Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "sag-e-ham-naam"

Nazm MATCHES FOR "sag-e-ham-naam"

Nazm

sag-e-ham-safar aur main

sag-e-ham-safar aur mai.n
vahaa.n aa ga.e hai.n
jahaa.n KHatm hai kaa.enaat

Rais Farogh
Nazm

kal humne sapna dekha hai

haa.n kis ke liye sab us ke liye
vo jis ke lab par Tesuu hai.n
vo jis ke nainaa.n aahuu hai.n
jo KHaar bhii hai aur KHushbuu bhii
jo dard bhii hai aur daaruu bhii
vo allha.D sii vo chanchal sii
vo shaa.er sii vo paagal sii
log aap-hii-aap samajh jaa.e.n
ham naam na us kaa batlaa.e.n
ai dekhne vaalo tum ne bhii
us naar kii piit kii aa.ncho.n me.n
is dil kaa tiinaa dekhaa hai?
kal ham ne sapnaa dekhaa hai

Ibn۔e۔Insha
Nazm

ai matawalo! naqon walo!!

apnaa bhii vo dost thaa ham bhii paas us ke baiTh aate hai.n
idhar udhar ke qisse kah ke jii us kaa bahlaate hai.n
ukh.Dii-ukh.Dii baat kare hai bhuul ke aglaa yaaraanaa
kaun ho tum kis kaam se aa.e? ham ne na tum ko pahchaanaa
jaane ye kis ne choT lagaa.ii jaane ye kis ko pyaar kare
tumhii kaho ham kis ko Dhuu.nDe.n aahe.n khii.nche naam na le
piit me.n aise jaan se yaaro kitne log guzarte hai.n
piit me.n naahaq mar nahii.n jaate piit to saare karte hai.n
ai matvaalo naaqo.n vaalo! nagrii nagrii jaate ho
kahii.n jo us kii jaan kaa bairii mil jaa.e ye baat kaho
chaak-girebaa.n ik diivaana phirtaa hai hairaa.n hairaa.n
patthar se sar pho.D maregaa diivaane ko sabr kahaa.n
tum chaaho to bastii chho.De tum chaaho to dasht basaa.e
ai matavaalo naaqo.n vaalo varna ik din ye hogaa
tum logo.n se aate jaate puuchhe.nge 'inshaa' kaa pataa

Ibn۔e۔Insha
Nazm

dil-ashob

tirii chaah me.n dekhaa ham ne ba-haal-e-KHaraab ise
par ishq o vafaa ke yaad rahe aadaab ise
tiraa naam o maqaam jo puuchhaa, ha.ns kar Taal gayaa

Ibn۔e۔Insha
Nazm

paDh-likh kar hum nam karenge

kab hai ham ko sab pe bharosa
ham ko hai bas rab pe bharosa
kaam ye sub.h o shaam kare.nge
pa.Dh-likh kar ham naam kare.nge

Ata Abidi
Nazm

saya-e-gurezan

dil hii to hai na sa.ng-o-KHisht
dard se bhar gayaa bahut
ro.e hai.n ham hazaar baar
dar pe tumhaare baiTh ke
chilman uThaa ke ek din
dekhaa nahii.n janaab ne
dair nahii.n haram nahii.n dar nahii.n aastaa.n nahii.n
baiThe hai.n rahguzar pe ham
shaayad janaab kaa guzar is rahguzar se ho kabhii
ham dekh le.nge gar tumhe.n
aa.nkho.n me.n diid aa.egii
ham ko naved-e-amn kii tho.Dii sii bhiik chaahiye
tho.Daa saa tum ko dekh ke
halchale.n machii hai.n jo siina-e-soz me.n bahut
tho.Daa saa chain paa.e.ngii
vaa hasrataa ki yaar ne khii.nchaa sitam se apnaa haath
ham ko hariis-e-lazzat-e-aazaar soch ke
aur is fareb me.n vo KHud
ik raat KHvaab me.n aa ga.e
bosa diyaa sharaab bhii dii
aa.nkho.n ko chuum chuum kar ham se kahaa
ki ab to vahshat-e-dil-o-dimaaG
aatish me.n jaa ke phe.nk de
ab bhii sa.nbhal vagarna phir
ik aisii shab bhii aa.egii
saaya-e-gurezaa.n ho ke jab
tujh ko vo chho.D jaa.egaa

