Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "jaah"

Nazm MATCHES FOR "jaah"

Nazm

daraKHt-e-zard

ye ka.DvaahaT kii baate.n hai.n miThaas in kii na puuchho tum
nam-e-lab ko tarastii hai.n so pyaas in kii na puuchho tum
ye ik do jur.o.n kii ik chuhl hai aur chuhl me.n kyaa hai
avaamunnaas se puuchho bhalaa al-kuhl me.n kyaa hai
ye ta.an-o-tanz kii harza-saraa.ii ho nahii.n saktii
ki merii jaan mere dil se rishta kho nahii.n saktii

Jaun Eliya
Nazm

nai tahzib

guzishta azmato.n ke tazkire bhii rah na jaa.e.nge
kitaabo.n hii me.n dafn afsaana-e-jaah-o-hasham ho.nge

Akbar Allahabadi
Nazm

mere bhi hain kuchh KHwab

ai ishq-e-azal-giir o abad-taab mere bhii hai.n kuchh KHvaab
mere bhii hai.n kuchh KHvaab
us daur se is daur ke suukhe hu.e dariyaa.o.n se
phaile hu.e sahraa.o.n se aur shahro.n ke viiraano.n se
viiraana-garo.n se mai.n hazii.n aur udaas!
ai ishq-e-azal-giir o abad-taab
mere bhii hai.n kuchh KHvaab!
ai ishq-e-azal-giir o abad-taab mere bhii hai.n kuchh KHvaab
mere bhii hai.n kuchh KHvaab
vo KHvaab ki asraar nahii.n jin ke hame.n aaj bhii ma.aluum
vo KHvaab jo aasuudgii-e-martaba-o-jaah se
aaluudgii-e-gard-e-sar-e-raah se ma.asuum
jo ziist kii be-huuda kashaakash se bhii hote nahii.n ma.aduum
KHud ziist kaa mafhuum!

