Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "mushk"

Nazm MATCHES FOR "mushk"

Nazm

pas raho

tum mire paas raho
mire qaatil, mire dildaar mire paas raho
jis gha.Dii raat chale,
aasmaano.n kaa lahuu pii ke siyah raat chale
marham-e-mushk liye, nashtar-e-almaas liye
bain kartii hu.ii ha.nstii hu.ii gaatii nikle
dard ke kaasnii paazeb bajaatii nikle
jis gha.Dii siino.n me.n Duube hu.e dil
aastiino.n me.n nihaa.n haatho.n kii rah takne lage
aas liye
aur bachcho.n ke bilakne kii tarah qulqul-e-mai
bahr-e-naa-suudgii machle to manaa.e na mane
jab ko.ii baat banaa.e na bane
jab na ko.ii baat chale
jis gha.Dii raat chale
jis gha.Dii maatamii sunsaan siyah raat chale
paas raho
mire qaatil, mire dildaar mire paas raho

Faiz Ahmad Faiz
Nazm

koi dil ki chahat se majbur hai

ishq aur mushk chhupte nahii.n hai.n kabhii
is haqiiqat se vaaqif hai.n ham tum sabhii

Sahir Ludhianvi
Nazm

mere pyare watan

mere vatan, pyaare vatan
raahat ke gahvaare vatan
har dil ke ujyaare vatan
har aa.nkh ke taare vatan
gul-posh terii vaadiyaa.n
farhat-nishaa.n raahat-rasaa.n
tere chaman-zaaro.n pe hai
gulzaar-e-jannat kaa gumaa.n
har shaaKH phuulo.n kii chha.Dii
har naKHl-e-tuubaa hai yahaa.n
kausar ke chashme jaa-ba-jaa
tasniim har aab-e-ravaa.n
har barg ruuh-e-taazgii
har phuul jaan-e-gulsitaa.n
har baaG baaG-e-dil-kashii
har baaG baaG-e-be-KHizaa.n
dilkash charaagaahe.n tirii
Dhoro.n ke jin me.n kaarvaa.n
anjum-sifat gulhaa-e-nau
har taKHta-e-gul aasmaa.n
naqsh-e-surayyaa jaa-ba-jaa
har har ravish ik kahkashaa.n
terii bahaare.n daa.imii
terii bahaare.n jaavedaa.n
tujh me.n hai ruuh-e-zindagii
paiham ravaa.n paiham davaa.n
dariyaa vo tere tund-KHuu
jhiile.n vo terii be-karaa.n
shaam-e-avadh ke lab pe hai
husn-e-azal kii daastaa.n
kahtii hai raaz-e-sarmadii
sub.h-e-banaras kii zabaa.n
u.Dtaa hai haft-aflaak par
un kaar-KHaano.n kaa dhu.aa.n
jin me.n hai.n laakho.n mehnatii
san.at-garii ke paasbaa.n
terii banaras kii zarii
rashk-e-hariir-o-parniyaa.n
biidar kii fankaarii me.n hai.n
san.at kii sab baariikiyaa.n
azmat tire iqbaal kii
tere pahaa.Do.n se ayaa.n
dariyaa.o.n kaa paanii, tarii
taqdiis kaa andaaza-daa.n
kyaa 'bhaarte.ndu' ne kiyaa
ga.ngaa kii lahro.n kaa bayaa.n
'iqbaal' aur chakbast hai.n
azmat ke terii naGma-KHvaa.n
'josh' o 'firaaq' o 'pant' hai.n
tere adab ke tarjumaa.n
'tulsii' o 'KHusrav' hai.n terii
taariif me.n ratb-ul-lisaa.n
gaate hai.n naGma mil ke sab
uu.nchaa rahe teraa nishaa.n
mere vatan, pyaare vatan
raahat ke gahvaare vatan
