Search result for "nizaam-e-gulshan-e-hastii" | Category - Nazm, Page

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "nizaam-e-gulshan-e-hastii"

Nazm MATCHES FOR "nizaam-e-gulshan-e-hastii"

Nazm

shaer ki tamanna

agar is gulshan-e-hastii me.n honaa hii muqaddar thaa
to mai.n Guncho.n kii muTThii me.n dil-e-bulbul hu.aa hotaa
gunaaho.n me.n zarar hotaa, du.aa.o.n me.n asar hotaa
mohabbat kii nazar hotaa, hasiino.n kii adaa hotaa
faroG-e-chehra-e-mehnat, Gubaar-e-daaman-e-daulat
nam-e-peshaanii-e-Gairat, KHam-e-zulf-e-rasaa hotaa
hu.aa hotaa kisii dastaar-e-kaj par phuul kii tarah
aur us dastaar-e-kaj kii tamkanat par ha.ns rahaa hotaa
kisii maGruur kii gardan pe hotaa bojh ehsaa.n kaa
kisii zaalim ke dil me.n dard ho kar laa-davaa hotaa
kisii mun.im ke chehre par KHushii haajat-ravaa.ii kii
kisii naadaar kii nazro.n me.n sharm-e-iltijaa hotaa
kisii bhaTke hu.e raahii ko detaa daavat-e-manzil
bayaabaa.n kii a.ndherii shab me.n jogii kaa diyaa hotaa
kisii ke kalba-e-ahzaa.n me.n sham-e-muzmahil ban kar
kisii biimaar muflis ke sirhaane ro rahaa hotaa
sharar ban kar kisii naadaar ghar ke sard chuulhe me.n
''ba-sad ummiid-e-fardaa'' zer-e-KHaakistar dabaa hotaa
yatiim-e-be-navaa kii rah-guzar par ashrafii ban kar
la.iim-e-faaqa-kash kii jeb-e-mumsik se giraa hotaa
niystaa.n se nikal kar hasrat-aabaad-e-tamaddun me.n
gadaa-e-piir o naa-biinaa ke haatho.n kaa asaa hotaa
shikasta jho.npa.De me.n baa.nsurii-e-dahqaa.n kii sur ban kar
sukuut-e-niim-shab me.n raaz-e-hastii kah rahaa hotaa
Garaz is hasrat-o-andoh-o-yaas-o-Gam kii bastii me.n
kahii.n daur-aafrii.n hotaa, kahii.n dard-aashnaa hotaa
''Duboyaa mujh ko hone ne'' ba-qaul-e-Gaalib-e-daanaa
''na thaa kuchh to KHudaa thaa, kuchh na hotaa to KHudaa hotaa''

Jameel Mazhari

Nazm

gulha-e-aqidat

apne gulhaa-e-aqiidat pesh kartii huu.n tujhe
muKHtasar ye hai mohabbat pesh kartii huu.n tujhe

Syeda Shan-e-Meraj

Nazm

bhagwan krishn ki taswir dekh kar

mujhe tere tasavvur se KHushii mahsuus hotii hai
dil-e-murda me.n bhii kuchh zindagii mahsuus hotii hai
ye taaro.n kii chamak me.n hai na phuulo.n hii kii KHushbuu me.n
tirii tasviir me.n jo dilkashii mahsuus hotii hai
tujhe mai.n aaj tak masruuf-e-dars-o-va.az paataa huu.n
tirii hastii mukammal aagahii mahsuus hotii hai
ye kyaa mumkin nahii.n tuu aa ke KHud ab is kaa darmaa.n kar
fazaa-e-dahr me.n kuchh barhamii mahsuus hotii hai
ujaalaa saa ujaalaa hai tirii sham-e-hidaayat kaa
shab-e-tiira me.n bhii ik raushnii mahsuus hotii hai
mai.n aa.uu.n bhii to kyaa mu.nh le ke aa.uu.n saamne tere
KHud apne-aap se sharmindagii mahsuus hotii hai
taKHayyul me.n tire nazdiik jab mai.n KHud ko paataa huu.n
mujhe us vaqt ik-tarfa KHushii mahsuus hotii hai
tuu hii jaane kahaa.n le aa.ii mujh ko aarzuu terii
ye manzil ab saraapaa be-KHudii mahsuus hotii hai
'ka.nval' jis vaqt kho jaataa huu.n mai.n us ke tasavvur me.n
mujhe to zindagii hii zindagii mahsuus hotii hai

