Search result for "ruKH-e-sardaar-e-ambiyaa" | Category - Nazm, Page

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "ruKH-e-sardaar-e-ambiyaa"

Nazm MATCHES FOR "ruKH-e-sardaar-e-ambiyaa"

Nazm

ajab hai khel carrom ka

udhar raanii kii sharte.n hai.n karegaa jo bhii puurii ye
to raanii tab hii jaa.egii
lo us kii shart bhii sun lo ki
kaniiz-e-KHaas ko le kar hii raanii aap kii hogii
karegii kamre kaa ruKH jab kaniiz-e-KHaas hamraah ho
siyaah ho chaahe gorii ho magar vo saath me.n jaa.e
ajab hai khel carrom kaa

Ibn-e-Mufti

Nazm

hasin-tar

hamaarii umr-e-ravaa.n kii shabnam
tirii siyah kaakulo.n kii raato.n
me.n taar chaa.ndii ke guu.ndh degii
tire hasii.n aarizo.n ke ra.ngii.n
gulaab bele ke phuul ho.nge
shafaq kaa har rang Garq hogaa
latiif o pur-kaif chaa.ndnii me.n
tirii kitaab-e-ruKH-e-javaa.n par
ki jo Gazal kii kitaab hai ab
zamaana likkhegaa ik kahaanii
aur an-ginat jhurriyo.n ke andar
mirii mohabbat ke saare bose
hazaar lab ban ke ha.ns pa.De.nge

Ali Sardar Jafri

Nazm

mera safar

phir ik din aisaa aa.egaa
aa.nkho.n ke diye bujh jaa.e.nge
haatho.n ke ka.nval kumhlaa.e.nge
aur barg-e-zabaa.n se nutq o sadaa
kii har titlii u.D jaa.egii
ik kaale samundar kii tah me.n
kaliyo.n kii tarah se khiltii hu.ii
phuulo.n kii tarah se ha.nstii hu.ii
saarii shakle.n kho jaa.e.ngii
KHuu.n kii gardish dil kii dha.Dkan
sab raagniyaa.n so jaa.e.ngii
aur niilii fazaa kii maKHmal par
ha.nstii hu.ii hiire kii ye kanii
ye merii jannat merii zamii.n
is kii sub.he.n is kii shaame.n
be-jaane hu.e be-samjhe hu.e
ik musht-e-Gubaar-e-insaa.n par
shabnam kii tarah ro jaa.e.ngii
har chiiz bhulaa dii jaa.egii
yaado.n ke hasii.n but-KHaane se
har chiiz uThaa dii jaa.egii
phir ko.ii nahii.n ye puuchhegaa
'sardaar' kahaa.n hai mahfil me.n

Ali Sardar Jafri

Nazm

tin sharabi

is naazuk lamhe me.n mai.n ne
hirs-o-havas ko raqsaa.n dekhaa
zad me.n nizaam-e-zardaarii kii
ruuh-e-bashar ko larzaa.n dekhaa
majbuurii ko uryaa.n dekhaa

Ali Sardar Jafri

Nazm

jazba-e-isar

balaa se ham ko laTkaa.e agar sarkaar phaa.nsii se
laTakte aa.e aksar paikar-e-iisaar phaa.nsii se
lab-e-dam bhii na kholii zaalimo.n ne hathka.Dii merii
tamanna thii ki kartaa mai.n lipaT kar pyaar phaa.nsii se
khulii hai mujh ko lene ke liye aaGosh-e-aazaadii
KHushaa ki ho gayaa mahbuub kaa diidaar phaa.nsii se
kabhii o be-KHabar tahriik-e-aazaadii bhii ruktii hai
ba.Dhaa kartii hai is kii tezii-e-raftaar phaa.nsii se
yahaa.n tak sarfaroshaan-e-vatan ba.Dh jaa.e.nge qaatil
ki laTkaane pa.De.nge nit tujhe do-chaar phaa.nsii se
nazar aa.e.nge har suu sham-e-aazaadii ke parvaane
hazaaro.n murda dil ho jaa.e.nge bedaar phaa.nsii se
farishte aasmaa.n se bahr-e-paa-bosii utarte hai.n
ki 'saabir' jhuulte hai.n desh ke sardaar phaa.nsii se

