Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "pakne"

Nazm MATCHES FOR "pakne"

Nazm

nazm

tabuuk aavaaz de rahaa hai
zamii.n se ab jo chipak rahegaa
munaafiqo.n me.n shumaar hogaa
lahuu ke suuraj kii laal aa.nhke.n
udaas lamho.n ko suu.nghtii hai.n
khajuur pakne kaa vaqt bhii hai
svaariyaa.n aur safar kaa saamaan saath le lo
KHudaa ba.Daa hai
bahut ba.Daa hai
KHudaa ba.Daa hai
tumhaare uu.nTo.n kii gardano.n se
tamaam duniyaa me.n nuur phaile
tumhaare gho.Do.n kii hinhinaahaT
tumhaarii manzil kii raah khole
bulandiyo.n kii taraf bulaataa hai aaj ko.ii
ye dhuup saa.e ke saath hogii
havaa me.n ha.nstaa nishaan dekho
vo u.Dte parcham kii shaan dekho
abhii abhii qaafila gayaa hai
tabuuk aavaaz de rahaa hai
mai.n apne gho.De kii baag mo.Duu.n
mai.n apne ghar kii taraf na jaa.uu.n

Adil Mansuri
Nazm

yamen ka sitara

tumhe.n laa.ii hai mere ruu-ba-ruu
saa.at chamakne kii
tumhaare saath aa.ii hai
fazaa mere mahakne kii
havaa me.n phailtii jaatii hai KHushbuu
fasl pakne kii
mirii timsaal me.n naqsh-e-numuu kaise ubhartaa hai
us aa.iine me.n
aks-e-KHuub-ruu kaise ubhartaa hai
nayaa mausam mire patto.n me.n kyaa kyaa ra.ng
bhartaa hai
ye manzar dekhte rahnaa
sitaare
tum jhuke ho merii shaaKHo.n par
jhuke rahnaa

Unknown
Nazm

misre

misre dam pe rakh detii huu.n
chaaval qaab me.n bhiig chuke hai.n
roTii belan ke niiche hai
pyaaz kaa ta.Dkaa daal pe Daal ke
chaaval pakne rakhe hai.n
kettle me.n hai chaa.e cha.Dhaa.ii
jab tak chaa.e me.n bhaa.np bane
mai.n misre dam pe rakh detii huu.n
aur isii asnaa me.n bartan
dastar-KHvaan pe chun detii huu.n
dastar-KHvaan pe cup paleTo.n aur chamcho.n ke shor me.n misre
kachche-pakke rahte hai.n
ek sukuu.n kaa pal milte hii soch kii ha.nDiyaa kholu.ngii aur ik ik kar ke
dhiimii aa.nch pe saare misre se.nku.ngii
to sab nazme.n ban jaa.e.ngii

Shumaila Bahzad
Nazm

nazm ki khiDki suni hai

nazm ko.ii gandum kaa KHosha
jis ke rango.n kaa andaaza
phal pakne par hotaa hai

Muneer Jafri
Nazm

main tumhaare liye kya kar sakta hun

abdul-kariim
mai.n jab tumhaare maathe par phaile dukho.n
mehnatii haatho.n par qismat kii lakiiro.n
bhuuk aur biimaarii se khelte tumhaare bachcho.n
vaqt se pahle buu.Dhii ho jaane vaalii tumhaarii aurato.n
qadam qadam par sisaktii izzat-e-nafs
aur phaile hu.e haatho.n ko dekhtaa huu.n
to merii rago.n me.n lahuu ke ba-jaa.e
nafrat bahne lagtii hai
mai.n tumhaare liye kyaa kar saktaa huu.n abdul-kariim
tumhe.n apnii fasl KHud kaasht karnii hai
fasl pakne se pahle
apnii daraa.ntii tez karvaa lo
tumhe.n kaaTnii hai
apnii bo.ii hu.ii fasl
zulm-aamaada haath
aur kalaf lagii gardan
aise vaqto.n me.n
mai.n tumhaare liye kuchh kar sakuu.ngaa

