Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "izn"

Nazm MATCHES FOR "izn"

Nazm

bhali si ek shakl thi

na muddato.n judaa rahe
na saath sub.h-o-shaam ho
na rishta-e-vafaa pe zid
na ye ki izn-e-aam ho

Ahmad Faraz
Nazm

shikast-e-tauba

saaqii kii har nigaah pe bal khaa ke pii gayaa
lahro.n se kheltaa hu.aa lahraa ke pii gayaa
be-kaifiyo.n ke kaif se ghabraa ke pii gayaa
tauba ko to.D-taa.D ke tharraa ke pii gayaa
zaahid! ye terii shoKHii-e-rindaana dekhnaa
rahmat ko baato.n baato.n me.n bahlaa ke pii gayaa
sar-mastii-e-azal mujhe jab yaad aa ga.ii
duniyaa-e-e'tibaar ko Thukraa ke pii gayaa
aazurdagii-e-KHaatir-e-saaqii ko dekh kar
mujh ko ye sharm aa.ii ki sharmaa ke pii gayaa
ai rahmat-e-tamaam mirii har KHataa mu.aaf
mai.n intihaa-e-shauq me.n ghabraa ke pii gayaa
piitaa baGair izn ye kab thii mirii majaal
dar-parda chashm-e-yaar kii shah paa ke pii gayaa
us jaan-e-mai-kada kii qasam baarhaa 'jigar'
kul aalam-e-basiit pe mai.n chhaa ke pii gayaa

Jigar Moradabadi
Nazm

kar gae kuch kahan

jab bhii gaa.egii ko.ii Gairat-e-naahiid Gazal
sab ko aa.egaa nazar sho.ala-e-aavaaz me.n tuu
jab bhii saaqii ne suraahii ko diyaa izn-e-KHiraam
bazm kii bazm pukaaregii ki aaGaaz me.n tuu

Ahmad Faraz
Nazm

tumhein kya

tumhe.n kyaa
zindagii jaisii bhii hai
tum ne us ke har adaa se rang kii mauje.n nicho.Dii hai.n
tumhe.n to TuuT kar chaahaa gayaa chehro.n ke mele me.n
mohabbat kii shafaq barsii tumhaare KHaal-o-KHad par
aa.ine chamke tumhaarii diid se
KHushbuu tumhaare pairahan kii har shikan se
izn le kar har taraf vahshat luTaatii thii
tumhaare chaahne vaalo.n ke jhurmuT me.n
sabhii aa.nkhe.n tumhaare aariz-o-lab kii kaniize.n thii.n
tumhe.n kyaa
tum ne har mausam kii shah-e-rag me.n u.nDele zaa.iqe apne
tumhe.n kyaa
tum ne kab sochaa
ki chehro.n se aTii duniyaa me.n tanhaa saa.ns letii
haa.nptii raato.n ke be-ghar ham-safar
kitnii mashaqqat se garebaan-e-sahar ke chaak siite hai.n
tumhe.n kyaa
tum ne kab sochaa
ki tanhaa.ii ke jangal me.n
siyah lamho.n kii chubhtii kirchiyo.n se kaun khelaa hai
tumhe.n kyaa
tum ne kab sochaa
ki chehro.n se aTii duniyaa me.n
kis kaa dil akelaa hai

Mohsin Naqvi
Nazm

man tere jaane ke baad

tuu to baaG-e-KHuld me.n mehmaan-e-yazdaa.n ho ga.ii
aur yahaa.n par merii duniyaa pal me.n viiraa.n ho ga.ii
daf.atan izn-e-safar par KHalaq hairaa.n ho ga.ii
zindagii bhii ek lamha ko pareshaa.n ho ga.ii
ghar me.n KHaamoshii kaa Deraa maa.n tire jaane ke baa'd
dam ghuTaa jaataa hai meraa maa.n tire jaane ke baa'd

Shahnaz Parveen Shazi
Nazm

jashn-e-id

ba-naam-e-izn-e-takallum ba-naam-e-jabr-e-sukuut
kisii ne ho.nT chabaa.e kisii ne giit bune

Shakeb Jalali
Nazm

teri hansi

falak kaa ek taqaazaa thaa ibn-e-aadam se
sulag sulag ke rahe aur palak jhapak na sake
taras rahaa ho fazaa kaa muhiib sannaaTaa
siDaul paa.nv kii paa.el magar chhanak na sake
kalii ke izn-e-tabassum ke saath shart ye hai
ki der tak kisii aaGosh me.n mahak na sake

