Search result for "sar-e-raah" | Category - Nazm, Page

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "sar-e-raah"

Nazm MATCHES FOR "sar-e-raah"

Nazm

husn-e-sar-e-rah

guzar rahaa hai idhar se to muskuraataa jaa
khile nahii.n hai.n jo Gunche unhe.n khilaataa jaa
tujhe qasam hai sukuu.n-aazmaa nigaaho.n kii
kisii Gariib kii taqdiir ko jagaataa jaa
vahii nigaah vahii ik tabassum-e-rangii.n
charaaG-e-anjuman-e-yaas ko bujhaataa jaa
junuu.n-navaaz tirii mast-gaamiyo.n ke nisaar
kamand-e-hosh-o-KHirad se mujhe chhu.Daataa jaa
fareb-KHurda-e-bazm-e-hayaat huu.n ya.anii
mirii nigaah se ab ye hijaab uThaataa jaa
uThaa ke chehra-e-rangii.n se parda-e-asraar
hariim-e-dil ko phir ik baar jagmagaataa jaa

Jauhar Nizami

Nazm

kahili

sar-e-rah pe.D jaamun kaa kha.Daa hai
ba.Daa chhitnaar hai saaya ghanaa hai

Mehdi Pratapgarhi

Nazm

sar-e-rah-guzar

ik mauhuum saa kaashaana nazar aataa hai
ek maGmuum saa Gam-KHaana nazar aataa hai
apnii manzil hii mujhe khii.nch rahii hai shaayad
ham-safar par mujhe begaana nazar aataa hai
dekh ai josh-e-junuu.n baadiya-paimaa.ii ko
naqsh-e-paa bhii mujhe diivaana nazar aataa hai
daastaa.n phailii hu.ii hai mirii sahraa.o.n me.n
ham-zabaan aaj ye viiraana nazar aataa hai
KHaak u.Daatii hu.ii phirtii hai havaa-e-sarsar
muntashir meraa hii afsaana nazar aataa hai
apnii mahruumii-e-qismat kaa gila hai varna
sham.a ke gird bhii parvaana nazar aataa hai

Razia Rana

Nazm

sar-e-rah

lamha bhar ke liye chalte chalte qadam ruk ga.e
KHuun ke taaza taaza nishaa.n chho.D kar
khaa.nstii zindagii dono.n haato.n se siine ko thaame hu.e
jaane kis mo.D par jaa ke gum ho ga.ii
raaste kii syaahii se lipTaa rahaa
ik asaasa jise apne vaaris kii ko.ii zaruurat na thii
ek TuuTaa hu.aa aa.ina
jis me.n aa.iina-gar kii bhii suurat na thii

Sahar Ansari

Nazm

sar-e-rah-guzar

sar-e-rahguzar mirii daastaa.n kaa ye pe.D ab
shab-e-munjamid shab-e-be-zabaa.n
se lipaT ke so.egaa sub.h tak
ye vo pe.D hai
jise sii.nchtaa thaa mai.n KHuun se
dil-e-munharif kii adaa-e-hiila-e-nuur se
ise phe.nktaa thaa mai.n boTiyaa.n
kabhii jism kii kabhii zehn kii
kabhii ruuh kii
mirii aarzuu mirii aabruu
mire naKHl-e-harf-e-navaa kabhii
tirii ek jumbish-e-lab mujhe
mujhe zindagii se 'aziiz thii
mirii daastaa.n kaa ye pe.D ab
shab-e-munjamid shab-e-be-zabaa.n
se lipaT ke so.egaa sub.h tak
juu.nhii aaftaab-e-naved-e-nau
sar-e-gosh-e-mauj-e-sadaa-e-gul me.n Dhalaa kabhii
mai.n dil-o-jigar kii mataa’-e-shiisha-gudaaz ko
dar-e-vaazhguu.n se karuu.ngaa phir
usii daastaa.n pe nisaar jis
kaa mai.n naKHl-e-saaya-taraaz huu.n
mire zaKHm-e-dil
tirii mahfilo.n tire hamhamo.n tire qahqaho.n
kaa mai.n saaz huu.n tiraa raaz huu.n

Balraj Komal

Nazm

mahatma gandhi

shab-e-asia ke a.ndhere me.n sar-e-raah jis kii thii raushnii
vo gauhar kisii ne chhupaa liyaa vo diyaa kisii ne bujhaa diyaa

Nushur Wahidi

Nazm

waqt ki dhul

mai.n sar-e-raah hairaan saa rah gayaa
yaad-e-maazii kii shabnam barasne lagii
aur mai.n der tak bhiigtaa rah gayaa

Qaisarul Jafri

Nazm

rah-zani KHub nahin KHwaja-saraon ke liye

rahzanii KHuub nahii.n KHvaaja-saraa.o.n ke liye
shor paayal kaa sar-e-raah na rusvaa kar de
haath uThe.nge to ka.ngan kii sadaa aa.egii

Ali Akbar Natiq

Nazm

karo lakh munh se nahin nahin

sar-e-raah sakhii sar-e-mahfil sakhii
ruKH se jhalke hai haal-e-dil sakhii
mushkil hai ba.Dii mushkil sakhii
raaz-e-‘ishq chhupaa.e chhuptaa nahii.n

