Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "rauza"

Nazm MATCHES FOR "rauza"

Nazm

taj-mahal

ye damaktii hu.ii chaukhaT ye tilaa-posh kalas
inhii.n jalvo.n ne diyaa qabr-parastii ko rivaaj
maah o anjum bhii hu.e jaate hai.n majbuur-e-sujuud
vaah aaraam-gah-e-malika-e-ma.abuud-mizaaj
diidanii qasr nahii.n diidanii taqsiim hai ye
ruu-e-hastii pe dhu.aa.n qabr pe raqs-e-anvaar
phail jaa.e isii rauza kaa jo simTaa daaman
kitne jaa.n-daar janaazo.n ko bhii mil jaa.e mazaar
dost mai.n dekh chukaa taaj-mahal
.....vaapas chal

Kaifi Azmi
Nazm

jamuna

aah us KHvaab-e-shabaana kaa hai mujh ko intizaar
us suruur-e-aashiqaana kaa hai mujh ko intizaar
terii ik ik mauj thii jab aah tuufaa.n-kosh-e-shauq
halqa-e-girdaab thaa jab haala-e-aaGosh-e-shauq
jab kisii ke gesu-e-pur-KHam kii saudaa.ii thii tuu
aur lab-e-saahil pe rauza kii tamaashaa.ii thii tuu
aah jamunaa tujh ko daur-e-paastaanii kii qasam
shaukat-e-deriina-e-saahib-qiraanii kii qasam
kyaa na ho.nge tujh ko vo dilkash manaazir phir nasiib
azmat-e-islaam ke agle mazaahir phir nasiib
ho ke muztar aah josh-e-iztiraab-e-dil se kyaa
yuu.nhii Takraayaa karegii sar ko tuu saahil se kyaa

Suroor Jahanabadi
Nazm

yaad-e-watan

in shaandaar mahlo.n ko kyaa karuu.n mai.n le kar
lagtaa nahii.n hai meraa dil aah in me.n dam bhar
in me.n nahii.n hai merii dil-bastagii kaa manzar
dil kash kahii.n hai is se uj.Daa hu.aa miraa ghar
mil jaa.e kaash mujh ko ghar aah! meraa pyaaraa
Gurbat me.n mujh ko rahnaa dam bhar nahii.n gavaaraa
hai.n barkate.n utartii jis ghar me.n aasmaa.n se
pyaaraa hai aah vo ghar mere liye jahaa.n se
ai ghar sivaa hai dil-kash to rauza-e-jinaa.n se
haa.n tuu aziiz-tar hai mujh ko hazaar jaa.n se
mil jaa.e kaash mujh ko ghar aah! meraa pyaaraa
Gurbat me.n mujh ko rahnaa dam bhar nahii.n gavaaraa
aavaara-e-vatan huu.n gum-karda-KHaanumaa.n huu.n
sahraa me.n muddato.n se me.n gard-e-kaarvaa.n huu.n
ro ro ke aah kartaa misl-e-jaras fuGaa.n huu.n
Gurbat me.n mai.n raga.Dtaa barso.n se e.Diyaa.n huu.n
mil jaa.e kaash mujh ko ghar aah! meraa pyaaraa
Gurbat me.n mujh ko rahnaa dam bhar nahii.n gavaaraa
thaa chhoTii chhoTii chi.Diyo.n ko mai.n jahaa.n bulaataa
aur giit thaa KHushii ke maqdam me.n un ke gaataa
vo ghar me.n thii.n chahaktii mai.n ghar me.n gungunaataa
taane.n sunaatii thii.n vo mai.n loriyaa.n sunaataa
mil jaa.e kaash mujh ko ghar aah! meraa pyaaraa
Gurbat me.n mujh ko rahnaa dam bhar nahii.n gavaaraa

Shakir Merathi
Nazm

taj-mahal

merii mahbuub ye duniyaa kii imaaraat-e-qadiim
daaman-e-arz pe chhii.nTo.n ke sivaa kuchh bhii nahii.n
rauza-e-taaj ko is tarah ta.ajjub se na dekh
ye taraashii hu.ii ii.nTo.n ke sivaa kuchh bhii nahii.n

Ustad Rampuri
Nazm

dariya-e-gomti

hai lab-e-dariyaa shabiih-e-rauza-e-shaah-e-najaf
jis se vaabasta hai yaad-e-taajdaar-e-maa-salaf

