Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "manshaa"

Nazm MATCHES FOR "manshaa"

Nazm

lab pe pabandi to hai

apnii Gairat bech Daalii.n apnaa maslak chho.D de.n
rahnumaa.o.n me.n bhii kuchh logo.n kaa ye manshaa to hai

Sahir Ludhianvi
Nazm

nam o nasab

pusht-dar-pusht bilaa fasl vo ajdaad mire
apne aaqaa.o.n kii manshaa thii mashiyyat un kii
gar vo zinda the to zindo.n me.n vo shaamil kab the
aur marne pe faqat bojh thii mayyat un kii

Ali Akbar Natiq
Nazm

tawaif

meraa manshaa nahii.n aqvaam-e-zubuu.n kii tasKHiir
meraa maqsad nahii.n pahnaa.uu.n KHirad ko zanjiir
meraa iimaa.n nahii.n ulfat ho rahiin-e-ta.aziir
meraa armaa.n nahii.n mar jaa.e Gariibo.n kaa zamiir

Izhaar Malihabadi
Nazm

jawahar lal nehru

jaan-e-hindostaan thaa nehru
jaise us kii zabaa.n me.n thaa jaaduu
vo vajaahat vo shaan thii us me.n
vaaqa.ii aan-baan thii us me.n
amn-e-aalam kaa vo payaamii thaa
al-Garaz dostii kaa haamii thaa
hind ke aasmaa.n kaa taaraa thaa
ham ko us ne bahut sa.nvaaraa thaa
ruuh-parvar ruKH-o-jamaal us kaa
raushnii irtiqaa KHayaal us kaa
lams-e-gul se rahaa mo.attar bhii
la.al bhii vo thaa aur javaahar bhii
ilm-o-hikmat se pyaar kartaa thaa
aql vo iKHtiyaar kartaa thaa
lab pe jai hind us ke na.ara thaa
lenaa aazaadii sirf manshaa thaa
nuur-afzaa hai.n yuu.n karam us ke
naqsh me.n har taraf qadam us ke
har nafas ehtiraam karte hai.n
ham use sab salaam karte hai.n
ra.ng us ne diyaa fasaane ko
raushnii de gayaa zamaane ko
vo ki bachcho.n ko sab se pyaaraa thaa
vo mohabbat kaa isti.aara thaa

Abrar Kiratpuri
Nazm

auj-bin-unuq

shahr kii sab se ba.Dii hotel kii chhat par
us kaa sar ma.nDlaa rahaa thaa
aur saahil ke qariib
sard aur mahfuuz tah-KHaane kii tah ko
pair us kaa chhuu rahaa thaa
haa.e vo kitnaa ba.Daa thaa!

Abdul Ahad Saaz
Nazm

KHala

maah aur saal kitne biit ga.e
be-sabab be-husuul be-manshaa
haa.e lekin ye ek ik lamha
kuchh bhii kiije guzar nahii.n paataa
chubh rahaa hai jigar me.n ik kaa.nTaa
kaash meraa bhii ko.ii ho jaataa
kaash meraa bhii ko.ii ho jaataa
kaash meraa bhii ko.ii ho jaataa

Daud Ghazi
Nazm

shayad ki bahaar aai

jaa.nbaaz-e-mohabbat ko kyaa husn kaa manshaa hai
jiine kii ijaazat hai marne kaa ishaaraa hai
iz.haar-e-haqiiqat par ta.aziir kaa dha.Dkaa hai
phir tauq nazar aaya zanjiir nazar aa.ii

Syed Mehmood Hasan Qaisar Amrohvi
Nazm

husn-e-amal

raaz-e-hastii ek din hogaa ai 'manshaa' be-naqaab
shart ye hai ham nigaah-e-baa-safaa paidaa kare.n

Mansha ur Rahman Khan Mansha
Nazm

pesh-ahang

milaa hai hazrat-e-iqbaal se use aahang
hu.aa hai 'manshaa' tabhii aisaa naGma-KHvaan-e-hayaat