Ziyaul Hasan
Nazm

nazm ki khiDki suni hai

nazm ko.ii gandum kaa KHosha
jis ke rango.n kaa andaaza
phal pakne par hotaa hai

Muneer Jafri
Nazm

jawab-e-shikwa

dil se jo baat nikaltii hai asar rakhtii hai
par nahii.n taaqat-e-parvaaz magar rakhtii hai
qudsi-ul-asl hai rif.at pe nazar rakhtii hai
KHaak se uThtii hai garduu.n pe guzar rakhtii hai
ishq thaa fitnagar o sarkash o chaalaak miraa
aasmaa.n chiir gayaa naala-e-bebaak miraa
piir-e-garduu.n ne kahaa sun ke kahii.n hai ko.ii
bole sayyaare sar-e-arsh-e-barii.n hai ko.ii
chaa.nd kahtaa thaa nahii.n ahl-e-zamii.n hai ko.ii
kahkashaa.n kahtii thii poshiida yahii.n hai ko.ii
kuchh jo samjhaa mire shikve ko to rizvaa.n samjhaa
mujh ko jannat se nikaalaa hu.aa insaa.n samjhaa
thii farishto.n ko bhii hairat ki ye aavaaz hai kyaa
arsh vaalo.n pe bhii khultaa nahii.n ye raaz hai kyaa
taa-sar-e-arsh bhii insaa.n kii tag-o-taaz hai kyaa
aa ga.ii KHaak kii chuTkii ko bhii parvaaz hai kyaa
Gaafil aadaab se sukkaan-e-zamii.n kaise hai.n
shoKH o gustaaKH ye pastii ke makii.n kaise hai.n
is qadar shoKH ki allaah se bhii barham hai
thaa jo masjuud-e-malaa.ik ye vahii aadam hai
aalim-e-kaif hai daanaa-e-rumuuz-e-kam hai
haa.n magar ijz ke asraar se naa-mahram hai
naaz hai taaqat-e-guftaar pe insaano.n ko
baat karne kaa saliiqa nahii.n naa-daano.n ko
aa.ii aavaaz Gam-a.ngez hai afsaana tiraa
ashk-e-betaab se labrez hai paimaana tiraa
aasmaa.n-giir hu.aa naara-e-mastaana tiraa
kis qadar shoKH-zabaa.n hai dil-e-diivaana tiraa
shukr shikve ko kiyaa husn-e-adaa se tuu ne
ham-suKHan kar diyaa bando.n ko KHudaa se tuu ne
ham to maa.il-ba-karam hai.n ko.ii saa.il hii nahii.n
raah dikhlaa.e.n kise rah-rav-e-manzil hii nahii.n
tarbiyat aam to hai jauhar-e-qaabil hii nahii.n
jis se ta.amiir ho aadam kii ye vo gil hii nahii.n
ko.ii qaabil ho to ham shaan-e-ka.ii dete hai.n
Dhuu.nDne vaalo.n ko duniyaa bhii na.ii dete hai.n
haath be-zor hai.n ilhaad se dil KHuugar hai.n
ummatii baa.is-e-rusvaa.i-e-paiGambar hai.n
but-shikan uTh ga.e baaqii jo rahe but-gar hai.n
thaa braahiim pidar aur pisar aazar hai.n
baada-aashaam na.e baada nayaa KHum bhii na.e
haram-e-kaaba nayaa but bhii na.e tum bhii na.e
vo bhii din the ki yahii maaya-e-raanaa.ii thaa
naazish-e-mausam-e-gul laala-e-sahraa.ii thaa
jo musalmaan thaa allaah kaa saudaa.ii thaa
kabhii mahbuub tumhaaraa yahii harjaa.ii thaa
kisii yakjaa.ii se ab ahd-e-Gulaamii kar lo
millat-e-ahmad-e-mursil ko maqaamii kar lo
kis qadar tum pe giraa.n sub.h kii bedaarii hai
ham se kab pyaar hai haa.n nii.nd tumhe.n pyaarii hai
tab-e-aazaad pe qaid-e-ramazaa.n bhaarii hai
tumhii.n kah do yahii aa.iin-e-vafaadaarii hai
qaum maz.hab se hai maz.hab jo nahii.n tum bhii nahii.n
jazb-e-baaham jo nahii.n mahfil-e-anjum bhii nahii.n
jin ko aataa nahii.n duniyaa me.n ko.ii fan tum ho
nahii.n jis qaum ko parvaa-e-nasheman tum ho
bijliyaa.n jis me.n ho.n aasuuda vo KHirman tum ho
bech khaate hai.n jo aslaaf ke madfan tum ho
ho niko naam jo qabro.n kii tijaarat kar ke
kyaa na bechoge jo mil jaa.e.n sanam patthar ke
safha-e-dahr se baatil ko miTaayaa kis ne
nau-e-insaa.n ko Gulaamii se chhu.Daayaa kis ne
mere ka.abe ko jabiino.n se basaayaa kis ne
mere qur.aan ko siino.n se lagaayaa kis ne
the to aabaa vo tumhaare hii magar tum kyaa ho
haath par haath dhare muntazir-e-fardaa ho
kyaa kahaa bahr-e-musalmaa.n hai faqat vaada-e-huur
shikva bejaa bhii kare ko.ii to laazim hai shu.uur
adl hai faatir-e-hastii kaa azal se dastuur
muslim aa.ii.n hu.aa kaafir to mile huur o qusuur
