Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "packet"

Nazm MATCHES FOR "packet"

Nazm

ye bhi ghalat hai wo bhi ghalat

kal baazaar me.n bhayyaa shaafii
piine aa.e ThanDii coffee
ik do packet biscuit khaa.e
Thuu.ns ga.e do darjan toffee
aaluu chhole khaa kar bole
barfii ek kilo hai kaafii
ammii jii kii baat na maanii
abbuu se kii va.ada-KHilaafii
aisaa khaTkaa peT kaa maTkaa
allaah mu.aafii allaah mu.aafii
guDDuu kaa bhii haal sunaa.e.n
duudh piye.n na anDe khaa.e.n
phal tarkaarii ek na bhaa.e
Gusse me.n bas ho.nT chabaa.e.n
dekh ke dastar-KHvaan pe machhlii
paa.nv paTaKHte bhaage jaa.e.n
chaaval roTii gosht kii boTii
dekhe.n to naKHre dikhlaa.e.n
din kaa ho yaa raat kaa khaanaa
ro.e.n piiTe.n shor machaa.e.n
duble patle ruukhe suukhe
baat karo to la.Dne aa.e.n
itne halke phulke se hai.n
fan chale to u.D hii jaa.e.n

Ahmad Hatib Siddiqi
Nazm

sarhad-par ka ek KHat paDh kar

bas ek aaKHirii cigarette bachaa thaa packet me.n
use bhii phuu.nk chukaa
ghis chukaa
bujhaa bhii chukaa
na jaane vaqt hai kyaa duur tak hai sannaaTaa
faqat mu.nDer ke pinjre me.n uu.nghtaa panchhii
kabhii kabhii yuu.nhii panje chillaane lagtaa hai
phir apne-aap hii
daane uThaane lagtaa hai
tumhaare KHat ko.....

Nida Fazli
Nazm

jang ke dinon mein

ja.ng ke dino.n me.n
mohabbat aasaan ho jaatii hai
aur zindagii mushkil
ek cigarette ke packet ke badle
sipaahii aap kii jaan le sakte hai.n
aur ek KHushbuu-daar sabun de kar
aap ek la.Dkii kii muskuraahaT
aur jism haasil kar sakte hai.n

Zeeshan Sahil
Nazm

be-yaqini ka phailta dhuan

mai.n daftar kii kursii pe baiThaa hu.aa
gaaliyaa.n bak rahaa huu.n
mausam kii hiddat ko
hiddat me.n shiddat ko
hiddat kii shiddat me.n pakte hu.e aam ko
jo ki meraa nahii.n hai
Table pe rakkhe hu.e kaam ko
jo abhii tak pa.Daa hai
havaa ko
havaa me.n munaafiq suro.n kii aamezish ko
kaar-e-mohabbat ko
kaar-e-mohabbat me.n tapte hu.e husn ko bhii
jise dekh kar qais kii aa.nkh
juftii ke sapno.n me.n Duubii
Table pe au.ndhaa pa.Daa hai jo cigarette kaa packet
mai.n kahtaa huu.n yuu.nhii pa.Daa hai
mai.n piitaa nahii.n huu.n
kisii din piyuu.ngaa jiyuu.ngaa
magar vo mirii baat par muskuraatii hai
aur us kii aa.nkho.n me.n ik be-yaqiinii hai
mujhe qatl kartii hu.ii be-yaqiinii
mai.n daftar kii kursii pe baiThaa hu.aa
be-yaqiinii se us be-yaqiinii ko
gaaliyaa.n bak rahaa huu.n
mujhe ek cigarette hii sulgaa do ko.ii

Saqib Nadeem
Nazm

ye bhi ghalat hai

kal baazaar me.n bhayyaa shaafii
piine aa.e ThanDii coffee
ik do packet biscuit khaa.e
Thuu.ns ga.e do darjan toffee
aaluu chhole khaa kar bole
barfii ek kilo hai kaafii
ammii jii kii baat na maanii
abbuu se kii vaa'da-KHilaafii
peT hu.aa aape se baahar
sahmaa kar sab naa-insaafii
aisaa khaTkaa peT kaa maTkaa
allah mu'aafii allah mu'aafii

Ahmad Hatib Siddiqi
Nazm

aankhen

jab har saa.ns ik nashtar hu.aa har lamha KHanjar kii tarah
jiine ko lalchaataa dil barmaataa ho
jab bechainii se ghabraahaT se uljhii u.ngliyaa.n
apnii daraaz me.n rakhe cyanide ke packet ko Dhuu.nD rahii huu.n
jab raat a.ndherii
maayuusii aur udaasii be-zaarii se
aur bhii ziyaada gahnaa jaa.e
dard aur karb kii chaadar o.Dhe ba.Dhtii jaa.e
phailtii jaa.e
aise lamho.n me.n duur
sitaaro.n jaisii aa.nkhe.n
ek miiThaa saa giit guzre lamhaat me.n yaado.n kaa sangiit
sunaatii hai.n
dil ke Tuk.De karne vaalii
KHvaabo.n ko baKHshish dene vaalii ek jhalak
shukriya teraa kaise adaa ho