Mansha ur Rahman Khan Mansha
Nazm

sharh-e-wardat

soz-e-Gam muujib-e-hayaat bhii hai
ek shai zahr bhii nabaat bhii hai

Mansha ur Rahman Khan Mansha
Nazm

nazm

mile kachehrii me.n ik roz shaiKH KHairaatii
hai ik zamaane se un kii mirii alaik salaik
nahii.n hai jhuuTii gavaahii se ijtinaab unhe.n
kiyaa na aaj tak is par magar kisii ne attack
alaava is ke amiiro.n ke hai.n ye supplier
ki maal karte hai.n ye un kii hasb-e-manshaa paik
ho jis me.n faa.eda vo kaam kar guzarte hai.n
kabhii front me.n jaa kar nahii.n hai.n hote back
hijaaz jaate hai.n har saal sonaa laane ko
ye business aaj tak in kii kabhii hu.ii na salaik
ye haj ke din bhii hai.n labbaik ke evaz kahte
KHudaa ke ghar me.n faqat rabbanaa black black

Nazish Rizvi
Nazm

qadam mila ke chalo

ai rang-e-ruu-e-zamaana nikhaarne vaalo
tamaam jag kaa muqaddar sa.nvaarne vaalo
ba-naam-e-shauq dilo.n ko ubhaarne vaalo
chalo chalo yuu.nhii himmat ke gun dikhaa ke chalo
qadam milaa ke chalo hausle ba.Dhaa ke chalo

Mansha ur Rahman Khan Mansha
Nazm

mauzuat-e-suKHan

hayaat-e-nau kaa taqaazaa bhii hai yahii 'manshaa'
ham aafato.n me.n bhii taab-o-tavaa.n kii baat kare.n

Mansha ur Rahman Khan Mansha
Nazm

hasan kuza-gar (1)

jahaan-zaad niiche galii me.n tire dar ke aage
ye mai.n soKHtaa-sar hasan-kuuzaa-gar huu.n!
tujhe sub.h baazaar me.n buu.Dhe attaar yuusuf
kii dukkaan par mai.n ne dekhaa
to terii nigaaho.n me.n vo taabnaakii
thii mai.n jis kii hasrat me.n nau saal diivaana phirtaa rahaa huu.n
jahaa.n-zaad nau saal diivaana phirtaa rahaa huu.n!
ye vo daur thaa jis me.n mai.n ne
kabhii apne ranjuur kuuzo.n kii jaanib
palaT kar na dekhaa
vo kuuze mere dast-e-chaabuk ke putle
gil-o-ra.ng-o-roGan kii maKHluuq-e-be-jaa.n
vo sar-goshiy.n me.n ye kahte
hasan kuuza-gar ab kahaa.n hai?
vo ham se KHud apne amal se
KHudaa-vand ban kar KHudaa.o.n ke maanind hai ruu-e-gardaa.n!
jahaa.n-zaad nau saal kaa daur yuu.n mujh pe guzraa
ki jaise kisii shahr-e-madfuun par vaqt guzre
taGaaro.n me.n miTTii
kabhii jis kii KHushbuu se vaarafta hotaa thaa mai.n
sa.ng-basta pa.Dii thii
suraahii-o-miinaa-o-jaam-o-subuu aur faanuus o gul-daa.n
mirii hech-maayaa ma.iishat ke iz.haar-e-fan ke sahaare
shikasta pa.De the
mai.n KHud mai.n hasan kuuza-gar paa-ba-gil KHaak-bar-sar barhana
sar-e-chaak zholiidaa-muu sar-ba-zaanuu
kisii Gam-zada devtaa kii tarah vaahima ke
gil-o-laa se KHvaabo.n ke sayyaal kuuze banaataa rahaa thaa
jahaa.n-zaad nau saal pahle
tuu naadaa.n thii lekin tujhe ye KHabar thii
ki mai.n ne hasan kuuza-gar ne
tirii qaaf kii sii ufuq-taab aa.nkho.n
me.n dekhii hai vo taabnaakii
ki jis se mere jism o jaa.n abr o mahtaab kaa
rah-guzar ban ga.e the
jahaa.n-zaad baGdaad kii KHvaab-guu.n raat
vo ruud-e-dajlaa kaa saahil
vo kashtii vo mallaah kii band aa.nkhe.n
kisii KHasta-jaa.n ra.nj-bar kuuza-gar ke liye
ek hii raat vo kohrbaa thii
ki jis se abhii tak hai paivast us kaa vajuud
us kii jaa.n us kaa paikar
magar ek hii raat kaa zauq dariyaa kii vo lahr niklaa
hasan kuuza-gar jis me.n Duubaa to ubhraa nahii.n hai!