Fatima wasia Jayasi
Nazm

KHarabaat

sunahrii shaam hai saaqii
shafaq gulfaam hai saaqii
ba.Dhaa saaGar ki mai-noshii
mubaarak kaam hai saaqii
hai.n KHaalii jis qadar pyaale
sharaab-e-surKH se bhar de
tujhe kyaa zarf-e-zarrii.n yaa
sifaalii jaam hai saaqii
ye KHum kyo.n kyo.n ye paimaana
luTaa de saaraa mai-KHaana
masarrat jis ko kahte hai.n
mataa’-e-‘aam hai saaqii
na hushyaarii na be-hoshii
ho kuchh mastii kuchh aagaahii
KHirad-mandaan-e-‘aalam kaa
yahii paiGaam hai saaqii
gale milte the jo baaham
hai.n KHanjar bar-guluu paiham
lab-e-e’jaaz bhii goyaa
lab-e-dushnaam hai saaqii
ba-har-jaa hirs ke phande
havasnaakii ke sab bande
giraftaar-e-KHam-e-kaakul
'abas badnaam hai saaqii
‘uqaab-e-charKH-paimaa ho
humaa ho yaa ki 'anqaa ho
riyaaz-e-rang-o-nik.hat me.n
asiir-e-daam hai saaqii
ruKH-o-gesuu kaa nazzaara
muraqqa' nuur-o-zulmat kaa
mukaddar sub.h yaa shaayad
munavvar shaam hai saaqii
shabaab o husn dilbar kaa
tamaashaa hai gha.Dii-bhar kaa
davaamii nashsha-e-ulfat
KHayaal-e-KHaam hai saaqii
yahii ik lamha-e-'ishrat
yahii ik 'aish kii saa'at
yahii aaGaaz hastii kaa
yahii anjaam hai saaqii
talaash-e-be-KHudii me.n ab
huu.n vaqf-e-baada roz-o-shab
isii ik kaam ke laa.iq
dil-e-naakaam hai saaqii
idhar hai kulfat-e-maazii
udhar ummiid fardaa kii
'ajab biim-o-rajaa hai kuchh
'ajab hangaam hai saaqii
bachaa aafat se har dil ko
nigaah-e-bad se mahfil ko
ki jo tiir-e-nazar hai yaa.n
vo KHuu.n-aashaam hai saaqii
kaliid-e-maKHzan-e-‘irfaa.n
naved-e-rauza-e-rizvaa.n
qadah kii sham' raushan rakh
shab-e-auhaam hai saaqii
kaliisaa ho ki mandir ho
dar-e-masjid ki mimbar ho
na ho gar justujuu-e-haq
Galat iqdaam hai saaqii
tire ratl-e-giraa.n kii hai
jo qiimat zindagii sii shai
to naqd-e-hosh-o-diin-o-dil
tiraa in'aam hai saaqii
jahaa.n tuu jalva-farmaa ho
jahaa.n tuu chehra-aaraa ho
dam-e-raahat se vaa.n KHush-tar
dil-e-aalaam hai saaqii
suruur-e-jaavedaanii tuu
faroG-e-zindagaanii tuu
bahaar-e-aarzuu tujh bin
baraa.e naam hai saaqii
niraa saa hai jahaa.n kab se
hai pyaasaa kaarvaa.n kab se
qariib-e-chashma-e-haivaa.n
ye tishna-kaam hai saaqii
hayaat-e-taaza kaa sadqa
pilaa de jur'a par jur'a
shaguufe nau-shagufta gul
saman-andaam hai saaqii
bayaabaa.n me.n hai.n barsaate.n
chaman me.n chaa.ndnii raate.n
zamii.n sahbaa-e-mausam se
ba-rang-e-jaam hai saaqii
KHushii ke chahchahe har-suu
ha.nsii aur qahqahe har-suu
dilo.n me.n kis liye aaKHir
Gam-e-ayyaam hai saaqii
nasheman shaaKH-e-tuubaa par
banaa sakte nahii.n taa.ir
ki baazuu par shikasta aur
falak-ras baam hai saaqii
'ataa ho 'azm hikmat ko
bulandii fikr-o-himmat ko
to raah-e-jaada-e-maqsad
faqat ik gaam hai saaqii

