Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "mukesh"

Nazm MATCHES FOR "mukesh"

Nazm

KHamoshi

sabhii ne kahaa dil lagaanaa Galat hai
magar mai.n ye samjhaa zamaanaa Galat hai
ye merii KHataa hai sazaa bhii mujhe de
du'aa bhii mujhe de qazaa bhii mujhe de

Mukesh Jha
Nazm

lakhnau

vo ho chikan mukesh zarii yaa rafuugarii
kitne hii fan sameTe hai fankaar lakhna.uu

Salim Husain
Nazm

ek laDki

zaraa us KHud apne hii
jazbo.n se majbuur la.Dkii ko dekho
jo ik shaaKH-e-gul kii tarah
an-ginat chaahato.n ke jhakolo.n kii zad me.n
u.Dii jaa rahii hai
ye la.Dkii
jo apne hii phuul aaise kap.Do.n se sharmaatii
aa.nchal sameTe nigaahe.n jhukaa.e chalii jaa rahii hai
jab apne hasii.n ghar kii dahliiz par jaa rukegii
to mukh mo.D kar muskuraa.egii jaise
abhii us ne ik ghaat me.n baiThe
dil ko pasand aane vaale
shikaarii ko dhokaa diyaa hai

Muneer Niyazi
Nazm

kali diwar

kal washington shahr kii ham ne sair bahut kii yaar
guu.nj rahii thii sab duniyaa me.n jis kii jai-jai-kaar
mulko.n mulko.n ham ghuume the banjaaro.n kii misl
lekin is kii saj-dhaj sach-much dil-daaro.n kii misl
raushniyo.n ke rang bahe.n yuu.n rasta nazar na aa.e
man kii aa.nkho.n vaalaa bhii yaa.n andhaa ho ho jaa.e
uu.nche baam charaaGaa.n raste ruup-bhare baazaar
jaagtii aa.nkho.n se dekhaa hai KHvaabo.n kaa sansaar
ek safed imaarat jis kii nagar nagar me.n dhuum
andar duniyaa bhar kii kaalak baahar se ma.asuum
yahii safed imaarat jis me.n bahut ba.Dii sarkaar
yahii.n kare.n saudaagar chhoTii qaumo.n kaa bevpaar
yahii.n pe jaaduu-gar baiThaa jab kahii.n kii Dor hilaa.e
har bastii nagasaki hiroshima ban jaa.e
isii imaarat se kuchh duur hii ik kaalii diivaar
logo.n kaa mela aisaa lagaa thaa jaise ko.ii tyauhaar
is kaalii diivaar pe kanda dekhe hazaaro.n naam
un naamo.n ke biich likhaa thaa shohdaa-e-vietnam
aas-paas to jam.a hu.aa thaa KHilqat kaa amboh
sab kii aa.nkho.n me.n sannaaTaa chehro.n par andoh
bekal bahne.n ghaayal maa.e.n aur dukhii bevaaye.n
saajan tum kis des sidhaare soche.n mahbuubaa.e.n
apne pyaaro.n dil-daaro.n kaa ojhal mukh.Daa Dhuu.nDe.n
is kaalii diivaar pe un ke naam kaa Tuk.Daa Dhuu.nDe.n
dilo.n me.n dukh aa.nkho.n me.n shabnam haatho.n me.n phuul uThaa.e
is naamo.n ke qabristaan kaa bhed ko.ii kyaa paa.e
naa turbat naa katba ko.ii naa haDDii naa maas
phir bhii paagal nainaa.n ko thii piyaa milan kii aas
kahii.n kahii.n is kaalii sil par ko.ii safed gulaab
yuu.n be-taab pa.Daa thaa jaise andhii aa.nkh kaa KHvaab
kaa.nTaa ban kar sabhii ke dil me.n khaTke ek savaal
kis kaaran miTTii me.n milaa.e hiiro.n jaise laal
Ho-chi-minh ke des me.n ham ne kyaa kyaa sitam na Dhaa.e
us ke jiyaale to aazaadii kaa suuraj le aa.e
lekin itne chaa.nd ga.nvaa kar ham ne bhalaa kyaa paayaa
ham bad-qismat aise jin ko dhuup milii naa saayaa
mukh motii de kar haasil kii ye kaalii diivaar
ye kaalii diivaar jo hai bas ik KHaalii diivaar
ye kaalii diivaar jo hai naamo.n kaa qabristaan
washington ke shahr me.n dafn hai.n kis kis ke armaan