tum me.n huuro.n kaa ko.ii chaahne vaalaa hii nahii.n
jalva-e-tuur to maujuud hai muusaa hii nahii.n
manfa.at ek hai is qaum kaa nuqsaan bhii ek
ek hii sab kaa nabii diin bhii iimaan bhii ek
haram-e-paak bhii allaah bhii qur.aan bhii ek
kuchh ba.Dii baat thii hote jo musalmaan bhii ek
firqa-bandii hai kahii.n aur kahii.n zaate.n hai.n
kyaa zamaane me.n panapne kii yahii baate.n hai.n
kaun hai taarik-e-aa.iin-e-rasuul-e-muKHtaar
maslahat vaqt kii hai kis ke amal kaa me.aar
kis kii aa.nkho.n me.n samaayaa hai shi.aar-e-aGyaar
ho ga.ii kis kii nigah tarz-e-salaf se be-zaar
qalb me.n soz nahii.n ruuh me.n ehsaas nahii.n
kuchh bhii paiGaam-e-mohammad kaa tumhe.n paas nahii.n
jaa ke hote hai.n masaajid me.n saf-aaraa to Gariib
zahmat-e-roza jo karte hai.n gavaaraa to Gariib
naam letaa hai agar ko.ii hamaaraa to Gariib
parda rakhtaa hai agar ko.ii tumhaaraa to Gariib
umaraa nashsha-e-daulat me.n hai.n Gaafil ham se
zinda hai millat-e-baizaa Gorabaa ke dam se
vaa.iz-e-qaum kii vo puKHta-KHayaalii na rahii
barq-e-tab.ii na rahii shola-maqaalii na rahii
rah ga.ii rasm-e-azaa.n ruuh-e-bilaalii na rahii
falsafa rah gayaa talqiin-e-Gazaalii na rahii
masjide.n marsiyaa.n-KHvaa.n hai.n ki namaazii na rahe
yaanii vo sahib-e-ausaaf-e-hijaazii na rahe
shor hai ho ga.e duniyaa se musalmaa.n naabuud
ham ye kahte hai.n ki the bhii kahii.n muslim maujuud
vaz.a me.n tum ho nasaaraa to tamaddun me.n hunuud
ye musalmaa.n hai.n jinhe.n dekh ke sharmaa.e.n yahuud
yuu.n to sayyad bhii ho mirzaa bhii ho afGaan bhii ho
tum sabhii kuchh ho bataa.o to musalmaan bhii ho
dam-e-taqriir thii muslim kii sadaaqat bebaak
adl us kaa thaa qavii laus-e-maraa.aat se paak
shajar-e-fitrat-e-muslim thaa hayaa se namnaak
thaa shujaa.at me.n vo ik hasti-e-fauq-ul-idraak
KHud-gudaazii nam-e-kaifiyat-e-sahbaa-yash buud
KHaalii-az-KHesh shudan suurat-e-miinaa-yash buud
har musalmaa.n rag-e-baatil ke liye nashtar thaa
us ke aa.iina-e-hastii me.n amal jauhar thaa
jo bharosaa thaa use quvvat-e-baazuu par thaa
hai tumhe.n maut kaa Dar us ko KHudaa kaa Dar thaa
baap kaa ilm na beTe ko agar azbar ho
phir pisar qaabil-e-miiraas-e-pidar kyuu.nkar ho
har ko.ii mast-e-mai-e-zauq-e-tan-aasaanii hai
tum musalmaa.n ho ye andaaz-e-musalmaanii hai
haidarii faqr hai ne daulat-e-usmaanii hai
tum ko aslaaf se kyaa nisbat-e-ruuhaanii hai
vo zamaane me.n mu.azziz the musalmaa.n ho kar
aur tum KHvaar hu.e taarik-e-qur.aa.n ho kar
tum ho aapas me.n Gazabnaak vo aapas me.n rahiim
tum KHataa-kaar o KHataa-bii.n vo KHataa-posh o kariim
chaahte sab hai.n ki ho.n auj-e-surayyaa pe muqiim
pahle vaisaa ko.ii paidaa to kare qalb-e-saliim
taKHt-e-faGfuur bhii un kaa thaa sariir-e-ka.e bhii
yuu.n hii baate.n hai.n ki tum me.n vo hamiyat hai bhii
KHud-kushii sheva tumhaaraa vo Gayuur o KHuddaar
tum uKHuvvat se gurezaa.n vo uKHuvvat pe nisaar
tum ho guftaar saraapaa vo saraapaa kirdaar
tum taraste ho kalii ko vo gulistaa.n ba-kanaar
ab talak yaad hai qaumo.n ko hikaayat un kii
naqsh hai safha-e-hastii pe sadaaqat un kii
misl-e-anjum ufuq-e-qaum pe raushan bhii hu.e
but-e-hindii kii mohabbat me.n birhman bhii hu.e
shauq-e-parvaaz me.n mahjuur-e-nasheman bhii hu.e
be-amal the hii javaa.n diin se bad-zan bhii hu.e
in ko tahziib ne har band se aazaad kiyaa
laa ke ka.abe se sanam-KHaane me.n aabaad kiyaa
qais zahmat-kash-e-tanhaa.i-e-sahraa na rahe
shahr kii khaa.e havaa baadiya-paimaa na rahe
vo to diivaana hai bastii me.n rahe yaa na rahe
ye zaruurii hai hijaab-e-ruKH-e-lailaa na rahe