Fazlurrahman
Nazm

jawab-e-shikwa

dil se jo baat nikaltii hai asar rakhtii hai
par nahii.n taaqat-e-parvaaz magar rakhtii hai
qudsi-ul-asl hai rif.at pe nazar rakhtii hai
KHaak se uThtii hai garduu.n pe guzar rakhtii hai
ishq thaa fitnagar o sarkash o chaalaak miraa
aasmaa.n chiir gayaa naala-e-bebaak miraa
piir-e-garduu.n ne kahaa sun ke kahii.n hai ko.ii
bole sayyaare sar-e-arsh-e-barii.n hai ko.ii
chaa.nd kahtaa thaa nahii.n ahl-e-zamii.n hai ko.ii
kahkashaa.n kahtii thii poshiida yahii.n hai ko.ii
kuchh jo samjhaa mire shikve ko to rizvaa.n samjhaa
mujh ko jannat se nikaalaa hu.aa insaa.n samjhaa
thii farishto.n ko bhii hairat ki ye aavaaz hai kyaa
arsh vaalo.n pe bhii khultaa nahii.n ye raaz hai kyaa
taa-sar-e-arsh bhii insaa.n kii tag-o-taaz hai kyaa
aa ga.ii KHaak kii chuTkii ko bhii parvaaz hai kyaa
Gaafil aadaab se sukkaan-e-zamii.n kaise hai.n
shoKH o gustaaKH ye pastii ke makii.n kaise hai.n
is qadar shoKH ki allaah se bhii barham hai
thaa jo masjuud-e-malaa.ik ye vahii aadam hai
aalim-e-kaif hai daanaa-e-rumuuz-e-kam hai
haa.n magar ijz ke asraar se naa-mahram hai
naaz hai taaqat-e-guftaar pe insaano.n ko
baat karne kaa saliiqa nahii.n naa-daano.n ko
aa.ii aavaaz Gam-a.ngez hai afsaana tiraa
ashk-e-betaab se labrez hai paimaana tiraa
aasmaa.n-giir hu.aa naara-e-mastaana tiraa
kis qadar shoKH-zabaa.n hai dil-e-diivaana tiraa
shukr shikve ko kiyaa husn-e-adaa se tuu ne
ham-suKHan kar diyaa bando.n ko KHudaa se tuu ne
ham to maa.il-ba-karam hai.n ko.ii saa.il hii nahii.n
raah dikhlaa.e.n kise rah-rav-e-manzil hii nahii.n
tarbiyat aam to hai jauhar-e-qaabil hii nahii.n
jis se ta.amiir ho aadam kii ye vo gil hii nahii.n
ko.ii qaabil ho to ham shaan-e-ka.ii dete hai.n
Dhuu.nDne vaalo.n ko duniyaa bhii na.ii dete hai.n
haath be-zor hai.n ilhaad se dil KHuugar hai.n
ummatii baa.is-e-rusvaa.i-e-paiGambar hai.n
but-shikan uTh ga.e baaqii jo rahe but-gar hai.n
thaa braahiim pidar aur pisar aazar hai.n
baada-aashaam na.e baada nayaa KHum bhii na.e
haram-e-kaaba nayaa but bhii na.e tum bhii na.e
vo bhii din the ki yahii maaya-e-raanaa.ii thaa
naazish-e-mausam-e-gul laala-e-sahraa.ii thaa
jo musalmaan thaa allaah kaa saudaa.ii thaa
kabhii mahbuub tumhaaraa yahii harjaa.ii thaa
kisii yakjaa.ii se ab ahd-e-Gulaamii kar lo
millat-e-ahmad-e-mursil ko maqaamii kar lo
kis qadar tum pe giraa.n sub.h kii bedaarii hai
ham se kab pyaar hai haa.n nii.nd tumhe.n pyaarii hai
tab-e-aazaad pe qaid-e-ramazaa.n bhaarii hai
tumhii.n kah do yahii aa.iin-e-vafaadaarii hai
qaum maz.hab se hai maz.hab jo nahii.n tum bhii nahii.n
jazb-e-baaham jo nahii.n mahfil-e-anjum bhii nahii.n
jin ko aataa nahii.n duniyaa me.n ko.ii fan tum ho
nahii.n jis qaum ko parvaa-e-nasheman tum ho
bijliyaa.n jis me.n ho.n aasuuda vo KHirman tum ho
bech khaate hai.n jo aslaaf ke madfan tum ho
ho niko naam jo qabro.n kii tijaarat kar ke
kyaa na bechoge jo mil jaa.e.n sanam patthar ke
safha-e-dahr se baatil ko miTaayaa kis ne
nau-e-insaa.n ko Gulaamii se chhu.Daayaa kis ne
mere ka.abe ko jabiino.n se basaayaa kis ne
mere qur.aan ko siino.n se lagaayaa kis ne
the to aabaa vo tumhaare hii magar tum kyaa ho
haath par haath dhare muntazir-e-fardaa ho
kyaa kahaa bahr-e-musalmaa.n hai faqat vaada-e-huur
shikva bejaa bhii kare ko.ii to laazim hai shu.uur
adl hai faatir-e-hastii kaa azal se dastuur
muslim aa.ii.n hu.aa kaafir to mile huur o qusuur
tum me.n huuro.n kaa ko.ii chaahne vaalaa hii nahii.n
jalva-e-tuur to maujuud hai muusaa hii nahii.n
manfa.at ek hai is qaum kaa nuqsaan bhii ek
ek hii sab kaa nabii diin bhii iimaan bhii ek
haram-e-paak bhii allaah bhii qur.aan bhii ek
kuchh ba.Dii baat thii hote jo musalmaan bhii ek
firqa-bandii hai kahii.n aur kahii.n zaate.n hai.n
kyaa zamaane me.n panapne kii yahii baate.n hai.n
kaun hai taarik-e-aa.iin-e-rasuul-e-muKHtaar
maslahat vaqt kii hai kis ke amal kaa me.aar
kis kii aa.nkho.n me.n samaayaa hai shi.aar-e-aGyaar
ho ga.ii kis kii nigah tarz-e-salaf se be-zaar
qalb me.n soz nahii.n ruuh me.n ehsaas nahii.n
kuchh bhii paiGaam-e-mohammad kaa tumhe.n paas nahii.n
jaa ke hote hai.n masaajid me.n saf-aaraa to Gariib
zahmat-e-roza jo karte hai.n gavaaraa to Gariib
naam letaa hai agar ko.ii hamaaraa to Gariib
parda rakhtaa hai agar ko.ii tumhaaraa to Gariib
umaraa nashsha-e-daulat me.n hai.n Gaafil ham se
zinda hai millat-e-baizaa Gorabaa ke dam se
vaa.iz-e-qaum kii vo puKHta-KHayaalii na rahii
barq-e-tab.ii na rahii shola-maqaalii na rahii
rah ga.ii rasm-e-azaa.n ruuh-e-bilaalii na rahii
falsafa rah gayaa talqiin-e-Gazaalii na rahii
masjide.n marsiyaa.n-KHvaa.n hai.n ki namaazii na rahe
yaanii vo sahib-e-ausaaf-e-hijaazii na rahe
shor hai ho ga.e duniyaa se musalmaa.n naabuud
ham ye kahte hai.n ki the bhii kahii.n muslim maujuud
vaz.a me.n tum ho nasaaraa to tamaddun me.n hunuud
ye musalmaa.n hai.n jinhe.n dekh ke sharmaa.e.n yahuud
yuu.n to sayyad bhii ho mirzaa bhii ho afGaan bhii ho
tum sabhii kuchh ho bataa.o to musalmaan bhii ho
dam-e-taqriir thii muslim kii sadaaqat bebaak
adl us kaa thaa qavii laus-e-maraa.aat se paak
shajar-e-fitrat-e-muslim thaa hayaa se namnaak
thaa shujaa.at me.n vo ik hasti-e-fauq-ul-idraak
KHud-gudaazii nam-e-kaifiyat-e-sahbaa-yash buud