Salahuddin Parvez
Nazm

tauq-e-nakaami

ishq me.n Thahre hai.n ham naa-kaamyaab
Daal kar gardan me.n naakaamii kaa tauq
tuu bahut Gamgiin hai
tuu mataa-e-ziist ko samjhaa hai ashko.n kii bahaar
kis qadar mushkil hai manzil
dostii ke raasto.n kii
kis qadar aafaat hai.n
ik taraf bechaargii hai nafs kii
ik taraf mub.ham se jazbo.n kii pukaar
ik taraf terii mohabbat kaa hisaar
kaash tuu itnaa to samjhe
is jahaan-e-ziist kii manzil hai tuu
tujh se hai.n ye raat-din ke silsile
kaash tuu itnaa to jaane
tujh se mai.n paivast huu.n ruuh-e-azal se
jism aur ruuh kii tanaabe.n KHema-zan hai.n
tere saahil ke suhaane dosh par
aur tuu KHaamosh saagar kii tarah hai be-kanaar
ham hu.e naakaam yaa hai.n kaamyaab
faisla chho.De.n usii par
ham hu.e jis par nisaar
kaash tuu itnaa to maane

Ghalib Ahmad
Nazm

wahi bu-e-gul hai

ko.ii jazba hai na ko.ii ehsaas
ab to vo hai bhii nahii.n mere paas

Khursheed Akbar
Nazm

gard-e-karwan

ham na ho.nge tum na hoge yaad ik ta.Dpaa.egii
raaste me.n sirf gard-e-kaarvaa.n rah jaa.egii

Sardar Panchhi
Nazm

sal-e-nau

nayaa din hai na.e andaaz se mahfil me.n jaam aa.e
ki saaGar kii khanak me.n zauq-e-mastii kaa payaam aa.e
ki saaGar kii khanak me.n zauq-e-mastii kaa payaam aa.e
mire yaas-aafrii.n dil me.n na.ii ummiid paidaa ho
shikast-e-tauba bhii ham-ra.ng-e-tajdiid-e-tamannaa ho
mirii afsurdagii chhup jaa.e ho.nTo.n ke tabassum me.n
sukuut-e-zindagaanii jazb ho jaa.e tarannum me.n
rago.n me.n KHuun ke badle mai-e-do-aatisha bhar de
sadaa-e-zindagaanii ko hadiis-e-rang-o-buu kar de
KHizaa.n-naa-aashnaa.ii ho bahaar-e-naujavaanii me.n
hayaat-e-jaavedaanii ke maze ho.n zindagaanii me.n
mujhe le jaa.e manzil hii kii jaanib laGzish-e-paa bhii
ki be-hoshii ke parde me.n rahe hosh-e-tamannaa bhii
uThaa saaGar ki phir baab-e-tamannaa baaz hai saaqii
uThaa saaGar ki duniyaa kaa nayaa andaaz hai saaqii

Maikash Hyderabadi
Nazm

tez aahaT

zindagii mahv-e-safar hai na.e andaaz ke saath
hai.n lab-e-shauq pe manzil ke taraane raqsaa.n
ham-safiiro.n ke qadam itne ham-aahang nahii.n
phir bhii in qadmo.n kii aahaT jo bahut tez hai aaj
duur tak guu.nj rahii hai usii paiGaam ke saath
log sunte hii jise KHvaab se jaag uTThe hai.n
qarn-haa-qarn kii pastii se nikal aa.e hai.n
aaj bhii ham usii paiGaam ke aa.iine me.n
haal-o-aa.inda ke jalvo.n kii jhalak paate hai.n
aaj bhii ham usii paiGaam kii kirne.n le kar
jagmagaatii hu.ii manzil kii taraf jaate hai.n

Zaheer Nashad Darbhangwi
Nazm

paigham-e-id

sab kii KHushiyo.n kaa nishaa.n hai naam-e-'iid
pyaar kaa paiGaam hai paiGaam-e-'iid

Yunus Makhmoor
Nazm

ehsas-e-kaamran

ufuq-e-ruus se phuuTii hai na.ii sub.h kii zau
shab kaa taariik jigar chaak hu.aa jaataa hai

