Search result for "khauf-e-khudaa" | Category - Nazm, Page

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "khauf-e-khudaa"

Nazm MATCHES FOR "khauf-e-khudaa"

Nazm

muhasba

laahorii aabaa.ii makaan me.n
sarf chachaa sultaan akele rahte the
jin kii ghanii nuuraanii daa.Dhii
KHauf-e-KHudaa se hiltii rahtii thii

Saqi Faruqi

Nazm

mohabbat

kirshn aa.e ki dii.n bhar bhar ke vahdat ke KHumistaa.n se
sharaab-e-ma.arifat kaa ruuh-parvar jaam hinduu ko
kirshn aa.e aur us baatil-rubaa maqsad ke saath aa.e
ki duniyaa but-parastii kaa na de ilzaam hinduu ko
kirshn aa.e ki talvaaro.n kii jhankaaro.n me.n de jaa.e.n
hayaat-e-jaavidaa.n kaa sarmadii in.aam hinduu ko
agar KHauf-e-KHudaa dil me.n hai phir kyuu.n maut kaa Dar ho
kirshn aa.e.n to ab bhii de.n yahii paiGaam hinduu ko
musalmaano.n ke dil me.n bhii adab hai in haqaa.eq kaa
sikhaataa hai yahii sachchaa.iyaa.n islaam hinduu ko
vo mere jazba-e-dil kii kashish kaa laakh munkir ho
mohabbat se mai.n aaKHir kar hii luu.ngaa raam hinduu ko

Zafar Ali Khan

Nazm

aankhen meri baqi un ka

KHud duudmaan-e-qibla-e-aalam kare.n KHayaal
dil me.n bahut dino.n se hai kaa.nTaa chubhaa hu.aa
us KHaandaa.n ke ek ra.ngiile piyaa ke ghar
farzand-e-arjumand ke KHatna pe kyaa hu.aa
chashme ubal rahe the suruur-o-nashaat ke
thaa chaav.Dii kaa naqsha-e-uryaa.n khi.nchaa hu.aa
is mahfil-e-nashaat ke narGe me.n vo bhii the
chehre pe jin ke zohd-o-vara.a thaa likhaa hu.aa
qavvaal gaa rahe the KHuzuu'-o-KHushuu' se
rindaan-e-bul-havas me.n thaa GauGaa machaa hu.aa
baada-gusaar khol ke baiThe the botale.n
thaa ranDiyo.n ke saamne huqqa dharaa hu.aa
na.at-e-nabii pe ismat-e-aavaara nukta-chii.n
KHauf-e-KHudaa thaa zohraa-vasho.n me.n ghiraa hu.aa
daulat ke Dher 'zaahidaa' parviin pe nisaar
dahqaan-e-KHasta-haal kaa chuulhaa bujhaa hu.aa
the KHaadimo.n ke peT pe patthar ba.ndhe hu.e
aur kanchano.n pe baab-e-saKHaavat khulaa hu.aa
'shorish' us ek manzar-e-zohra-gudaaz me.n
dast-e-du.aa thaa arsh kii jaanib uThaa hu.aa
is hashr-e-nau me.n qibla-e-aalam kahaa.n the aap
dekhaa to hogaa aap ne jo maajraa hu.aa