KHaalii-az-KHesh shudan suurat-e-miinaa-yash buud
har musalmaa.n rag-e-baatil ke liye nashtar thaa
us ke aa.iina-e-hastii me.n amal jauhar thaa
jo bharosaa thaa use quvvat-e-baazuu par thaa
hai tumhe.n maut kaa Dar us ko KHudaa kaa Dar thaa
baap kaa ilm na beTe ko agar azbar ho
phir pisar qaabil-e-miiraas-e-pidar kyuu.nkar ho
har ko.ii mast-e-mai-e-zauq-e-tan-aasaanii hai
tum musalmaa.n ho ye andaaz-e-musalmaanii hai
haidarii faqr hai ne daulat-e-usmaanii hai
tum ko aslaaf se kyaa nisbat-e-ruuhaanii hai
vo zamaane me.n mu.azziz the musalmaa.n ho kar
aur tum KHvaar hu.e taarik-e-qur.aa.n ho kar
tum ho aapas me.n Gazabnaak vo aapas me.n rahiim
tum KHataa-kaar o KHataa-bii.n vo KHataa-posh o kariim
chaahte sab hai.n ki ho.n auj-e-surayyaa pe muqiim
pahle vaisaa ko.ii paidaa to kare qalb-e-saliim
taKHt-e-faGfuur bhii un kaa thaa sariir-e-ka.e bhii
yuu.n hii baate.n hai.n ki tum me.n vo hamiyat hai bhii
KHud-kushii sheva tumhaaraa vo Gayuur o KHuddaar
tum uKHuvvat se gurezaa.n vo uKHuvvat pe nisaar
tum ho guftaar saraapaa vo saraapaa kirdaar
tum taraste ho kalii ko vo gulistaa.n ba-kanaar
ab talak yaad hai qaumo.n ko hikaayat un kii
naqsh hai safha-e-hastii pe sadaaqat un kii
misl-e-anjum ufuq-e-qaum pe raushan bhii hu.e
but-e-hindii kii mohabbat me.n birhman bhii hu.e
shauq-e-parvaaz me.n mahjuur-e-nasheman bhii hu.e
be-amal the hii javaa.n diin se bad-zan bhii hu.e
in ko tahziib ne har band se aazaad kiyaa
laa ke ka.abe se sanam-KHaane me.n aabaad kiyaa
qais zahmat-kash-e-tanhaa.i-e-sahraa na rahe
shahr kii khaa.e havaa baadiya-paimaa na rahe
vo to diivaana hai bastii me.n rahe yaa na rahe
ye zaruurii hai hijaab-e-ruKH-e-lailaa na rahe
gila-e-zaur na ho shikva-e-bedaad na ho
ishq aazaad hai kyuu.n husn bhii aazaad na ho
ahd-e-nau barq hai aatish-zan-e-har-KHirman hai
aiman is se ko.ii sahraa na ko.ii gulshan hai
is na.ii aag kaa aqvaam-e-kuhan ii.ndhan hai
millat-e-KHatm-e-rusul shola-ba-pairaahan hai
aaj bhii ho jo braahiim kaa iimaa.n paidaa
aag kar saktii hai andaaz-e-gulistaa.n paidaa
dekh kar ra.ng-e-chaman ho na pareshaa.n maalii
Kaukab-e-Guncha se shaaKHe.n hai.n chamakne vaalii
KHas o KHaashaak se hotaa hai gulistaa.n KHaalii
Gul-bar-andaaz hai KHuun-e-shohdaa kii laalii
ra.ng garduu.n kaa zaraa dekh to unnaabii hai
ye nikalte hu.e suuraj kii ufuq-taabii hai
ummate.n gulshan-e-hastii me.n samar-chiida bhii hai.n
aur mahruum-e-samar bhii hai.n KHizaa.n-diida bhii hai.n
saik.Do.n naKHl hai.n kaahiida bhii baaliida bhii hai.n
saik.Do.n batn-e-chaman me.n abhii poshiida bhii hai.n
naKHl-e-islaam namuuna hai birau-mandii kaa
phal hai ye saik.Do.n sadiyo.n kii chaman-bandii kaa
paak hai gard-e-vatan se sar-e-daamaa.n teraa
tuu vo yuusuf hai ki har misr hai kan.aa.n teraa
qaafila ho na sakegaa kabhii viiraa.n teraa
Gair yak-baa.ng-e-daraa kuchh nahii.n saamaa.n teraa
naKHl-e-shama astii o dar shola do-resha-e-tuu
aaqibat-soz bavad saaya-e-andesha-e-tuu
tuu na miT jaa.egaa iiraan ke miT jaane se
nashsha-e-mai ko ta'alluq nahii.n paimaane se
hai ayaa.n yurish-e-taataar ke afsaane se
paasbaa.n mil ga.e ka.abe ko sanam-KHaane se
kashti-e-haq kaa zamaane me.n sahaaraa tuu hai
asr-e-nau-raat hai dhundlaa saa sitaaraa tuu hai
hai jo ha.ngaama bapaa yurish-e-bulGaarii kaa
Gaafilo.n ke liye paiGaam hai bedaarii kaa
tuu samajhtaa hai ye saamaa.n hai dil-aazaarii kaa
imtihaa.n hai tire iisaar kaa KHuddaarii kaa
kyuu.n hiraasaa.n hai sahiil-e-faras-e-aadaa se
nuur-e-haq bujh na sakegaa nafas-e-aadaa se
chashm-e-aqvaam se maKHfii hai haqiiqat terii
hai abhii mahfil-e-hastii ko zaruurat terii
zinda rakhtii hai zamaane ko haraarat terii
kaukab-e-qismat-e-imkaa.n hai KHilaafat terii
vaqt-e-fursat hai kahaa.n kaam abhii baaqii hai
nuur-e-tauhiid kaa itmaam abhii baaqii hai
misl-e-buu qaid hai Gunche me.n pareshaa.n ho jaa
raKHt-bar-dosh havaa-e-chamanistaa.n ho jaa
hai tunak-maaya tuu zarre se bayaabaa.n ho jaa
naGma-e-mauj hai ha.ngaama-e-tuufaa.n ho jaa
quvvat-e-ishq se har past ko baalaa kar de
dahr me.n ism-e-mohammad se ujaalaa kar de
ho na ye phuul to bulbul kaa tarannum bhii na ho
chaman-e-dahr me.n kaliyo.n kaa tabassum bhii na ho
ye na saaqii ho to phir mai bhii na ho KHum bhii na ho
bazm-e-tauhiid bhii duniyaa me.n na ho tum bhii na ho
KHema-e-aflaak kaa istaada isii naam se hai
nabz-e-hastii tapish-aamaada isii naam se hai
dasht me.n daaman-e-kohsaar me.n maidaan me.n hai
bahr me.n mauj kii aaGosh me.n tuufaan me.n hai
chiin ke shahr maraaqash ke bayaabaan me.n hai
aur poshiida musalmaan ke iimaan me.n hai
chashm-e-aqvaam ye nazzaara abad tak dekhe
rif.at-e-shaan-e-rafaanaa-lakaa-zikrak dekhe
mardum-e-chashm-e-zamii.n yaanii vo kaalii duniyaa
vo tumhaare shohdaa paalne vaalii duniyaa
garmii-e-mehr kii parvarda hilaalii duniyaa
ishq vaale jise kahte hai.n bilaalii duniyaa
tapish-andoz hai is naam se paare kii tarah
Gota-zan nuur me.n hai aa.nkh ke taare kii tarah
aql hai terii sipar ishq hai shamshiir tirii
mire darvesh KHilaafat hai jahaa.ngiir tirii
maa-sivaa-allaah ke liye aag hai takbiir tirii
tuu musalmaa.n ho to taqdiir hai tadbiir tirii
kii mohammad se vafaa tuu ne to ham tere hai.n
ye jahaa.n chiiz hai kyaa lauh-o-qalam tere hai.n