Noon Meem Rashid
Nazm

zalzala

ek shab halkii sii jumbish mujhe mahsuus hu.ii
mai.n ye samjhaa mire shaano.n ko hilaataa hai ko.ii
aa.nkh uThaa.ii to ye dekhaa ki zamii.n hiltii hai
jis jagah shai ko.ii rakkhii hai vahii.n hiltii hai
sahn-o-diivaar kii jumbish hai to dar hilte hai.n
baahar aayaa to ye dekhaa ki shajar hilte hai.n
ko.ii shai jumbish-e-paiham se nahii.n hai mahruum
ek taaqat hai pas-e-parda magar naa-maaluum
chand lamhe bhii ye naira.ngii-e-aalam na rahii
zalzala KHatm hu.aa jumbish-e-paiham na rahii
hairat-e-diid se a.ngusht-ba-dandaa.n thaa mai.n
shaahid-e-jalva-e-qahhaarii-e-yazdaa.n thaa mai.n
daf.atan ek sadaa aah-o-fuGaa.n kii aa.ii
mere allaah ye gha.Dii kis pe musiibat laa.ii
gul kiyaa zalzala-e-qahr ne kis ghar kaa charaaG
kis pe Dhaayaa ye sitam kis ko diyaa hijr kaa daaG
jaa ke nazdiik ye nazzaara-e-hirmaa.n dekhaa
ek hasiina ko ba-sad haal-e-pareshaa.n dekhaa
baizavii shakl me.n the husn ke jalve pinhaa.n
aa.nkh me.n sehr bharaa thaa magar aa.nsuu the ravaa.n
mai.n ne ghabraa ke ye puuchhaa ki ye haalat kyuu.n hai
terii hastii hadaf-e-ra.nj-o-musiibat kyuu.n hai
bolii ai shaa.er-e-ra.ngiin-tabii.at mat puuchh
roz-o-shab dil pe guzartii hai qayaamat mat puuchh
log duniyaa ko tirii mujh ko zamii.n kahte hai.n
ahl-e-zar mujh ko mohabbat me.n hasii.n kahte hai.n
mai.n unhii.n husn-parasto.n kii huu.n ta.Dpaa.ii hu.ii
tujh se kahne ko ye raaz aa.ii huu.n ghabraa.ii hu.ii
zar-parasto.n se hai.n bad-dil mirii duniyaa ke Gariib
hai.n giraftaar-e-salaasil mirii duniyaa ke Gariib
mujh se ye taaza balaa.e.n nahii.n dekhii jaatii
zaalimo.n kii ye jafaa.e.n nahii.n dekhii jaatii.n
chaahtii huu.n mire ushshaaq me.n kuchh farq na ho
muft me.n kashtii-e-ehsaas-e-vafaa Garq na ho
ek vo jis ko mayassar ho.n imaaraat-o-naqiib
ek vo jis ko na ho phuu.ns kaa chhappar bhii nasiib
saahab-e-daulat-o-zii-rutba-o-zardaar ho ek
be-navaa Gam-zada-o-bekas-o-laachaar ho ek
ek muKHtaar ho, aura.ng-e-jahaa.nbaanii kaa
ik muraqqa.a ho Gam-o-ra.nj-o-pareshaanii kaa
saKHt nafrat hai mujhe apne parastaaro.n se
chhiin lete hai.n mujhe mere talab-gaaro.n se
chiira-dastii kaa miTaa detii hai.n sab jaah-o-jalaal
haif-sad-haif ki haa.il hai Gariibo.n kaa KHayaal
ye na hote to dikhaatii mai.n qayaamat kaa samaa.n
ye na hote to miTaatii mai.n Guruur-e-insaa.n
ek karvaT me.n badal detii nizaam-e-aalam
ik ishaare hii me.n ho jaatii hai ye mahfil barham
ik tabassum se jahaa.n barq-ba-daamaa.n hotaa
na ye aaraa.ishe.n hotii.n na ye saamaa.n hotaa
har adaa puuchhtii sarmaaya-parasto.n ke mizaaj
kuchh to farmaa.iye hazrat ki hai.n kis haal me.n aaj
lakh-pati sa.nkh-patii be-sar-o-saamaa.n hote
jaan bach jaa.e bas is baat ke KHvaahaa.n hote
barsar-e-KHaak nazar aate hai.n qasr-o-aivaa.n
ashk-e-KHuunii.n se mire aur bhii uThte tuufaa.n
merii aaGosh me.n sab ahl-e-sitam aa jaate
mere bartaav se bas naak me.n dam aa jaate
ba.az ke mu.nh Gam-e-aalaam se kaale kartii
ba.az ko maut kii devii ke havaale kartii
KHuun-e-zardaar hii mazduur kii mazduurii hai
mai.n jo KHaamosh huu.n ye baa.is-e-majbuurii hai
merii aaGosh me.n jaabir bhii hai.n majbuur bhii hai.n
mere daaman hii se vaabasta ye mazduur bhii hai.n
zabt kartii huu.n jo Gam aataa hai sah jaatii huu.n
josh aataa hai magar kaa.np ke rah jaatii huu.n

Shakeel Badayuni
Nazm

sayyad se aaj hazrat-e-waiz ne ye kaha

sayyad se aaj hazrat-e-vaa.iz ne ye kahaa
charchaa hai jaa-ba-jaa tire haal-e-tabaah kaa
samjhaa hai tuu ne nature o tadbiir ko KHudaa
dil me.n zaraa asar na rahaa laa-ilaah kaa
ho tujh se tark-e-saum-o-salaat-o-zakaat-o-haj
kuchh Dar nahii.n janaab-e-risaalat-panaah kaa
shaitaan ne dikhaa ke jamaal-e-uruus-e-dahr
banda banaa diyaa hai tujhe hubb-e-jaah kaa
us ne diyaa javaab ki maz.hab ho yaa rivaaj
raahat me.n jo muKHil ho vo kaa.nTaa hai raah kaa
afsos hai ki aap hai.n duniyaa se be-KHabar
kyaa jaaniye jo rang hai shaam-o-pagaah kaa
europe kaa pesh aa.e agar aap ko safar
guzre nazar se haal re.aayaa-o-shaah kaa
vo aab-o-taab-o-shaukat-e-aivaan-e-khusravii
vo mahakmo.n kii shaan vo jalva sipaah kaa
aa.e nazar uluum-e-jadiidah kii raushnii
jis se KHajil ho nuur ruKH-e-mehr-o-maah kaa
daavat kisii amiir ke ghar me.n ho aap kii
kam-sin miso.n se zikr ho ulfat kaa chaah kaa
nau-KHez dil-fareb gul-andaam naaznii.n
aariz pe jin ke baar ho daaman nigaah kaa
rukiye agar to ha.ns ke kahe ik but-e-hasii.n
sun maulvii ye baat nahii.n hai gunaah kaa
us vaqt qibla jhuk ke karuu.n aap ko salaam
phir naam bhii huzuur jo le.n KHaanqaah kaa
patluun-o-koT-o-ba.ngla-o-biscuit kii dhun ba.ndhe
saudaa janaab ko bhii ho turkii kulaah kaa
mimbar pe yuu.n to baiTh ke goshe me.n ai janaab
sab jaante hai.n va.az savaab-o-gunaah kaa