gila-e-zaur na ho shikva-e-bedaad na ho
ishq aazaad hai kyuu.n husn bhii aazaad na ho
ahd-e-nau barq hai aatish-zan-e-har-KHirman hai
aiman is se ko.ii sahraa na ko.ii gulshan hai
is na.ii aag kaa aqvaam-e-kuhan ii.ndhan hai
millat-e-KHatm-e-rusul shola-ba-pairaahan hai
aaj bhii ho jo braahiim kaa iimaa.n paidaa
aag kar saktii hai andaaz-e-gulistaa.n paidaa
dekh kar ra.ng-e-chaman ho na pareshaa.n maalii
Kaukab-e-Guncha se shaaKHe.n hai.n chamakne vaalii
KHas o KHaashaak se hotaa hai gulistaa.n KHaalii
Gul-bar-andaaz hai KHuun-e-shohdaa kii laalii
ra.ng garduu.n kaa zaraa dekh to unnaabii hai
ye nikalte hu.e suuraj kii ufuq-taabii hai
ummate.n gulshan-e-hastii me.n samar-chiida bhii hai.n
aur mahruum-e-samar bhii hai.n KHizaa.n-diida bhii hai.n
saik.Do.n naKHl hai.n kaahiida bhii baaliida bhii hai.n
saik.Do.n batn-e-chaman me.n abhii poshiida bhii hai.n
naKHl-e-islaam namuuna hai birau-mandii kaa
phal hai ye saik.Do.n sadiyo.n kii chaman-bandii kaa
paak hai gard-e-vatan se sar-e-daamaa.n teraa
tuu vo yuusuf hai ki har misr hai kan.aa.n teraa
qaafila ho na sakegaa kabhii viiraa.n teraa
Gair yak-baa.ng-e-daraa kuchh nahii.n saamaa.n teraa
naKHl-e-shama astii o dar shola do-resha-e-tuu
aaqibat-soz bavad saaya-e-andesha-e-tuu
tuu na miT jaa.egaa iiraan ke miT jaane se
nashsha-e-mai ko ta'alluq nahii.n paimaane se
hai ayaa.n yurish-e-taataar ke afsaane se
paasbaa.n mil ga.e ka.abe ko sanam-KHaane se
kashti-e-haq kaa zamaane me.n sahaaraa tuu hai
asr-e-nau-raat hai dhundlaa saa sitaaraa tuu hai
hai jo ha.ngaama bapaa yurish-e-bulGaarii kaa
Gaafilo.n ke liye paiGaam hai bedaarii kaa
tuu samajhtaa hai ye saamaa.n hai dil-aazaarii kaa
imtihaa.n hai tire iisaar kaa KHuddaarii kaa
kyuu.n hiraasaa.n hai sahiil-e-faras-e-aadaa se
nuur-e-haq bujh na sakegaa nafas-e-aadaa se
chashm-e-aqvaam se maKHfii hai haqiiqat terii
hai abhii mahfil-e-hastii ko zaruurat terii
zinda rakhtii hai zamaane ko haraarat terii
kaukab-e-qismat-e-imkaa.n hai KHilaafat terii
vaqt-e-fursat hai kahaa.n kaam abhii baaqii hai
nuur-e-tauhiid kaa itmaam abhii baaqii hai
misl-e-buu qaid hai Gunche me.n pareshaa.n ho jaa
raKHt-bar-dosh havaa-e-chamanistaa.n ho jaa
hai tunak-maaya tuu zarre se bayaabaa.n ho jaa
naGma-e-mauj hai ha.ngaama-e-tuufaa.n ho jaa
quvvat-e-ishq se har past ko baalaa kar de
dahr me.n ism-e-mohammad se ujaalaa kar de
ho na ye phuul to bulbul kaa tarannum bhii na ho
chaman-e-dahr me.n kaliyo.n kaa tabassum bhii na ho
ye na saaqii ho to phir mai bhii na ho KHum bhii na ho
bazm-e-tauhiid bhii duniyaa me.n na ho tum bhii na ho
KHema-e-aflaak kaa istaada isii naam se hai
nabz-e-hastii tapish-aamaada isii naam se hai
dasht me.n daaman-e-kohsaar me.n maidaan me.n hai
bahr me.n mauj kii aaGosh me.n tuufaan me.n hai
chiin ke shahr maraaqash ke bayaabaan me.n hai
aur poshiida musalmaan ke iimaan me.n hai
chashm-e-aqvaam ye nazzaara abad tak dekhe
rif.at-e-shaan-e-rafaanaa-lakaa-zikrak dekhe
mardum-e-chashm-e-zamii.n yaanii vo kaalii duniyaa
vo tumhaare shohdaa paalne vaalii duniyaa
garmii-e-mehr kii parvarda hilaalii duniyaa
ishq vaale jise kahte hai.n bilaalii duniyaa
tapish-andoz hai is naam se paare kii tarah
Gota-zan nuur me.n hai aa.nkh ke taare kii tarah
aql hai terii sipar ishq hai shamshiir tirii
mire darvesh KHilaafat hai jahaa.ngiir tirii
maa-sivaa-allaah ke liye aag hai takbiir tirii
tuu musalmaa.n ho to taqdiir hai tadbiir tirii
kii mohammad se vafaa tuu ne to ham tere hai.n
ye jahaa.n chiiz hai kyaa lauh-o-qalam tere hai.n