Allama Iqbal
Nazm

nisar main teri galiyon ke

bujhaa jo rauzan-e-zindaa.n to dil ye samjhaa hai
ki terii maa.ng sitaaro.n se bhar ga.ii hogii
chamak uThe hai.n salaasil to ham ne jaanaa hai
ki ab sahar tire ruKH par bikhar ga.ii hogii
Garaz tasavvur-e-shaam-o-sahar me.n jiite hai.n
giraft-e-saaya-e-diivaar-o-dar me.n jiite hai.n

Faiz Ahmad Faiz
Nazm

ek aarzu

duniyaa kii mahfilo.n se uktaa gayaa huu.n yaa rab
kyaa lutf anjuman kaa jab dil hii bujh gayaa ho
shorish se bhaagtaa huu.n dil Dhuu.nDtaa hai meraa
aisaa sukuut jis par taqriir bhii fidaa ho
martaa huu.n KHaamushii par ye aarzuu hai merii
daaman me.n koh ke ik chhoTaa saa jho.npa.Daa ho
aazaad fikr se huu.n uzlat me.n din guzaaruu.n
duniyaa ke Gam kaa dil se kaa.nTaa nikal gayaa ho
lazzat sarod kii ho chi.Diyo.n ke chahchaho.n me.n
chashme kii shorisho.n me.n baajaa saa baj rahaa ho
gul kii kalii chaTak kar paiGaam de kisii kaa
saaGar zaraa saa goyaa mujh ko jahaa.n-numaa ho
ho haath kaa sirhaanaa sabze kaa ho bichhaunaa
sharmaa.e jis se jalvat KHalvat me.n vo adaa ho
maanuus is qadar ho suurat se merii bulbul
nanhe se dil me.n us ke khaTkaa na kuchh miraa ho
saf baa.ndhe dono.n jaanib buuTe hare hare ho.n
naddii kaa saaf paanii tasviir le rahaa ho
ho dil-fareb aisaa kohsaar kaa nazaara
paanii bhii mauj ban kar uTh uTh ke dekhtaa ho
aaGosh me.n zamii.n kii soyaa hu.aa ho sabza
phir phir ke jhaa.Diyo.n me.n paanii chamak rahaa ho
paanii ko chhuu rahii ho jhuk jhuk ke gul kii Tahnii
jaise hasiin ko.ii aa.iina dekhtaa ho
meh.ndii lagaa.e suuraj jab shaam kii dulhan ko
surKHii liye sunahrii har phuul kii qabaa ho
raato.n ko chalne vaale rah jaa.e.n thak ke jis dam
ummiid un kii meraa TuuTaa hu.aa diyaa ho
bijlii chamak ke un ko kuTiyaa mirii dikhaa de
jab aasmaa.n pe har suu baadal ghiraa hu.aa ho
pichhle pahr kii koyal vo sub.h kii mo.azzin
mai.n us kaa ham-navaa huu.n vo merii ham-navaa ho
kaano.n pe ho na mere dair o haram kaa ehsaa.n
rauzan hii jho.npa.Dii kaa mujh ko sahar-numaa ho
phuulo.n ko aa.e jis dam shabnam vazuu karaane
ronaa miraa vazuu ho naala mirii du.aa ho
is KHaamushii me.n jaa.e.n itne buland naale
taaro.n ke qaafile ko merii sadaa diraa ho
har dardmand dil ko ronaa miraa rulaa de
behosh jo pa.De hai.n shaayad unhe.n jagaa de

Allama Iqbal
Nazm

chand roz aur meri jaan

ye tire husn se lipTii hu.ii aalaam kii gard
apnii do roza javaanii kii shikasto.n kaa shumaar
chaandnii raato.n kaa bekaar dahaktaa hu.aa dard

Faiz Ahmad Faiz
Nazm

samundar ka bulawa

ye sargoshiyaa.n kah rahii hai.n ab aa.o ki barso.n se tum ko bulaate bulaate mire
dil pe gahrii thakan chhaa rahii hai
kabhii ek pal ko kabhii ek arsa sadaa.e.n sunii hai.n magar ye anokhii nidaa aa rahii hai
bulaate bulaate to ko.ii na ab tak thakaa hai na aa.inda shaayad thakegaa
mire pyaare bachche mujhe tum se kitnii mohabbat hai dekho agar
yuu.n kiyaa to
buraa mujh se ba.Dh kar na ko.ii bhii hogaa KHudaayaa KHudaayaa
kabhii ek siskii kabhii ik tabassum kabhii sirf tevarii
magar ye sadaa.e.n to aatii rahii hai.n
inhii se hayaat-e-do-rozaa abad se milii hai
magar ye anokhii nidaa jis pe gahrii thakan chhaa rahii hai
ye har ik sadaa ko miTaane kii dhamkii diye jaa rahii hai