Sardar Naubahar Singh Sabir Tohani

Nazm

ayaadat

ye kaun aa gayaa ruKH-e-KHandaa.n liye hu.e
aariz pe ra.ng-o-nuur kaa tuufaa.n liye hu.e
biimaar ke qariib ba-sad-shaan-e-ehtiyaat
dildaarii-e-nasiim-e-bahaaraa.n liye hu.e
ruKHsaar par latiif sii ik mauj-e-sar-KHushii
lab par ha.nsii kaa narm saa tuufaa.n liye hu.e
peshaanii-e-jamiil pe anvaar-e-tamkanat
taabindagii-e-sub.h-e-daraKHshaa.n liye hu.e
zulfo.n ke pech-o-KHam me.n bahaare.n chhupii hu.ii
ik kaarvaan-e-nikhat-e-bustaa.n liye hu.e
aa hii gayaa vo meraa nigaar-e-nazar-navaaz
zulmat-kade me.n sham-e-farozaa.n liye hu.e
ik ik adaa me.n saika.Do.n pahluu-e-dildahii
ik ik nazar me.n pursish-e-pinhaa.n liye hu.e
mere savaad-e-shauq kaa KHurshiid-e-niim-shab
azm-e-shikast-e-maah-jabiinaa.n liye hu.e
dars-e-sukuun-o-sabr ba-ii.n ehtamaam-e-naaz
nishtar-zanii-e-jumbish-e-mizhgaa.n liye hu.e
aa.nkho.n se ek rau sii nikaltii hu.ii har aan
Garqaabii-e-hayaat kaa saamaa.n liye hu.e
hiltii hu.ii nigaah me.n bijlii bharii hu.ii
khilte hu.e labo.n me.n gulistaa.n liye hu.e
ye kaun hai 'majaaz' se sar-garm-e-guftuguu
dono.n hatheliyo.n pe zanaKHdaa.n liye hu.e

Asrarul Haq Majaz

Nazm

ai ruKH-e-yar idhar dekh zara

ham ki vaamaandagi-e-shauq kaa lamha le kar
aa ga.e hai.n tire paikar ke ujaalo.n ke qariib
kitnii sadiyo.n kii masaafat le kar
ek darmaa.nda tahii-dast musaafir kii tarah
aa ke Thahre hai.n tire pyaar ke bargad niiche
ham ki mas.huur tilismaat-kade hai.n tere
terii aa.nkho.n tere ho.nTo.n terii zulfo.n ke asiir
terii tamannaa ke faqiir
muntazir hai.n ki tire jism kaa partav ubhre
aur raushan ho.n taKHayyul kii vo raahe.n jin par
kab se phailii hu.ii gumnaam sii taariikii hai
yuu.n simaT jaa.e mire baKHt pe utrii hu.ii raat
nuur chhan kar tire paikar kii tunuk-taabii se
merii be-nuur sii duniyaa ko munavvar kar de
mere KHvaabo.n ko haqiiqat kar de
ai ruKH-e-yaar idhar dekh zaraa
mere dil-daar idhar dekh zaraa
jis kaa ik umr tamannaa.ii rahaa
apne gul-rang se jalvo.n ke tufail
mujh ko vo kaif vo ra.anaa.ii de
ek be-naam se rishte ko paziiraa.ii de
ab to ik lams-e-masiihaa.ii de
ham ko ai jaan-e-jahaa.n itnii ijaazat de de
jis gha.Dii shaam Dhale
terii gesuu kii tarah shab kii hasii.n zulf khule
tere aa.nchal kaa kinaara le kar
ek be-naam sahaaraa le kar
apnii betaab tamannaa.o.n kii girhe.n khole.n
tere zaanuu pe ye sar rakh ke
do aa.nsuu ro le.n

Salman Basit

Nazm

subh-e-id

kyaa shai hai kyaa kahuu.n ruKH-e-KHandaan-e-sub.h-e-iid
goyaa bahaar par hai gulistaan-e-sub.h-e-iid

Master Basit Biswani

Nazm

mauzuat-e-suKHan

zaraa hamaare ye shaam-o-sahar sa.nvar jaa.e.n
to ham bhii zulf-o-ruKH-e-mah-vashaa.n kii baat kare.n

Mansha ur Rahman Khan Mansha

Nazm

ghaza

yaqii.n hai
lahuu ye tumhaaraa
ruKH-e-'miir'-o-'Gaalib' kaa Gaaza banegaa
jabiin-e-vatan par
ye chamkegaa sinduur ban kar

