Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "marzi-e-aGyaar"

Nazm MATCHES FOR "marzi-e-aGyaar"

Nazm

taghaful

dast-e-aaGyaar me.n har jurm kamaa.n ho jaa.e
tiir-e-dushnaam mirii samt ravaa.n ho jaa.e

Talat Farooq
Nazm

zaifa

KHidmat-e-aGyaar se fursat ko.ii paataa nahii.n
sach hai apno.n par Gulaamo.n ko taras aataa nahii.n

Josh Malihabadi
Nazm

phir wahi kunj-e-qafas

mere mahbuub vatan tere muqaddar ke KHudaa
dast-e-aaGyaar me.n qismat kii inaa.n chho.D ga.e
apnii yak-tarfa siyaasat ke taqaazo.n ke tufail
ek baar aur tujhe nauha-kunaa.n chho.D ga.e

Sahir Ludhianvi
Nazm

shikwa

mai.n huu.n tasviir-e-vafaa mujh se gurezaa.n kyo.n hai
ishq kii lauh pe kyaa mai.n huu.n ko.ii harf-e-Galat
tuu ne kitno.n ko navaazaa hai karam se apne
mai.n to rahtii huu.n yahaa.n suurat-e-aGyaar faqat

Sadiqa Fatimi
Nazm

aaram hai hamara

abhii to jam.a hai sarhad pe lashkar-e-aGyaar
abhii to aa.nkhe.n dikhaataa hai Gaasib-e-Gaddaar
abhii to maa.il shar hai junuun-e-fitna-shi.aar
use pilaanaa hai zahr-e-ajal kaa jaam abhii
muhaafiz-e-vatan aaraam hai haraam abhii

Qais Jalandhari
Nazm

watan

tujh se mu.nh mo.D ke mu.nh apnaa dikhaa.e.nge kahaa.n
ghar jo chho.De.nge to phir chhaavnii chhaa.e.nge kahaa.n
bazm-e-aGyaar me.n aaraam ye paa.e.nge kahaa.n
tujh se ham ruuTh ke jaa.e.n bhii to jaa.e.nge kahaa.n
tere haatho.n me.n hai qismat kaa navishta apnaa
kis qadar tujh se bhii mazbuut hai rishta apnaa

Josh Malihabadi
Nazm

payam-e-hasti

tabassum kii havas ho barq ke aasaar paidaa kar
jo gar ye aarzuu ho chashm-e-dariyaa-baar paidaa kar
maraz hii kyaa mudaavaa jis kaa aasaa.n ho tabiibo.n par
na pahchaane masiihaa jis ko vo aazaar paidaa kar
tujhe ai dil aduu ko ho agar chubhtii hu.ii kahnaa
to har har harf me.n tezii-e-nok-e-KHaar paidaa kar
agar is majlis-getii me.n auro.n ko rulaataa hai
dil-e-dard-aashnaa-o-diida-e-KHuu.n-baar paidaa kar
tujhe ye himmat-e-mardaana kahtii hai ki aisaa dil
jo qabl az-maut hii marne pe ho tayyaar paidaa kar
tanaaza-lil-baqaa jaarii hai to maidaan-e-hastii me.n
na ho jis kii sipar aisii ko.ii talvaar paidaa kar
baqaa-e-aqviyaa ke mas.ala par bahas se pahle
tan-e-sohraab-o-zor-e-haidar-e-karraar paidaa kar
jo is aalam me.n chalnaa hai tujhe hukm-e-a.idduu par
to istedaad-e-dafa.a-e-hamla-e-aGyaar paidaa kar
agar manzuur hai tujh ko mile aalam kii chaupaanii
to apne paa.nv me.n phir gardish-e-parkaar paidaa kar
agar hai chuuknaa manzuur quraa.n kii tilaavat se
baraa-e-zaKHm-e-Gaflat marham-e-zangaar paidaa kar
agar terii tamanna hai ki shaayaan-e-KHilaafat ho
to shauq-e-bandagii-e-vaahid-e-qahhaar paidaa kar

