Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "munharif"

Nazm MATCHES FOR "munharif"

Nazm

taqayya

so ab ye shart-e-hayaat Thahrii
ki shahar ke sab najiib afraad
apne apne lahuu kii hurmat se munharif ho ke jiinaa siikhe.n
vo sab aqiide ki in gharaano.n me.n
un kii aa.nkho.n ke ra.ngto.n kii tarah tasalsul se chal rahe the
sunaa hai baatil qaraar paa.e
vo sab vafaadaariyaa.n ki jin par lahuu ke va.ade halaf hu.e the
vo aaj se maslahat kii gha.Diyaa.n shumaar ho.ngii
badan kii vaabastagii kaa kyaa zikr
ruuh ke ahd-naame tak fasKH maane jaa.e.n
KHamoshii-o-maslahat-pasandii me.n KHairiyat hai
magar mire shahr-e-munharif me.n
abhii kuchh aise Gayyuur-o-saadiq ba-qaid-e-jaa.n hai.n
ki harf-e-inkaar jin kii qismat nahii.n banaa hai
so haakim-e-shahr jab bhii apne Gulaam-zaade
unhe.n giraftaar karne bheje
to saath me.n ek ek kaa shajra-e-nasb bhii ravaana karnaa
aur un ke hamraah sard patthar me.n chun.ne denaa
ki aaj se jab
hazaar-haa saal baa'd ham bhii
kisii zamaane ke Tekslaayaa ha.Dappa ban kar talaashe jaa.e.n
to us zamaane ke log
ham ko
kahii.n bahut kam-nasab na jaane.n

Parveen Shakir
Nazm

teri hansi

mai.n sochtaa huu.n ki ye terii be-hijaab ha.nsii!
mizaaj-e-ziist se is darja muKHtalif kyuu.n hai
ye ek sham.a jise sub.h kaa yaqiin nahii.n
jigar ke zaKHm-e-farozaa.n se munharif kyuu.n hai

Mustafa Zaidi
Nazm

urdu zaban

urdu hamaare desh kii shiirii.n zabaan hai
tahziib kii hai vaz.a sharaafat kii jaan hai
ta.aliim-o-tarbiyat me.n aham is kaa hai maqaam
sher-o-suKHan kii ruuh adab kii ye jaan hai
chho.Daa hai jab se is ko talaffuz biga.D gayaa
ye har zabaa.n kaa juzv-e-bayaa.n aur shaan hai
paidaa hu.ii ye hind me.n parvaan bhii cha.Dhii
phir kis liye kaho ye videshii zabaan hai
maqbuul-e-aam bhii hai ye har-dil-aziiz bhii
sach baat to ye hai ki ye sab kii zabaan hai
ham is ke zauq se hu.e afsos munharif
aazaadii kii tahriik kii urdu hii jaan hai
aazaad hind me.n na milaa is ko kuchh maqaam
ye maader-e-vatan ke shahiido.n kii jaan hai
haalaa.nki rozgaar kaa zariiya nahii.n rahii
urdu pa.Dho pa.Dhaa.o ye apnii zabaan hai

Habeeb Ahmad Anjum Datiavi
Nazm

meinopause

ajab KHabar thii
jise miraa dil qubuul karne se munharif thaa
magar haqiiqat kaa mo'tarif thaa
ki shaaKH-e-jaa.n par gulaab khilne ke mausamo.n ko
vidaa.a kahne kii saa.ate.n ab qariib-tar hai.n

Ishrat Afreen
Nazm

thuka hua aadmi

zindagii ne mujhe lakiir par chalnaa sikhaayaa
mai.n ne munharif honaa siikh liyaa

Zahid Imroz
Nazm

alwidaa

kisii ko alvidaaa' kahne kii saa'at
kis qadar takliif detii hai
bahut ranjuur kartii hai
ki jaise chaudhvii.n kaa chaa.nd baadal o.Dh le yak-dam
ki jaise sardiyo.n kii dopahar me.n shaam ho jaa.e
ki jaise Tuut jaa.e ko.ii saaGar haath me.n aa kar
ki jaise phuul khilte hii bahaare.n munharif ho jaa.e.n
ki jaise ik charaaGaa.n ho magar aa.ndhii chalii aa.e
ki jaise ashk aa.nkho.n se KHafaa ho kar bichha.D jaa.e.n
kisii ko alvidaaa' kahne kii saa'at
kis qadar takliif detii hai
bahut ranjuur kartii hai
ki apno.n ko binaa dil kii ijaazat duur kartii hai

