n farq hai lekin
karaachii aur dillii ke chuvaare ek jaise hai.n
ka.nvaaraa aadmii ho yaa ko.ii aazaad leader ho
jo be-pe.nde ke loTe hai.n vo saare ek jaise hai.n
nikamme rahnumaa aur aql se paidal siyaasat-daan
hamaare ek jaise hai.n tumhaare ek jaise hai.n
yahaa.n kaa KHaalid-e-irfaa.n vahaa.n ke 'raahat'-indorii
nire shaa.er hai.n dono.n ke sitaare ek jaise hai.n

Khalid Irfan

Nazm

KHwatin ka bank

sunte hai.n shahr me.n jo KHvaatiin kaa hai bank
parvez kaa nahii.n hai ye parviin kaa hai bank
rakkhii hai.n is liye yahaa.n KHaatuun manager
is mohkme ko chaahiye baatuun manager
ladies ittihaad jo begaanagii se hai
kyaa jaane KHauf kyaa unhe.n mardaangii se hai
nok-e-zabaa.n bhii chalne lagii hai zabaa.n ke saath
beTii bhii hai shariik la.Daa.ii me.n maa.n ke saath
har naaznii.n ke saamne ik beauty-box hai
baaqii rakhaa hai ghar me.n ye tho.Daa saa aks hai
baiThii hai.n apne saamne gesuu sa.nvaar ke
locker me.n rakh diyaa hai dupaTTa utaar ke
chaTKHaare hai.n zabaa.n pe nazar me.n ishaare hai.n
har maah-vash ke pars me.n imlii kaTaare hai.n
jo baat kar rahii hai.n kamaa.ii ke shobe kii
vo head hai.n lagaa.ii-bujhaa.ii ke shobe kii
kal saas se zabaan ke bal par la.Dii hai.n ye
ilm-e-lissniyaat me.n p.hd hai.n ye
khaate kii in ko fikr na ledger kii fikr hai
nando.n kii Giibate.n hai.n to devar kaa zikr hai
shaadii ke baa'd nuqta banii.n dash ho ga.ii.n
pahle jo check-book thii.n vo ab cash ho ga.ii.n
har naaznii.n kii umr bhii KHufiya account hai
kyaa jaane in kii umr me.n kitnaa amount hai
ye husn kaa KHazaana ko.ii kyaa dabochegaa
Daaku bhii Daaka Daalne se pahle sochegaa
naakaara shauharo.n ko bhii debit karaa.ii.e
nisvaaniyat yahaa.n se credit karaa.ii.e

Khalid Irfan

Nazm

chhuara dekhna

hai kisii tifl-e-muhaajir kii tarah sahmaa hu.aa
'KHaalid-e-irfaa.n' kii shaadii kaa chhu.aaraa dekhnaa

Khalid Irfan

Nazm

dar-madh-am

dil ne kahaa ki KHair tujhe kyaa javaab duu.n
jab ash.hab-e-qalam hii tiraa be-lagaam hai

Khalid Mahmood

Nazm

aurat

lazzat-e-diid se dekhoge machal jaa.oge
aag huu.n haath lagaa.oge to jal jaa.oge
mom patthar ko banaa duu.n vo asar rakhtii huu.n
paa.nv sho.alo.n pe to talvaar pe sar rakhtii huu.n
ye bahaare.n ye uma.nge.n ye masarrat ye shabaab
ye shafaq-ra.ng manaazir ye shaguufe ye gulaab
ye navaazish ye inaayaat kahaa.n paa.oge
rab se baKHshii hu.ii sauGaat kahaa.n paa.oge
merii zulfo.n hii kii barsaat se sairaab ho tum
phuul kii tarah mire saa.e me.n shaadaab ho tum
ye bhii sach hai ki bayaabaa.n me.n gulistaa.n huu.n mai.n
muztarib ruuh kii taskiin kaa saamaa.n huu.n mai.n
muKHtasar ye ki mujhe pyaar se paa sakte ho
tum mire dil ke gulistaan me.n aa sakte ho
gar mirii zaat kaa irfaan tumhe.n mil jaa.e
ye zamii.n kyaa hai aasmaan tumhe.n mil jaa.e
haisiyat kyaa hai mirii aur haqiiqat kyaa hai
mai.n bataatii huu.n tumhe.n merii faziilat kyaa hai
ek aadam ke alaava ko.ii insaan na thaa
mai.n na hotii to tumhaaraa ko.ii imkaan na thaa

Asad Rizvi

Load More

Search

ENG

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

Speak Now