Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "mukhaasamat"

Nazm MATCHES FOR "mukhaasamat"

Nazm

aurat

mukaalamaat-e-falaatuu.n na likh sakii lekin
usii ke sho.ale se TuuTaa sharaar-e-aflaatuu.n

Allama Iqbal
Nazm

aaKHiri lamha

tumhe.n kal apne shariik-e-safar ko chun.naa hai
vo jis se tum ko mohabbat mile rifaaqat bhii
hazaar ek ho.n do zehn muKHtalif ho.nge
ye baat talKH hai lekin hai ain-fitrat bhii
bahut hasiin hai zehnii mufaahamat lekin
ba.Dii aziim hai aadarsh kii hifaazat bhii

Jan Nisar Akhtar
Nazm

sharab

fuzuul hai
ye guftuguu hai
nigaah dekhtii hai taaq me.n rakhii hai.n chand botale.n
chalo chale.n
chalo chale.n jahaa.n hame.n KHayaal hii na aa.e zindagii nazar kii bhuul hai
chalo chale.n jahaa.n ye dar ye dastako.n pe dastake.n sunaa.ii hii na de sake.n
jahaa.n ye rauzan-e-zubuu.n nigaah kii miKHaasamat na kar sake
jahaa.n khulii fazaa khulii fazaa ki jaise ko.ii kah rahaa ho aa.iye
ye kah rahii ho aa.iye khulii fazaa hai ye yahaa.n to aa.iye

Meeraji
Nazm

mufahamat

nasheb-e-arz pe zarro.n ko mushta.il paa kar
bulandiyo.n pe safed-o-siyaah mil hii ga.e

Sahir Ludhianvi
Nazm

mufahamat

jab us kaa bosa letaa thaa cigarette kii buu nathno.n me.n ghus jaatii thii
mai.n tambaakuu-noshii ko ik aib samajhtaa aayaa huu.n
lekin ab mai.n aadii huu.n, ye merii zaat kaa hissa hai
vo bhii mere daa.nto.n kii bad-ra.ngii se maanuus hai, in kii aadii hai
jab ham dono.n milte hai.n, lafzo.n se begaana se ho jaate hai.n
kamre me.n kuchh saa.nse.n aur pasiine kii buu, tanhaa.ii rah jaatii hai!
ham dono.n shaayad murda hai.n ehsaas kaa chashma suukhaa hai
yaa phir shaayad aisaa hai ye afsaana bosiida hai
dard-e-zeh se ziist yuu.nhii halkaan ta.Daptii rahtii hai
na.e masiihaa aate hai.n aur suulii par cha.Dh jaate hai.n
ik maTiyaalaa insaan safo.n ko chiir ke aage ba.Dhtaa hai aur mimbar se chillaataa hai
ham masluub ke vaaris hai.n ye KHuun hamaaraa virsa hai
aur vo sab aadarsh, vo sab jo vaj.h-e-malaamat Thahraa thaa
is maTiyaale shaKHs ke gahre me.ade me.n khup jaataa hai
phir tafsiiro.n aur taviilo.n kii shakl me.n baahar aataa hai
ye taaviile.n majbuuro.n kaa ik mauhuum sahaaraa hai.n
yaa shaayad sab kaa sahaaraa hai.n
yuu.nhii me.n aadarsh insaan kaa juuyaa huu.n
sab hii sapne dekhte hai.n KHvaabo.n me.n havaa me.n u.Dte hai.n
phir ik manzil aatii hai jab phuuT phuuT kar rote hai.n
shaaKHo.n kii tarah TuuTte hai.n
ik ruuh-e-jaan-o-dil ko jo duniyaa me.n sab se ba.Dh kar hai paa lete hai.n
phir us se nafrat karte hai.n go phir bhii mohabbat karte hai.n!