Alqama Shibli

Nazm

kashmir

har laala-e-kuhsaar hai shakl-e-gul-e-raahat
daaG us ke hai.n yaa KHaal-e-ruKH-e-huur-e-masarrat
kyaa sabza-e-KHush-rang hai sarmaaya-e-'ishrat
dil ke liye ThanDak hai jigar ke liye farhat

Chakbast Braj Narayan

Nazm

nukta

duniyaa ko haqiiqat ke ujaalo.n se sajaa.e.n
gosho.n me.n samo de.n ruKH-e-tanviir-e-mohabbat
ehsaas ke ho.nTo.n pe rakhe.n saa.at-e-naGma
har aks ko mil jaa.e saraape kii rifaaqat

Naseer Parwaz

Nazm

eajaz-e-tasawwur

raah dekhii nahii.n aur duur hai manzil merii
ko.ii saaqii nahii.n mai.n huu.n mirii tanhaa.ii hai
dekhnii hai mujhe hairaanii se taaro.n kii nigaah
duur un se bhii kahii.n duur mujhe jaanaa hai
us bulandii pe u.De jaataa hai to sun meraa
kahkashaa.n gard sii detii hai dikhaa.ii mujh ko
rif.at-e-gosh se suntaa hu.aa mub.ham saa sharaar
merii manzil hai kahaa ye kabhii sochaa hii nahii.n
is kii fursat hii kise dil me.n magar rahtaa hai
dard vo dard ki hai jis se kamnaa biitaa
jaane kuchh raah mire saath hu.aa thaa lekin
rah gayaa duur kahii.n haar ke himmat apnii
zohra kahne lagii ai bazm falak ke qaasid
zard rau pahlii hii manzil me.n hu.aa to kyuu.n kar
jab ki vo KHaakii-e-be-maayaa ba.Dhe jaataa hai
past har ek bulandii ko kaTe jaataa hai
bha.Dke ik aah kahaa chaa.nd ne yuu.n zohra se
ai nigaar-e-ruKH-e-zebaa-e-bahaar-e-aflaak
mai.n bhii hairaan huu.n is himmat aa.alii pe kahii.n
husn-e-salmaa ke tasavvur kaa ye 'ejaaz' na ho
ye javaa.n hauslagii parda-dar-e-raaz na ho

Tasadduq Husain Khalid

Nazm

ahd-e-mohabbat

duur mahtaab ke saa.e me.n ziyaa-paash rahe
ruKH-e-pur-nuur pe aavezaa.n chamakte taare
chaa.ndnii raat me.n naddii ke kinaare kaakul
mere siine pe larazte hu.e shab-guu.n dhaare

Siddique Kaleem

Nazm

do ishq

(1)
taaza hai.n abhii yaad me.n ai saaqii-e-gulfaam
vo aks-e-ruKH-e-yaar se lahke hu.e ayyaam
vo phuul sii khultii hu.ii diidaar kii saa.at
vo dil saa dha.Daktaa hu.aa ummiid kaa ha.ngaam

Faiz Ahmad Faiz

Nazm

tarah-e-nau

insaa.n ulaT rahaa hai ruKH-e-ziist se naqaab
maz.hab ke ehtimaam fusuu.n-parvarii kii KHair

Sahir Ludhianvi

Nazm

zindan ki ek subh

sehn-e-zindaa.n me.n rafiiqo.n ke sunahre chehre
sath-e-zulmat se damakte hu.e ubhre kam kam
nii.nd kii os ne un chehro.n se dho Daalaa thaa
des kaa dard firaaq-e-ruKH-e-mahbuub kaa Gam

Faiz Ahmad Faiz

Nazm

fankar

bhuuk tere ruKH-e-ra.ngii.n ke fasaano.n ke evaz
chand ashiyaa-e-zaruurat kii tamannaa.ii hai

Sahir Ludhianvi

Nazm

sal-e-nau

puraane dil me.n na.ii dha.Dkano.n kii aahaT ho
ruKH-o-nigaah safed aa.ino.n ke saath aa.e

Zubair Ahmad Saani

Nazm

sharabi

mujhe bhii aaj ma-e-arGavaa.n kii haajat hai
sarak rahe hai.n ruKH-e-kaa.enaat se parde

Anjum Azmi

Load More

Search

ENG

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

Speak Now