Kanval M. A

Nazm

kaweri

bel-buuTe aur har shaaKH-o-shajar
gulshan-e-hastii kaa har barg-o-samar

Azeem Aambori

Nazm

qaid-e-hasti

mai.n qaid-e-hastii me.n
dukh kaa baar-e-garaa.n liye
ta.Dap rahaa huu.n
sisak rahaa huu.n
ye gumrahii hai
ki
raushnii
ye aagahii hai
ki tiirgii
mai.n raste se bahak rahaa huu.n
bhaTak rahaa huu.n
ye kin vaadiyo.n me.n
jaa rahaa huu.n
nahii.n nahii.n
ufuq pe
chamak rahaa huu.n
damak rahaa huu.n
isii ko samjho
bahaar-e-hastii
shabaab-e-hastii
yahii.n se
TuuTe
sharaar-hastii
mai.n dil ke athaah saagar me.n
habaab aur mauj kii mastiyo.n me.n
bha.nvar ko Dhuu.nD rahaa huu.n
bha.nvar hii zindagii hai
bha.nvar me.n
azal ke aur abad ke
charaaG jalte hai.n

Raheemullah Shad

Nazm

shri guru-nanak

kyuu.n mahak uThtaa na KHushbuu se dimaaG-e-aalam
nighat-e-gulshan-e-israar guruu-naanak the

Shatir Amritsari

Nazm

dosti ka hath

tum aa.o gulshan-e-lahore se chaman-bardosh
ham aa.e.n subh-e-banaaras kii raushnii le kar
himaaliya kii havaa.o.n kii taazgii le kar
phir is ke baa'd ye puuchhe.n ki kaun dushman hai

Ali Sardar Jafri

Nazm

jumud

tum se be-ra.ngii-e-hastii kaa gila karnaa thaa
dil pe ambaar hai KHuu.n-gashta tamannaa.o.n kaa
aaj TuuTe hu.e taaro.n kaa KHayaal aayaa hai
ek mela hai pareshaan sii ummiido.n kaa
chand pazhmurda bahaaro.n kaa KHayaal aayaa hai
paa.nv thak thak ke rahe jaate hai.n maayuusii me.n
par mohsin raah-guzaaro.n kaa KHayaal aayaa hai
saaqii-o-baada nahii.n jaam-o-lab-e-juu bhii nahii.n
tum se kahnaa thaa ki ab aa.nkh me.n aa.nsuu bhii nahii.n

Akhtarul Iman

Nazm

KHak-e-gulshan

KHaak-e-gulshan kii azmato.n kii qasam
ab bhii ta.amiir gulsitaa.n kar lo

Zubair Ahmad Hilal

Nazm

nazm

sahraa-e-hastii
me.n
ek chiiz
aavaara bhaTaktii rahii
mar ga.ii
pyaas se

Safiya Arib

Nazm

gulshan-e-na-afrida

badan ke jharoke me.n jitnii nigaahe.n lagii hai.n
mirii hai.n
ko.ii aur kab sochtaa hai
ki Gam-KHaana-e-'miir' ke us taraf
ek ha.nstaa mahaktaa baaGiichaa bhii hai
kitnii an-chhuu.ii kaliyaa.n
javaa.n titliyaa.n
ras-bharii jhuumtii Daaliyaa.n
so.ndhii miTTii kii ham-jins KHushbuu
labaalab sii ik baa.olii
jaane kyaa kuchh
magar vo jharoka
ki jis kaa mire dil se ik vaasta hai
abhii band hai
kaam naazuk hai aafaaq kii kaar-gah kaa

Shahnaz Nabi

Nazm

nizam-e-zist

hu.ii hai jis se bashar kii nazar ko hairaanii
nizaam-e-ziist hai goyaa vo be-karaa.n paanii

Syed Habeeb

Nazm

ahl-e-hind

phir hame.n hogaa mayassar dahr me.n jaah-o-jalaal
chaar din me.n gulshan-e-hastii me.n phir ho.nge nihaal