Mustafa Zaidi
Nazm

hashr ki subh daraKHshan ho maqam-e-mahmud

raat daa.Dhii ke a.ndhere se takalluf barte
arsh ke saamne rusvaa.ii kii gardan na uThe
izn-e-sajda pe kamar taKHta na ho jaa.e kahii.n
khokhle lafzo.n me.n lohaa to nahii.n bhar sakte
saika.Do.n saal kii tabliiG ke chaaliis samar
kashtii ban jaa.e to tannuur se paanii uble
saalhaa-saal se aaraam natiija matluub
tiin-sau-saaTh sanam KHaana-e-ka.aba se chale
reg-zaaro.n me.n Gubaar aur khajuurii saa.e
uu.nT kii aa.nkh me.n tash.hiir hu.aa dard-e-safar
ko.ii 'hi.nda' se kahe daa.nt kahaa.n hai.n tere
fat.h-e-makka se magar log hidaayat paa.e.n
KHuun jam jaa.e jo naalain me.n chalte chalte
arsh kii aa.nkh se rahmat kaa samundar uble
jibra.iil apnii hai.at me.n hai.n numaa.ish-manzar
paa.nv paataal me.n sar charKH se Takraa.e kahii.n
par jo khole to har ik samt pe parde laTke.n
aur jaltaa hu.aa suuraj abhii kho jaa.e kahii.n
qaafila aayaa hai 'buu-bakr' se mansuub magar
maal taqsiim hu.aa daaman-e-haajat-ma.nda.n
nuur ka.ndhe pe uThaa.e shab-e-hijrat ke safiir
Gaar me.n saath rahe paas hii paivand hu.e
masjid-e-nabvii me.n ambaar-e-Ganiimat raushan
log rote hu.e nikle hai.n pareshaa.n-manzar
raushnii pahu.nchii 'abuu-jahl' kii diivaaro.n tak
ghar kii taariikii me.n rasta na bane biinaa.ii
pe.D ke saa.e kii pahchaan yahuudii raahib
ruk gayaa aab-e-ravaa.n beva ke darvaaze par
dast-e-zohraa me.n nishaanaat ayaa.n chakkii se
ilm ke baab 'alii' umr me.n sab se chhoTe
chaa.nd kaa naam tire chaak-garebaano.n me.n
mubtadii Dhuu.nDte hai.n masjid-e-aqsaa me.n imaam
sidrat-ul-muntahaa jibriil ijaazat maa.nge
kaun thaa kis ne pukaaraa ki chale bhii aa.o
kaun maujuud thaa pahle se vahaa.n kaun gayaa
kaun suntaa thaa vahaa.n kis ne pukaaraa kis ko
kis kii aavaaz kii tanviir se aalim chamke
sar-bulandii thii muqaddar me.n qalam se pahle
bakriyaa.n kaun 'haliima' kii charaane jaa.e
'aamina' batn se iz.haar hai aadam kaa uruuj
mujtam.a kis ne kiyaa logo.n ko parbat ke qariib
kis ne lalkaaraa zalaalat ko musalsal tanhaa
jau kii roTii kabhii mil jaa.e kabhii faaqa-kashii
bhuuk se peT pe patthar kabhii baa.ndhe kis ne
tiin-sau-terah kii ta.adaad hai kis gintii me.n
fikr pe daa.era-kun KHandaqe.n khodii jaa.e.n
duur kii dhuup me.n hai faisla-kun rah-e-tabuuk
'ha.nzala' saamne aa jaa.e.n jo chhaT jaa.e Gubaar
mai.n ne pahu.nchaa diyaa tum tak jo mujhe pahu.nchaa thaa
mai.n ne pahu.nchaa diyaa tum tak jo mujhe pahu.nchaa thaa
mai.n ne pahu.nchaa diyaa tum tak jo mujhe pahu.nchaa thaa
ko.ii pardesii hai KHeme pe pareshaa.n-surat
aur 'faaruuq' chale biivii ko ham-raah liye
faasle to.D kar aavaaz ke saa.e phaile
haakim-e-vaqt kaa kurtaa ka.ii paivand lagaa
bakriyaa.n jis se sambhaalii nahii.n jaatii.n thii.n kabhii
nisf duniyaa pe KHilaafat ke alam lahraa.e
yaad hai saahibo KHaibar ko ukhaa.Daa kis ne
kis kii talvaar thii aa.iina zamaane ke liye
kis ne zarKHez shujaa.at ke sitaare bo.e
jaan dii jaavedaa.n lamhaat tilaavat mashGuul
KHuun ke dhabbe hai.n qur.aan pe taabinda nazar

