Search result for "mohr-e-nabuvvat" | Category - Nazm, Page

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "mohr-e-nabuvvat"

Nazm MATCHES FOR "mohr-e-nabuvvat"

Nazm

ek sitara aadarsh ka

la.al-o-gauhar KHazaane
shahd-o-gandum se zuruuf uble hu.e
taKHt-o-taaj-o-mohr-e-shaahii ke nigahbaa.n
harba-haa-e-aahan-o-faulaad
aur daste Gulaamaan-e-javaa.n ke
kaahino.n kii phuu.nk
haamaano.n kii tadbiir-e-siyaasat me.n zahr-e-halaahil
paasbaanii me.n magan
so rahe hai.n an-ginat fir.aun
ai baad-e-sabaa aahista chal

Shafiq Fatima Shera

Nazm

KHatun-e-mashriq

shahpar-e-bulbul pe khii.nchii jaa.e tasviir-e-shiGaal!
motiyo.n par sabt ho tuufaan kii mohr-e-jalaal

Josh Malihabadi

Nazm

ahmad-faraaz marhum ki nazr

tarab-faroz nazaaro.n se duur koso.n duur
jahaa.n na qahqaha ko.ii na ko.ii sargoshii
faqat sukuut kaa ik silsila chahaar taraf
fazaa ke ho.nTo.n pe hai sabt mohr-e-KHaamoshii

Shadab Razi

Nazm

barish-e-sang

hai tamanna aaj zaKHmii
aarzuu ke lab pe hai mohr-e-sukuut
ai abaabiilo kahaa.n ho aaj tum
aa.o aa kar
sang-rezo kii karo baarish ki phir
suurat-e-KHaashaak-o-KHas
paara-paara jis se ho jaa.e.n ye fiil

Alqama Shibli

Nazm

apni malka-e-suKHan se

ai maah-e-she.r-parvar o mehr-e-suKHan-varii
ai aab-o-ra.ng-e-'haafiz' o ai husn-e-'anvarii'
tuu ne hii sabt kii hai ba-sad naaz-e-daavarii
mere suKHan kii pusht pe mohr-e-payambarii
terii shamiim-e-zulf kii daulat liye hu.e
meraa nafas hai buu-e-risaalat liye hu.e

Josh Malihabadi

Nazm

sar-e-tur

haath kaaTe ga.e jur.at-e-shauq par
KHuu.n-chakaa.n ho ke vo gul-fishaa.n ho ga.e
hairato.n ne lagaa.ii jo mohr-e-sukuut
lab KHamoshii me.n jaaduu bayaa.n ho ga.e
raaste me.n jo kohsaar aa.e to ham
aise ta.Dpe ki sail-e-ravaa.n ho ga.e
hai.n azal se zamii.n ke kure par amiir
ho ke mahduud ham be-karaa.n ho ga.e
zuaq-e-parvaaz bhii dil kii ik jast hai
KHaak se ziinat-e-aasmaa.n ho ga.e

Ali Sardar Jafri

Nazm

sawal-o-jawab kaun kare

zikr-e-ahd-e-shabaab kaun kare
hasrato.n kaa hisaab kaun kare
ranj-e-maazii ko yaad kar kar ke
dil ko apne kabaab kaun kare
husn ko be-naqaab kaun kare
ishq ko baa-hijaab kaun kare
shauq-e-shurb-e-sharaab kaun kare
aisaa kaar-e-savaab kaun kare
dil ko isyaa.n-navaaz kaun kare
aaqibat ko KHaraab kaun kare
rang-e-hastii saraab-aasaa hai
e.atibaar-e-saraab kaun kare
roke baiThe hai.n jo nasiibo.n ko
yaad un ko janaab kaun kare
lab pe apne hai mohr-e-KHaamoshii
phir savaal-o-javaab kaun kare

Narayan Das Puri

Nazm

sukun

ta.Dap rahe hai.n jo tuufaa.n mire KHayaalo.n me.n
vo band-e-zabt-o-tahammul se aa na Takraa.e.n
ubhar rahii hai.n jo mauje.n shikast-e-armaa.n kii
vo meraa azm-e-musammam bahaa na le jaa.e.n
dahan KHamosh zabaa.n chup labo.n pe mohr-e-sukuut
mirii hayaat kaa maqsad hai Gam pe Gam khaa.e.n
KHalaa me.n ghuur rahaa huu.n nuquush-e-maazii ko
ye be-yaqiinii-e-fardaa me.n gum na ho jaa.e.n
KHamoshiyo.n me.n yahaa.n ek hashr barpaa hai
kahaa.n se Dhuu.nD ke lamhaat-e-pur-sukuu.n laa.e.n
jo apnii saarii umiido.n kaa KHuun ho jaa.e
qasam se dast-e-sitam ko sukuun ho jaa.e