Azeemuddin Ahmad
Nazm

korana angrez-parasti

rahaa vo jirgaa jise char ga.ii hai a.ngrezii
so vaa.n KHudaa kii zaruurat na ambiyaa darkaar
vo aa.nkh miich ke bar-KHud Galat bane aise
ki asia kii har ik chiiz par pa.Dii dhutkaar
jo poshisho.n me.n hai poshish to pas-dariida-coat
savaariyo.n me.n savaarii to dum-kaTaa rahvaar
jo ardalii me.n hai kuttaa to haath me.n ik bed
bajaate jaate hai.n siiTii sulag rahaa hai sigaar
vo apne-aap ko samjhe hu.e hai.n gentleman
aur apnii qaum ke logo.n ko jaante hai.n gavaa.nr
na kuchh adab hai na aKHlaaq ne KHudaa-tarsii
ga.e hai.n un ke KHayaalaat sab samundar paar
vo apne zo.am me.n liberal hai.n yaa radical hai.n
magar hai.n qaum ke haq me.n ba-suurat-e-aGyaar
na india me.n rahe vo na vo bane english
na un ko charch me.n honor na masjido.n me.n baar
na ko.ii alam na san.at na kuchh hunar na kamaal
tamaam qaum ke sar par savaar hai adbaar

Ismail Merathi
Nazm

darbar-e-am

husn jab ham-kalaam hotaa hai
ishq bhii be-lagaam hotaa hai
lutf jis par mudaam hotaa hai
us kaa qissa tamaam hotaa hai
un ko jis roz kaam hotaa hai
mujh se us din kalaam hotaa hai
aashiqo.n kaa nahii.n jo ghar ko.ii
hoTalo.n me.n qiyaam hotaa hai
aap hai.n aur majma-e-aGyaar
roz darbaar-e-aam hotaa hai
Gair aataa hai un kii daavat me.n
mujh ko khaanaa haraam hotaa hai
apne ghar par kahaa.n vo milte hai.n
raaste me.n salaam hotaa hai
aire Gairo.n kaa zikr kyaa hai 'zariif'
ab to vo but bhii raam hotaa hai

Zareef Jabalpuri
Nazm

man ki dua

tere dam se phir vatan vaalo.n me.n paidaa ho hayaat
panja-e-aGyaar se ho hind ko haasil najaat
kaam aa jaa.e vatan kii raah me.n teraa shabaab
Gairate.n zindaaniyo.n kii phir ulaT Daale.n naqaab
tuu badal Daale nizaam-e-hind ke lail-o-nahaar
ye Gulaam aabaad ho aazaad mulko.n me.n shumaar
aastiin-e-hind ho tere lahuu se laala-faam
paadshaaho.n kaa laqab paane lage.n hindii Gulaam
haDDiyaa.n pis kar bane.n Gaaza uruus-e-hind kaa
husn phir ho jaa.e kuchh taaza uruus-e-hind kaa
tere ho.nTo.n se ba-vaqt-e-marg ye nikle sadaa
naujavaanaan-e-vatan aage ba.Dho aage zaraa

Altaf Mashhadi
Nazm

maut ke us taraf

maut ke us taraf
ko.ii sirr-e-nihaa.n hai ki baazaar hai
kyaa sitaaro.n kaa taabaa.n ko.ii qaafila
yaa buland aur taariik diivaar hai
KHaak u.Dtii hai yaa KHushbu.e.n hai.n ravaa.n
ko.ii sahraa hai yaa ik chaman-zaar hai
ko.ii apnaa bhii hai
yaa hujuum-e-balaa shahr-e-aGyaar hai
ko.ii zinda bhii hai
yaa ki har samt naasho.n kaa ambaar hai
ik KHalaa hai ki phir
baar-e-imkaan hai
raah pur-KHaar hai
ja.ng hai amn hai
faisla hai vahaa.n
jiit hai haar hai
maut ke us taraf
kuchh nahii.n hai to kyuu.n
sar pe aavezaa.n vahshat kii talvaar hai
mai.n huu.n yaa
nuqta-e-be-amaa.n
jism ke daa.ere me.n giraftaar hai
tuu hai yaa
aa.ina-saaz
val-asr kaa
mahv-e-diidaar hai