Allama Iqbal
Nazm

farar

mujh ko kahne do ki mai.n aaj bhii jii saktaa huu.n
ishq naakaam sahii zindagii naakaam nahii.n
in ko apnaane kii KHvaahish unhe.n paane kii talab
shauq-e-bekaar sahii sa.ii-e-Gam-e-anjaam nahii.n

Sahir Ludhianvi
Nazm

parchhaiyan

KHaamosh zamii.n ke siine me.n KHemo.n kii tanaabe.n ga.Dne lagii.n
makkhan sii mulaa.em raaho.n par buuTo.n kii KHaraashe.n pa.Dne lagii.n
faujo.n ke bhayaanak band tale charKHo.n kii sadaa.e.n Duub ga.ii.n

Sahir Ludhianvi
Nazm

thak jaogi

paagal aa.nkho.n vaalii la.Dkii
itne mah.nge KHvaab na dekho
thak jaa.ogii
kaa.nch se naazuk KHvaab tumhaare
TuuT ga.e to
pachhtaa.ogii
soch kaa saaraa ujlaa kundan
zabt kii raakh me.n ghul jaa.egaa
kachche-pakke rishto.n kii KHushbuu kaa resham
khul jaa.egaa
tum kyaa jaano
KHvaab safar kii dhuup ke teshe
KHvaab adhuurii raat kaa dozaKH
KHvaab KHayaalo.n kaa pachhtaavaa
KHvaabo.n kii manzil rusvaa.ii
KHvaabo.n kaa haasil tanhaa.ii
tum kyaa jaano
mah.nge KHvaab KHariidnaa ho.n to
aa.nkhe.n bechnaa pa.Dtii hai.n yaa
rishte bhuulnaa pa.Dte hai.n