har dil ke ujiyaare vatan
har aa.nkh ke taare vatan
tere nazaaro.n ke nagii.n
duniyaa kii KHaatam me.n nahii.n
saare jahaa.n me.n muntaKHab
kashmiir kii arz-e-hasii.n
fitrat kaa ra.ngii.n mo.ajaza
firdaus bar-ruu-e-zamii.n
firdaus bar-ruu-e-zamii.n
haa.n haa.n hamii.n ast o hamii.n
sarsabz jis ke dasht hai.n
jis ke jabal hai.n surmagii.n
meve ba-kasrat hai.n jahaa.n
shiirii.n misaal-e-a.ngbii.n
har za.afaraa.n ke phuul me.n
aks-e-jamaal-e-huura.ii.n
vo maalve kii chaa.ndnii
gum jis me.n ho.n duniyaa-o-dii.n
is KHitta-e-naira.ng me.n
har ik fazaa husn-aafrii.n
har shai me.n husn-e-zindagii
dilkash makaa.n dilkash zamii.n
har mard mard-e-KHuub-ruu
har ek aurat naaznii.n
vo taaj kii KHush-paikarii
har zaaviye se dil-nashii.n
san.at-garo.n ke daur kii
ik yaadgaar-e-marmarii.n
hotii hai jo har shaam ko
faiz-e-shafaq se ahmarii.n
dariyaa kii maujo.n se alag
yaa ik bat-e-nazzaara-bii.n
yaa taa.er-e-nuurii ko.ii
parvaaz karne ke qarii.n
yaa ahl-e-duniyaa se alag
ik aabid-e-uzlat-guzii.n
naqsh-e-ajantaa kii qasam
jachtaa nahii.n arzha.ng-e-chii۔n
shaan-e-ellora dekh kar
jhuktii hai aazar kii jabii.n
chittau.D ho yaa aagara
aise nahii.n qil.e kahii.n
but-gar ho yaa naqqaash ho
tuu sab kii azmat kaa amii.n
mere vatan, pyaare vatan
raahat ke gahvaare vatan
har dil ke ujiyaare vatan
har aa.nkh ke taare vatan
dilkash tire dasht o chaman
ra.ngii.n tire shahr o chaman
tere javaa.n raa.anaa javaa.n
tere hasii.n gul pairahan
ik anjuman duniyaa hai ye
tuu is me.n sadr-e-anjuman
tere muGannii KHush-navaa
shaa.er tire shiirii.n-suKHan
har zarra ik maah-e-mubii.n
har KHaar rashk-e-nastarii.n
Guncha tire sahraa kaa hai
ik naafa-e-mushk-e-KHutan
ka.nkar hai.n tere be-bahaa
patthar tire laal-e-yaman
bastii se jangal KHuub-tar
baaGo.n se husn afroz ban
vo mor vo kabk-e-darii
vo chauk.Dii bharte hiran
ra.ngii.n-adaa vo titliyaa.n
baa.nbnii me.n vo naago.n ke phan
vo sher jin ke naam se
larze me.n aa.e ahrman
kheto.n kii barkat se ayaa.n
faizaan-e-rabb-e-zul-minan
chashmo.n ke shiirii.n aab se
lazzat-kashaa.n kaam-o-dahan
taabinda teraa ahd-e-nau
raushan tiraa ahd-e-kuhan
kitno.n ne tujh par kar diyaa
qurbaan apnaa maal dhan
kitne shahiido.n ko mile
tere liye daar-o-rasan
kitno.n ko teraa ishq thaa
kitno.n ko thii terii lagan
tere jafaa-kash mehnatii
rakhte hai.n azm-e-kohkan
tere sipaahii suurmaa
be-misl yaktaa-e-zaman
'bhisham' saa jin me.n hausla
'arjun' saa jin me.n baa.nkpan
aalim jo faKHr-e-ilm hai.n
fankaar naazaa.n jin pe fan
'raa.e' o 'bos' o 'shergil'