Asna Badr
Nazm

nanak

qaum ne paiGaam-e-gautam kii zaraa parvaa na kii
qadr pahchaanii na apne gauhar-e-yak-daana kii
aah bad-qismat rahe aavaaz-e-haq se be-KHabar
Gaafil apne phal kii shiiriinii se hotaa hai shajar
aashkaar us ne kiyaa jo zindagii kaa raaz thaa
hind ko lekin KHayaalii falsafa par naaz thaa
sham-e-haq se jo munavvar ho ye vo mahfil na thii
baarish-e-rahmat hu.ii lekin zamii.n qaabil na thii
aah shuudar ke liye hindostaa.n Gam-KHaana hai
dard-e-insaanii se is bastii kaa dil begaana hai
barhaman sarshaar hai ab tak mai-e-pindaar me.n
sham-e-gautam jal rahii hai mahfil-e-aGyaar me.n
but-kada phir baad muddat ke magar raushan hu.aa
nuur-e-ibraahiim se aazar kaa ghar raushan hu.aa
phir uThii aaKHir sadaa tauhiid kii punjab se
hind ko ik mard-e-kaamil ne jagaayaa KHvaab se

Allama Iqbal
Nazm

nanak

qaum ne paiGaam-e-gautam kii zaraa parvaa na kii
qadr pahchaanii na apne gauhar-e-yak-daana kii
aah bad-qismat rahe aavaaz-e-haq se be-KHabar
Gaafil apne phal kii shiiriinii se hotaa hai shajar
aashkaar us ne kiyaa jo zindagii kaa raaz thaa
hind ko lekin KHayaalii falsafe par naaz thaa
sham-e-haq se jo munavvar ho ye vo mahfil na thii
baarish-e-rahmat hu.ii lekin zamii.n qaabil na thii
aah shuudar ke liye hindostaa.n Gam-KHaana hai
dard-e-insaanii se is bastii kaa dil begaana hai
barahman sarshaar hai ab tak mai-e-pindaar me.n
sham-e-gautam jal rahii hai mahfil-e-aGyaar me.n
but-kada phir ba.ad-e-muddat ke magar raushan hu.aa
nuur-e-ibraahiim se aazar kaa ghar raushan hu.aa
phir uThii aaKHir sadaa tauhiid kii punjab se
hind ko ik mard-e-kaamil ne jagaayaa KHvaab se

Allama Iqbal
Nazm

madar-e-hind

ruu-kash-e-charKH yahii gosha-e-dakan hai yahii
chashm-e-aGyaar me.n aa.iina-e-hairat hai yahii
mehrbaanii pe hai vo qibla-e-haajaat bahut
us ne phailaa.e hai.n qudrat ke 'atiyyaat bahut
zar luTaane ko kalii gul kii nikaltii hai yahaa.n
hai ye mash.huur zamii.n sonaa ugaltii hai yahaa.n
KHush farishte bhii hai.n zarro.n kaa tamaashaa kar ke
phe.nk dete hai.n yahaa.n chaa.nd ko chuuraa kar ke
zaahirii aa.nkho.n me.n pinhaa.n hai.n balaa ke jalve
pattharo.n me.n nazar aate hai.n KHudaa ke jalve
saaz kaa lutf hai har saa.ns me.n sunte hai.n rabaab
dil ke paimaano.n me.n miltii hai haqiiqat kii sharaab
na sharaafat kii kamii aur na daulat kii kamii
hai sapuuto.n me.n magar maa.n kii mohabbat kii kamii
baadal adbaar ke hai.n un ke saro.n par chhaa.e
marnaa aa.e na unhe.n aur na jiinaa aa.e
tang-dastii bhii hai faaqe bhii hai.n bekaarii bhii
aur amraaz bhii hai.n aql kii biimaarii bhii
girte jaate hai.n sa.nbhalne kii ko.ii aas nahii.n
go safar duur kaa darpesh hai kuchh paas nahii.n
ek hangaame pe mauquuf na paikaar kare.n
ab zaruurat hai ki har kaam me.n iisaar kare.n