Sheeraz Sagar
Nazm

mudawa ho nahin sakta

mudaavaa ho nahii.n saktaa
dil-e-saada
ab is aatish-numaa ke saamne ijz-e-mohabbat kaa i.aada ho nahii.n saktaa
ye kyaa kam hai
ki apne aap tak ko bhuul kar
us husn-e-KHud-aagaah kii KHaatir na jaane kitne roz-o-shab the
jo ham ne ginvaa.e the
bahut saare dino.n kii gaTh.Diyaa.n thii.n
jin ko kholaa tak na thaa ham ne
bas ik tah-KHaana-e-umr-e-guzishta me.n
ham in sab gaTh.Diyo.n ko Dher karte jaa rahe the un ghanii
palko.n kii ThanDii chhaa.nv ko mahsuus karne kii tamannaa me.n hame.n
ye dhyaan kab thaa kaun sii gaTh.Dii me.n kitnaa KHuubsuurat din
ba.ndhaa hai aur us be-daam din kii sub.h-saahir kis havaa
ke tahat se utrii hai kin phuulo.n kii KHushbuu zeb-e-tan
kar ke savaad-e-shab se jhaa.nkii hai
lab-o-ruKHsaar ko qaus-e-quzah ke rang dene kii
abas KHvaahish me.n ham ko dhyaan kab thaa kaun sii gaTh.Dii
mai.n kis din kii dopahar apne tilism-aasaar raazo.n ko sunahrii
dhuup ke thal me.n jagaatii hai
chhato.n par suukhtii mircho.n
galii me.n guu.njtii asraar me.n Duubii hu.ii sii KHaamushii me.n
kaun se lamhe sulagte hai.n
hame.n ye dhyaan kab tak
us tamannaa-zaar ke pairaahan-e-sad-ra.ng ke andar bahaktii garm KHushbuu
ke KHiraam-e-taaza me.n kho.e hu.o.n ko dhyaan kab thaa kaun
se din kii suhaanii shaam kin ufuqo.n ko rotii hai
bahut saare dukho.n ko darmiyaan
jo ek sham-e-aarzuu thii us ko lo ke saamne jhuk kar ham us
be-mehr chashm-e-munharif me.n bas zaraa sii der ko ik harf kii ta.abiir pa.Dhnaa
chaahte the aur KHamiir-e-ishq me.n guu.ndhe hu.e ik KHvaab kaa iz.haar
karnaa chaahte the aur us saarii kahaanii me.n hame.n
ye dhyaan kab thaa kaun sii gaTh.Dii me.n kis din
kaa janaaza hai
abhii tah-KHaana-e-umr-e-guzashta kaa ye darvaaza khulaa
to dhyaan aayaa hai ki itnii Dher saarii umr miTTii me.n
milaa kar jo KHasaara haath aayaa hai dobaara ho nahii.n saktaa
mudaavaa ho nahii.n saktaa
dil-e-saada
ab is aatish-numaa ke saamne ijz-e-mohabbat kaa i.aada ho nahii.n saktaa

Ayub Khawar
Nazm

aashna wirson ke nam KHat

ga.e zamaane ke raaste par
pahaa.D suuraj zamiin dariyaa
nuquush-e-paa naam-e-zaat
chehra
mai.n apne chehre se munharif huu.n
ga.e zamaane ke raaste par
sazaa kii rut ke taviil din kaa KHatiir virsa miraa badan hai miraa lahuu hai
mai.n apne virse se dast-kash huu.n
ye aashnaa sub.h kaa sitaaraa ki jis kii aagaahiyo.n kaa naasuur mere siine me.n jal rahaa hai
mai.n us sitaare kii samt ruu-dar-qazaa kha.Daa huu.n
mai.n apne baatin kii oT me.n huu.n
ye KHisht saa.at ki jis kii baalii.n se jism aadhaa nikal ke mujh ko bulaa rahaa hai
use ye kahnaa lahuu kaa hathiyaar kund niklaa muraaja.at kii du.aa na maa.nge
use ye kahnaa ki teraa beTaa najaat kii aarzuu me.n us manzil-e-du.aa se guzar gayaa hai
jahaa.n tire ashk be-jazaa the
jahaa.n tirii qabr be-nishaa.n hai
use ye kahnaa sazaa kii rut ke taviil din me.n muraaja.at kii du.aa na maa.nge