'dinkar,' 'jigar' 'maithli-sharan'
'vallathol' 'maahir', bhaartii
'bachchan', 'mahaadevii' 'suman'
'krishnan', 'niraalaa', 'prem-chand'
'tagore' o 'aazaad' o 'raman'
mere vatan, pyaare vatan
raahat ke gahvaare vatan
har dil ke ujiyaare vatan
har aa.nkh ke taare vatan
khetii tirii har ik harii
dilkash tirii KHush-manzarii
terii bisaat-e-KHaak ke
zarre hai.n mahr-o-mushtarii
jhelum kaveri naag vo
ga.ngaa kii vo ga.ngotarii
vo narbadaa kii tamkanat
vo shaukat-e-godaavarii
paakiizgii sarjuu kii vo
jamunaa kii vo KHush-gauharii
dullarba aab-e-niil-guu.n
kashmiir kii niilam-parii
dilkash papiihe kii sadaa
koyal kii taane.n mad-bharii
tiitar kaa vo haq sirrahu
tuutii kaa vo vird-e-harii
suufii tire har daur me.n
karte rahe paiGambarii
'chishtii' o 'nanak' se milii
faqr-o-Ginaa ko bartarii
adl-e-jahaa.ngiirii me.n thii
muzmar re.aayaa-parvarii
vo nau-ratan jin se hu.ii
tahziib-e-daur-e-akbarii
rakhte the afGaan-o-muGal
ik saulat-e-askandarii
raanaa.on ke iqbaal kii
hotii hai kis se ham-sarii
saava.nt vo yodhdhaa tire
tere jiyaale vo jarii
niiatii vidur kii aaj tak
kartii hai terii rahbarii
ab tak hai mash.huur-e-zamaa.n
'chanakya' kii daanish-varii
vayaas aur vishvamitr se
muniyo.n kii shaan-e-qaisarii
paatanjalii o saa.nkh se
rishiyo.n kii hikmat-parvarii
baKHshe tujhe in.aam-e-nau
har daur charKH-e-chambarii
KHush-gauharii de aab ko
aur KHaak ko KHush-jauharii
zarro.n ko mahr-afshaaniyaa.n
qatro.n ko dariyaa-gustarii
mere vatan, pyaare vatan
raahat ke gahvaare vatan
har dil ke ujiyaare vatan
har aa.nkh ke taare vatan
tuu rahbar-e-nau-e-bashar
tuu amn kaa paiGaam-bar
paale hai.n tuu ne god me.n
saahib-KHirad saahib-e-nazar
afzal-tarii.n in sab me.n hai
baapuu kaa naam-e-mo'tabar
har lafz jis kaa dil-nashii.n
har baat jis kii pur-asar
jis ne lagaayaa dahr me.n
na.ara ye be-KHauf-o-KHatar
be-kaar hai.n tiir-o-sinaa.n
be-suud hai.n teG-o-tabar
hinsaa kaa rasta jhuuT hai
haq hai ahinsaa kii Dagar
darmaa.n hai ye har dard kaa
ye har maraz kaa chaara-gar
ja.ngaah-e-aalam me.n ko.ii
is se nahii.n behtar sipar
kartaa huu.n mai.n tere liye
ab ye du.aa-e-muKHtasar
raunaq pe ho.n tere chaman
sarsabz ho.n tere shajar
naKHl-e-umiid-e-behtarii
har fasl me.n ho baarvar
koshish ho duniyaa me.n ko.ii
KHitta na ho zer-o-zabar
teraa har ik baasii rahe
neko-sifat neko-siyar
har zan saliiqa-ma.nd ho
har mard ho saahib-hunar
jab tak hai.n ye arz o falak
jab tak hai.n ye shams o qamar
mere vatan, pyaare vatan
raahat ke gahvaare vatan
har dil ke ujyaare vatan
har aa.nkh ke taare vatan