Nabiul Hasan Shamim
Nazm

allama iqbaal

dahr me.n shaan-e-hijaazii muntashir hone lagii
TuuT kar imroz-o-fardaa me.n kahii.n khone lagii
kahkashaa.n ne nuur kaa tohfa diyaa is haal me.n
soz kii bijlii ravaa.n kii qaalib-e-'iqbaal' me.n
qaum ko taariik Gaaro.n me.n tirii kirne.n milii.n
KHvaab-e-manzil yuu.n dikhaayaa dil kii kaliyaa.n khil uThii.n
mard-e-momin par KHudii kaa raaz vaa hotaa gayaa
hind me.n raushan sitaare aasmaa.n botaa gayaa
hai vahii 'iqbaal' jo soz-e-chaman kii aag me.n
'umr bhar sulgaa magar baa.nTii ziyaa har raag me.n
zaKHm par marham zabaa.n par baa.nkpan ehsaan hai
raushnii bahr-e-tafakkur me.n tirii pahchaan hai
yuu.n tirii lalkaar se kashtii kinaare aa lagii
qaum kii tauqiir ham-dosh-e-surayyaa ho ga.ii
nii.nd se jin ko jagaayaa tuu ne apne saaz se
phir vahii sone lage hai.n ik na.e andaaz se
Gairat-e-iimaa.n jo tere soz ne bedaar kii
tah cha.Dhii jaatii hai phir se sheva-e-aGyaar kii
dekh le tahziib kaa Dhaa.ncha pa.Daa biimaar hai
hai masiihaa paas lekin jaan se bezaar hai
hai.n na.e muusaa yahaa.n kitne na.e fir'aun hai.n
raaz khultaa hii nahii.n aslii masiihaa kaun hai.n
ruuh terii har hasii.n jazbe kaa garmaa.e lahuu
zinda-e-jaaved hai afkaar kii suurat me.n tuu
ab tiraa shaahii.n thape.Do.n se bahut kamzor hai
aa mire 'iqbaal' tere jaagne kaa daur hai

Shaheen Bhatti
Nazm

shair

ik mukammal zindagii hai shaa.ir-e-shiirii.n-bayaa.n
mahram-e-raaz-e-fanaa hai aur baqaa kaa tarjumaa.n
us kii hastii kii hai qiimat ik nigaah-e-iltifaat
hech KHuddaarii ke aage hai.n zamiin-o-aasmaa.n
vo kahii.n majbuur-e-mutlaq hai kahii.n muKHtaar-e-kul
husn kaa be-daam banda varna hai shaah-e-jahaa.n
KHam jabii.n hotii hai us kii naqsh-e-paa-e-dost par
aur jhuk jaate hai.n us ke paa.nv par dono.n jahaa.n
us se poshiida nahii.n hai.n raaz-haa-e-husn-o-ishq
tarjumaa.n hai ahl-e-ulfat kaa vo sirr-e-dil-baraa.n
phuul barsaataa hai apne dosto.n kii bazm me.n
aur giraataa hai saf-e-aGyaar par ye bijliyaa.n
us ke naazuk qalb me.n miltaa hai mazluumo.n kaa dard
be-kaso.n kaa hai vo haamii be-zabaano.n kii zabaa.n
fitratan aazaad be-KHauf-o-KHatar bebaak hai
zindagii detii hai.n us ko zindagii kii talKHiyaa.n
dil ke tuufaa.n me.n qalam us kaa hai kashtii nuuh kii
aur hai us kaa tasavvur ek bahr-e-be-karaa.n
qalb us kaa mulk ke haalaat kaa aa.iina-daar
qaum ke jazbaat kii tash.hiir hai us kaa bayaa.n
diin hai us kaa mohabbat us kii duniyaa shaa.erii
hai tashaddud kaa muKHaalif haami-e-amn-o-amaa.n
ai 'shifaa' un ko magar shaa.ir na kah denaa kahii.n
bazm me.n laa kar jo pa.Dhte hai.n kalaam-e-diigaraa.n