Akhtar Husain Jafri
Nazm

meinopause

ajab KHabar thii
jise miraa dil qubuul karne se munharif thaa
magar haqiiqat kaa mo'tarif thaa
ki shaaKH-e-jaa.n par gulaab khilne ke mausamo.n ko
vidaa.a kahne kii saa.ate.n ab qariib-tar hai.n
qariib-tar hai ki KHushk ho jaa.e.nge vo sote
ki jin kii tah me.n
hazaar taKHliiq ke KHazaane chhupe hu.e the
vo aab-e-haivaa.n
vo imbisaat-o-hayaat kaa be-kanaar dariyaa
ki dafn ho jaa.egaa KHas-o-KHaak roz-o-shab me.n
yahaa.n se umr-e-gurez-paa jo nikal pa.Dii aur raaste par
to sochtii huu.n ki jaate jaate
mai.n apne KHaaliq se ye to puuchhuu.n

Ishrat Afreen
Nazm

bahut masruf rahta hun

mai.n kaise dosto.n ko shaadmaa.n rakkhuu.n
aur un ke hukm kii ta.amiil me.n har lamha
kaise munhamik rakkhuu.n mai.n apne aap ko
fulaa.n taariiKH ko taqriib hai
kis ke yahaa.n yaum-e-vilaadat kii
fulaa.n kii qabr par jaanaa hai pa.Dhne
faatiha kis din
mire hamraah rahtii hai ko.ii uljhii hu.ii gutthii
hamesha sochtaa rahtaa huu.n is tarah
mai.n KHud se munharif ho kar
ki KHud apnaa bhii mai.n yaum-e-vilaadat bhuul jaataa huu.n

Nisar Ahmad Nisar
Nazm

jahl

kise kyaa kahuu.n
mire lafz tarsiil se munharif hai.n
mirii soch apnii hii pechaak pe ghuumtii jaa rahii hai
sunahre rupahle hare kaasnii
kuuza dar kuuza
ra.ngo.n me.n lipTe hu.e
mere jazbaat
jin ko parosuu.n to sochuu.n
bahut talKH hai zaa.iqa
kaun samjhe mohabbat kii jaaduugarii
kaun parkhe adaavat kii paakiizgii
kis ko samjhaa.uu.n hijrat kii aavaargii
kis ko dikhlaa.uu.n Gurbat kii aasuudgii
dil me.n rakh luu.n to zahraab ban jaa.e.nge
KHush-kalaamii kaa kaise bharam rakh sakuu.n
aafriinii kahii.n hai to ma.anii kahii.n
aisaa bikhraa.o pahle nahii.n thaa kabhii
sach ko Gaaze-o-Gamze se kyaa aar thaa
ab mulamma.a kii koshish me.n dil hai kahii.n
zehn hai aur kahii.n
lafz taariik-tar
soch bhii gunjlak
KHud pe apnaa yaqii.n la.Dkha.Daa saa gayaa
baazgasht-e-sadaa meraa piichhaa na kar
mujh ko mere tayaqqun ne jaahil kiyaa

Shahnaz Nabi
Nazm

mahatma budh

buddhaa 'aziim shaKHs thaa
jo taKHt-o-taaj chho.D kar
butaan-e-nasl-o-qaumiyat
vaqaar-e-‘izz-o-saltanat
Guruur-e-jaah-o-martabat
ke bandhano.n ko to.D kar
ba-zer-e-saaya-e-shajar
tapasyaa me.n mahv thaa
giyaan dhyaan me.n magan
na.ii ravish KHayaal me.n
jo aadmii ko aadmii ke zulm se najaat de
jo zaat paat ke tilism-e-saamarii ko maat de
barahmano.n kii qadGano.n kaa zor paash-paash ho
jahaa.n me.n jo a.ndher hai use shikast-e-faash ho
vo sochtaa chalaa gayaa use suraaG mil gayaa
mahaatmaa mahaatmaa 'aziim us kii aatmaa
ki jis ke dil me.n karb-e-kaa.enaat thaa
satuuda-e-sifaat thaa
pukaar kar kahaa ki ai jahaan-e-Gam ke baasiyo
mirii sadaa ko to suno
ahinsaa-parmo-dharmaa ik usuul-e-laa-zavaal hai
ye fikr be-naziir hai ye soch be-misaal hai
kisii ko dukh na do ki ye gunaah hai vabaal hai
jo is se munharif hu.e to zindagii muhaal hai
yahii hai raaz-e-zindagii
tariiq-e-sulh-o-aashtii
yahii najaat-e-ruuh hai
yahii hai dil kii shaa.ntii
mahaatmaa 'aziim thaa
mahaatmaa ne sach kahaa