Akbar Allahabadi
Nazm

husul-e-azadi ki diqqaten

hind kaa aazaad ho jaanaa ko.ii aasaa.n nahii.n
dekhnaa tum ko abhii kyaa kyaa dikhaayaa jaa.egaa
dekhnaa tum se abhii kitne kiye jaa.e.nge makr
kis tarah tum ko abhii chakkar me.n laayaa jaa.egaa
tum me.n Daalaa jaa.egaa ik saKHt o naazuk tafraqa
tum ko shah de de ke aapas me.n la.Daayaa jaa.egaa
peshvaayaan-e-mazaahib ko mile.ngii rishvate.n
Dho.ng tabliiG aur shuddhii kaa rachaayaa jaa.egaa
dharm rakshaa ke liye tum se liye jaa.e.nge ahd
tum ko maz.hab apnaa KHatre me.n dikhaayaa jaa.egaa
leadero.n se ho.nge va.ade KHil.at-o-in.aam ke
qillat o kasrat kaa ha.ngaama uThaayaa jaa.egaa
tum ko parvaana ataa hogaa KHitaab o jaah kaa
tum ko ohde de ke laalach me.n pha.nsaayaa jaa.egaa
gar ye tadbiire.n muqaddar se na raas aa.e.n to phir
duusrii suurat se tum ko Dagmagaayaa jaa.egaa
intihaa.ii barbariyat se liyaa jaa.egaa kaam
band kar ke tum ko jailo.n me.n sa.Daayaa jaa.egaa
daana-paanii kar diyaa jaa.egaa bilkul tum pe band
tum ko bhuuko.n maar ke qabze me.n laayaa jaa.egaa
garm lohe se tumhaare jism daaGe jaa.e.nge
tum ko ko.De maar kar ulluu banaayaa jaa.egaa
jaa.edaade.n sab tumhaarii zabt kar lii jaa.e.ngii
baal-bachcho.n par tumhaare zulm Dhaayaa jaa.egaa
baavajuud us ke bhii tum qaa.em rahe zid par agar
be-ta.ammul tum ko phaa.nsii par cha.Dhaayaa jaa.egaa
is tarah bhii tum agar laa.e na abruu par shikan
sar tumhaare paa.nv par aaKHir jhukaayaa jaa.egaa

Ahmaq Phaphoondvi
Nazm

darbar1911

dekh aa.e ham bhii do din rah ke dehlii kii bahaar
hukm-e-haakim se hu.aa thaa ijtamaa-e-intishaar
aadmii aur jaanvar aur ghar muzayyan aur machine
phuul aur sabza chamak aur raushnii rail aur taar
kerosene aur barq aur petroleum aur tarpin
motor aur airplane aur jamghaTe aur eqtidaar
mashriqii patluu.n me.n thii KHidmat-guzaarii kii uma.ng
maGribii shaklo.n se shaan-e-KHud-pasandii aashkaar
shaukat-o-iqbaal ke markaz huzuur-e-emperor
ziinat-o-daulat kii devii empress aalii-tabaar
bahr-e-hastii le rahaa thaa be-dareG a.ng.Daa.iyaa.n
thames kii amvaaj jamunaa se hu.ii thii.n ham-kanaar
inqilaab-e-dahr ke ra.ngiin naqshe pesh the
thii pa.e-ahl-e-basiirat baaG-e-ibrat me.n bahaar
zarre viiraano.n se uThte the tamaashaa dekhne
chashm-e-hairat ban ga.ii thii gardish-e-lail-o-nahaar
jaame se baahar nigaah-e-naaz-e-fattaahaan-e-hind
hadd-e-qaanuunii ke andar honorablo.n kii qataar
KHarch kaa total dilo.n me.n chuTkiyaa.n letaa hu.aa
fikr-e-zaatii me.n KHayaal-e-qaum Gaa.eb fil-mazaar
daavate.n in.aam speache.n qavaa.id fauj camp
izzate.n KHushiyaa.n ummiide.n ehtiyaate.n e'tibaar
pesh-rau shaahii thii phir his-highness phir ahl-e-jaah
ba.ad is ke shaiKH saahab un ke piichhe KHaaksaar