Meeraji
Nazm

eid ka din

zahe-qismat hilaal-e-eid kii suurat nazar aa.ii
jo the ramzaan ke biimaar un sab ne shifaa paa.ii
pahaa.Do.n se vo utre qaafile roza-guzaaruu.n ke
gayaa garmii kaa 'mausam aur aa.e din bahaaro.n ke
uThaa hotel kaa 'parda saamne parda-nashii.n aa.e
jo chhup kar kar rahe the ehtiraam-e-hukm-e-dii.n aa.e
hu.ii anguur kii beTii se ''mastii-KHaan'' kii shaadii
khule dar mai-kado.n ke aur milii rindo.n ko aazaadii
naved-e-kaamraanii laa rahe hai.n race ke gho.De
masarrat ke taraane gaa rahe hai.n race ke gho.De
mubaarak ho ki phir se ho gayaa ''dance'' aur ''dinner'' chaaluu
KHalaas ahl-e-nazar ho.nge hu.aa dard-e-jigar chaaluu
namaaz-e-eid pa.Dhne ke liye sarkaar aa.e hai.n
aur un ke saath saare taalib-e-diidaar aa.e hai.n
yahii din ahl-e-dil ke vaaste ummiid kaa din hai
tumhaarii diid kaa din hai hamaarii eid kaa din hai

Majeed Lahori
Nazm

ziyaada pas mat aana

ziyaada paas mat aanaa
mai.n vo tah-KHaana huu.n jis me.n
ko.ii rauzan ko.ii khi.Dkii nahii.n baaqii
faqat qabre.n hii qabre.n hai.n

Rehman Faris
Nazm

sharab

fuzuul hai
ye guftuguu hai
nigaah dekhtii hai taaq me.n rakhii hai.n chand botale.n
chalo chale.n
chalo chale.n jahaa.n hame.n KHayaal hii na aa.e zindagii nazar kii bhuul hai
chalo chale.n jahaa.n ye dar ye dastako.n pe dastake.n sunaa.ii hii na de sake.n
jahaa.n ye rauzan-e-zubuu.n nigaah kii miKHaasamat na kar sake
jahaa.n khulii fazaa khulii fazaa ki jaise ko.ii kah rahaa ho aa.iye
ye kah rahii ho aa.iye khulii fazaa hai ye yahaa.n to aa.iye

Meeraji
Nazm

sarkari aur ghair-sarkari do iden

beTaa kahtaa thaa ki kal shaitaan roza rakkhegaa
baap bolaa teraa abbaa jaan roza rakkhegaa

Dilawar Figar
Nazm

tujhe KHud se alag kaise karun main

zabaa.n urdu me.n tuu merii nafaasat
agar mai.n lucknow tuu hai nazaakat
re.aayaa huu.n mai.n is suube kaa jis me.n
hamesha se rahii terii hukuumat
agar mai.n sar huu.n to dastaar tuu hai
mai.n vo shamshiir jis kii dhaar tuu hai
mai.n huu.n poshaak tuu hai itr meraa
mai.n huu.n roza to phir iftaar tuu hai
mahiina mai.n agar ramzaan kaa to
mubaarak eid kaa tyauhaar tuu hai
naziire.n aur kitnii terii duu.n mai.n
tujhe KHud se alag kaise karuu.n mai.n