Barq Dehlvi

Nazm

hisab-e-kam-o-besh

mai.n kitaab-e-Gam-e-hastii kii huu.n tahriir ko.ii
uljhii uljhii sii ho pechiida sii tafsiir ko.ii
mai.n ki ik jabr-e-musalsal me.n pisaa jaataa huu.n
dhu.ndlii dhu.ndlii sii ibaarat mai.n banaa jaataa huu.n
jabr aisaa hai ki lamho.n kii KHataa.e.n jaise
ban ga.ii.n sadiyo.n kii vo saarii sazaa.e.n jaise
jabr kii had bhii muqarrar nahii.n merii KHaatir
ya.anii mai.n saada-mizaaj aur vo zaalim shaatir
puuchhtaa bhii nahii.n mujh se ki tiraa sabr hai kyo.n
aur vazaahat bhii nahii.n is kii ki ye jabr hai kyo.n
pahle KHushbuu mirii gum-gashta sii raaho.n kii mile
phir sazaa jo bhii mile karda gunaaho.n kii mile
mai.n vo tahriir huu.n pa.Dhtaa nahii.n jis ko ko.ii
aur pa.Dh le to samajhtaa nahii.n jis ko ko.ii
rasm-e-KHat ajnabii jis kaa vo ibaarat huu.n mai.n
jis kii buniyaad hai KHasta vo imaarat huu.n mai.n
mak.Diyo.n ne mire atraaf bune hai.n jaale
ye hai.n jaale mire samjhe hu.e dekhe-bhaale
chaa.ndnii merii hai aur na hii sitaare mere
merii kashtii hai na dhaare na kinaare mere
mere maathe pe tabassum kii shikan bhii hogii
us ke piichhe ka.ii rishto.n kii thakan bhii hogii
mai.n pahu.nch jaa.uu.ngaa ik roz zamii.n ke niiche
KHaak hii hogii phir is KHaak-nashii.n ke niiche
gard jam jaa.egii ik roz mirii turbat par
phir to mai.n ro bhii na paa.uu.ngaa tirii harakat par
zehn maa.uuf hai aur dil abhii shaq hai meraa
tujh pe ai umr-e-ravaa.n tho.Daa to haq hai meraa
ai mirii ruuh ke maalik ye muqaddar kar de
mai.n Gam-e-ziist kaa maaraa mujhe patthar kar de
yaa hisaab-e-kam-o-besh aaj baraabar kar de
yaa mirii ruuh mire jism se baahar kar de

Khan Hasnain Aqib

Nazm

tandurusti

bashar kii zindagii kaa juzv-e-aa’zam tandurustii hai
hayaat-afzaa-e-nasl-e-ibn-e-aadam tandurustii hai
bahaar-e-gulshan-e-afraad-e-‘aalam tandurustii hai
muqaddam tandurustii hai muqaddam tandurustii hai

Ufuq Lakhnavi

Nazm

harakat-e-makus

nizaam-e-sarmaaya-daarii kaam apnaa dikhaa chukaa hai
har taraf aag lag chukii hai
tijaarat-e-Gam panap rahii hai
dukho.n kaa kaarobaar ba.Dh gayaa hai

Tasneem Abidi

Nazm

piye ja

sharaab-KHaana hai bazm-e-hastii
har ek hai mahv-e-aish-o-mastii
ma.aal-biinii o mai-parastii
are ye zillat are ye pastii
shi.aar-e-rindaana kar piye jaa
agar ko.ii tujh ko Toktaa hai
sharaab piine se roktaa hai
samajh ise hosh me.n nahii.n hai
KHirad ke aaGosh me.n nahii.n hai
tuu is se jhag.Daa na kar piye jaa
KHayaal-e-roz-e-hisaab kaisaa
savaab kaisaa azaab kaisaa
bahisht o dozaKH ke ye fasaane
KHudaa kii baate.n KHudaa hii jaane
fuzuul sochaa na kar piye jaa
nahii.n jahaa.n me.n mudaam rahnaa
to kis liye tishna-kaam rahnaa
uThaa uThaa haa.n uThaa subuu ko
tamaam duniyaa kii haa.o huu ko
Gariiq-e-paimaana kar piye jaa
kisii se takraar kyaa zaruurat
fuzuul israar kyaa zaruurat
ko.ii piye to use pilaa de
agar na maane to muskuraa de
malaal-e-aslaa na kar piye jaa
tujhe samajhte hai.n ahl-e-duniyaa
KHaraab KHasta zaliil rusvaa
nahii.n ayaa.n un pe haal teraa
ko.ii nahii.n ham-KHayaal teraa
kisii kii parvaa na kar piye jaa
ye tujh par aavaaze kasne vaale
tamaam hai.n mere dekhe bhaale
nahii.n mazaaq un ko mai-kashii kaa
ye KHuun piite hai.n aadmii kaa
tuu un kaa shikvaa na kar piye jaa

Hafeez Jalandhari

Nazm

mohabbat naghmagi jaisi

mohabbat saaz-e-hastii hai
faqat dil me.n jo bastii hai
mohabbat zabt hai paiham
mohabbat hai dilo.n kaa mail
mohabbat jaavedaanii hai

Dua Ali

Nazm

mazdur

baar-e-hastii se pareshaan nazar aataa hai
rang-e-duniyaa pe vo hairaan nazar aataa hai
bazm-e-daanish me.n pashemaan nazar aataa hai
yuurish-e-Gam se vo halkaan nazar aataa hai
shiddat-e-karb se be-jaan nazar aataa hai
paikar-e-dard vo insaan nazar aataa hai

Jameel Azimabadi

Nazm

samundar

jaise Gam-e-hastii kaa hayuulaa hii qamar ho
jaise kisii aarif kii du.aa.o.n kaa asar ho
jaise ki baqaa-zaad ho sargarm-e-safar ho

Azeem Quraishi

Load More

Search

ENG

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

Speak Now