Akbar Allahabadi
Nazm

shahar-e-yaran

aasmaa.n kii god me.n dam to.Dtaa hai tifl-e-abr
jam rahaa hai abr ke ho.nTo.n pe KHuu.n-aaluud kaf
bujhte bujhte bujh ga.ii hai arsh ke hujro.n me.n aag
dhiire dhiire bichh rahii hai maatamii taaro.n kii saf
ai sabaa shaayad tire ham-raah ye KHuu.n-naak shaam
sar jhukaa.e jaa rahii hai shahr-e-yaaraa.n kii taraf
shahr-e-yaaraa.n jis me.n is dam Dhuu.nDhtii phirtii hai maut
sher-dil baa.nko me.n apne tiir-o-nashtar ke hadaf
ik taraf bajtii hai.n josh-e-ziist kii shahnaa.iyaa.n
ik taraf chi.nghaa.Dte hai.n ahrman ke tabl-o-daf
jaa ke kahnaa ai sabaa ba.ad-az-salaam-e-dostii
aaj shab jis dam guzar ho shahr-e-yaaraa.n kii taraf
dasht-e-shab me.n is gha.Dii chup-chaap hai shaayad ravaa.n
saaqii-e-sub.h-e-tarab naGma-ba-lab saaGar-ba-kaf
vo pahu.nch jaa.e to hogii phir se barpaa anjuman
aur tartiib-e-maqaam-o-mansab-o-jaah-o-sharaf

Faiz Ahmad Faiz
Nazm

hum

ham aise mohre
jinhe.n iraade diye ga.e hai.n
ye jan kii taufiiq par hade.n hai.n
jinhe.n tamannaa ke rang dikhlaa diye ga.e hai.n
magar vasiilo.n par qadGane.n hai.n
jinhe.n mohabbat ke Dha.ng sikhlaa diye ga.e hai.n
pa dast-o-paa me.n salaasil-e-nau bano
to gardan me.n tauq pahnaa diye ga.e hai.n

Zia Jalandhari
Nazm

shikwa-e-muKHtasar

mujhe shikva nahii.n un saahibaan-e-jaah-o-sarvat se
nahii.n aatii mire hissa me.n jin kii ek bhii paa.ii

Asrarul Haq Majaz
Nazm

tarana-e-qaumi

marhabaa ai KHaak-e-paak-e-kishvar-e-hindostaa.n
yaadgaar-e-ahd-e-maazii hai tuu ai jaan-e-jahaa.n
kaise kaise auliyaa guzre aur qutub-e-zamaa.n
jin ke qadmo.n ne banaayaa hai tujhe jannat-nishaa.n
raushnii se tere phailaa hai ujaalaa har taraf
teraa duniyaa me.n rahaa hai bol-baalaa har taraf