Shorish kashmiri

Nazm

baad ke baad

sahiife utarne se pahle aur nabiyo.n ke nuzuul ke ba.ad
haath se gire hu.e nivaalo.n kii tarah hame.n kutto.n ke aage Daal diyaa jaataa rahaa
is darmiyaan, aa.nkho.n ke niiche ham ne apne haath rakhe
ki vo paa.o.n par na gir pa.De.n aur kaa.nch kaa e'tibaar jaataa rahe
mujhe aag se likh aur paanii se ugaa
miTTii ke saath insaaf mai.n KHud karuu.ngii
vo to qadam qadam kaa.nTo.n kii baa.D tak KHud chal kar ga.e
aag pahnaavaa karte the jo log
aur jo akelaa thaa us ne sargoshii iijaad kii
aur jis ne qabiila chaahaa us ne chiiKHe.n banaa.ii.n aur raat ke parindo.n me.n baa.nT dii.n
pardesii hu.e haath kuu.nje.n paka.Dte rah ga.e
havaa kaa bichhaunaa judaa.ii kii u.ngliyo.n ne bunaa aur mohabbat karne vaale dil ne sameTaa
kyaa paa.nv juuto.n ke liye bane the yaa manzilo.n ke liye?
phir thakan ne kis ke paa.nv to.De
aur kaun asiir kiyaa ki us se juuto.n kii qiimat puuchhe aur insaan ke bhaav bataa.e
phir e'tibaar ne kis ke TaKHne kaaTe ki vo aasmaan samet zamiin par aa rahe
KHudaavand! bhiil qabiile ke log gosht khaanaa kab siikhe
jab un ke mu.nh ko KHuun aur dil ko KHauf-e-KHudaa lag gayaa
phir is ke baa'd vo sar na uThaa sake
aazaadii sirf ek ThanDii saa.ns thii maqduur-bhar
aur Gulaamii! umr bhar kii roTiyaa.n!!

Nasreen Anjum Bhatti

Nazm

diyanat-dar laDki

Gariib aadmii ek qasbe me.n thaa
bahut dil me.n rakhtaa thaa KHauf-e-KHudaa
Gariibii me.n iimaan-daarii me.n bhii
na qasbe me.n thaa us se ba.Dh kar ko.ii
akelaa na thaa biivii bachche bhii the
jo the sab ke sab nek KHaslat ba.De
suhaanaa samaa.n din thaa itvaar kaa
ki ik chhoTii la.Dkii se maa.n ne kahaa
uTho laa.o aaTaa ki roTii pakaa.uu.n
bilakte hai.n bachche inhe.n kuchh khilaa.uu.n
ga.ii la.Dkii aaTaa liyaa aa ga.ii
lagii guu.ndhne maa.n to ghabraa ga.ii
ki aaTe me.n do baaliyaa.n thii.n pa.Dii
har ik sabz kaaGaz me.n lipTii hu.ii
khare sone kii kaam baariik thaa
vo thii.n dekhne me.n bahut KHushnumaa
jo la.Dkii ne dekhii.n to jhaT bol uThii
yaqiinan ye ho.ngii dukaa.n-daar kii
abhii diijiye kar duu.n vaapas ise
ye aaTe me.n rakkhii ga.ii.n bhuul se
dukaa.n-daar ke paas la.Dkii ga.ii
kahaa ye to hai.n baaliyaa.n aap kii
milii hai.n ye aaTe se le liijiye
ki borii me.n shaayad girii.n aap se
dukaa.n-daar bolaa uThaa lo tumhii.n
suno in kaa qissa ye merii nahii.n
yahaa.n ek aayaa amiir aadmii
mujhe baaliyaa.n dii.n hidaayat ye kii
ye denaa kisii saKHt muhtaaj ko
diyaanat me.n bhii sab se ba.Dh kar jo ho
ye baate.n tumhii.n me.n hai.n lo bas uThaa.o
tumhaarii hai.n ye baaliyaa.n le bhii jaa.o
ghar aa.ii jo la.Dkii liye baaliyaa.n
sunaa qissa hairaa.n hu.ii saKHt maa.n
diyaanat se hotaa hai raazii KHudaa
diyaanat kaa la.Dkii ko ye phal milaa

Nishtar Jalandhari

Nazm

haqaeq

dil hai pahluu me.n to paidaa sheva-e-turkaana kar
jaur haft-aflaak ke hote rahe.n parvaa na kar
Gam ko KHud aakar bahaa jaa.egii mauj-e-suruur
dekhtaa kyaa hai uTh aur fikr-e-mai-o-paimaana kar
da.avaa-e-ulfat jataa kar muft me.n rusvaa na ho
daar par cha.Dhne se pahle raaz-e-ishq afshaa na kar
zarf-e-naisaa.n chaahtii hai qulzum-aashaamii tirii
barg-e-gul kii tarah shabnam ke liye tarsaa na kar
kaam ibraahiimiyo.n kaa hai ki khele.n aag se
kuud pa.D sho.alo.n me.n KHauf anjaam kaa aslaa na kar
le ke naam allaah kaa tuufaa.n me.n kashtii Daal de
KHauf-e-be-paayaanii-e-dariyaa-e-mauj-afzaa na kar
KHud amal teraa hai suurat-gar tirii taqdiir kaa
shikva karnaa ho to apnaa kar muqaddar kaa na kar
saaya-e-shamshiir me.n poshiida jannat hai magar
naa-kaso.n ke saamne is bhed kaa charchaa na kar