Prem Lal Shifa Dehlvi
Nazm

madh

(1)
kas tarah bayaa.n ho tiraa pairaa-e-taqriir
goyaa sar-e-baatil pe chamakne lagii shamshiir
vo zor hai ik lafz idhar nutq se niklaa
vaa.n siina-e-aGyaar me.n paivast hu.e tiir
garmii bhii hai ThanDak bhii ravaanii bhii sakuu.n bhii
taasiir kaa kyaa kahiye hai taasiir hii taasiir
e.ajaaz usii kaa hai ki arbaab-e-sitam kii
ab tak ko.ii anjaam ko pahu.nchii nahii.n tadbiir
atraaf-e-vatan me.n hu.aa haq baat kaa shohra
har ek jagah makr-o-riyaa kii hu.ii tash.hiir
raushan hu.e ummiid se ruKH ahl-e-vafaa ke
peshaanii-e-aadaa pe siyaahii hu.ii tahriir
(2)
hurriyat-e-aadam kii rah-e-saKHt ke rah-giir
KHaatir me.n nahii.n laate KHayaal-e-dam-e-ta.aziir
kuchh na.ng nahii.n ranj-e-asiirii ki puraanaa
mardaan-e-safaa-kesh se hai rishtaa-e-zanjiir
kab dabdaba-e-jabr se dabte hai.n ki jin ke
iimaan o yaqii.n dil me.n kiye rahte hai.n tanviir
ma.aluum hai un ko ki rihaa hogii kasii din
zaalim ke giraa.n haath se mazluum kii taqdiir
aaKHir ko sar-afraaz hu.aa karte hai.n ahraar
aaKHir ko giraa kartii hai har jaur kii ta.amiir
har daur me.n sar hote hai.n qasr-e-jam-o-daaraa
har ahd me.n diivaar-e-sitam hotii hai tasKHiir
har daur me.n mal.uun shaqaavat hai 'shimar' kii
har ahd me.n mas.uud hai qurbaanii-e-shabbiir
(3)
kartaa hai qalam apne lab o nutq kii tathiir
pahu.nchii hai sar-e-haraf-e-du.aa ab mirii tahriir
har kaam me.n barkat ho har ik qaul me.n quvvat
har gaam pe ho manzil-e-maqsuud qadam-giir
har lahza tiraa taale-e-iqbaal sivaa ho
har lahza madad-gaar ho tadbiir kii taqdiir
har baat ho maqbuul, har ik bol ho baalaa
kuchh aur bhii raunaq me.n ba.Dhe shola-e-taqriir
har din ho tiraa lutf-e-zabaa.n aur ziyaada
allaah kare zor-e-bayaa.n aur ziyaada

Faiz Ahmad Faiz
Nazm

ye hamara ghar hai

durust phir ham pe yuurishe.n hai.n
sinaane.n nezo.n kii sho'la-zan hai.n
khi.nchii hai talvaar phir saro.n par
laTak rahe hai.n nukiile KHanjar
kamiin-gaaho.n se tiir par tiir chal rahe hai.n
qadam qadam par hai.n muush-KHaane
lahuu se bhiigaa pasiina majruuh e.Diyo.n se
Tapak rahaa hai
hai saamne aag piichhe dariyaa
na jaa.e-raftan nigaah me.n hai na paa.e-maa.ndan
magar hamaaraa yaqii.n salaamat rahaa thaa pahle bhii
ab bhii saabit-qadam rahegaa
nizaam-e-zulm-o-sitam ke aage ye sar jhukaa thaa
na ab jhukegaa
palaT ke jaane kii baat soche.n kahii.n chhupe.n
ham se ye na hogaa
faraar ho kar dayaar-e-aGyaar me.n base.n
ham se ye na hogaa
ki ye zamii.n to hamaare ajdaad kaa hai madfan
hamaare bachcho.n kaa baKHt raushan hamaaraa ghar hai
hamaarii peshaaniyo.n pe sajdo.n kaa naqsh ban kar
yahaa.n kii miTTii chamak rahii hai
yahaa.n ke shaffaaf paaniyo.n me.n vuzuu hamaaraa chhalak rahaa hai
yahii.n kii miTTii kii zau liye jagmagaa rahe hai.n hamaare maa'bad
khile.n ‘araq-reziyaa.n hamaarii hamaare kheto.n me.n fasl ban kar
hamaarii mehnat kaa sho'la raushan hai kaar-KHaano.n kii bhaTTiyo.n me.n
hamaaraa haq is zamii.n par hai
jo apnaa haq chho.D kar ga.e ghar se apne mu.nh mo.D kar ga.e to
kahii.n na basnaa nasiib hogaa
zalaalat-o-nakbat-o-hiqaarat nasiib-e-har-bad-nasiib hogaa
liyaa hai jo janm is zamii.n par yahii.n rahe.nge yahii.n base.nge
ahaaliyaan-e-sitam ke aage hamesha siina-sipar rahe.nge
kaho ke qatre Tapak-Tapak kar zamii.n pe harf-e-vafaa likhe.nge
hamaarii maa'suumiyat kii raushan daliil ban kar
hame.n pataa hai
ki zulm kitnaa bhii ho qavii sar-niguu.n hu.aa hai
bahaa kahii.n bhii jo KHuun-e-naahaq to qaatilo.n ko Dubo gayaa hai
hamaare bahte lahuu kii dhaaro.n se mausam-e-gul tuluu' hogaa
mohabbato.n kii sadaaqato.n kaa zuhuur hogaa zaruur hogaa
jaziira-e-Gair kii taraf jaane vaalii har naav ko jalaa do
hame.n to marnaa bhii hai agar to yahii.n kahii.n par
isii zamii.n par
ki is zamii.n par hamaaraa ghar hai