Mohammad Hasan
Nazm

dil

yaado.n ke KHaalii packet me.n
ik diivaana dil lipTaa thaa
jaane kaun sa.Dak par yaaro
us packet ko phe.nk gayaa thaa

Sohail Azad
Nazm

wapsi

diivaare.n kaalii thii.n
jin par mak.Dii ne jaale taane the
sofa kursii par dhuul jamii thii
darvaazo.n ke parde
gard me.n uljhe TuuT rahe the
aur ik rauzan par tinko.n kii gaThrii rakkhii thii
farsh jagah jagah se ukh.Daa thaa
mez pe rakkhii botal khulii pa.Dii thii
rack pe rakkhe aKHbaaro.n ke banDal aur risaale
dhuul kii chaadar o.Dhe the
cigarette ke KHaalii packet
gande kap.De
chalk ke Tuk.De
ik jaa kone me.n satre.n khii.nch rahe the
aur vo gum-sum soch rahaa thaa
soch rahaa thaa

Sahil Manakpuri
Nazm

yaadon ke Khaali packet mein

yaado.n ke KHaalii packet me.n
ik diivaana dil lipTaa thaa
jaane kaun sa.Dak par yaaro
us packet ko phe.nk gayaa thaa

Sohail Azad
Nazm

thak jaogi

paagal aa.nkho.n vaalii la.Dkii
itne mah.nge KHvaab na dekho
thak jaa.ogii
kaa.nch se naazuk KHvaab tumhaare
TuuT ga.e to
pachhtaa.ogii
soch kaa saaraa ujlaa kundan
zabt kii raakh me.n ghul jaa.egaa
kachche-pakke rishto.n kii KHushbuu kaa resham
khul jaa.egaa
tum kyaa jaano
KHvaab safar kii dhuup ke teshe
KHvaab adhuurii raat kaa dozaKH
KHvaab KHayaalo.n kaa pachhtaavaa
KHvaabo.n kii manzil rusvaa.ii
KHvaabo.n kaa haasil tanhaa.ii
tum kyaa jaano
mah.nge KHvaab KHariidnaa ho.n to
aa.nkhe.n bechnaa pa.Dtii hai.n yaa
rishte bhuulnaa pa.Dte hai.n

Mohsin Naqvi
Nazm

wo jo shaer tha

vo jo shaa.er thaa, chup saa rahtaa thaa
bahkii bahkii sii baate.n kartaa thaa
aa.nkhe.n kaano.n pe rakh ke suntaa thaa
guu.ngii KHaamoshiyo.n kii aavaaze.n!
jam.a kartaa thaa chaa.nd ke saa.e
giilii giilii sii nuur kii buu.nde.n
ok me.n bhar ke kha.Dkha.Daataa thaa
ruukhe ruukhe se raat ke patte
vaqt ke is ghanere jangal me.n
kachche pakke se lamhe chuntaa thaa

Gulzar
Nazm

mahatma-gandhi ka qatl

haatho.n se bujhaayaa KHud apne vo sho.ala-e-ruuh paak-e-vatan
daaG us se siyah-tar ko.ii nahii.n daaman pe tire ai KHaak-e-vatan

Anand Narayan Mulla
Nazm

nazm

basta phe.nk ke lo jii bhaagaa raushan-aaraa baaG kii jaanib
chillaataa chal guDDii chal
pakke jaamun Tapke.nge
aa.ngan kii rassii se maa.n ne kap.De khole
aur tannuur pe laa ke Tiin kii chaadar Daalii
saare din ke sukhaa.e paapa.D
lachchhii ne chaadar me.n lapeTe
bach ga.ii rabbaa kiyaa karaayaa dhul jaanaa thaa
KHairuu ne khet kii suukhii miTTii
jhurriyo.n vaale haath me.n le kar
bhiigii bhiigii aa.nkho.n se phir uupar dekhaa
jhuum ke phir uTThe hai.n baadal
TuuT ke phir me.nh barsegaa

Gulzar
Nazm

tarana-e-qaumi

marhabaa ai KHaak-e-paak-e-kishvar-e-hindostaa.n
yaadgaar-e-ahd-e-maazii hai tuu ai jaan-e-jahaa.n
kaise kaise auliyaa guzre aur qutub-e-zamaa.n
jin ke qadmo.n ne banaayaa hai tujhe jannat-nishaa.n
raushnii se tere phailaa hai ujaalaa har taraf
teraa duniyaa me.n rahaa hai bol-baalaa har taraf