Zafar Ali Khan

Nazm

waqt katib hai

lafz zanjiir hu.aa
KHauf-e-darbaa.n hai tazabzub zindaa.n

Zia Jalandhari

Nazm

mere bachche

KHauf-e-tabaahii miT jaa.egaa
amn kaa parcham lahraa.egaa

Bedil Haidari

Nazm

aatma tarang

yaa.n jins-e-taGayyur sastii hai
yaa.n KHauf-e-buland-o-pastii hai
fitrat bhii rahiin-e-hastii hai
ye vahm-o-gumaa.n kii bastii hai
jis des me.n aanii raaj nahii.n
us des me.n chal sansaar kare.n

Basheerunnisaa Begam Basheer

Nazm

ai KHuda

hai yahii iltijaa sun hamaarii du'aa
ai KHudaa ai KHudaa ai KHudaa ai KHudaa

Amanul Haque Balapuri

Nazm

ai KHuda ai KHuda

raat taaro.n se jholii bhare aa.ii thii
ghup a.ndheraa magar saath vo laa.ii thii
mai.n kabhii KHush hu.aa mai.n kabhii Dar gayaa
ai KHudaa ai KHudaa ai KHudaa ai KHudaa

Hamidullah Afsar

Nazm

wo akeli kabhi nahin hoti

naujavaanii me.n khul ke ha.nsne par
KHauf-e-rusvaa.ii saath rahtaa hai

Ishrat Afreen

Nazm

KHatun-e-mashriq

dil me.n KHauf-e-shuma.i-e-qismat se ghabraa.ii hu.ii
ro.ab se niichii nigaahe.n aa.nkh sharmaa.ii hu.ii

Josh Malihabadi

Nazm

shoale

dil me.n kam-zarf ke uThtii hai.n hasad kii lapTe.n
aatish-e-ishq se aashiq kaa jigar jaltaa hai
qalb-e-ma.asuum me.n har aabid-e-paakiiza ke
sho.ala-e-KHvaahish-e-irfaan-e-KHudaa paltaa hai
mai.n na haasid huu.n na aashiq huu.n na aabid ai dost
phir bhii angaaro.n pe har-vaqt rahaa kartaa huu.n
merii qismat me.n hai ehsaas-e-KHudii kii hiddat
apnii hii aag me.n din-raat jalaa kartaa huu.n

Akhtar Bastavi

Nazm

hum ghubar-e-rahguzar

ai KHudaa mere KHudaa
raasta aasaan kar

Parvez akhtar

Nazm

walid

ab mai.n kaise rahuu.n be-KHauf-o-KHatar
saamne laakho.n dukh kha.De hai.n satar

Noor N Sahir

Nazm

aa ja

zaahid-e-KHushk rahaa KHauf-e-gunah se lekin
ab mohabbat kaa gunahgaar banaane aa jaa

JaiKrishn Chaudhry Habeeb

Nazm

traffic

ziyaa.n ham-nafas hai
qafas hai sa.Dak hai sa.Dak hai qafas hai
qafas me.n qataaro.n kii lambii fasiile.n
fasiilo.n ke KHauf-e-junuu.n-KHez me.n ab
masaafat tavaalat paka.Dne lagii yuu.n
sa.Dak ban ga.ii ek daldal
mire dast-o-paa shal

Salman Sarwat

Nazm

ganw ki saDak

KHushaa ki aaj ba-fazl-e-KHudaa vo din aayaa
ki dast-e-Gaib ne is ghar kii dar-kushaa.ii kii

Faiz Ahmad Faiz

Nazm

wo kya maslahat thi

ye hai faKHr-e-aadam
ki bas ibn-e-aadam
amiin-e-KHudaa hai qariin-e-KHudaa hai
mirii hastii kyaa hai
faqat vaasta hai!

Arifa Shahzad

Load More

Search

ENG

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

Speak Now