Search result for "ranjish-e-paiham" | Category - Nazm, Page

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "ranjish-e-paiham"

Nazm MATCHES FOR "ranjish-e-paiham"

Nazm

katik ka chand

chaa.nd kab se hai sar-e-shaaKH-e-sanobar aTkaa
ghaas shabnam me.n sharaabor hai shab hai aadhii
baam suunaa hai, kahaa.n Dhuu.nDe.n kisii kaa chehraa
(log samjhe.nge ki be-rabt hai.n baate.n apnii)
sher ugte hai.n dukhii zehn se ko.npal ko.npal
kaun mausam hai ki bharpuur hai.n Gam kii bele.n
duur pahu.nche hai.n sarakte hu.e uude baadal
chaa.nd tanhaa hai (agar us kii balaa.e.n le le.n?)
dosto jii kaa ajab haal hai, lenaa ba.Dhnaa
chaa.ndnii raat hai kaatik kaa mahiina hogaa
miir-e-maGfuur ke ash.aar na paiham pa.Dhnaa
jiine vaalo.n ko abhii aur bhii jiinaa hogaa
chaa.nd ThiThkaa hai sar-e-shaaKH-e-sanobar kab se
kaun saa chaa.nd hai kis rut kii hai.n raate.n logo
dhund u.Dne lagii bun.ne lagii kyaa kyaa chehre
achchhii lagtii hai.n divaano.n kii sii baate.n logo
bhiigtii raat me.n dubkaa hu.aa jhii.ngar bolaa
kasmasaatii kisii jhaa.Dii me.n se KHushbuu lapkii
ko.ii kaakul ko.ii daaman, ko.ii aa.nchal hogaa
ek duniyaa thii magar ham se sameTii na ga.ii

Ibn۔e۔Insha

Nazm

qaum se KHitab

be-hisii iflaas aur buGz-o-adaavat tujh me.n hai
ranjish-e-bejaa-o-kiina aur nafrat tujh me.n hai
Gair kii hamdard apno.n se kuduurat tujh me.n hai
kyaa bataa.e.n tujh ko jo ai be-muravvat tujh me.n hai

Ameen Salaunvi

Nazm

kalkatta

majlis-e-ittihaad-e-millat ko
likhiye habl-ul-matiin-e-kalkatta
saare hindostaa.n kii daulat ko
kahiye milk-e-yamiin-e-kalkatta
kufr hoogli me.n jaa ke Duub gayaa
dii.n hu.aa hai makiin-e-kalkatta
asar-e-sajda-haa-e-paiham se
hu.ii raushan jabiin-e-kalkatta
har taraf phir rahe hai.n niilii posh
aasmaa.n hai zamiin-e-kalkatta

Zafar Ali Khan

Nazm

zarb-e-paiham

ye kyaa zarb-e-paiham sii
har dam hai siine pe mere
kabhii zarb ulTii lagii yaa
mirii pusht KHud zarb-e-paiham se ulTii
tuu phir rii.Dh kii haDDiyaa.n merii chTKHii.n
ki sarhad pe juu.n ek ma.asuum bachche kii haDDii
mujaahid ke buuTo.n kii zad me.n pa.Dii charmaraatii rahii ho
to kyaa zarb-e-paiham se piichhaa chhu.Daanaa bhii mumkin nahii.n hai?
nahii.n hai to kyaa mai.n bhii siikhuu.n
vahii zarb-e-paiham kii saarii adaa.e.n?
ki ye zarb-e-paiham muqaabil kabhii zarb-e-paiham ke aa.e
ye mumkin hai ifhaam-o-tafhiim kii ko.ii suurat bhii nikle
ko.ii sur mohabbat kaa phuuTe, fazaa gungunaa.e

Kausar Mazhari

Nazm

gautam-budh

daf.atan chamkii haqiiqat kii tajallii saamne
mehnat-e-paiham se raaz-e-zindagaanii mil gayaa

Maikash Akbarabadi

Nazm

taqaza

KHirman-e-ehsaas par bijlii giraate jaa.iye
ishq ke bedaar sho.alo.n ko bujhaate jaa.iye
jis ne baKHshaa thaa zamiir-e-ruuh ko raaz-e-hayaat
haa.n usii andaaz se phir gungunaate jaa.iye
baarish-e-Gam-haa-e-paiham se fazaa hai sogvaar
aap jaate hai.n to dam bhar muskuraate jaa.iye
ishq ke siine me.n maddham ho rahii hai raushnii
ik zaraa is sham.a kii lau ko ba.Dhaate jaa.iye
khaa rahaa huu.n phir fareb-e-kaa.enaat-e-rang-o-buu
ye naqaab-e-vahm aa.nkho.n se uThaate jaa.iye

Jauhar Nizami

Nazm

bahadur-shah zafar

saare aalam ne tire shauq kaa aalam dekhaa
ya.anii qurbaanii-e-paiham ko mujassam dekhaa