Khawaja Manzar Hasan Manzar

Nazm

mutazad zawiye

aur bisaat-e-KHayaal be-paayaa.n
aur mu.ayyan huduud-e-sharh-o-bayya.n
tez-raftaar gardish-e-haalaat
aur aahistagii-e-umr ravaa.n
ajnabiyyat kaa mustaqil ik bojh
aur shanaasaa.iyo.n kaa baar-e-giraa.n
aql kii KHaamii naarasii dil kii
aur tasavvur-shikan haqiiqat-e-jaa.n
muKHtalif har vajuud pesh-e-nazar
aur imkaan-e-vahdat-e-imkaa.n
fikr uqdaa-kushaa.iyo.n pe musir
aur sar-rishte hii kaa KHud fuqdaan.n
intihaa silsilo.n kii naa-maaluum
aur har lamha silsila-e-jumbaa.n
mutavaatir maraahil-e-taaliim
aur musalsal madaarij-e-nisyaa.n
shoba-haa-e-KHayaal be-tam.iiz
aur bahr-e-shanaaKHt mohr-o-nishaa.n
chaar jaanib saraahto.n kaa hujuum
aur bahr-e-rumuuz be-paayaa.n
sail-e-bairuu.n ravaa.n ba-tarz-e-digar
aur juu-e-andaruu.n alag sii ravaa.n
ek kho.ii hu.ii fazaa.e-hayaat
aur ehsaas-o-fikr sab Galtaa.n
aur saa.nso.n kii rahguzar pe hujuum
aur aa.nkho.n kii rahguzar viiraa.n

Abdul Ahad Saaz

Nazm

dam-e-ruKHsat

merii aa.nkho.n me.n vo ruKHsat kaa samaa.n hai ab bhii
isii andaaz se dil girya-kunaa.n hai ab bhii
haa.e vo 'aariz-e-gulguu.n pe machalte aa.nsuu
ek sho'la saa mire dil pe ravaa.n hai ab bhii
siskiyo.n se bhare lahje me.n KHato.n kii taakiid
mere dil pe usii lahje kaa nishaa.n hai ab bhii
chaar din pahle se ik mohr-e-KHamoshii lab par
yaad mujh ko tirii KHaamosh fuGaa.n hai ab bhii
vo zaraa baat pe mu.nh pher ke ro ro denaa
mere ehsaas pe ik baar-e-garaa.n hai ab bhii
aaKHirii shab kise nii.nd aa.ii thii pal bhar ke liye
mere kaano.n me.n vo aavaaz-e-azaa.n hai ab bhii
ek bosa jo diyaa thaa mire pairaahan par
pairahan par tire ho.nTo.n kaa nishaan hai ab bhii
mere ehsaas ke partav ko samajhne vaalii
ek bastii mirii hastii me.n nihaa.n hai ab bhii
dil tirii yaad se Gaafil nahii.n pal bhar ke liye
terii suurat mirii aa.nkho.n me.n nihaa.n hai ab bhii
kis tarah duur ho duurii ko.ii tadbiir nahii.n
bamba.ii me.n vahii takliif-e-makaa.n hai ab bhii
ai mirii ruuh-e-Gazal husn-e-Gazal jaan-e-Gazal
chain tujh bin tire 'kaamil' ko kahaa.n hai ab bhii