Safeer Kakorvi
Nazm

mera watan

dil-rubaa laala ho fazaa terii
mujh ko bhaa.ii na ik adaa terii
lutf se ba.Dh ke hai jafaa terii
vaah-re hindostaa.n vafaa terii
mai.n na maanuu.n kabhii tiraa kahnaa
mai.n na baKHshuu.n kabhii KHataa terii
bar-tar-az-KHaar hai tiraa gulshan
zahr se kam nahii.n havaa terii
KHaalii-az-kaifiyat tirii har chiiz
baat har ek be mazaa terii
dard-e-dil me.n ta.Dap ke mar jaa.uu.n
mai.n na Dhuu.nDuu.n kabhii shifaa terii
kaun sii baat terii lutf-aamez
kaun sii chiiz dil-kushaa terii
tujh ko jannat-nishaan kahte hai.n
ham jahannam kii jaan kahte hai.n
tujh ko kas baat par hai naaz bataa
kyaa nahii.n aur mulk tere sivaa
terii aab o havaa latiif sahii
tujh se ba.Dh kar spain kaa KHitta
tujh ko apnii zamiin kaa hai ghamanD
tujh se afzal kahii.n hai america
hasan par apne naaz hai tujh ko
hasan tujh se sivaa etaaliyaa kaa
tujh ko ga.ngaa kaa apnii dhokaa hai
tuu ne dekhaa nahii.n hai siin ko jaa
mausiiqii par tujhe hai naaz bahut
is me.n juz dard-o-Gam dharaa hai kyaa
falsafa teraa agle vaqto.n kaa
falsafa dekh jaa ke europe kaa
tujh me.n phir aan kyaa rahii baaqii
terii mahfil na kuchh na kuchh saaqii
haa.n muravvat kaa tujh me.n naam nahii.n
haa.n uKHuvvat kaa tujh me.n naam nahii.n
tujh se bad-naam ishq saa ustaad
aur mohabbat kaa tujh me.n naam nahii.n
aashtii siikhe tujh se aa ke ko.ii
haa.n KHusuumat kaa tujh me.n naam nahii.n
terii har baat me.n safaa.ii hai
aur kuduurat kaa tujh me.n naam nahii.n
tujh ko aur hurriyat se kyaa nisbat
is zaruurat kaa tujh me.n naam nahii.n
shaad hai.n taire apne begaane
aur shikaayat kaa tujh me.n naam nahii.n
terii tahziib tujh ko maujib-e-faKHr
haa.n jahaalat kaa tujh me.n naam nahii.n
baat duniyaa se hai judaa terii
vaah ai hindostaa.n adaa terii
tere rasm-o-rivaaj ne maaraa
is maraz ke ilaaj ne maaraa
terii Gairat nai kar diyaa barbaad
KHaandaano.n ke laaj ne maaraa
kyaa kare.n har gha.Dii yahii hai fikr
roz kii ehtiyaaj ne maaraa
aa.e din call kaa hai zikr-azkaar
ik zaraa se anaaj ne maaraa
aur sab par vabaa kaa ik turra
is anokhe KHiraaj ne maaraa
baKHt bargashta aarzu.e.n bahut
havas-e-siim-o-aaj nai maaraa
na kare.n kaam kuchh to khaa.e.n kyaa
roz ke kaam-kaaj ne maaraa
tuu to rahne kaa kuchh maqaam nahii.n
tujh me.n insaaniyat kaa naam nahii.n
qaid tuu ne kiyaa hasiino.n ko
mah-jabiino.n ko naazniino.n ko
zevar-e-ilm se rakhaa aarii
tuu ne qudrat ke in nagiino.n ko
iKHtiyaar o pasand kii ai hind
kyaa zaruurat na thii hasiino.n ko
KHuub pahchaanii tuu ne qadr in kii
KHuub samjhaa tuu in KHaziino.n ko
ku.e.n jha.nkvaa.e naazniino.n se
zahr khilvaayaa mah-jabiino.n ko
Duube jaate hai.n kaun aa ke bachaa.e
bahr-e-hastii ke in safiino.n ko
tuu makaa.n thaa makaan ho ke diyaa
KHauf-e-aaraam in makiino.n ko
tujh pe tahziib ta.an kartii hai
tujh pe ilzaam KHalq dhartii hai
aarzuu hai tujhe hukuumat kii
jaah-o-sarvat kii shaan-o-shaukat kii
kyuu.n na ho tujh me.n himmat-e-aalii
dhuum har suu hai terii jur.at kii
to ne kasb-e-funuun-e-ja.ng kiyaa
sab me.n shohrat hai terii quvvat kii
qasme.n khaate hai.n log duniyaa me.n
terii millat tirii uKHuvvat kii
mulk-daarii me.n mulk-giirii me.n
vaah kyaa paidaa qaabiliyyat kii
tuu to ustaad se bhii ba.Dh niklaa
hairat-a.ngez tuu ne mehnat kii
aap aalam me.n tuu hai apnii misaal
aadamiyyat kii aur shujaa.at kii
ham-sarii kii kasii ko taab nahii.n
tiraa aafaaq me.n javaab nahii.n
daaG dil ke kise dikhaa.e.n ham
aisaa mushfiq kahaa.n se laa.e.n ham
dil me.n hai apne ham-nashii.n ik roz
aap ro kar tujhe rulaa.e.n ham
is tabii.at ko kas tarah bahlaa.e.n
dil ko kis chiiz se lagaa.e.n ham
kab talak roz ke kahe.n sadme
kab talak aafate.n uThaa.e.n ham
zahr kyuu.n ai falak na ham khaa le.n
jii se apne guzar na jaa.e.n ham
jo shikaayat ho kyuu.n na lab par aa.e
ek dukh ho use chhupaa.e.n ham
ai tamaddun ke raahat-o-aaraam
haa.e kas tarah tum ko paa.e.n ham
log uThaate hai.n zindagii ke maze
ham uThaate hai.n naa-KHushii ke maze