Shamsii Meenai

Nazm

yakum may

qatl-e-gul qatl-e-sabaa qatl-e-sahar kii taqriib
mun.aqid hotii rahii baarhaa aivaano.n me.n
qila-e-jabr-o-tashaddud me.n
qasr-e-zulmat me.n
KHalvat-e-shab me.n
gaahe-gaahe sar-e-raahe
aur is baar ye taqriib ba.Dii shaan ke saath
mun.aqid ahl-e-havas ke haatho.n
rahguzaaro.n pe hu.ii
bar-sar-e-baazaar hu.ii
kuucha-e-shahr-e-nigaaraa.n me.n hu.ii
dasht-o-sahraa me.n hu.ii
kohsaaro.n me.n hu.ii
naam-e-gul naam-e-sabaa naam-e-sahar vird-e-zabaa.n
har-nafas gaam-ba-gaam
mohtaram hai ravish-e-makr-o-fareb-e-paiham
sheva-e-raahzanii kii KHair
pesha-e-qatl kii azmat kii duhaa.ii diije
dast-e-qaatil ke taqaddus kii qasam khaa.ii ga.ii
saathiyo chalte raho
ham rivaayaat-e-chicago ke amii.n
KHuun-e-fučík ke taqaddus ke amii.n
azmat-e-KHuun-e-lumumba ke amii.n
KHuun-e-naasir ke amii.n
nazr-e-KHuu.n dete rahe hai.n
sar-e-mahfil sar-e-zindaa.n sar-e-maqtal sar-e-daar
nazr-e-KHuu.n dete rahe.nge ham log

Muslim Shameem

Nazm

kisan

sub.h kaa farzand KHurshiid-e-zar-afshaa.n kaa alam
mehnat-e-paiham kaa paimaa.n saKHt-koshii kii qasam

Josh Malihabadi

Nazm

KHana-ba-dosh

maathe pe saKHt-koshi-e-paiham kii daastaa.n
aa.nkho.n me.n huzn o yaas kii ghanghor badliyaa.n
chehro.n pe taazyaana-e-iflaas ke nishaa.n
har har adaa se bhuuk kii betaabiyaa.n ayaa.n
paisa agar mile to hamiiyat bhii bech de.n
roTii kaa aasraa ho to izzat bhii bech de.n

Asrarul Haq Majaz

Nazm

kyunkar

lagii aag dil kii bujhaa.e.nge kyuu.nkar
tabii.at ko raste pe laa.e.nge kyuu.nkar
jo be-dard hai.n rahm khaa.e.nge kyuu.nkar
vo bhuule se ghar mere aa.e.nge kyuu.nkar
balaa se ko.ii ishq me.n KHaar bhii ho
Gam-o-ranj-e-paiham se naa-chaar bhii ho
salaamat rahe.n dil ke ta.Dpaane vaale
tamannaa.e.n merii na bar laane vaale
savaal-e-mohabbat ko Thukraane vaale
na paas aane vaale na kaam aane vaale
unhe.n kyaa ta'alluq fuGaa.n-o-bukaa se
faqat kaam rahtaa hai qahr-o-jafaa se

Vafa Barahi

Nazm

parda aur ismat

KHayaalaat-e-paiham me.n har vaqt gum-sum
dil-e-narm-o-naazuk pe abr-e-tavahhum

Asrarul Haq Majaz

Nazm

az-sar-e-nau

ab... magar
phir ibtidaa se
kaavish-e-paiham me.n
ghuume jaa rahe hai.n
vaqt ke pahiye
na.e takliif-dah aaGaaz se ham ko guzarnaa pa.D rahaa hai phir...

Mah Talat Zahidi

Nazm

aawaz-e-adam

dabegii kab talak aavaaz-e-aadam ham bhii dekhe.nge
ruke.nge kab talak jazbaat-e-barham ham bhii dekhe.nge
chalo yuu.nhii sahii ye jaur-e-paiham ham bhii dekhe.nge

Sahir Ludhianvi

Nazm

makan

apnii nas nas me.n liye mehnat-e-paiham kii thakan
band aa.nkho.n me.n usii qasr kii tasviir liye
din pighaltaa hai usii tarah saro.n par ab tak
raat aa.nkho.n me.n khaTaktii hai siyah tiir liye

Kaifi Azmi

Nazm

tamir

apne siine me.n dabaa.e hu.e laakho.n sho.ale
shabnam o barf ke naGmaat sunaa.e mai.n ne
ziist ke nauha-e-paiham se churaa kar aa.nkhe.n
giit jo gaa na sake ko.ii vo gaa.e mai.n ne

Mustafa Zaidi

Nazm

qaid-o-hayat-o-band-e-gham

mai.n huu.n meraa sukuut-e-paiham hai
ajnabii din hai.n ajnabii raate.n
jin se ko.ii charaaG jal na sakaa
yaad aatii hai.n mujh ko vo baate.n
luT gayaa saaraa kaarvaa.n apnaa
rahzano.n ne lagaa.ii thii.n ghaate.n

Anjum Azmi

Nazm

naya husn

marhale jhel ke nikhraa hai mazaaq-e-taKHliiq
sa.ii-e-paiham ne diye hai.n ye KHad-o-KHaal tujhe
zindagii chaltii rahii kaa.nTo.n pe, a.ngaaro.n par
jab milii itnii hasii.n, itnii subuk chaal tujhe

Kaifi Azmi

Nazm

jashn-e-azadi

apnii miTTii hai muqaddas
jaise mamtaa kaa taqaddus
KHuun kaa ik ek qatra de ke bhii
is kii rakhvaalii muqaddam
shaan-e-momin
azm-e-paiham
maujzan ho ruuh ruuh
josh-e-iimaan-e-husain

Asghar Ali Tabassum

Nazm

nawa-e-sarosh

kisii ke naujavaa.n armaan miTTii me.n mile ho.nge
kisii ke kulba-e-ahzaa.n me.n laakho.n gul khile ho.nge
kisii ke zabt-e-paiham se lab-e-naazuk sile ho.nge
kisii ko zindagii bhar apnii qismat par gile ho.nge

Bismil Dehlavi

Load More

Search

ENG

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

Speak Now