Kamil Chandpuri

Nazm

raushni ke minar

do samundar jahaa.n aapas me.n milaa karte hai.n
mai.n ne kitne sahar o shaam guzaare hai.n vahaa.n
mai.n ne dekhii hai nikalte hu.e suuraj kii kiran
aur kal hote hu.e din kii shafaq dekhii hai
mai.n ne maujo.n ke talaatum me.n guhar Dhuu.nDe hai.n
aur paa.e hai.n KHazaf reze bhii
jaal paanii se jab ik baar nikaalaa mai.n ne
ik gha.Daa ret bharaa haath aayaa
sabt thii mohr-e-sulaimaa.n jis par
aur kholaa to dhu.e.n kaa baadal
peT se us ke numuudaar hu.aa
aadmii ke liye ye behtar hai
ki muqaffal hii rahe.n kuchh chiize.n
ye fazaa.e.n ye sitaare ye falak
vaqt-e-gardaa.n kii musalsal Tik Tik
jaanvar kii.De mako.De hashraat
machhliyaa.n aur tuyuur
aur insaan jo pahle din se
aaKHirii roz talak
maut kii samt chalaa kartaa hai
justujuu par mujhe uksaate hai.n
aah lekin ye talaash
kar ga.ii aur bhii hairaa.n mujh ko
kyuu.n vo kashtii hu.ii suuraaKH-zada
jis me.n ham raat ko paar utre the
raah chalte hu.e muDbhe.D hu.ii thii jis se
kis KHataa par vo javaa.n qatl hu.aa
kitne be-bahra the tahziib se is shahr ke log
jin ko aate na the mehmaan-navaazii ke tariiq
phir bhalaa kis liye un kii KHaatir
ham ne girtii hu.ii diivaar ko taamiir kiyaa
raaz par raaz chhupaa rakkhe hai.n ik buu.Dhe ne
aur ham hai.n ki phiraa karte hai.n
har larazte hu.e saa.e kaa ta.aaqub karte
sham.a kii lau jise har aan badal detii hai

Muneebur Rahman

Nazm

chand aansu

Gazal sadaa.o.n kaa ek jangal
taras rahaa hai
buland-o-baalaa ghanere bargad kii shaaKH-dar-shaaKH
sansanaahaT ke zamzamo.n ko ki dar-haqiiqat
buland-o-baalaa ghanere bargad kii infiraadii tanaavarii ko
fanaa kii diimak nigal ga.ii hai
Gazal jo urdu adab ke barr-e-saGiir par thii
na.e taqaazo.n na.e saliiqo.n kaa ik himaala-sifat saraapaa
vo apnii choTii se munqata.a hai
ki ab vo choTii nahii.n rahii hai
Gazal kii is aabruu ke badle
bas ab to yaado.n kii KHalvato.n me.n
sulagtii socho.n me.n saa.ns lete
chand ik fasaane
mataa.a-e-ahbaab rah ga.e hai.n
vo chand barso.n kii ik rifaaqat
jo rasm-o-rah ke
aTuuT sangam me.n Dhal chukii thii
bas ek lamhe kii tund karvaT ne chhiin lii hai
hariim-e-dil
karb-gaah-e-iz.haar ban ga.ii hai
labo.n pe ab mohr-e-KHaamushii hai
kise sunaa.e.n vo dil kii dha.Dkan
jise javaabo.n kaa iltifaat-e-shu.uur-a.ngez
be-mahaabaa jhi.njho.D kar
us kii fikriyaatii amiiq parto.n me.n so.ii so.ii sii
ruuh-e-ehsaas ko jagaa.e
junuu.n ko mahmez-e-Gam dikhaa.e
parind-e-taKH.iil ko u.Daa.e
KHalaa kii iqliim kaa musaafir
jahaa.n vo uTh kar chalaa gayaa hai
vahaa.n KHalaa kaa savaal kyaa hai
KHalaa to ab us ke piichhe piichhe hii rah gayaa hai
jahaa.n ham aise faqiir tahliil ho ke 'raahii'
vajuud bhii apnaa kho chuke hai.n
bahut mukaafaat-e-be-vajuudii ko ro chuke hai.n