Meer Syed Nazeer Husain Nashad
Nazm

tamasha-gah-e-lala-zar

tamaashaa-gah-e-laala-zaar
magar nauha-KHvaanii kii ye sargiraanii kahaa.n tak?
ki manzil hai dushvaar Gam se Gam-e-jaavedaa.n tak!
vo sab the kushaada-dil o hosh-ma.nd o parastaar-e-rabb-e-kariim
vo sab KHair ke raah-daa.n raah-shanaas
hame.n aaj mohsin-kush o naa-sipaas
vo shaahanshahaan-e-aaziim
vo pindaar-e-rafta kaa jaah-o-jalaal-e-qadiim
hamaarii haziimat ke sab be-bahaa taar-o-puu the
fanaa un kii taqdiir ham un kii taqdiir ke nauhagar hai.n
usii kii tamannaa me.n phir sogvaar
tamaashaa-gah-e-laala-zaar!

Noon Meem Rashid
Nazm

agar KHuda mil gaya mujhko

ye sochtaa huu.n jo
KHudaa kabhii diidaar baKHshegaa
aur apne fazl se degaa ijaazat maa.ngne kii kuchh
to na dastaar-o-qabaa na jibh-o-KHirqa
na daulat na mahal na sar pe taaj maa.nguu.ngaa
na ohda-o-mansab na ko.ii jaah-o-jalaal
na ilm-o-aagahii na masnad na eqtidaar maa.nguu.ngaa
faraavaanii Gam se najaat na faariG-ul-baalii
na sehat na shifaa na achchhii maut maa.nguu.ngaa
na takmiil-e-aarzuu kii du.aa na nafs-e-mutma.inna kii
na umr-e-KHizr na shohrat na KHvaab kii ta.abiir maa.nguu.ngaa
na dushmano.n ke zarar se na shar se dosto.n ke
na kibr-sinii na zo.af na laachaarii se panaah maa.nguu.ngaa
na duniyaa jahaan kii KHushiyaa.n na shaan-o-shaukat hii
na KHush-nasiibii na dil kaa chain na sukuun-e-ruuh maa.nguu.ngaa
na KHush-gavaar raate.n na tuul-e-shabaab na nii.nd na aaGosh-e-mahbuub
na saamaan-e-aish-o-tarab na huur-o-qusuur maa.nguu.ngaa
na rusvaa.ii se bachne kii na izzat aabruu kii KHvaahish hai
na shohrat-o-maqbuuliyat na achchhii image maa.nguu.ngaa
na qarz ke bojh na KHauf na dahshat se
na kisii ke jabr se na zulm se hifaazat kii du.aa maa.nguu.ngaa
ab aap sochte ho.nge
ki ye baavlaa ye diivaana ye paagal shaKHs
na jaane aaKHir KHudaa se kyaa maa.ngegaa
so mire hamdam mire dosto mire yaaro
zaraa qariib aa.o aa.o bataa.uu.n raaz tumhe.n dukhii dil kaa
mai.n KHudaa-e-qaadir-e-mutlaq rahiim-o-akram se
junuun-e-mazhabii ke KHaatme aur amn kii fazaa maa.nguu.ngaa

Abu Bakr Abbad
Nazm

naya sal

ye jaah aur iqbaal tum ko mubaarak
ye raahat-fazaa saal tum ko mubaarak
hame.n to hai pichhle hii barso.n kaa ronaa
na.e ho nayaa saal tum ko mubaarak