Adil Mansuri
Nazm

nae KHake

hayaat-e-giitii kii aaj badlii hu.ii nigaahe.n hai.n inqilaabii
ufuq se kirne.n utar rahii hai.n bikhertii nuur-e-kaamyaabii
na.ii sahar chaahtii hai KHvaabo.n kii bazm me.n izn-e-baaryaabii
ye tiirgii kaa hujuum kab tak ye yaas kaa azhdahaam kab tak
nifaaq o Gaflat kii aa.D le kar jiyegaa murda nizaam kab tak
rahe.nge hindii asiir kab tak rahegaa bhaarat Gulaam kab tak

Kaifi Azmi
Nazm

nazr-e-Khaalida

tark-e-uftaada ko tuu ne hii diyaa izn-e-KHiraam
tere hii haatho.n ne chhalkaa.e hai.n aazaadii ke jaam

Asrarul Haq Majaz
Nazm

ajnabi

mai.n musaafir huu.n bayaabaan-e-faraamoshii kaa
apne naqsh-e-kaf-e-paa se bhii shanaasaa.ii nahii.n
taa-ba-pahanaa-e-nazar ret ke Tiilo.n kaa sukuut
apnaa saaya bhii yahaa.n monis-e-tanhaa.ii nahii.n
tiir ban kar ko.ii sannaaTe ke dil me.n utre
kisii maayuus parinde kii sadaa-e-tanhaa
zaKHmii aahuu-e-ramiida kii adaa-e-tanhaa
kaash pal bhar ko utar aataa KHudaa-e-tanhaa
mai.n kisii aazar-e-gumnaam kaa but huu.n shaayad
jis kii qismat me.n ko.ii chashm-e-tamaashaa.ii nahii.n
izn-e-fariyaad nahii.n ruKHsat-e-goyaa.ii nahii.n

Shaz Tamkanat
Nazm

mothers day par

ism-e-aazam
bahut achchhaa hu.aa thaa maa.n ne mirii
sikhlaa diye the ism saare
mujh ko bachpan me.n
tamaam aayaat-e-qur.aanii vaziife aur munaajaate.n
ki jin ke vird se saarii balaa.e.n duur rahtii hai.n
hisaar un kaa har aafat aur musiibat se bachaataa hai
unhii ke hifz se hotii rahii mushkil-kushaa.ii aur masiihaa.ii

Shahnaz Parveen Shazi
Nazm

khel

yaa-rab tire bando.n se qazaa khel rahii hai
ik khel ba-unvaan-e-daGaa khel rahii hai
jis khel ko sarsar ne bhii khelaa na chaman me.n
us khel ko ab baad-e-sabaa khel rahii hai
uljhe hu.e haalaat ke tevar hai.n KHatarnaak
badle hu.e mausam kii havaa khel rahii hai
rindaan-e-tahii-dast sazaa-vaar-e-subuu hai.n!
TuuTii hu.ii tauba se ghaTaa khel rahii hai
laGziida qadam izn-e-KHirad maa.ng rahe hai.n
duzdiida nigaaho.n me.n hayaa khel rahii hai
aura.ng-e-shahii hech hai rindo.n kii nazar me.n
mahlo.n kii bulandii pe qazaa khel rahii hai
ehraam se jubbe se musalle se abaa se
'shorish' mirii be-KHauf navaa khel rahii hai

Shorish kashmiri
Nazm

wazir ka KHwab

jab hu.aa mujh par mulammaa ba.Dh ga.ii kuchh aab-o-taab
Daal lii masruufiyat kii apne chehre par naqaab
mujh se izzat-daar Darte hai.n mai.n huu.n izzat-ma.aab
''ii.n ki mii biinam ba bedaariist yaarab yaa ba KHvaab''
KHud bhii dil me.n soch kar ye baat sharmaataa huu.n mai.n
raaste viiraan ho jaate hai.n jab jaataa huu.n mai.n

Syed Mohammad Jafri
Nazm

dar-madh-am

bole ki raaz-vaaz to kuchh bhii nahii.n hai bas
sunday kii shaam paa.nch baje izn-e-aam hai

Khalid Mahmood
Nazm

yaum-e-azadi

khulaa hai mai-kade kaa dar aur izn-e-aam hai sab ko
vahaa.n par aaj rindo.n kii qataar andar qataar aa.ii