Sahir Ludhianvi
Nazm

sabza-e-begana

hasab-nasab hai na taariiKH o jaa-e-paidaa.ish
kahaa.n se aayaa thaa maz.hab na valdiyat ma.aluum
maqaamii chhoTe se KHairaatii aspataal me.n vo
kahii.n se laayaa gayaa thaa vahaa.n ye hai marquum
mariiz raato.n ko chillaataa hai ''mire andar
asiir zaKHmii parinda hai ik, nikaalo ise
guluu-girafta hai ye habs-e-dam hai KHaa.if hai
sitam-rasiida hai mazluum hai bachaa lo ise''
mariiz chiiKHtaa hai dard se karaahtaa hai
ye vietnam, kabhii dominican, kabhii kashmiir
zar-e-kasiir, siyah qaume.n, KHaam madniyaat
kasiif tel ke chashme, avaam, istehsaal
zamii.n kii maut bahaa.im, fizaa.ii ja.ng, sitam
ijaara-daarii, subuk gaam, dilrubaa, atfaal
sarod-o-naGma, adab, sher, amn, barbaadii
janaaza ishq kaa, daf kii sadaa.e.n, murda KHayaal
taraqqii, ilm ke gahvaare, ruuh kaa madfan
KHudaa kaa qatl, ayaa.n zer-e-naaf zohra jamaal
tamaam raat ye be-rabt baate.n kartaa hai
mariiz saKHt pareshaanii kaa sabab hai yahaa.n
Garaz ki jo thaa shikaayat kaa ek daftar thaa
natiija ye hai usii roz muntaqil karke
use ik aur shifaa-KHaane ko ravaana kiyaa
sunaa gayaa hai vahaa.n nafsiyaat ke maahir
tabiib haaziq o nabbaaz doctor kitne
talab kiye ga.e aur sab ne ittifaaq kiyaa
ye ko.ii zehnii maraz hai, mariiz ne shaayad
kabhii parinda ko.ii paalaa hogaa lekin vo
adam-e-tavajjohii yaa ittifaaq se yuu.nhii
bichaara mar gayaa us maut kaa asar hai ye
ajiib chiiz hai taht-e-shu.uur insaa.n kaa
ye aur kuchh nahii.n ehsaas-e-jurm hai jis ne
dil o dimaaG pe qabza kiyaa hai is darja
mariiz qaatil o mujrim samajhtaa hai KHud ko!
kisii kii raa.e thii pasmaa.nda qaum kaa ik fard
mariiz hogaa isii vaaste siyah qaume.n
Gariib ke liye ik taboo ban ga.ii.n afsos
ko.ii ye kahtaa thaa ye asal me.n hai hubb-e-vatan
mariiz chaahtaa thaa ham kafiil ho.n apne
kisii bhii qaum ke aage na haath phailaa.e.n
yahii.n pe tel ke chashme hai.n, vo kare.n daryaaft!
gumaan kuchh ko thaa ye shaKHs ko.ii shaa.er hai
jo chaahtaa thaa jahaa.n-gardii me.n guzaare vaqt
hasiin aurte.n maa.il ho.n lutf-o-aish rahe
qalam ke zor se shohrat mile zamaane me.n
zar-e-kasiir bhii haath aa.e is bahaane se
magar Gariib kii sab koshishe.n ga.ii.n naakaam
shikast-e-paiham o ehsaas-e-naa-rasaa.ii ne
ye haal kar diyaa majruuh hoga.e a.asaab
Garaz ki nukta-rassii me.n guzar gayaa sab vaqt
vo chiiKHtaa hii rahaa dard kii davaa na milii
nashist baa'd nashist aur mu.aa.ene shab o roz
inhii.n me.n vaqt guzartaa gayaa shifaa na milii
phir ek shaam vahaa.n surma-dar-guluu aa.ii
jo us ke vaaste goyaa tabiib-e-haaziq thii
kisii ne phir na sunii dard se bharii aavaaz
karaahtaa thaa jo KHaamosh ho gayaa vo saaz