Chandra Shekhar Varma
Nazm

goristan-e-shahi

aasmaa.n baadal kaa pahne KHirqa-e-deriina hai
kuchh mukaddar saa jabiin-e-maah kaa aa.iina hai
chaa.ndnii phiikii hai is nazzaara-e-KHaamosh me.n
sub.h-e-saadiq so rahii hai raat kii aaGosh me.n
kis qadar ashjaar kii hairat-fazaa hai KHaamushii
barbat-e-qudrat kii dhiimii sii navaa hai KHaamushii
baatin-e-har-zarra-e-aalim saraapaa dard hai
aur KHaamoshii lab-e-hastii pe aah-e-sard hai
aah jaulaa.n-gaah-e-aalam-giir yaanii vo hisaar
dosh par apne uThaa.e saik.Do.n sadiyo.n kaa baar
zindagii se thaa kabhii ma.amuur ab sunsaan hai
ye KHamoshii us ke ha.ngaamo.n kaa goristaan hai
apne sukkaan-e-kuhan kii KHaak kaa dil-daada hai
koh ke sar par misaal-e-paasbaa.n istaada hai
abr ke rauzan se vo baalaa-e-baam-e-aasmaa.n
naazir-e-aalam hai najm-e-sabz-faam-e-aasmaa.n
KHaak-baazii vus.at-e-duniyaa kaa hai manzar use
daastaa.n naakaami-e-insaa.n kii hai azbar use
hai azal se ye musaafir suu-e-manzil jaa rahaa
aasmaa.n se inqilaabo.n kaa tamaashaa dekhtaa
go sukuu.n mumkin nahii.n aalam me.n aKHtar ke liye
faatiha-KHvaanii ko ye Thahraa hai dam bhar ke liye
ra.ng-o-aab-e-zinagii se gul-ba-daaman hai zamii.n
saik.Do.n KHuu.n-gashta tahziibo.n kaa madfan hai zamii.n
KHvaab-gah shaaho.n kii hai ye manzil-e-hasrat-fazaa
diida-e-ibrat KHiraaj-e-ashk-e-gul-guu.n kar adaa
hai to goristaa.n magar ye KHaak-e-garduu.n-paaya hai
aah ik bargashta qismat qaum kaa sarmaaya hai
maqbaro.n kii shaan hairat-aafrii.n hai is qadar
jumbish-e-mizhgaa.n se hai chashm-e-tamaashaa ko hazar
kaifiyat aisii hai naakaamii kii is tasviir me.n
jo utar saktii nahii.n aa.iina-e-tahriir me.n
sote hai.n KHaamosh aabaadii ke ha.ngaamo.n se duur
muztarib rakhtii thii jin ko aarzuu-e-naa-subuur
qabr kii zulmat me.n hai in aaftaabo.n kii chamak
jin ke darvaazo.n pe rahtaa hai jabii.n-gustaar falak
kyaa yahii hai in shahanshaaho.n kii azmat kaa ma.aal
jin kii tadbiir-e-jahaa.nbaanii se Dartaa thaa zavaal
rob-e-faGfuurii ho duniyaa me.n ki shaan-e-qaisarii
Tal nahii.n saktii Ganiim-e-maut kii yuurish kabhii
baadshaaho.n kii bhii kisht-e-umr kaa haasil hai gor
jaada-e-azmat kii goyaa aaKHirii manzil hai gor
shorish-e-bazm-e-tarab kyaa uud kii taqriir kyaa
dardmandaan-e-jahaa.n kaa naala-e-shab-giir kyaa
arsa-e-paikaar me.n ha.ngaama-e-shamshiir kyaa
KHuun ko garmaane vaalaa naara-e-takbiir kyaa
ab ko.ii aavaaz soto.n ko jagaa saktii nahii.n
siina-e-viiraa.n me.n jaan-e-rafta aa saktii nahii.n
ruuh-e-musht-e-KHaak me.n zahmat-kash-e-bedaad hai
kuucha gard-e-nai hu.aa jis dam nafas fariyaad hai
zindagii insaa.n kii hai maanind-e-murG-e-KHush-navaa
shaaKH par baiThaa ko.ii dam chahchahaayaa u.D gayaa
aah kyaa aa.e riyaaz-e-dahr me.n ham kyaa ga.e
zindagii kii shaaKH se phuuTe khile murjhaa ga.e
maut har shaah o gadaa ke KHvaab kii taabiir hai
is sitamgar kaa sitam insaaf kii tasviir hai
silsila hastii kaa hai ik bahr-e-naa-paidaa-kanaar
aur is dariyaa-e-be-paayaa.n kii mauje.n hai.n mazaar
ai havas KHuu.n ro ki hai ye zindagii be-e'tibaar
ye sharaare kaa tabassum ye KHas-e-aatish-savaar
chaa.nd jo suurat-gar-e-hastii kaa ik ejaaz hai
pahne siimaabii qabaa mahv-e-KHiraam-e-naaz hai
charKH-e-be-anjum kii dahshatnaak vus.at me.n magar
bekasii is kii ko.ii dekhe zaraa vaqt-e-sahar
ik zaraa saa abr kaa Tuk.Daa hai jo mahtaab thaa
aaKHirii aa.nsuu Tapak jaane me.n ho jis kii fanaa
zindagii aqvaam kii bhii hai yuu.nhii be-e'tibaar
ra.ng-haa-e-rafta kii tasviir hai un kii bahaar
is ziyaa.n-KHaane me.n ko.ii millat-e-garduu.n-vaqaar
rah nahii.n saktii abad tak baar-e-dosh-e-rozgaar
is qadar qaumo.n kii barbaadii se hai KHuugar jahaa.n
dekhtaa be-e'tinaa.ii se hai ye manzar jahaa.n
ek suurat par nahii.n rahtaa kisii shai ko qaraar
zauq-e-jiddat se hai tarkiib-e-mizaaj-e-rozgaar
hai nagiin-e-dahr kii ziinat hamesha naam-e-nau
maadar-e-giitii rahii aabastan-e-aqvaam-e-nau
hai hazaaro.n qaafilo.n se aashnaa ye rahguzar
chashm-e-koh-e-nuur ne dekhe hai.n kitne taajvar
misr o baabul miT ga.e baaqii nishaa.n tak bhii nahii.n
daftar-e-hastii me.n un kii daastaa.n tak bhii nahii.n
aa dabaayaa mehr-e-iiraa.n ko ajal kii shaam ne
azmat-e-yuunaan-o-ruumaa luuT lii ayyaam ne
aah muslim bhii zamaane se yuu.nhii ruKHsat hu.aa
aasmaa.n se abr-e-aazaarii uThaa barsaa gayaa
hai rag-e-gul sub.h ke ashko.n se motii kii la.Dii
ko.ii suuraj kii kiran shabnam me.n hai uljhii hu.ii
siina-e-dariyaa shu.aa.o.n ke liye gahvaara hai
kis qadar pyaaraa lab-e-juu mehr kaa nazzaara hai
mahv-e-ziinat hai sanobar juu.ebaar-e-aa.iina hai
Guncha-e-gul ke liye baad-e-bahaar-e-aa.iina hai
na.ara-zan rahtii hai koyal baaG ke kaashaane me.n
chashm-e-insaa.n se nihaa.n patto.n ke uzlat-KHaane me.n
aur bulbul mutrib-e-ra.ngii.n navaa-e-gulsitaa.n
jis ke dam se zinda hai goyaa havaa-e-gulsitaa.n
ishq ke ha.ngaamo.n kii u.Dtii hu.ii tasviir hai
KHaama-e-qudrat kii kaisii shoKH ye tahriir hai
baaG me.n KHaamosh jalse gulsitaa.n-zaado.n ke hai.n
vaadi-e-kohsaar me.n na.are shabaa.n-zaado.n ke hai.n
zindagii se ye puraanaa KHaak-daa.n ma.amuur hai
maut me.n bhii zindagaanii kii ta.Dap mastuur hai
pattiyaa.n phuulo.n kii girtii hai.n KHizaa.n me.n is tarah
dast-e-tifl-e-KHufta se ra.ngii.n khilaune jis tarah
is nashaat-aabaad me.n go aish be-andaaza hai
ek Gam yaanii Gam-e-millat hamesha taaza hai
dil hamaare yaad-e-ahd-e-rafta se KHaalii nahii.n
apne shaaho.n ko ye ummat bhuulne vaalii nahii.n
ashk-baarii ke bahaane hai.n ye uj.De baam o dar
girya-e-paiham se biinaa hai hamaarii chashm-e-tar
dahr ko dete hai.n motii diida-e-giryaa.n ke ham
aaKHirii baadal hai.n ik guzre hu.e tuufaa.n ke ham
hai.n abhii sad-haa guhar is abr kii aaGosh me.n
barq abhii baaqii hai is ke siina-e-KHaamosh me.n
vaadi-e-gul KHaak-e-sahraa ko banaa saktaa hai ye
KHvaab se ummiid-e-dahqaa.n ko jagaa saktaa hai ye
ho chukaa go qaum kii shaan-e-jalaalii kaa zuhuur
hai magar baaqii abhii shaan-e-jamaalii kaa zuhuur