Ram Parkash Rahi

Nazm

dil-e-safi

dil-e-saafii ye ho ai 'mehr' KHudaa kii rahmat
mai.n ne mahsuus kiyaa hai bahut aaraam yahaa.n
gosha-e-aafat us ko kahii.n to zebaa hai
kaisii taskiin kaa hai kaise sukuu.n kaa ye makaa.n
is tarah shahar se kuchh duur ko.ii ma.abad ho
shaara-e-aam se haT kar ki na ho bhii.D vahaa.n
ko.ii jaa.e bhii jo us jaa to iraada kar ke
ye na ho har kas-o-naa-kas ho vahaa.n gasht-kunaa.n
jaa.e tanhaa ho makaa.n gosha-e-uzlat saa ho
jis taraf dekho nazar aa.e KHamoshii kaa samaa.n
saaya-e-afgan huu.n kuhan saal daraKHt us jaa par
aisii ThanDak ho ki bas aa.e vahaa.n jaan me.n jaan
sahn me.n aab-e-musaffaa pa.Daa hauz bhii ho
aur vo aisaa maskan ki na ho jis kaa bayaa.n
girah me.n huu.n raushe.n besh-bahaa patthar kii
saaf aisii ki na ratankaa bhii nazar aa.e vahaa.n
saamne aa.nkh ke ma.abad kaa ho burj-e-sa.ngii.n
jis kii ta.amiir ko barso.n hu.e ho.n yaa sadiyaa.n
Garaz aisaa ho makaa.n aur to vaa.n baiThaa ho
aur KHamoshii o sukuu.n chaar taraf se ho ayaa.n
tuu vahaa.n baiThaa ho aaraam se aur tere sivaa
aadmii-zaad kaa Dhuu.nDhe na nazar aa.e nishaa.n
dekh kar aa.nkh me.n nuur tabii.at me.n suruur
to ye samjhe ki zamii.n par hai yahii baaG-e-jinaa.n
hai yahii haal jo dekho to dil saafii kaa
vahii taskiin-o-sukuu.n aur vahii raahat hai yahaa.n
vahii ThanDak hai vahii nuur-o-suruur-o-maufuur
hai yahaa.n bhii vahii taskiin-o-KHamoshii kaa samaa.n
mai.n yahaa.n baiTh ke ai 'mehr' maze letaa huu.n
aur samajhtaa huu.n zamii.n par hai yahii baaG-e-jinaa.n

Suraj Narayan Mehr

Nazm

jamhuriyat zindabaad

apne bhaarat me.n jo ujaalaa hai
use jamhuuriyat ne Dhaalaa hai
ye haqiiqat hai saarii duniyaa se
apnaa dastuur bhii niraalaa hai
sab ko yaksaa.n huquuq jis ne diye
is me.n maujuud sab havaala hai
kyaa hii chhabbiis january kaa ye din
azmat-o-ehtishaam vaalaa hai
ham sabhii ehtiraam karte hai.n
aaj kaa din buland-o-baalaa hai
hotaa jaataa hai mulk phir bhii buland
laakh duniyaa ne bech Daalaa hai
jin ke ghar the kabhii a.ndhero.n me.n
ab vahaa.n bhii ba.Daa ujaalaa hai
ye hai jamhuuriyat kaa hii sadqa
jis ne suuraj nayaa nikaalaa hai
mas.ale vo bhii jald hal ho.nge
aaj jin mas.alo.n se paalaa hai
hai.n yahaa.n baa-kamaal log bahut
desh kaa jin se bol baalaa hai
tujh ko jamhuuriyat salaam miraa
tuu mohabbat kaa ik shivaala hai
apne hindostaa.n ko dekho ‘mohii’
jis kii aaGosh me.n himaala hai

Mohi Bakhsh Qadiri

Nazm

tanasuKH

unhe.n KHabar kyaa
ki mehr-o-maah-o-nujuum saare
to raushnii ke hai.n isti.aare

Himayat Ali Shayar

Nazm

golkunDa ke sae mein

sar-bulandii se tirii miltaa hai jhuk kar aasmaa.n
zarre zarre me.n nazar aataa hai mehr-e-zau-fishaa.n

Khurshid Ahmad Jami

Nazm

chandu ki fariyaad

bataayaa hai mujh ko ye ustaad ne hii
ki aa.e nahuusat ulaT naam se bhii

Ayyub Akhtar

Nazm

nai subh

aashtii amn mohabbat ke parastaar sabhii
jazba-e-mehr-o-mohabbat se hai.n sarshaar sabhii

Sahir Hoshiyarpuri

Nazm

nae sal ki saughat

mashvara dil kaa hai mehr-o-mah-o-anjum bhejo
vaqt kahtaa hai ki ab KHosha-e-gandum bhejo

Saghar Mehdi

Nazm

ai aligarh

dilrubaa terii adaa.e.n KHush-nazar teraa jamaal
raushnii detaa hai zehno.n ko tiraa mahr-e-KHayaal

Moazzam Ali Khan

Load More

Search

ENG

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

Speak Now