Faiz Tabassum Tonsvi
Nazm

sar-e-rah-guzar

sar-e-rahguzar mirii daastaa.n kaa ye pe.D ab
shab-e-munjamid shab-e-be-zabaa.n
se lipaT ke so.egaa sub.h tak
ye vo pe.D hai
jise sii.nchtaa thaa mai.n KHuun se
dil-e-munharif kii adaa-e-hiila-e-nuur se
ise phe.nktaa thaa mai.n boTiyaa.n
kabhii jism kii kabhii zehn kii
kabhii ruuh kii
mirii aarzuu mirii aabruu
mire naKHl-e-harf-e-navaa kabhii
tirii ek jumbish-e-lab mujhe
mujhe zindagii se 'aziiz thii
mirii daastaa.n kaa ye pe.D ab
shab-e-munjamid shab-e-be-zabaa.n
se lipaT ke so.egaa sub.h tak
juu.nhii aaftaab-e-naved-e-nau
sar-e-gosh-e-mauj-e-sadaa-e-gul me.n Dhalaa kabhii
mai.n dil-o-jigar kii mataa’-e-shiisha-gudaaz ko
dar-e-vaazhguu.n se karuu.ngaa phir
usii daastaa.n pe nisaar jis
kaa mai.n naKHl-e-saaya-taraaz huu.n
mire zaKHm-e-dil
tirii mahfilo.n tire hamhamo.n tire qahqaho.n
kaa mai.n saaz huu.n tiraa raaz huu.n

Balraj Komal
Nazm

sin-e-yas

'ajiib sii ittilaa' thii vo
jise mai.n KHud se na jaane kab se chhupaa rahii thii
'ajab KHabar thii ki jis kii baabat
mai.n KHud se sach bolte hu.e hichkichaa rahii thii
'ajiib dukh thaa ki jiskaa ehsaas jaagte hii
mai.n apne mahram se
apne hamdam se aise nazre.n churaa rahii thii
ki jaise mujh me.n kahii.n ko.ii jurm ho gayaa ho
'ajab KHabar thii
jise miraa dil qubuul karne se munharif thaa
magar haqiiqat kaa mo'tarif thaa
ki shaaKH-e-jaa.n par gulaab khilne ke mausamo.n ko
vidaa' kahne kii saa'ate.n ab qariib-tar hai.n
qariib-tar hai ki KHushk ho jaa.e.nge vo sote
ki jin kii tah me.n
hazaar taKHliiq ke KHazaane chhupe hu.e the
vo aab-e-haivaa.n
vo imbisaat-o-hayaat kaa be-kanaar dariyaa
ki dafn ho jaa.egaa KHas-o-KHaak-e-roz-o-shab me.n
yahaa.n se ‘umr-e-gurez-paa jo nikal pa.Dii aur raaste par
to sochtii huu.n ki jaate jaate
mai.n apne KHaaliq se ye to puuchhuu.n
KHudaa-e-sattaar
‘ismato.n ko hazaar pardo.n me.n rakhne vaale
sifaat me.n terii 'adl bhii hai

Ishrat Afreen
Nazm

ye khel kya hai

mire muKHaalif ne chaal chal dii hai
aur ab
merii chaal ke intizaar me.n hai
magar mai.n kab se
safed-KHaano.n
siyaah-KHaano.n me.n rakkhe
kaale safed mohro.n ko dekhtaa huu.n
mai.n sochtaa huu.n
ye mohre kyaa hai.n

Javed Akhtar
Nazm

to behtar hai yahi

ye tirii aa.nkho.n kii be-zaarii ye lahje kii thakan
kitne andesho.n kii haamil hai.n ye dil kii dha.Dkane.n
pesh-tar is ke ki ham phir se muKHaalif samt ko
be-KHudaa-haafiz kahe chal de.n jhukaa kar gardane.n

Ahmad Faraz
Nazm

ganga kinare

KHuluus ke aise diye jalaa.e.n
bujhaa sake na jin ko muKHaalif havaa.e.n
sadaa guu.nje mandir kii ghanTiyaa.n
baraabar azaane.n bhii aa.e.n
saarii nafrate.n bah jaa.e.n
gangaa ghaaT par agar man bhii nahlaa.e.n
nafrat kuduurat se dil saaf ho to
haatho.n ke saath dil bhii milaa.e.n
gavaah banaa ke gangaa kii lahro.n ko
sachchii chaahat kaa vaa'da kare.n
aur phir vo vaa'de nibhaa.e.n
justujuu hai ab mohabbat kii ulfat kii sab ko
dil kii baate.n sab ko bataa.e.n