Allama Iqbal
Nazm

zehra ne bahut din se kuchh bhi nahin likkha hai

'zahra' ne bahut din se kuchh bhii nahii.n likkhaa hai
haalaa.nki dar-ii.n-asnaa kyaa kuchh nahii.n dekhaa hai
par likkhe to kyaa likkhe? aur soche to kyaa soche?
kuchh fikr bhii mub.ham hai kuchh haath laraztaa hai
'zahra' ne bahut din se kuchh bhii nahii.n likkhaa hai!
diivaanii nahii.n itnii jo mu.nh me.n ho bak jaa.e
chup-shaah kaa roza bhii yuu.nhii nahii.n rakkhaa hai
buu.Dhii bhii nahii.n itnii is tarah vo thak jaa.e
ab jaan ke us ne ye andaaz banaayaa hai
har chiiz bhulaave ke sanduuq me.n rakh dii hai
aasaanii se jiine kaa achchhaa ye tariiqa hai
'zahra' ne bahut din se kuchh bhii nahii.n likkhaa hai!
ghar baar, samajhtii thii, qil.a hai hifaazat kaa
dekhaa ki grihastii bhii miTTii kaa khilaunaa hai
miTTii ho ki patthar ho hiiraa ho ki motii ho
ghar-baar ke maalik kaa ghar-baar pe qabza hai
ehsaas-e-hukuumat ke iz.haar kaa kyaa kahnaa!
in.aam hai maz.hab kaa jo haath me.n ko.Daa hai
'zehraa' ne bahut din se kuchh bhii nahii.n likkhaa hai!
diivaar pe Taa.ngaa thaa farmaan rifaaqat kaa
kyaa vaqt ke dariyaa ne diivaar ko Dhaayaa hai
farmaan-e-rifaaqat kii taqdiis bas itnii hai
ik jumbish-e-lab par hai, rishta jo azal kaa hai
'zahra' ne bahut din se kuchh bhii nahii.n likkhaa hai!
do beTo.n ko kyaa paalaa naadaa.n ye samajhtii thii
is daulat-e-duniyaa kii maalik vahii tanhaa hai
par vaqt ne aa.iina kuchh aisaa dikhaayaa hai
tasviir kaa ye pahluu ab saamne aayaa hai
ba.Dhte hu.e bachcho.n par khultii hu.ii duniyaa hai
khultii hu.ii duniyaa kaa har baab tamaasha hai
maa.n baap kii suurat to dekhaa hu.aa naqsha hai
dekhe hu.e naqshe kaa har rang puraanaa hai
'zehraa' ne bahut din se kuchh bhii nahii.n likkhaa hai!
sochaa thaa bahan bhaa.ii dariyaa hai.n mohabbat ke
dekhaa ki kabhii dariyaa rasta bhii badaltaa hai
bhaa.ii bhii giraftaar-e-majbuurii-e-KHidmat hai.n
bahno.n pe bhii taarii hai qismat kaa jo likkhaa hai
ik maa.n hai jo pe.Do.n se baate.n kiye jaatii hai
kahne ko hai.n das bachche aur phir bhii vo tanhaa hai
'zehraa' ne bahut din se kuchh bhii nahii.n likkhaa hai

Zehra Nigaah
Nazm

adam ka KHala

havaa ke jho.nke idhar jo aa.e.n to un se kahnaa
ye sab ma.aabid ye shahr gaa.nv
fasaana-e-ziist ke nishaa.n hai.n
magar har ik dar pe jaa ke dekhaa har ek diivaar rau.nd Daalii har ek rauzan ko dil samajh kar
ye bhed jaanaa
guzarte lamho.n ke aatishii.n paa.nv har jagah pai-ba-pai ravaa.n hai.n
kahii.n miTaate kahii.n miTaane ke vaaste naqsh-e-nau banaate
hayaat-e-rafta hayaat-e-aa.inda se milegii ye kaun jaane
havaa ke jho.nke idhar jo aa.e.n to un se kahnaa
har jagah daam duuriyo.n kaa bichhaa hu.aa hai
har ik jagah vaqt ek ifriit kii tarah yuu.n kha.Daa hu.aa hai
ki jaise vo kaa.enaat kaa aks-e-be-karaa.n ho
kabhii fareb-e-KHayaal ban kar kabhii kabhii bhuul kar shu.uur-e-jamaal ban kar
shikaar kii naa-tavaa.n nazar ko sujhaa rahaa hai
har ek shai se miraa nishaan-e-adam ayaa.n hai
adam bhii daryuuza-gar hai meraa mire hii bal par ravaa.n-davaa.n hai

Meeraji
Nazm

gunah

aaj phir aa hii gayaa
aaj phir ruuh pe vo chhaa hii gayaa
dii mire ghar pe shikast aa ke mujhe!
hosh aayaa to mai.n dahliiz pe uftaada thaa
KHaak-aaluuda o afsurdaa-o-Gamgiin-o-nezaar
paara-paara the mirii ruuh ke taar
aaj vo aa hii gayaa
rauzan-e-dar se larazte hu.e dekhaa mai.n ne
KHurram-o-shaad sar-e-raah use jaate hu.e
saalhaa-saal se masduud thaa yaaraana meraa
apne hii baada se labrez thaa paimaana miraa
us ke lauT aane kaa imkaan na thaa
us ke milne kaa bhii armaan na thaa
phir bhii vo aa hii gayaa
kaun jaane ke vo shaitaan na thaa
bebasii mere KHudaa-vand kii thii!

Noon Meem Rashid
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now