Akhtarul Iman
Nazm

shoala-e-tarab

rone kii umr hai na sisakne kii umr hai
jaam-e-nashaat ban ke chhalakne kii umr hai
shabnam kii buu.nd pii ke chaTakne kii umr hai
gulshan me.n phuul ban ke mahakne kii umr hai
sad-marhabaa ye gumrahii-e-shauq chashm-o-dil
haa.n raah-e-aarzuu me.n bhaTakne kii umr hai
ik jurm hai KHayaal-o-tasavvur gunaah kaa
ye umr sirf pii ke bahakne kii umr hai
diivaana ban ke najd ke sahraa me.n ghuumiye
lailaa kii justujuu me.n bhaTakne kii umr hai
bechain kyuu.n ho ruuh kisii ek ke liye
har maah-vash pe jaan chhi.Dakne kii umr hai
is daur-e-imbisaat me.n ba-haalat-e-junuu.n
har kuu-e-dilbaraa.n me.n bhaTakne kii umr hai
laazim nahii.n ki KHud ko bachaataa phiruu.n tamaam
shiisha huu.n choT khaa ke darakne kii umr hai
taskii.n vo de rahii hai.n par ai qalb-e-naa-subuur
tuu aur bhii dha.Dak ki dha.Dakne kii umr hai
jab chal pa.Daa huu.n ghar se to manzil kii shart kyaa
huu.n rah-navard-e-shauq bhaTakne kii umr hai
huu.n aaftaab-e-taaza hu.aa huu.n abhii tuluu.a
apne jahaan-e-nau me.n chamakne kii umr hai
aivaan o taKHt-o-taaj hai.n merii lapeT me.n
sho.ala huu.n mai.n ye mere bha.Dakne kii umr hai
'dauraa.n' mai.n bazm-e-dost me.n chhe.Duu.n na kyuu.n Gazal
ye zamzame ke din hai.n lahakne kii umr hai

Owais Ahmad Dauran
Nazm

shab-e-tanhai

nii.nd aa.ii hai na aa.egii sahar tak mujh ko
aaj kii raat bhii be-kaar guzar jaa.egii

Anjum Azmi
Nazm

haqiqat

raat nukiilii aa.ii hai
kamre me.n tanhaa.ii hai
sannaaTaa bhii mahv-e-KHvaab hai
yaad kisii kii aa.ii hai

Abrar Azmi
Nazm

ishq ki baaten

vo jitne rang malaal ke hai.n
ham kyaa jaane.n kis haal ke hai.n
ham raahii dasht-e-KHayaal ke hai.n
aur saa.il ek visaal ke hai.n
ham hijr kii maar se Darte hai.n
aur ishq kii baate.n karte hai.n
ham aql ke taane-baane hai.n
mat samjho ham mastaane hai.n
in raaho.n se begaane hai.n
bas naam ke hii diivaane hai.n
ham naam-o-numuud pe marte hai.n
aur ishq kii baate.n karte hai.n
ham hosh ke shahr me.n rahte hai.n
aur mauj-e-tarab me.n bahte hai.n
kab kaun saa sadma sahte hai.n
bas KHvaab kaa qissa kahte hai.n
ham jhuuTii aahe.n bharte hai.n
aur ishq kii baate.n karte hai.n

Ashfaq Amir
Nazm

dipawali

jab se aa.ii hai diipaavalii
har taraf chhaa.ii hai raushnii
har jagah chaahato.n ke diye
shaam hote hii jalne lage
phul-jha.Diyo.n kaa baazaar hai
ye paTaaKHo.n kaa tehvaar hai
diipo.n kaa hai suhaanaa samaa.n
jin se dhartii banii kahkashaa.n
jitne rocket paTaaKHe chale
aasmaa.n par lage hai.n bhale
ho ga.ii.n duur taariikiyaa.n
ab hai.n raushan zamii.n aasmaa.n
jab se aa.ii hai.n diipaavalii
har taraf chhaa.ii hai raushnii
ek mauqa hai pahchaan kaa
dil milaatii hai insaan kaa
chaahato.n kii ye tasviir hai
ik na.e yug kii ta.abiir hai

Adil Hayat
Nazm

tirgi

dhuup itraatii hu.ii aa.ii hai
kaashaane me.n
sochtii hogii
mire ghar me.n ujaalaa kar de

Abrar Azmi
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now