Fauzia Mughal
Nazm

urdu

sab zabaano.n kii jaan hai urdu
kitnii pyaarii zabaan hai urdu
saare alfaaz qiimtii gauhar
jauharii kii dukaan hai urdu
ye taraashe hu.e hasii.n jumle
jaise hiiro.n kii kaan hai urdu
ek ik lafz misl-e-shiir-o-shakar
kitnii miiThii zabaan hai urdu
saarii duniyaa me.n jis kii shohrat hai
faKHr-e-hindostaan hai urdu
KHvaah hinduu ho sikh ho yaa muslim
har bashar kii zabaan hai urdu
shahr-e-dillii kaa sirf dil hii nahii.n
saare bhaarat kii jaan hai urdu
Hyderabad-o-lucknow hii nahii.n
har jagah kii zabaan hai urdu
kitnii sadiyaa.n guzar chukii.n lekin
aaj tak naujavaan hai urdu
'kaif' urdu ke jo muKHaalif hai.n
un ke ghar kii zabaan hai urdu

Kaif Ahmed Siddiqui
Nazm

aurat

duniyaa ke liye tohfa-e-naayaab hai aurat
afsaana-e-hastii kaa hasii.n baab hai aurat
dekhaa thaa jo aadam ne vahii KHvaab hai aurat
be-misl hai aa.iina-e-aadaab hai aurat
qaa.em usii aurat se mohabbat kii fazaa hai
aurat kii ataa asal me.n ehsaan-e-KHudaa hai
hai maa.n to dil-o-jaa.n se luTaatii hai sadaa pyaar
mamtaa ke liye phirtii hai daulat sar-e-baazaar
aasaan banaatii hai du.aa se rah-e-dushvaar
apne Gam-o-aalaam kaa kartii nahii.n iz.haar
qadmo.n me.n liye rahtii hai jannat kaa KHazaana
aurat ke tasavvur me.n hai ta.amiir-e-zamaana
biivii hai to Gam-KHvaar hai paikar hai vafaa kaa
aa.nchal ko banaa letii hai faanuus hayaa kaa
ruKH dekh ke rakhtii hai qadam apnaa havaa kaa
girviida banaatii hai tabassum kii adaa kaa
KHvaab-e-nigah-e-ishq kii ta.abiir hai aurat
mardo.n ke liye husn kii zanjiir hai aurat
hai shakl me.n beTii kii bahaar-e-sahr-o-shaam
qudrat kaa atiya hai ye qudrat kaa hai in.aam
detii hai masarrat kaa dil-e-zaar ko paiGaam
hai ruuh ko taskiin jigar kaa hai ye aaraam
duKHtar hai to anmol guhar kahte hai.n us ko
allaah kii rahmat kaa samar kahte hai.n is ko
suurat me.n bahan kii hai chaman kaa ye hasii.n phuul
iisaar-o-mohabbat hai shab-o-roz kaa ma.amuul
be-kaar kii ranjish ko kabhii detii nahii.n tuul
ehsaas-e-muravvat me.n rahaa kartii hai mashGuul
likhii hai har ik rang me.n aurat kii kahaanii
kahte hai.n use azmat-e-insaa.n kii nishaanii
mariyam hai to paakiiza-o-shaffaf hai.n a.amaal
ban jaa.e zuleKHaa to hayaa ko kare paamaal
gar hai cleopatra to siyaasat kii chale chaal
lailaa hai to kartii hai ye diivaana-o-bad-haal
Dhal jaanaa har ik ruup me.n aasaan hai us ko
badle hu.e haalaat kii pahchaan hai us ko
'hinda' hai to saalaarii kaa dikhlaatii hai jauhar
hai 'raabi.a-basrii' to ye valiyo.n kii hai ham-sar
baiThii hai agar husn kaa baazaar sajaa kar
Gairat ko banaatii hai asiir-e-havas-e-zar
vaaqif hai bahar-taur ye jiine ke hunar se
be-KHauf guzar jaatii hai har raahguzar se
ik pal me.n ye sho.ala hai to ik pal me.n hai shabnam
ya.anii hai kabhii gul to kabhii KHaar-e-mujassam
ho sabr pe aamaada to sah jaa.e har ik Gam
ho jaa.e muKHaalif to palaT de saf-e-aalam
paaband-e-vafaa ho to dil-o-jaan luTaa de
aa jaa.e baGaavat pe to duniyaa ko hilaa de

Rahbar Jaunpuri
Nazm

muslim umma ka America se shikwa

gar tire shahr me.n aa.e hai.n to ma.azuur hai.n ham
vaqt kaa bojh uThaa.e hu.e mazduur hai.n ham
ek hii job pe muddat se ba-dastuur hai.n ham
'bush' se nazdiik 'musharraf' se bahut duur hai.n ham

Khalid Irfan
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now