Arsh Malsiyani
Nazm

yaaden

kaale kos Gam-e-ulfat ke aur mai.n naan-e-shabiina-juu
kabhii chaman-zaaro.n me.n uljhaa aur kabhii gandum kii buu
naafa-e-mushk-e-tataarii ban kar liye phirii mujh ko har-suu
yahii hayaat-e-saa.iqa-fitrat banii ta.attul kabhii numuu
kabhii kiyaa ram ishq se aise jaise ko.ii vahshii aahuu
aur kabhii mar-mar ke sahar kii is aabaad KHaraabe me.n
dekho ham kaise basar kii is aabaad KHaraabe me.n

Akhtarul Iman
Nazm

kya gul-badani hai

siine pe ye palluu hai ki ik mauj-e-hayaabii
maathaa hai ki ik sub.h kaa partav hai shahaabii
aa.nkhe.n hai.n ki bahke hu.e do mast sharaabii
paikar hai ki insaan ke saa.nche me.n gulaabii
gesuu hai.n ki gul-baazii-e-mushk-e-KHutanii hai
kyaa gul-badanii gul-badanii gul-badanii hai

Josh Malihabadi
Nazm

holi

baiThe hai.n sab aapas me.n nahii.n ek bhii ka.Dvaa
pichkaarii uThaa kar ko.ii jhamkaave hai kha.Dvaa
bharte hai.n kahii.n mushk kahii.n rang kaa ga.Dvaa
kyaa shaad vo hotaa hai jise kahte hai.n bha.Dvaa
sun.ne me.n yahaa.n tak nahii.n ab na.ng zamii.n par
holii ne machaayaa hai ajab rang zamii.n par

Nazeer Akbarabadi
Nazm

hazar karo mere tan se

saje to kaise saje qatl-e-aam kaa mela
kise lubhaa.egaa mere lahuu kaa vaavailaa
mire nazaar badan me.n lahuu hii kitnaa hai
charaaG ho ko.ii raushan na ko.ii jaam bhare
na is se aag hii bha.Dke na us se pyaas bujhe
mire figaar badan me.n lahuu hii kitnaa hai
magar vo zahr-e-halaahal bharaa hai nas nas me.n
jise bhii chhedo har ik buu.nd qahr-e-af.ii hai
har ik kashiid hai sadiyo.n ke dard o hasrat kii
har ik me.n mohr-ba-lab Gaiz o Gam kii garmii hai
hazar karo mire tan se ye sam kaa dariyaa hai
hazar karo ki miraa tan vo chob-e-sahraa hai
jise jalaa.o to sehn-e-chaman me.n dahke.nge
bajaa.e-sarv-o-saman merii haDDiyo.n ke babuul
ise bikheraa to dasht-o-daman me.n bikhregii
bajaa.e-mushk-e-sabaa merii jaan-e-zaar kii dhuul
hazar karo ki miraa dil lahuu kaa pyaasaa hai

Faiz Ahmad Faiz
Nazm

hamara des

kitnii pur-kaif is kii adaa.e.n
kitnii dilkash is kii fazaa.e.n
mushk se ba.Dh kar is kii havaa.e.n
KHuld se behtar is kaa nazaaraa
pyaaraa bhaarat des hamaaraa

Ahmaq Phaphoondvi
Nazm

mazdur aurten

gulnaar dekhtii hai ye mazduur aurte.n
chehro.n pe KHaak dhuul ke po.nchhe hu.e nishaa.n
tuu aur ra.ng-e-Gaaza-o-gulguuna-o-shahaab
sochaa bhii kis ke KHuun kii bantii hai.n surKHiyaa.n
gulnaar dekhtii hai ye mazduur aurte.n
maile phaTe libaas hai.n mahruum-e-shast-o-shuu
tuu aur itr o ambar o mushk o abiir o uud
mazduur ke bhii KHuun kii aatii hai is me.n buu
gulnaar dekhtii hai ye mazduur aurte.n
tan Dhaa.nkne ko Thiik se kap.Daa nahii.n hai paas
tuu aur hariir o atlas o kam-KHvaab o parniyaa.n
chubhtaa nahii.n badan pe tire reshmii libaas
gulnaar dekhtii hai ye mazduur aurte.n
chaa.ndii kaa ko.ii ganjh na sone kaa ko.ii taar
tuu aur haikal-e-zar o aaveza-e-guhar
siine pe ko.ii dam bhii dha.Daktaa hai teraa haar
gulnaar dekhtii hai ye mazduur aurte.n
sadiyo.n se har nigaah hai faaqo.n kii rahguzar
tuu aur ziyaafato.n me.n ba-sad-naaz jalva-gar
kis ke lahuu se garm hai ye mez kii bahaar
gulnaar dekhtii hai ye mazduur aurte.n
taariik maqbaro.n se makaa.n in ke kam nahii.n
tuu aur zeb-o-ziinat-e-alvaan-e-zar-nigaar
kyaa tere qasr-e-naaz kii hiltii nahii.n zamii.n
gulnaar dekhtii hai ye mazduur aurte.n
mehnat hii un kaa saaz hai mehnat hii un kaa raag
tuu aur shuGl-e-raamish-o-raqs-o-rabaab-o-ra.ng
kyaa tere saaz me.n bhii dahaktii hai ko.ii aag
gulnaar dekhtii hai.n ye mazduur aurte.n
mehnat pe apne peT se majbuur aurte.n