Akhtarul Iman
Nazm

mufahamat

ham ki uryaa.n bahut hai.n
tamaashaa na ban
apnii zid chho.D de
mai.n tujhe o.Dh luu.n
tuu mujhe o.Dh le

Shaheen Mufti
Nazm

hijr-zad

mire dukh kaa ahd taviil hai
miraa naam lauh-e-firaaq par hai likhaa hu.aa
mai.n janm janm se kisii me.n aks-e-mushaabahat kii talaash me.n
phir apne KHvaab saraab saath liye hu.e
gayaa shahar shahar nagar nagar
thii.n ajiib bastiyaa.n raah me.n merii jiit merii shikast kii
kisii duusre kii sadaaqate.n mirii raahbar marii raahzan
liye saath saath qadam qadam
kabhii pesh-e-KHalvat-aa.iina
kabhii sub.h-o-shaam kii KHilqato.n ke juluus me.n
ka.ii zaahiro.n, ka.ii baatino.n ke badalte ruup me.n munqasim
mujhe kar ga.ii.n
mai.n dhu.aa.n saa aatish-e-asl kaa
u.Daa aur KHud se bichha.D gayaa
mujhe har qadam pe lagaa ki mai.n
safar-aazmaa.n huu.n magar mujhe mirii samt kii bhii KHabar nahii.n
mai.n haliif apne Ganiim kaa
huu.n jahaa.n bhii raah-e-ziyaa.n me.n huu.n
mai.n KHayaal-parvar-e-shauq shahr-e-misaal kaa
mujhe har maqaam pe yuu.n lagaa
ki haqiiqato.n ke sagaan-e-kucha-navard mujh pe jhapaT pa.De.nge yahii.n kahii.n
mujhe duniyaa-daar pachhaa.D de.nge mufaahamat kii zamiin par
mire haath bhiige hu.e sadaa.o.n ke KHauf se
mirii saa.ns larzii hu.ii havaa kii machaan par
ye faraar thaa
ki anaa kaa saaya-o-saa.ebaa.n
liyaa jis ne apne bachaav me.n
mai.n ravaa.n rahaa kisii be-numuud sii raushnii ke bahaav me.n
meraa paa-e-shauq-e-sazaa kahii.n pe rukaa nahii.n
ye nasheb-e-shaam hai aur mai.n huu.n ravaa.n-davaa.n
ye nahii.n ki mujh ko amaa.n milegii shab-e-abad ke pa.Daav me.n
zaraa intizaar ki jab vajuud kaa kuuza-gar
mujhe phir se KHaak banaa chuke
to ye dekhnaa
ki shabiih-e-shaKHs-e-digar me.n lauT ke aa.uu.ngaa
usii shahr me.n
miraa naam lauh-e-firaaq par hai likhaa hu.aa
mire dukh kaa ahd taviil hai

Aftab Iqbal Shamim
Nazm

mujhe khol taza hawa mein rakh

magar ai rahiin-e-dam-e-alast
mire vaaqiye ke muqaddamaat se peshtar
merii bandagii ko faroG de
kabhii dopahar ke KHumaar me.n
kisii aks-e-mauj-e-balaa me.n rakh
mire KHaak-o-KHuu.n ko nihaal kar
mujhe khol taaza havaa me.n rakh