Mohsin Naqvi
Nazm

dastak

subah subah ik KHvaab kii dastak par darvaaza khulaa' dekhaa
sarhad ke us paar se kuchh mehmaan aa.e hai.n
aa.nkho.n se maanuus the saare
chehre saare sune sunaa.e
paa.nv dhu.e, haath dhulaa.e
aa.ngan me.n aasan lagvaa.e
aur tannuur pe makkii ke kuchh moTe moTe roT pakaa.e
poTlii me.n mehmaan mire
pichhle saalo.n kii faslo.n kaa gu.D laa.e the

Gulzar
Nazm

man ka KHwab

mai.n so.ii jo ik shab to dekhaa ye KHvaab
ba.Dhaa aur jis se miraa iztiraab
ye dekhaa ki mai.n jaa rahii huu.n kahii.n
a.ndheraa hai aur raah miltii nahii.n
laraztaa thaa Dar se miraa baal baal
qadam kaa thaa dahshat se uThnaa muhaal
jo kuchh hausla paa ke aage ba.Dhii
to dekhaa qataar ek la.Dko.n kii thii
zamurrad sii poshaak pahne hu.e
diye sab ke haatho.n me.n jalte hu.e
vo chup-chaap the aage piichhe ravaa.n
KHudaa jaane jaanaa thaa un ko kahaa.n
isii soch me.n thii ki meraa pisar
mujhe is jamaa.at me.n aayaa nazar
vo piichhe thaa aur tez chaltaa na thaa
diyaa us ke haatho.n me.n jaltaa na thaa
kahaa mai.n ne pahchaan kar merii jaa.n
mujhe chho.D kar aa ga.e tum kahaa.n
judaa.ii me.n rahtii huu.n mai.n be-qaraar
pirotii huu.n har roz ashko.n ke haar
na parvaa hamaarii zaraa tum ne kii
ga.e chho.D achchhii vafaa tum ne kii
jo bachche ne dekhaa miraa pech-o-taab
diyaa us ne mu.nh pher kar yuu.n javaab
rulaatii hai tujh ko judaa.ii mirii
nahii.n is me.n kuchh bhii bhalaa.ii mirii
ye kah kar vo kuchh der tak chup rahaa
diyaa phir dikhaa kar ye kahne lagaa
samajhtii hai tuu ho gayaa kyaa ise?
tire aa.n.su.o.n ne bujhaayaa ise!

Allama Iqbal
Nazm

wo jo shaer tha

vo jo shaa.er thaa, chup saa rahtaa thaa
bahkii bahkii sii baate.n kartaa thaa
aa.nkhe.n kaano.n pe rakh ke suntaa thaa
guu.ngii KHaamoshiyo.n kii aavaaze.n!
jam.a kartaa thaa chaa.nd ke saa.e
giilii giilii sii nuur kii buu.nde.n
ok me.n bhar ke kha.Dkha.Daataa thaa
ruukhe ruukhe se raat ke patte
vaqt ke is ghanere jangal me.n
kachche pakke se lamhe chuntaa thaa