Jan Nisar Akhtar
Nazm

hindi hindustani

us ke phuulo.n kii tez hai KHushbuu
har taraf mushk-rez hai KHushbuu

Chandar Bhan Kaifi Dehelvi
Nazm

na-rasa

mujhe KHvaab apnaa aziiz thaa
so mai.n nii.nd se na jagaa kabhii
mujhe nii.nd apnii aziiz hai
ki mai.n sar-zamiin pe KHvaab kii
ko.ii phuul aisaa khilaa sakuu.n
ki jo mushk ban ke mahak sake
ko.ii diip aisaa jalaa sakuu.n
jo sitaara ban ke damak sake

Bashar Nawaz
Nazm

holi

KHaalis kahii.n se taazii ik za.afraan ma.ngaa kar
mushk-o-gulaab me.n bhii mal kar use basaa kar
shiishe me.n bhar ke niklaa chupke lagaa chhupaa kar
muddat se aarzuu thii ik dam lagaa chukaa kar
ik din sanam pe jaa kar mai.n rang Daal aayaa

Nazeer Akbarabadi
Nazm

ishq mahi baghair aab

jaagte sote ye KHayaal aayaa
tujh ko sochaa to ye savaal aayaa
tum kahaa.n aur mai.n kahaa.n jaanaa.n
faasle kyuu.n hai.n darmiyaa.n jaanaa.n
yuu.n mile ham ki mil nahii.n paa.e
phuul hasrat ke khil nahii.n paa.e
barq par naama-bar savaar hu.aa
dhuup me.n abr saaya-daar hu.aa
phir ta'alluq ke taar TuuT ga.e
ham pe sadme hazaar TuuT ga.e
bebasii kii ajiib shaam aa.ii
zindagii misl-e-intiqaam aa.ii
phir tirii diid kii sa.aadat ho
vaqt ko iid kii bashaarat ho
Gair mumkin hai is tarah honaa
Gam nahaanaa hai daaG hai dhonaa
mas.ala aa gayaa hai paanii kaa
ya.anii dariyaa kii be-zabaanii kaa
qurbat-e-jaa.n ke mushk hote hii
ik samundar ke KHushk hote hii
dard-e-sahraa nasiib hai apnaa
ek vahshat raqiib hai apnaa
silsila duur tak saraab kaa hai
ishq maahii baGair aab kaa hai