Bilqis Zafirul Hasan
Nazm

ahsan taqwim

bustaan-e-vafaa dahr me.n aabaad hai ham se
din-raat zamaane ko KHudaa yaad hai ham se
taariiKH-e-junuu.n KHuun se kii ham ne nigaarish
aafaaq hai.n har masnad-e-irshaad hai ham se
raushan kiyaa zulmaat me.n qindiil-e-hunar ko
sahraa me.n chaman nuur kaa aabaad hai ham se
ham jannat-e-parvez ke hai.n husn-e-tafaaKHur
shiirii.n kii talab taisha-e-farhaad hai ham se
saa.nche me.n Gam-o-dard ke insaan ko Dhaalaa
shahkaar-e-jahaa.n-saaz bhii iijaad hai ham se
KHvaabiida shabistaa.n me.n azaa.n ham ne pukaarii
iimaan-saraa dahr kaa aabaad hai ham se
ham shahr-e-tafalsuf me.n hai.n tadriis kii tanviir
shamshiir ba-kaf baazuu-e-faulaad hai ham se
ta.amiir kiyaa teshaa-e-fan se chaman-e-dahr
tanqiid-e-haq-aasaar bhii iijaad hai ham se
me.amaar-e-yaqii.n-saaz hai.n darvesh ke aadaab
baaqii abhii ta.aliim-e-KHudaa-daad hai ham se
iKHlaas ke motii se bharaa daaman-e-aGyaar
iqliim-e-jahaa.n me.n adl-o-raad hai ham se
aivaan-e-zar-o-siim me.n mahshar hu.aa barpaa
KHaa.if hama-tan lashkar-e-shaddaad hai ham se
maahaul-e-zamaana hai alamnaak-o-jigar-doz
qaa.em vale kuchh rahmat-e-javvaad hai ham se
sar-baazii-e-paiham se hai gulzaar murattab
sar-chashma-e-anvaar kii buniyaad hai ham se
ham ahsan-e-taqviim ke hai.n boltii tafsiir
ra.ngiin-e-dil-e-getii kii ruudaad hai ham se
baKHshii hai Gulaamo.n ko bhii ahraar kii jur.at
duniyaa kaa giraftaar bhii aazaad hai ham se
ham miT ga.e duniyaa se to duniyaa nahii.n hogii
har zarra hai raushan to jahaa.n shaad hai ham se
ilhaad kii zulmat se zamaane ko nikaalaa
aslaaf kii mahfil abhii aabaad hai ham se
sar-mastii-e-kirdaar se raKHshanda hai aafaaq
mahfuuz abhii maKHzan-e-ajdaad hai ham se
tahziib-o-tamaddun kaa sabaq ham ne pa.Dhaayaa
har husn-e-jahaa.n-saaz kii iijaad hai ham se
'bebaak' kahaa.n gosh-bar-aavaaz zamaana
kuchh millat-e-ma.asuum kii fariyaad hai ham se

Bebak Bhojpuri
Nazm

ai ishq kahin le chal

ik mazbah-e-jazbaat-o-afkaar hai ye duniyaa
ik maskan-e-ashraar-o-aazaar hai ye duniyaa
ik maqtal-e-ahraar-o-abraar hai ye duniyaa

Akhtar Shirani
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now