Safeer Kakorvi
Nazm

buddhu si ek bachchi

siimaa ne mujh se puuchhaa
ai mere pyaare chachaa
ye roz aap mujh ko
dete the kaisaa Gachchaa
kahte the kar rahaa huu.n
va.ada mai.n tum se sachchaa
ja.ngal ke pe.D par se
bandar kaa ek bachchaa
laa.uu.ngaa to.D kar mai.n
lekin abhii hai kachchaa
samjhe the aap hai ye
buddhuu sii ek bachchii
chhe saal kii hai hogii
kuchh aql kii bhii kachchii
lekin samajh ga.ii huu.n
mai.n saarii Gachchaa Gachchii
bilkul buraa na maane.n
mai.n baat kah duu.n sachchii
bas ho ga.ii hai chachaa
ab aap kii bhii kachchii
mujh ko bataa chukii hai.n
kal raat merii chachchii
ugte nahii.n shajar par
yuu.n bandaro.n ke bachche
hote nahii.n vo hargiz
hargiz bhii pakke kachche
mai.n aap ke to va.ade
maanuu.n kabhii na sachche
mat diijiye aap mujh ko
ab aise vaise Gachche
chachchii ne KHud hai.n dekhe
bandar ke anDe bachche
bandariyaa anDe de de
jab gho.nslo.n ke andar
bante hai.n pahle chuuze
phir pyaare pyaare bandar

Ahmad Hatib Siddiqi
Nazm

ghair-mutawaqqa mulaqat

barso.n baa'd jab us ko dekhaa phuul saa chehra badal chukaa thaa
peshaanii par fikr kii aayat aa.nkhe.n ab sanjiida thii.n
ho.nT ka.nval ab bhii vaise par shaadaabii kuchh kam kam thii
pakke phalo.n kaa bojh uThaa.e jism tanaa bal khaataa thaa
ra.ngii.n pairaahan me.n ab bhii
KHvaab kii suurat lagtii thii
jaane kaisii kaisii hikaayat dekh use yaad aatii thii
pahlii daf.a jab saath the baiThe class ke andar ham dono.n
us ke jism ke lams ne mujh ko
pahle to bulaayaa thaa phir pakkaa dost banaayaa thaa
shaam talak mele me.n kaise phirte rahe the idhar-udhar
raat ga.e mammy ne us ko khoTii-kharii sunaa.ii thii
rail ke andar baiTh ke kaise sharmaa.e ghabraa.e the
baGair ticket ke pahu.nch ke ghar par kitnii mauj manaa.ii thii
dopahar ko Dhaabe me.n
chaa.e aur cigarette ke saath
tho.De se ruumaanii ho kar
kyaa kyaa baate.n karte the
ghar ke baahar lawn bhii hogaa ge.ndaa aur gul-mohar ke phuul
kharii khaaT nahii.n rakhe.nge bed ba.De mah.nge ho.nge
suiT miraa aisaa hogaa terii saarii resham kii
beTe kaa jo naam rakhe.nge hinduu na muslim hogaa
bil chukaate vaqt me.n aksar paise kam pa.D jaate the
dekh ke dadduu ha.nstaa thaa phir
jaane kyuu.n KHush hotaa thaa
ko.ii baat nahii.n hai beTe
kal jab aa.o de jaanaa
jaate hu.e jab seTh ne us kii kamar me.n baazuu pahnaayaa
dekh ke us kii aa.nkhe.n mujh ko chhalak pa.Dii thii.n chup ke se
soch rahaa thaa palaT ke ab vo
puuchhegii tum kaise ho
ye hai aap kii coffee saahab aur bhii kuchh chahiye hogaa

Abu Bakr Abbad
Nazm

zindagi

zindagii
itnii saada bhii nahii.n ki ek black-and-white t-v-set
us ke ra.ngo.n kaa ahaata kar sake
magar ra.ngiin-set bhii to shaa.iraana mubaalGe se kaam lete hai.n
ho saktaa hai pocket-bhar hayaat me.n saat pocket ra.ng
u.nDelne vaalo.n kii haqiiqii zindagii yahii ho
ruuh aur zamiir kii umr-bhar kii kamaa.ii siyaah rang kii pu.Diyaa hai
kisii faahisha ke badan se u.Dte hu.e lamhe kaa
dhanak-bhar mu.aavza to nahii.n
maaheriin giraanii aur gunaah me.n tanaasub-e-maakuus nahii.n maante
to aa.o zindagii ko inhii nigetives me.n dekhe.n

Ghulam Mohammad Qasir
Nazm

apni walida ki yaad mein

hu.ii hai ruuh vo ab jazb-e-ruuh-e-paak-e-aziim
milaa jo zaat me.n us kii judaa nahii.n miltaa

JaiKrishn Chaudhry Habeeb
Nazm

hum din-dar bachche

ham madraso.n ke bachche
bande KHudaa ke sachche
tauhiid me.n hai.n pakke
aKHlaaq me.n hai.n achchhe
ham diin-daar bachche

Abdul Ghani Faizi
Nazm

aam

abbaa jab baazaar se aa.e
aate aate aam bhii laa.e
jitne hare the sab kachche the
pakke hu.e the narm rasiile
kachche to the saKHt aur khaTTe
do do aam diye the ham ko
do aapaa ko do aadam ko
mere aam bahut miiThe the
aadam ke bilkul khaTTe the
aam ke naam na jaane kyaa the
totaa parii niilam the kyaa the
aam kii nazm amiin-'hazii.n' kii
pa.Dh ke mu.nh me.n aayaa paanii

Ameen Hazin
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now