Gulzar
Nazm

hubb-e-watan

baiThe be-fikr kyaa ho ham-vatano
uTho ahl-e-vatan ke dost bano
mard ho tum kisii ke kaam aa.o
varna khaa.o piyo chale jaa.o
jab ko.ii zindagii kaa lutf uThaa.o
dil ko dukh bhaa.iyo.n ke yaad dilaa.o
pahno jab ko.ii umda tum poshaak
karo daaman se taa garebaa.n chaak
khaanaa khaa.o to jii me.n tum sharmaa.o
ThanDaa paanii piyo to ashk bahaa.o
kitne bhaa.ii tumhaare hai.n naadaar
zindagii se hai jin kaa dil bezaar
naukaro.n kii tumhaare jo hai Gizaa
un ko vo KHvaab me.n nahii.n miltaa
jis pe tum juutiyo.n se phirte ho
vaa.n mayassar nahii.n vo o.Dhne ko
khaa.o to pahle lo KHabar un kii
jin pe biptaa hai niistii kii pa.Dii
pahno to pahle bhaa.iyo.n ko pahnaa.o
ki hai utran tumhaarii jin kaa banaav
ek Daalii ke sab hai.n barg-o-samar
hai ko.ii un me.n KHushk aur ko.ii tar
sab ko hai ek asl se paivand
ko.ii aazurda hai ko.ii KHursand
muqbilo mudabbiro.n ko yaad karo
KHush-dilo Gam-zado.n ko shaad karo
jaagne vaale Gaafilo.n ko jagaa.o
tairne vaalo Duubto.n ko tiraa.o
hai.n mile tum ko chashm o gosh agar
lo jo lii jaa.e kor-o-kar kii KHabar
tum agar haath paa.nv rakhte ho
la.ng.De luulo.n ko kuchh sahaaraa do
tandurustii kaa shukr kiyaa hai bataa.o
ra.nj biimaar bhaa.iyo.n kaa haTaa.o
tum agar chaahte ho mulk kii KHair
na kisii ham-vatan ko samjho Gair
ho musalmaan us me.n yaa hinduu
bodh maz.hab ho yaa ki ho brahamuu
ja.afrii hove yaa ki ho hanafii
jiin-mat hove yaa ho vaishnavii
sab ko miiThii nigaah se dekho
samjho aa.nkho.n kii putliyaa.n sab ko
mulk hai.n ittifaaq se aazaad
shahr hai.n ittifaaq se aabaad
hind me.n ittifaaq hotaa agar
khaate Gairo.n kii Thokare.n kyuu.nkar
qaum jab ittifaaq kho baiThii
apnii puu.njii se haat dho baiThii
ek kaa ek ho gayaa bad-KHvaah
lagii Gairo.n kii pa.Dne tum pe nigaah
phir ga.e bhaa.iyo.n se jab bhaa.ii
jo na aanii thii vo balaa aa.ii
paa.nv iqbaal ke ukha.Dne lage
mulk par sab ke haath pa.Dne lage
kabhii tuuraaniyo.n ne ghar luuTaa
kabhii durraaniyo.n ne zar luuTaa
kabhii naadir ne qatl-e-aam kiyaa
kabhii mahmuud ne Gulaam kiyaa
sab se aaKHir ko le ga.ii baazii
ek shaa.ista qaum maGrib kii
ye bhii tum par KHudaa kaa thaa in.aam
ki pa.Daa tum ko aisii qaum se kaam
varna dum maarne na paate tum
pa.Dtii jo sar pe vo uThaate tum
mulk rau.nde ga.e hai.n pairo.n se
chain kis ko milaa hai Gairo.n se

Altaf Hussain Hali
Nazm

raat hui

tum ko paa lene kii dhun me.n
duniyaa o.Dhii
ra.ng-bira.nge kap.De pahne
peshaanii par suuraj baa.ndhaa
aa.ngan bhar me.n dhuup bichaa.ii
diivaaro.n par sabza Daalaa
phuulo.n patto.n se apnii chaukhaT ra.ngvaa.ii
mausam aa.e
mausam biite
suuraj niklaa dhuup khilii
phir dhuup cha.Dhii phir aur cha.Dhii
phir shaam hu.ii
phir gahrii kaalii raat hu.ii

Farhat Ehsas
Nazm

albeli subh

nazar jhukaa.e uruus-e-fitrat jabii.n se zulfe.n haTaa rahii hai
sahar kaa taaraa hai zalzale me.n ufuq kii lau thartharaa rahii hai
ravish ravish naGma-e-tarab hai chaman chaman jashn-e-ra.ng-o-buu hai
tuyuur shaaKHo.n pe hai.n Gazal-KHvaa.n kalii kalii gungunaa rahii hai
sitaara-e-sub.h kii rasiilii jhapaktii aa.nkho.n me.n hai.n fasaane
nigaar-e-mahtaab kii nashiilii nigaah jaaduu jagaa rahii hai
tuyuur bazm-e-sahar ke mutrib lachaktii shaaKHo.n pe gaa rahe hai.n
nasiim firdaus kii sahelii gulo.n ko jhuulaa jhulaa rahii hai
kalii pe bele kii kis adaa se pa.Daa hai shabnam kaa ek motii
nahii.n ye hiire kii kiil pahne ko.ii parii muskuraa rahii hai
sahar ko madd-e-nazar hai.n kitnii ri.aayte.n chashm-e-KHuu.n-fishaa.n kii
havaa bayaabaa.n se aane vaalii lahuu me.n surKHii ba.Dhaa rahii hai
shaluukaa pahne hu.e gulaabii har ik subuk pa.nkhu.Dii chaman me.n
ra.ngii hu.ii surKH o.Dhnii kaa havaa me.n palluu sukhaa rahii hai
falak pe is tarah chhup rahe hai.n hilaal ke gird-o-pesh taare
ki jaise ko.ii na.ii navelii jabii.n se afshaa.n chhu.Daa rahii hai
khaTak ye kyuu.n dil me.n ho chalii phir chaTaktii kaliyo? zaraa Thaharnaa
havaa-e-gulshan kii narm ro me.n ye kisii kii aavaaz aa rahii hai?