JaiKrishn Chaudhry Habeeb
Nazm

lafzon ka almiya

na.e na.e lafz shor karte
ba.Dhe chale aa rahe hai.n
fikr o KHayaal kii rahguzar aabaad ho rahii hai
zabaa.n bahut sii puraanii had-bandiyo.n se aazaad ho rahii hai
ka.ii fasaane jo an-kahe the ka.ii tasavvur jo be-zabaa.n the
hazaar aalam nashaat o Gam ke jo pahle naa-qaabil-e-bayaa.n the
vo dha.Dkane.n KHaamushii hii jin ke KHarosh-e-pinhaa.n kii tarjumaa.n thii
vo naGmagii jo KHamoshiyo.n ke siyaah zindaa.n me.n par-fishaa.n thii
use ab aaKHir khulii fazaa.o.n me.n izn-e-parvaaz mil gayaa hai
ki ik nayaa rishta darmiyaan-e-KHayaal-o-aavaaz mil gayaa hai
magar mujhe chup sii lag ga.ii hai
na.e na.e lafz shor karte ba.Dhe chale aa rahe hai.n
aur mai.n
hujuum-e-pur-shor me.n akelaa
puraane lafzo.n ko Dhuu.nDtaa huu.n
ye dekhtaa huu.n
jahaa.n jahaa.n kal puraane lafzo.n ne Daal rakkhe the apne Dere
vahaa.n na.e lafz aa ke aabaad ho ga.e hai.n
makaa.n agarche uja.D na paa.e makiin barbaad ho ga.e hai.n
na.e na.e lafz shor karte ba.Dhe chale aa rahe hai.n
lekin
puraane lafzo.n kii paa.emaalii ne dam ba-KHud kar diyaa hai mujh ko
kisii ne sochaa nahii.n hai shaayad magar mai.n aksar ye sochtaa huu.n
puraane lafzo.n ke saath hii ik puraanii duniyaa bhii kho ga.ii hai
KHaamoshiyo.n ke siyaah-zindaa.n me.n jaa ke ruu-posh ho ga.ii hai

Makhmoor Saeedi
Nazm

ye raat hogi tawil kitni

mujhe yaqii.n hai ki kal ke suuraj kii muskuraahaT
zamii.n ke mahruum baasiyo.n ko
na.ii sahar kaa payaam degii
labo.n ko izn-e-kalaam degii
mujhe yaqii.n hai vo din bhii aa.egaa
jab uruus-e-chaman ke qadmo.n kii dhiimii aahaT sunaa.ii degii
bahaar lamho.n kii gungunaahaT sunaa.ii degii
tuyuur chahke.nge baaliyo.n par
gulaab mahke.nge Daaliyo.n par
kabhii to dekhegaa sar uThaa kar
chaman me.n nanhaa saa ko.ii paudaa
kabhii to jhaa.nkegaa baadalo.n kaa haTaa ke ghu.nghaT
kahii.n ye chhoTaa saa ik sitaaraa
kabhii to niklegaa chaa.nd puuraa
ye ghar ye aa.ngan chamak uThegaa
har ek chehra damak uThegaa

Firoz Natiq Khusro
Nazm

jazb-e-ghairat

vafaa kaa zauq diyaa hai tirii mohabbat ne
dilo.n ko fat.h kiyaa jazba-e-sharaafat ne
tirii hayaa se taqaddus hai aadamiyat kaa
kiyaa hai tujh ko sar-afraaz jazb-e-Gairat ne
chaman me.n jis se hai izn-e-shaguft-e-Guncha-o-gul
gudaaz qalb vo baKHshaa hai tujh ko qudrat ne
bahut hii kam hai.n vo shaa.ista-e-nazar jin ko
KHiraaj-e-shauq diyaa zindagii kii azmat ne
har ek be-kas-o-mazluum kii himaayat kaa
tujhe shu.uur diyaa hai KHudaa kii rahmat ne
faroG-e-bazm-e-suKHan terii sarparastii se
adab shanaas kiyaa hai tirii aqiidat ne
shaguftagii dil-e-barbaad ko ataa kii hai
tire KHayaal tire yaad kii lataafat ne

Masood Akhtar Jamal
Nazm

pas-e-taqrib-e-mulaqat

yaad rah jaa.egii is sehn ko ye shaam-e-fusuu.n
jal ga.ii thii.n ka.ii an-dekhii suhaanii sham.e.n
lau saa de uTThaa thaa maahaul tire aane kaa
chhaa gayaa thaa dar-o-diivaar pe vo partav-e-ra.ng
jaise maaKHuuz ho.n lamhe kisii afsaane se
chho.D jaa.egaa vahii narm kasak phir dil me.n
jis se shaadaab hai muddat se miraa zauq-e-talab
aaj taqriib me.n ye tarz-e-mulaaqaat tiraa

Abdul Ahad Saaz
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now