Ahmad Faraz
Nazm

dipawli

gale me.n haar phuulo.n kaa charan me.n diip-maalaa.e.n
mukuT sar par hai mukh par zindagii kii ruup-rekhaa.e.n
liye hai.n kar me.n ma.ngal-ghaT na kyuu.n ghaT ghaT pe chhaa jaa.e.n
agar partav pa.De murda-dilo.n par vo bhii jii jaa.e.n

Nazeer Banarasi
Nazm

mahatma-gandhi

bhalaa.ii sab kii ho jis se vo kaam us kaa hai
jahaa.n bhii jaa.o vahii.n ehtiraam us kaa hai
uThaa.e sar ko.ii kyaa sar uThaa nahii.n saktaa
muqaable ke liye aage aa nahii.n saktaa
kisii se us ko mohabbat kisii se ulfat hai
kisii ko us kii hai us ko kisii kii hasrat hai
vafaa-o-lutf tarahhum kii KHaas aadat hai
Garaz karam hai mudaaraat hai inaayat hai
kisii ko dekh hii saktaa nahii.n hai mushkil me.n
ye baat kyuu.n hai ki rakhtaa hai dard vo dil me.n
vo rashk-e-sham-e-hidaayaat hai anjuman ke liye
vo misl-e-ruuh-e-ravaa.n unsur-e-badan ke liye
vo ek saaGar-e-nau mahfil-e-kuhan ke liye
vo KHaas maslah-e-kul shaiKH-o-barahman ke liye
lagan use hai ki sab maalik-e-vatan ho jaa.e.n
qafas se chhuuT ke ziinat-dah-e-chaman ho jaa.e.n
jafaa-shi.aar se hotaa hai bar-sar-e-paikaar
na paas top na golaa na qabze me.n talvaar
zamaana taaba-e-irshaad hukm par tayyaar
vo paak shakl se paidaa hai.n josh ke aasaar
kisii KHayaal se charKHe ke bal pe la.Dtaa hai
kha.Dii hai fauj ye tanhaa magar aka.Dtaa hai
tarah tarah ke sitam dil par apne sahtaa hai
hazaar ko.ii kahe kuchh KHamosh rahtaa hai
kahaa.n shariik hai.n aa.nkho.n se KHuun bahtaa hai
suno suno ki ye ik kahne vaalaa kahtaa hai
jo aabruu tumhe.n rakhnii ho josh me.n aa.o
raho na be-KHud-o-be-hosh hosh me.n aa.o
usii ko ghere amiir-o-Gariib rahte hai.n
nadiim-o-muunish-o-yaar-o-habiib rahte hai.n
adab ke saath adab se adiib rahte hai.n
nasiib-var hai.n vo ba.De KHush-nasiib rahte hai.n
ko.ii bataa.e to yuu.n dekh-bhaal kis kii hai
jo us se baat kare ye majaal kis kii hai
rifaah-e-aam se raGbat hai aur matlab hai
anokhii baat niraalii ravish nayaa Dhab hai
yahii KHayaal thaa pahle yahii KHayaal ab hai
faqat hai diin yahii bas yahii to maz.hab hai
agar bajaa hai to 'bismil' kii arz bhii sun lo
chaman hai saamne do-chaar phuul tum chun lo

Bismil Allahabadi
Nazm

nai mahfil mein pahli shanasai

na.ii jagah thii duur duur tak aaKHir par diivaare.n shab kii
kuchh yaaro.n ne barpaa kar dii ik mahfil kuchh apne Dhab kii
uu.nche dar se daaKHil ho kar saaf nasheb me.n baiThe jaa kar
ek maqaam me.n hu.e ikaTThe raunaq aur viiraanii aa kar
markaz-e-dar se jashn-bapaa tak sair thii shaam-e-mehr-o-vafaa kii
KHushii thii us se milne jaisii bechainii thii abr-o-havaa kii
sab ra.ngo.n ke log jam.a the ek hii manzil thii un sab kii
ik bastii aalaam se KHaalii ek fazaa kisii KHvaab-e-tarab kii
ja.ngal kii shaadaabii jaisaa pahnaa thaa ko.ii jalva us ne
pairaahan ik na.ii vaz.a kaa khule samundar jaisaa us ne
kar rakkhaa thaa chehra apnaa dukh-mukh se be-parvaa us ne
merii taraf takne se pahle chaaro.n jaanib dekhaa us ne