Josh Malihabadi
Nazm

barish hoti hai to pani ko bhi lag jate hain panw

jiit kar aate hai.n jab match galii ke la.Dke
juute pahne hu.e canvas ke uchhalte hu.e ge.ndo.n kii tarah
dar-o-diivaar se Takraa ke guzarte hai.n
vo paanii ke chhapaako.n kii tarah

Gulzar
Nazm

guman ka mumkin- jo tu hai main hun

magar na jaane
vo raasta kyuu.n chunaa thaa mai.n ne
ki jis pe KHud se visaal tak kaa gumaa.n nahii.n hai?
vo raasta kyuu.n chunaa thaa mai.n ne
vo ruk gayaa hai dilo.n ke ib.haam ke kinaare?
vahii kinaaraa ki jis ke aage gumaa.n kaa mumkin
jo tuu hai mai.n huu.n!
magar ye sach hai
mai.n tujh ko paane kii (KHud ko paane kii) aarzuu me.n nikal pa.Daa thaa
us ek mumkin kii justujuu me.n
jo tuu hai mai.n huu.n
mai.n aise chehre ko Dhuu.nDhtaa thaa
jo tuu hai mai.n huu.n
mai.n aisii tasviir ke ta.aaqub me.n ghuumtaa thaa
jo tuu hai mai.n huu.n!
mai.n is ta.aaqub me.n
kitne aaGaaz gin chukaa huu.n
(me.n us se Dartaa huu.n jo ye kahtaa
hai mujh ko ab ko.ii Dar nahii.n hai)
mai.n is ta.aaqub me.n kitnii galiyo.n se,
kitne chauko.n se,
kitne guu.nge musass se, guzar gayaa huu.n
mai.n is ta.aaqub me.n kitne baaGo.n se,
kitnii andhii sharaab raato.n se,
kitnii baa.nho.n se,
kitnii chaahat ke kitne bifre samundaro.n se
guzar gayaa huu.n
mai.n kitnii hosh o amal kii sham.o.n se,
kitne iimaa.n ke gumbado.n se
guzar gayaa huu.n
mai.n is ta.aaqub me.n kitne aaGaaz kitne anjaam gin chukaa huu.n
ab is ta.aaqub me.n ko.ii dar hai
na ko.ii aataa hu.aa zamaana
har ek manzil jo rah ga.ii hai
faqat guzartaa hu.aa fasaana
tamaam raste, tamaam buujhe savaal, be-vazn ho chuke hai.n
javaab, taariiKH ruup dhaare
bas apnii takraar kar rahe hai.n
javaab ham hai.n javaab ham hai.n
hame.n yaqii.n hai javaab ham hai.n
yaqii.n ko kaise yaqii.n se dohraa rahe hai.n kaise!
magar vo sab aap apnii zid hai.n
tamaam, jaise gumaa.n kaa mumkin
jo tuu hai mai.n huu.n!

Noon Meem Rashid
Nazm

ishq apne mujrmon ko pa-ba-jaulan le chala

daar kii rassiyo.n ke guluu-band gardan me.n pahne hu.e
gaane vaale har ik roz gaate rahe
paayale.n be.Diyo.n kii bajaate hu.e
naachne vaale dhuume.n machaate rahe
ham na is saf me.n the aur na us saf me.n the
raaste me.n kha.De un ko takte rahe
rashk karte rahe
aur chup chaap aa.nsuu bahaate rahe

Faiz Ahmad Faiz
Nazm

zawal ki had

park me.n kyaa vo aa.ii thii
aaj bhii kyaa sharmaa.ii thii
kaise kap.De pahne thii
kyaa andaaz thaa juu.De kaa
tum ne us se puuchhaa thaa
raat jo tum ne sochaa thaa
'faiz' kii taaza nazm pa.Dhii
aur 'bedii' kaa afsaana
luup se kyaa haasil hogaa
dariyaa kyaa saahil hogaa

Shahryar
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now