Noon Meem Rashid
Nazm

KHizr-e-rah

shaa'ir
saahil-e-dariyaa pe mai.n ik raat thaa mahv-e-nazar
gosha-e-dil me.n chhupaa.e ik jahaan-e-iztiraab
shab sukuut-afzaa havaa aasuuda dariyaa narm sair
thii nazar hairaa.n ki ye dariyaa hai yaa tasviir-e-aab
jaise gahvaare me.n so jaataa hai tifl-e-shiir-KHvaar
mauj-e-muztar thii kahii.n gahraa.iyo.n me.n mast-e-KHvaab
raat ke afsuu.n se taa.ir aashiyaano.n me.n asiir
anjum-e-kam-zau giraftaar-e-tilism-e-maahtaab
dekhtaa kyaa huu.n ki vo paik-e-jahaa.n-paimaa KHizr
jis kii piirii me.n hai maanind-e-sahar ra.ng-e-shabaab
kah rahaa hai mujh se ai juuyaa-e-asraar-e-azal
chashm-e-dil vaa ho to hai taqdiir-e-aalam be-hijaab
dil me.n ye sun kar bapaa ha.ngaama-e-mahshar hu.aa
mai.n shahiid-e-justujuu thaa yuu.n suKHan-gustar hu.aa
ai tirii chashm-e-jahaa.n-bii.n par vo tuufaa.n aashkaar
jin ke hangaame abhii dariyaa me.n sote hai.n KHamosh
kashtii-e-miskiin-o-jaan-e-paak-o-diivaar-e-yatiim
ilm-e-muusaa bhii hai tire saamne hairat-farosh
chho.D kar aabaadiyaa.n rahtaa hai tuu sahraa-navard
zindagii terii hai be-roz-o-shab-o-fardaa-o-dosh
zindagii kaa raaz kyaa hai saltanat kyaa chiiz hai
aur ye sarmaaya-o-mehnat me.n hai kaisaa KHarosh
ho rahaa hai asia kaa KHirqa-e-deriina chaak
naujavaa.n aqvaam-e-nau-daulat ke hai.n pairaaya-posh
garche askandar rahaa mahruum-e-aab-e-zindagii
fitrat-e-askandarii ab tak hai garm-e-naa.o-nosh
bechtaa hai haashmii naamuus diin-e-mustafaa
KHaak-o-KHuu.n me.n mil rahaa hai turkamaan-e-saKHt-kosh
aag hai aulaad-e-ibraahiim hai namruud hai
kyaa kisii ko phir kisii kaa imtihaa.n maqsuud hai
javaab-e-KHizr
sahraa-navardii