Syed Husain Ali Jafri
Nazm

kya KHabar thi

kyaa KHabar thii riyaasat-e-islaam
mujrmo.n kii panaah bhii hogii
kyaa KHabar thii ye adl kii jaagiir
rahm kii qatl-gaah bhii hogii
paa.e.nge dushmanaan-e-dii.n e.azaaz
qaatilo.n kii rifaah bhii hogii
zulm ke haath me.n asaa hogaa
aur sar par kulaah bhii hogii
jahl paa.egaa ilm par sabqat
aur KHirad gard-e-raah bhii hogii
a.alaa ohdo.n pe ho.nge sab naa-ahl
tang-nazarii athaah bhii hogii
ghaat me.n hogii fauj apnii bhii
dushmano.n kii sipaah bhii hogii
baadshah ke jo giit gaa.e.nge
un kii jaanib nigaah bhii hogii
jo likhegaa qasiida-e-shaahii
us ko taa.iid-e-shaah bhii hogii
jurm ho jaa.egaa bahut arzaa.n
ishtihaa-e-gunaah bhii hogii
sirf Gaddaar paa.e.nge tamGe
un kii hii izz-o-jaah bhii hogii
log har zulm par rahe.nge chup
is tarah se nibaah bhii hogii
qaum ta.Dpegii daad le.nge vaziir
aah bhii hogii vaah bhii hogii
phir giraanii kaa aa.egaa tuufaan
muflisii be-panaah bhii hogii
khul ke hogii zaKHiira-andozii
aur safed-o-siyaah bhii hogii
to.De.nge kamar avaam kii tex
aur ma.iishat tabaah bhii hogii
Gam kii parchhaa.iyo.n se arz-e-vatan
kyaa KHabar thii siyaah bhii hogii
aur vo vaqt phir se aa.egaa
jab taraqqii kii chaah bhii hogii
log maa.nge.nge ik na.ii hijrat
chal pa.De.nge to raah bhii hogii

Muhammad Rashid Athar
Nazm

waqt

bas aur gha.Dii do gha.Dii sahii
phir vaqt ke pyaale se girtii
hastii kii riit ko
pyaala KHaalii karnaa hai
har baazii vaqt kii baazii thii
har baazii par shah maat hu.ii
ab daaman jhaa.D ke uTThe.nge
saarii mehnat barbaad hu.ii
KHushnuudii-e-vaqt kii KHaatir ham
bas kyaa kyaa baar uThaate hai.n
ham aas kii shabnam bote hai.n
aur yaas ke sahraa paate hai.n
zaahir me.n to himmat o.Dhe hai.n
aur andar TuuTte jaate hai.n
ye ilm kii taaqat
dil kii sadaaqat
qalam kii himmat
apne liye sab naa-samjhii kii baate.n hai.n
ye jaah-o-hasham bhii un ke hai.n
jo shaadaabii ke paale hai.n
apnii to himmat sarf hu.ii
saarii mehnat barbaad hu.ii
jo dil ke taho.n me.n TuuT gayaa
jo andar andar biit ga.ii
us kaahish-e-jaa.n kaa zikr hii kyaa
ab muTThii ret kii baazii hai
so kaun sii aisii baazii hai
ab haar aur jiit kii fikr hii kyaa
sab jaan liyaa sab dekh liyaa
jab sab raste be-manzil hai.n
jab sab lamhe patthar-dil hai.n
jab soche.n sab laa-haasil hai.n
phir kyaa soche.n phir kyo.n soche.n
lo ham KHud apnii muTThii se ye ret giraa.e dete hai.n
yaa Thahr ke samjhe vaqt hame.n
yaa ham Thahraa.e dete hai.n