Muneer Niyazi
Nazm

kashi

ga.ngaa kii chhaatii par
sar rakh kar na.ii
kuchh der
jak.De banaras ke
buu.Dhe naaKHuuno.n aur jhurriyo.n ne
chipchipaatii cham.Dii vaale haatho.n ko
chhuu kar yuu.n lagaa ki tum vahii ho jo mai.n huu.n
aur ye merii jagah hai
mai.n huu.n manikarnikaa
aur tum mere kaashii
ye jo ga.ngaa hai naa
isii me.n bahte bahte ham ek kinaare
mile the kabhii
aur hamesha ke liye ek ho ga.e
ye ga.ngaa hii saakshii hai
ga.ngaa hii rishta
yahii prem bhii
suutr bhii ye hai
ham ga.ngaa ke ka.nkar
ga.ngaa kii aulaad
aur isii me.n moh
moksh bhii isii me.n
mai.n manikarnikaa
tum mere kaashii

Varsha Gorchhia
Nazm

bol anmol

KHushiyo.n kaa mukh chuum ke dekhaa duniyaa maan-bharii
dukh vo sajan kaThor ki jis ko ruuh kare sajda

Majeed Amjad
Nazm

dukh maile aakash ka

jab aakaash kaa dil dukhtaa hai
bachche buu.Dhe shajar hajar chi.Diyaa.n aur kii.De
sab ke andar dukh ugtaa hai
phir ye dukh aa.nkho.n ke raste
gaalo.n par bahne lagtaa hai
phir Tho.Dii ke panj-nad par sab dukho.n ke dhaare aa milte hai.n
aur shabnam saa mukh dhartii kaa
KHud ik dhaaraa ban jaataa hai

Wazir Agha
Nazm

mahbuba bhi aisi ho

duur kahii.n
koyal kii kuu-kuu guu.nj rahii hai
niil gagan pe kaale baadal Dol rahe hai.n
aur kheto.n me.n paglii pavan
hare-bhare makke ke mukh ko chuum rahii hai
ik aashiq jo mahbuuba se bichha.D gayaa hai
uu.nchii faslo.n baa.ns ke jhun.Do.n me.n vo us ko Dhuu.nD rahaa hai
kaash ki meraa gaa.nv ho aisaa
mahbuuba bhii aisii ho
ra.ng-bira.ngii titliyaa.n u.D kar jis kaa pata bataatii huu.n

Abu Bakr Abbad
Nazm

nirwan ki talash

yashodhraa thak ke so ga.ii thii
aur raahul bistar par jaagtaa thaa
magar siddhaarth
mahal se baahar nikal chukaa thaa
us kaa hirdai badal chukaa thaa
badan pe geru.a libaas Daale
vo siidhaa jangal ko jaa rahaa thaa
ye man hii man vo vichaartaa thaa
ye dhan ye daulat
ye aish-o-ishrat
ye praan kaayaa
ye moh maayaa
hai sab paraayaa
kahii.n nahii.n shaa.ntii kii chhaayaa
kahii.n nahii.n shaa.ntii kii chhaayaa
prabhuu ye kyo.n tuu ne jag banaayaa
ye jag jahaa.n jug jugaantar se
anant praanii asankh maanav
kaamnaa vaasnaa kii agnii me.n jal rahaa hai
vo mirgtirishnaa ko jal samajh kar
KHud aap apne ko chhal rahaa hai
dukho.n ke sahraa me.n chal rahaa hai
yahaa.n pe jiivan maran bhii dukh hai
birah bhii dukh hai milan bhii dukh hai
shariir aur aatmaa bhii dukh hai
triptii aur tirishnaa bhii dukh hai
magar kahii.n moksh kaa ko.ii raasta nahii.n hai
kahii.n bhii nirvaan kaa ko.ii silsila nahii.n hai
mere bhagvaan
mai.n yug ke andhe vishaal ban me.n
kab se nirvaan Dhuu.nDhtaa huu.n
manush kaa kalyaan Dhuu.nDhtaa huu.n
mai.n apnii pahchaan Dhuu.nDhtaa huu.n

Raza Ashk
Nazm

sip

kis ko apnaa maanuu.n aaKHir
kis mukh par apnaa naam likhuu.n
ye jiivan ik koraa kaaGaz
ab kis ko kyaa paiGaam likhuu.n

Naseer Parwaz
Nazm

prit ki holi

darpan se jab nain mile to rah ga.ii mai.n bhii dang
priit se us kii aur hu.aa thaa sundar mukh kaa rang
sakhiyo.n ne jab bhed ye puuchhaa laaj se kuchh na bolii sakhii
ab ke baras phaagun me.n kisii se aisii khelii holii sakhii