Allama Iqbal
Nazm

urdu zaban

ye kaisaa ishq hai urdu zabaa.n kaa,
mazaa ghultaa hai lafzo.n kaa zabaa.n par
ki jaise paan me.n mah.ngaa qimaam ghultaa hai
ye kaisaa ishq hai urdu zabaa.n kaa....
nasha aataa hai urdu bolne me.n
gilaurii kii tarah hai.n mu.nh lagii sab istelaahe.n
lutf detii hai, halaq chhuutii hai urdu to, halaq se jaise mai kaa gho.nT utartaa hai
ba.Dii aristocracy hai zabaa.n me.n
faqiirii me.n navaabii kaa mazaa detii hai urdu
agarche ma.anii kam hote hai urdu me.n
alfaaz kii ifraat hotii hai
magar phir bhii, buland aavaaz pa.Dhiye to bahut hii mo'tabar lagtii hai.n baate.n
kahii.n kuchh duur se kaano.n me.n pa.Dtii hai agar urdu
to lagtaa hai ki din jaa.Do.n ke hai.n khi.Dkii khulii hai, dhuup andar aa rahii hai
ajab hai ye zabaa.n, urdu
kabhii kahii.n safar karte agar ko.ii musaafir sher pa.Dh de 'miir', 'Gaalib' kaa
vo chaahe ajnabii ho, yahii lagtaa hai vo mere vatan kaa hai
ba.Dii shaa.ista lahje me.n kisii se urdu sun kar
kyaa nahii.n lagtaa ki ek tahziib kii aavaaz hai, urdu

Gulzar
Nazm

maine chand aur sitaron ki tamanna ki thi

pyaar maa.ngaa to sisakte hu.e armaan mile
chain chaahaa to umaDte hu.e tuufaan mile

Sahir Ludhianvi
Nazm

fan para

le ke kashkuul-e-ilm-o-hikmat-o-fan
kuu-ba-kuu jaa.n kii bhiik maa.ngii hai

Jaun Eliya
Nazm

ek laDka

ma.iishat duusro.n ke haath me.n hai mere qabze me.n
juz ik zehn-e-rasaa kuchh bhii nahii.n phir bhii magar mujh ko
KHarosh-e-umr ke itmaam tak ik baar uThaanaa hai
anaasir muntashir ho jaane nabze.n Duub jaane tak
navaa-e-sub.h ho yaa naala-e-shab kuchh bhii gaanaa hai
zafar-mando.n ke aage rizq kii tahsiil kii KHaatir
kabhii apnaa hii naGma un kaa kah kar muskuraanaa hai
vo KHaama-sozii shab-bedaariyo.n kaa jo natiija ho
use ik khoTe sikke kii tarah sab ko dikhaanaa hai
kabhii jab sochtaa huu.n apne baare me.n to kahtaa huu.n
ki tuu ik aabla hai jis ko aaKHir phuuT jaanaa hai
Garaz gardaa.n huu.n baad-e-sub.h-gaahii kii tarah lekin
sahar kii aarzuu me.n shab kaa daaman thaamtaa huu.n jab
ye la.Dkaa puuchhtaa hai aKHtar-ul-iimaan tum hii ho
ye la.Dkaa puuchhtaa hai jab to mai.n jhallaa ke kahtaa huu.n
vo aashufta-mizaaj andoh-parvar iztiraab-aasaa
jise tum puuchhte rahte ho kab kaa mar chukaa zaalim
use KHud apne haatho.n se kafan de kar farebo.n kaa
isii kii aarzuu.o.n kii lahad me.n phe.nk aayaa huu.n
mai.n us la.Dke se kahtaa huu.n vo sho.ala mar chukaa jis ne
kabhii chaahaa thaa ik KHaashaak-e-aalam phuu.nk Daalegaa
ye la.Dkaa muskuraataa hai ye aahista se kahtaa hai
ye kizb-o-iftiraa hai jhuuT hai dekho mai.n zinda huu.n

Akhtarul Iman
Nazm

andha kabaadi

KHvaab-gar mai.n bhii nahii.n
suurat-gar-e-saanii huu.n bas
haa.n magar merii ma.iishat kaa sahaaraa KHvaab hai.n!

Noon Meem Rashid
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now