Khursheed Akbar
Nazm

ek tilismi khel

kaise kaise naam likhe the
vaqt ne maah-o-saal ke ruKH par
tuufaano.n ne paalaa maaraa
saare ho ga.e tittar-bittar
saiqal kar ke rakhnaa chaahaa
ham ne kuchh naamo.n ko bachaa kar
umr kii mauje.n bahaa le ga.ii.n
saare la.al aur saare javaahir
tarz-e-KHiraam ke phuul khile the
aatii jaatii raahguzar par
aaj hai sirf Gubaar kaa parda
kaisii manzil kaisaa manzar
dhajjii dhajjii bikhar rahii hai
tanii hu.ii ehsaas kii chaadar
kuchh harfo.n kii maddham sii lau
kaa.np rahii hai laraz laraz kar
KHushbuu apnii kho baiThaa hai
sab shero.n kaa mushk aur ambar
suurat apnii badal chuke hai.n
ahd aqiide masjid mimbar
kaise KHaalii haath kha.De hai.n
shaah vaziir amiir gadaagar
uj.Dii KHvaab-o-KHayaal kii duniyaa
apne gharo.n me.n sab hai.n be-ghar
kyuu.n-kar jo.De.n apne Tuk.De
haar ga.e hai.n saare rafuugar
KHuunii baadal gahre gahre
chhaTe nahii.n hai.n baras baras kar
aur zamiine.n aa.nkhe.n muu.nde
mast hu.ii hai.n lahuu pii pii kar
ek tilismii khel rachaa hai
jaane kaun hai ye jaaduugar

Zehra Nigaah
Nazm

urdu zaban

mushk-o-ambar kii mahak aatii hai baam-o-dar se
aise lafzo.n se muzayyan hai makaan-e-urdu

Javed Rasheed Amir
Nazm

KHwab-jangal

nii.nd-paalkii utrii raat duur jangal me.n
KHvaab KHvaab manzar thaa dhiire dhiire bahtii thii
simfanii havaa.o.n kii raat chaa.nd baadal me.n
chaa.ndnii kii baa.nho.n me.n jhiil vaaltz kartii thii
dhiimii dhiimii sii KHushbuu saath saath chaltii thii
kunj me.n daraKHto.n ke be-KHudii ke aalam me.n mast Daar hirno.n kii
bele raqs kartii thii
hirniyo.n kii aa.nkho.n me.n mushk sii mahaktii thii
kaale pairahan pahne baa-vaqaar pe.Do.n ne vailen sambhaale the
jhuumte hu.e patte taaliyaa.n bajaate the
gungunaatii bailo.n par phuul kasmasaate the
jugnu.o.n kii jhilmil se raaj-ha.ns sote se jaag jaag uThte the
aahaTe.n parindo.n kii apne shab-basero.n me.n paa.ele.n bajaatii thii.n
apne band kamre me.n aa.nkh jo khulii dekhaa
shahr kii kasaafat se muzmahil saa suuraj phir
ek aur na.e din kii dhuul le ke aayaa thaa
T v vaale kamre me.n sub.h kaa KHabar-naama ittilaa.a detaa thaa
ek aur jangal ko kaaT kar nikaale.nge raasta taraqqii kaa

Azra Naqvi
Nazm

nazm

ye pahlii nazm un KHvaabo.n kii KHaatir hai
jo darja KHaamushii se haath kii resham lakiiro.n me.n panapte KHvaahisho.n ko dekh kar KHush-ra.ng khultii hai.n
ki jin aa.nkho.n kii gahrii jhiil me.n suufii mohabbat jaaz kii maddham dhuno.n par raqs kartii hai.n
ki jis ke laa-KHaraashiida badan ke zard maa.il varaq par se hijr ke nuqte miTaa kar vasl likhnaa hai
pighalte vaqt ko jis chaa.nd daaman me.n libaas-e-mushk o.Dhe yak-digar ho kar Thaharnaa hai

Asim Badr
Nazm

kosa dudh

to ye duudh kosaa hai!
ye duudh hai aur kosaa hai
jis se badan kii nase.n uu.ngh jaatii hai.n
jis se mire dil kii baa-qaa.edaa dha.Dkano.n me.n
izaafe kii suurat nahii.n
ye vahii duudh hai jis ko farhaad kii garmi-e-shauq ne
biisto.n kii siyah choTiyo.n se utaaraa
tuu is ke lahuu kii haraarat kaa juuyaa hu.aa
phir bhii kosaa rahaa
ye vahii duudh hai
chaa.ndnii ban ke jo garmiyo.n ke kisii maah kii chaudhvii.n raat ko
aasmaa.n par zamii.n par dilo.n me.n nigaaho.n me.n
bahtaa hai lekin
kisii ke labo.n ko jalaataa nahii.n hai
ye suuraj kaa saaya hai laavaa nahii.n hai!
tum apne piyaale ko bhaTTii me.n rakh do!
ki ye duudh ubaltaa rahe
ye pyaala bhii Dhal jaa.e
ye duudh jal jaa.e
aur is tarah mushk-e-naafaa bane
jis kii KHushbuu kii taaqat na laa.e ko.ii shaKHs bhii
jis kii KHushbuu se har maGz se KHuun bahne lage!