Naseem Syed
Nazm

sisakti mazlumiyat ke nam

ajab fazaa hai
ajab udaasii
ajiib vahshat baras rahii hai
ajab hai KHauf-o-hiraas har-suu
ajiib dahshat baras rahii hai
ajab ghuTan hai ajab ta.affun
mai.n kis jagah kis dayaar me.n huu.n
ki jaise maqtal me.n aa gayaa huu.n
mai.n qaatilo.n ke hisaar me.n huu.n
phaTii phaTii sii ye surKH aa.nkhe.n
sunahre KHvaabo.n ko ro rahii hai.n
gunaah kaise hu.e hai.n sarzad
ye kin azaabo.n ko ro rahii hai.n
ajab tarah kaa ye imtihaa.n hai
Gam-o-alam kaa ye ik jahaa.n hai
lahuu se tahriir daastaa.n hai
jaraahato.n ke javaan siine figaar kyuu.n hai.n
ye bachche buu.Dhe shikaar kyuu.n hai.n
javaan laasho.n pe bain kartii hu.ii ye maa.e.n
ghuTii ghuTii sii ye siskiyaa.n aur sitam ke maaro.n kii ye sadaa.e.n
lahuu kaa sadqa utaartii hai.n
falak kii jaanib nazar uThaa.e na jaane kis ko pukaartii hai.n
ye be-gharii hai nasiib kis kaa
ye kaun KHemo.n me.n ro rahaa hai
mizaaj badlaa hai aasmaa.n ne
ki jo na honaa thaa ho rahaa hai
savaal kartii hai aadamiyat
ye intihaa par junuun kyuu.n hai
ki aastiino.n pe qaatilo.n kii
ye be-gunaaho.n kaa KHuun kyuu.n hai
KHamosh hai.n ab
lahuu ko paanii banaane vaale
haqiiqato.n ko bhii ik kahaanii bataane vaale
sadaaqato.n ko chhupaane vaale
unhe.n bataa.o ki ye ra.uunat nahii.n rahegii
ye taaj sar par nahii.n rahe.nge
ye jaah-o-hashmat nahii.n rahegii
sahar ke imkaan ho rahe hai.n
ye shab ye zulmat nahii.n rahegii

Tariq Qamar
Nazm

naghma-e-dehli

dekho nigah-e-shauq se dehlii ke nazaare
tahziib kii jannat hai ye jamunaa ke kinaare
ye indr ke ra.ngiin akhaa.De kii parii hai
sadiyo.n me.n ye zevar se tamaddun ke sajii hai
jamhuur ne is shoKH ke gesuu hai.n sa.nvaare
dekho nigah-e-shauq se dehlii ke nazaare
har ek imaarat se ayaa.n jaah-o-hasham hai
har ii.nT pe taariiKH-e-vatan is kii raqam hai
har zarre me.n hai.n azmat-e-rafta ke sitaare
dekho nigah-e-shauq se dehlii ke nazaare
miinaar vo miinara-e-azmat jise kahiye
masjid vo ki sajda-gah-e-fitrat jise kahiye
fankaaro.n ne miT miT ke hai.n har naqsh ubhaare
dekho nigah-e-shauq se dehlii ke nazaare
durvesho.n ne bhii is pe mohabbat kii nazar kii
valiyo.n ne sadaa phuulne phalne kii du.aa dii
ye zinda-o-paa.inda hai KHvaaja ke sahaare
dekho nigah-e-shauq se dehlii ke nazaare
ye 'Gaalib'-o-'aazurda'-o-'KHusrau' kii chahetii
gahvaara-e-urduu hai abhii 'daaG' kii dehlii
dil me.n abhii is ke hai.n mohabbat ke sharaare
dekho nigah-e-shauq se dehlii ke nazaare
bachpan se rahii gardish-e-dauraa.n kii sahelii
har daur me.n ye gardish-e-ayyaam se khelii
big.De jo kabhii vaqt ne abruu hai.n sa.nvaare
dekho nigah-e-shauq se dehlii ke nazaare
ab KHuld kii tasviir hai.n ye kuucha-o-baazaar
ye zohra-jabii.n KHanda-ba-lab paikar-e-anvaar
jis tarah utar aa.e ho.n garduu.n se sitaare
dekho nigah-e-shauq se dehlii ke nazaare
dehlii nahii.n ye azmat-e-mashriq kaa nishaa.n hai
is daur me.n bhii naGma-gar-e-amn-o-amaa.n hai
maGrib se kaho 'rif.at'-e-dehlii ko pukaare
dekho nigah-e-shauq se dehlii ke nazaare

Rifat Sarosh
Nazm

dar-o-rasan

zuhal kii aa.nkh pa.Dii ittifaaq se naagaah
tamaam ho gayaa taaraaj mulk-o-maal aur jaah

Mohammad Ali Tishna
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now