Farrukh Yar
Nazm

ek nazm

zindagii ne kyaa diyaa mujhe
tarah tarah ke aarize dimaaG kaa buKHaar
iKHtilaal aur havaas ke shu.uur kaa malaal
raat ko mai.n jaagtaa rahuu.n
tamaam din baqaa kii aarzuu me.n afsaro.n ke KHauf se
nashist-gaah-e-intizaar me.n bahut hii phiikii muskuraahaTo.n ke saath
faisle ke intizaar me.n lahuu kii gardisho.n ke saath
zaat kii aziim saltanat ko aag me.n lipTaa dekhtaa rahuu.n
ye cigareto.n kaa niil-guu.n dhu.aa.n Gubaar hii Gubaar
bhaagtaa savaar asp kaa sunahrii na.al raaste me.n chho.D kar kidhar gayaa
ye shor ab kidhar se aa rahaa hai
Gaur se suno
nahii.n ye kuchh nahii.n
mai.n intizaar kii taviil saa.ato.n me.n naaKHuno.n se mez ko bajaa rahaa huu.n
par vo kaaGazo.n me.n Garq hai
bahut qadiim raat ibtidaa se intihaa ke laa-zavaal bahr me.n utar gayaa huu.n
saare din ke Gam ko mai.n
nashe kii ik ridaa me.n Dhaa.np duu.n
magar nasha haraam jurm hai
to phir palaT ke mai.n KHayaal me.n muqiim ishrato.n ko aa.ino.n me.n dekh luu.n
laziiz thartharaate jism
Dhol kii dhamak pe lahar lahar khil rahe hai.n
al-amaa.n muharramaat
mai.n sard-mehr zindagii se kyaa talab karuu.n
ki vo bhii KHud asiir hai

Anees Nagi
Nazm

aaKHiri harba

mai.n ne ek bahaadur kii maanind
ochhaa hathiyaar istimaal na karne kaa faisla kiyaa thaa
lekin juu.nhii mere gird hisaar ta.ng hone lagtaa hai
merii zirah-baktar ke halqe TuuTne lagte hai.n
aur bachaa.o ke har raaste par
TikTikii dikhaa.ii detii hai
to mai.n ko.ii na ko.ii ochhaa hathiyaar
istimaal karne par majbuur ho jaataa huu.n
kisii sarkash KHayaal ke peT me.n
chupke se KHanjar utaar detaa huu.n
kisii gustaaKH jazbe ko
mufaahamat ke bahaane bulaa kar
diivaar me.n chun detaa huu.n

Javed Shaheen
Nazm

tazabzub

mufaahamat kii hado.n se aage
muhiib a.ndhero.n ke qaafile hai.n
taviil vahshat ke silsile hai.n
jo ma.arka dil ne sar kyaa gar
to tiirgii daa.imii muqaddar
KHirad ne jiitaa to qatra qatra
ye zahar KHud me.n utaarnaa hai
ki tiisrii ko.ii rah nahii.n hai
so muntazir huu.n ki aage qismat me.n kyaa likhaa hai
muhiib a.ndhere
ki zahar-KHvaanii

Shahnaz Parveen Shazi
Nazm

mehwar

hamaarii aa.nkho.n me.n jalne vaale nuquush baaqii hai.n
kaan mausam kii garm aahaT se chau.nk uThte hai.n
bhiigii miTTii kaa lams fan ko nikhaar detaa hai
nursery ke puraane gamlo.n me.n parvarish ke tamaam aadaab
KHuub sajte hai.n
havaa abhii tak hamaare pe.Do.n kii sard shaaKHo.n me.n sarsaraatii hai
ho.nT hilte hai.n
aur gaa.ek hamaare vijdaan kii shat aur athaah lahro.n me.n bah nikaltaa hai
hamaarii ma.asuum aatmaa.o.n kii jot dhartii pe jaagtii hai
hamaarii mehvar pe ghuumtii hai
kyaa hu.aa jo hamaarii duniyaa me.n din kii nafrat
yaa shab kaa dhokaa bhii haadisa hai hamaare alfaaz kaa
na ko.ii taariiKH saa.ato.n kii
na ko.ii virsa na ko.ii tahziib
sab Galat hai
mufaahamat ke tamaam bandhan bikhar chuke hai.n
hamaarii aa.nkhe.n hii dekhtii hai.n
aur ko.ii aavaaz hamaarii taariiKH kii hikaayat se maavaraa hai
dimaaG patthar ugaa rahe hai.n

Ahmad Hamesh
Nazm

muqawamat

malbuus pahne raat apnaa zar-nigaar
zer-e-jaama taaz me.n laTkaa hu.aa
us kaa siyaah

Asif Raza
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now