Zafar Sambhali
Nazm

banjh

aur phir do aa.nkho.n ko miltii
kaale uljhe baalo.n ko mukh par bikhraa.e
chhoTe chhoTe qadam uThaatii ba.Dhtii aa.ii
pahlii khi.Dkii me.n jab us ne jhaa.nkaa
khi.Dkii kii dahliiz pe rakkhaa ik naazuk gul-daan chaTaKH kar TuuT gayaa
uljhe baalo.n paagal aa.nkho.n vaalii ne tab aage ba.Dh kar
duusrii tiisrii aur phir galii kii har khi.Dkii me.n jhaa.nk ke dekhaa
gul-daano.n ko Thokar maarii
ik ik phuul ko rau.nd diyaa

Wazir Agha
Nazm

ibn-e-ziyaad ka farman

tumhaarii haDDiyaa.n mu.Dtii nahii.n hai.n
rahm-e-maadar se nikalne ke liye betaab ho
sote raho ye ghar grihastii kaa zamaana hai
maveshii astabal me.n jaa.e.nge aur uu.nT KHeme me.n
faras ibn-e-ziyaada ke liye uzv ziyaada hai
savaarii vaaste mushkii hiran zanjiir karte hai.n
zamiin-e-shor se shoriida-sar ifriit se baune
samundar se gulaabii machhliyaa.n
miTTii se suuraj mukh kaa ja.ngal
chaar-diivaarii se uTh kar dekhtaa hai
aa.ngano.n me.n hal nahii.n chalte
abu-suifyaan se mai.n ne sunaa thaa

Mohammad Anvar Khalid
Nazm

mungphali ki kya hai baat

saarii chaT kar jaa.e.n sabhii
ha.nsii ha.nsii me.n pyaar me.n hii
chal jaa.e.n ghuu.nse mukke laat
muu.ngphalii kii kyaa hai baat

Yasir Farooq
Nazm

aafaqi Dakiye

mere ghar ko aatii bal khaatii pagDanDii kinaare
ka.ii rang ke phuul khile hu.e hai.n
mai.n aate jaate
jin se ham-kalaam hotii huu.n
ki aaj ke mashiinii daur me.n
vo mere aafaaqii Daakiye hai.n
jin kii KHushbuu me.n mere KHvaabo.n kii ta.abiir pinhaa.n hai
jin ke rango.n me.n mere ku.nvar mere kanhaiyaa ke hone kaa nishaa.n nihaa.n hai
mai.n har roz jin ke daaman me.n apnii taqdiir kii shatranj bichhaatii huu.n
un ke mukh pe khile rang ko sidq-e-dil se
vaqt kaa uglaa mohraa gardaantii huu.n
mere phuul mere Daakiye
jo kabhii jaamunii rang o.Dh kar
aamad-e-bahaar kaa miiThaa giit bante hai.n
jo kabhii niile rang me.n gungunaa kar
duur dishaa.o.n me.n riste malaal kii sadaa bante hai.n
jo kabhii safed rang me.n ha.ns kar
merii be-suud mohabbato.n kaa madfan bante hai.n
mujhe un phuulo.n kii zabaa.n kaa ilm hai
mai.n rango.n se achchhe se vaaqif huu.n
ki mai.n vo zamiin-zaadii huu.n
jis kii bhuurii aa.nkho.n me.n sitaaro.n kii raushnii
miTTii ke pardo.n se Dhakii pa.Dii hai

Komal Raja
Nazm

tanhai

kamre me.n sannaaTaa hai
KHaamoshii hai a.ngnaa.ii me.n
badan jale tanhaa.ii me.n
dard kii nayyaa soch kaa saagar Gam kii tez havaa.e.n
yaado.n ke tuufaanii baadal zehn pe yuu.n ma.nDlaa.e.n
dhiiraj ke patvaar mire haatho.n se chhuuTe jaa.e.n
jitnaa sa.nbhaaluu.n bairii manvaa
Duube hai gahraa.ii me.n
badan jale tanhaa.ii me.n
palke.n muu.nduu.n nii.nd ke badle saamne tuu aa jaa.e
mukh par laaj kaa ghuu.nghaT Daale kha.Dii kha.Dii muskaa.e
pal me.n saamne aa.e bairan aur pal me.n chhup jaa.e

Habeeb Aasim
Nazm

bund ki chah

hai chaah giruu.n siidhe mukh me.n
chaatak se prem divaano.n ke

Sada Ambalvi
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now