Shahzad Hasan
Nazm

KHwabon se rishta

mere hamraaz ai mire hamdam
mere saathii mire shariik-e-safar
is qadar kyo.n niDhaal ho bolo
is qadar kyo.n udaas ho bolo
tum ne KHvaabo.n se rishta kyo.n to.Daa
aur aa.nkhe.n thakan se chuur hai.n kyo.n
kyo.n qadam ruk ga.e mire saathii
hai safar to abhii bahut baaqii
aur manzil bahut hai duur abhii
kuchh bataa.o ki kyo.n KHamosh ho tum
kyo.n bhaTakne lage KHayaalo.n me.n
ye na samjho ki dukh tumhaaraa hai
ye na socho ki tum akele ho
har qadam par tumhaare saath huu.n mai.n
laa.o de do tum apne dukh saare
mai.n tumhaare Gamo.n ko pyaar karuu.n
aur talvo.n ke aablo.n ko bhii
apne ashko.n se KHud mai.n saaf karuu.n
jitne kaa.nTe chubhe.n hai.n chun luu.n mai.n
phir ko.ii KHvaab bhar duu.n aa.nkho.n me.n
taabnaakii hayaat ko de duu.n
raste-raste ko murG-zaar karuu.n
jis se raahat mile tumhe.n hamdam
jis se saa.nse.n bhii mushk-baar bane.n
phuul ho.nTo.n pe muskuraa uTThe.n
aur uma.nge.n javaan ho.n jis se
hausla tum ko jis se mil jaa.e
aur aa.nkhe.n tumhaarii KHvaab bune.n
jis se tum faaslo.n ko tai kar lo
reg-zaaro.n me.n muskuraa ke chalo
raah-e-manzil me.n tum kabhii na ruko
ki
jo manzil pukaartii hai tumhe.n
vahii manzil hai merii manzil bhii
merii jannat tumhaarii KHushiyaa.n hai.n
tum ne samjhaa hai jis ko KHaak-e-paa
vo chamakte hu.e sitaare hai.n
un sitaaro.n se maa.ng mai.n ne bharii
un sitaaro.n se zindagii hai mirii
un sitaaro.n se zarfishaa.n hai hayaat
mere lab par hai.n pyaar kii sargam
un se khilte hai.n aarizo.n pe ka.nval
un se aa.nkho.n me.n KHvaab palte hai.n
jin se din laa-javaab hote hai.n
laa.o de do tum apne dukh saare
mai.n tumhaare Gamo.n ko pyaar karuu.n
hausla tum ko jis se mil jaa.e
aur aa.nkhe.n tumhaarii KHvaab bune.n

Anwar Afaqi
Nazm

tere jauban ke mausam mein

o maTyaalii!
tere jism kii so.ndhii KHushbuu
ro.e.n ro.e.n me.n saa.nvlii rut bedaar kare
dil kii or se gahrii ghor ghaTaa.e.n umDe.n
aur mere ye pyaase ho.nT
tere siine ke pyaalo.n me.n
tairte a.nguuro.n ke ras ke lams me.n bhiige.n
terii harii-bharii saa.nso.n kii mushk nicho.De.n
o maTyaalii
tere jauban ke mausam me.n
dil ke andar Gaibii suuraj ke gul-ra.ng ajaa.ib jaage.n
panj poro.n par paa.nch hiso.n ke phuul khilii.n
aur tuu haule haule apne
pyaar-bhare ho.nTo.n se meraa
shahd kashiid kare

Sarmad Sahbai
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now