Sada Ambalvi

Nazm

qaht-e-bangal

iflaas kii maarii hu.ii maKHluuq sar-e-raah
be-gor-o-kafan KHaak-ba-sar dekh rahaa huu.n

Jigar Moradabadi

Nazm

gulha-e-aqidat

qumriyaa.n miiThe suro.n ke saaz le kar aa ga.ii.n
bulbule.n mil-jul ke aazaadii ke gun gaane lagii.n
gul se apnii nisbat-e-deriina kii khaa kar qasam
ahl-e-dil ko ishq ke andaaz samjhaane lagii.n

Syeda Shan-e-Meraj

Nazm

subh-e-shab-e-intizar

charaaG raah me.n us ke amal se jalne lage
lo aaj sub.h-e-shab-e-intizaar aa hii ga.ii
fazaa mahakne lagii dil-navaaz phuulo.n se
dayaar-e-hind me.n fasl-e-bahaar aa hii ga.ii

Syeda Shan-e-Meraj

Nazm

katik ka chand

jii me.n aatii hai ki kamre me.n bulaa le.n is ko
chaa.nd kab se hai sar-e-shaaKH-e-sanobar aTkaa
raat us ko bhii nigal jaa.egii bolo bolo
baam par aur na aa.egaa kisii kaa chehraa

Ibn۔e۔Insha

Nazm

tum kaun ho

kaash
zindagii me.n phir kabhii
kahii.n bhii sar-e-raah
ek duuje ke
aamne saamne ho.n
aur apne dard chhupaa kar
mai.n bhii use
us kii tarah
sirf itnaa kahuu.n
tum kaun ho

Masood Tanha

Nazm

ajab hai khel carrom ka

mujhe raanii kii sharto.n par ba.Daa hii pyaar aayaa hai
khilaa.Dii to nahii.n raanii magar raanii to hai aaKHir
humaa fat.h-o-nusrat kaa
aur akasr kaamraanii kaa
usii ke sar pe jaataa hai
ki jis ke paas raanii hai

Ibn-e-Mufti

Nazm

hisab-e-shab

ufuq ke paar nigaar-e-sahar ko kyaa ma.aluum
dayaar-e-shab me.n guzartii hai zindagii kaise
mai.n in ko apne Gamo.n kaa gavaah kaise karuu.n
nashaat-e-ziist jo samjhe.n mirii mashaqqat ko
misaal-e-reg bikharte hu.e badan ke sivaa
tamaam din kii thakan kaa ko.ii gavaah nahii.n
mujhe havaa-e-sar-e-rah-guzar pasand sahii
magar havaa-e-sar-e-rah-guzar mire haq me.n
sumuum-e-ta.ana-o-dushnaam le ke aa.ii hai
mirii sahar ke liye shaam le ke aa.ii hai
KHuluus-o-rishta-e-mehr-o-vafaa se kyaa haasil
kuchh aur chaahiye is ahd kii mohabbat ko

Sahar Ansari

Nazm

ai mere soch-nagar ki rani

dil kii na puuchho kyaa kuchh chaahe dil kaa to phailaa hai daaman
giit se gaal Gazal sii aa.nkhe.n saa.ad-e-siimii.n barg-e-dahan
juu.De ke inhii.n phuulo.n ko dekho kal kii sii in me.n baas kahaa.n
ek ik taaraa kar ke Duubii maathe kii tannaaz afshaa.n
sahne kaa dukh sah na sake ham kahne kii baate.n kah na sake
paas tire kabhii aa na sake ham duur bhii tujh se rah na sake
kis se kahe ab ruuh kii biptaa kis ko sunaa.e man kii baat
duur kii raah bhaTaktaa raahii jiivan-raat ghanerii raat
ho.nTo.n kii pyaas bujhaanii hai ab tire jii ko ye baat lage na lage
tujh se jo mai.n ne pyaar kiyaa hai tere liye? nahii.n apne liye

Ibn۔e۔Insha

Nazm

chand ke tamannai

shahr-e-dil kii galiyo.n me.n
shaam se bhaTakte hai.n
chaa.nd ke tamannaa.ii
be-qaraar saudaa.ii
dil-gudaaz taariikii
ruuh-o-jaa.n ko Dastii hai
ruuh-o-jaa.n me.n bastii hai
shahr-e-dil kii galiyo.n me.n
taak shab kii belo.n par
shabnamii.n sarishko.n kii
be-qaraar logo.n ne
be-shumaar logo.n ne
yaadgaar chho.Dii hai
itnii baat tho.Dii hai

Ibn۔e۔Insha

Nazm

chand ke tamannai

shahr-e-dil kii galiyo.n me.n
shaam se bhaTakte hai.n
chaa.nd ke tamannaa.ii
be-qaraar saudaa.ii
dil-gudaaz taariikii
jaa.n-gudaaz tanhaa.ii
ruuh-o-jaa.n ko Dastii hai
ruuh-o-jaa.n me.n bastii hai
shahr-e-dil kii galiyo.n me.n
taak shab kii belo.n par
shabnamii.n sarishko.n kii
be-qaraar logo.n ne
be-shumaar logo.n ne
yaadgaar chho.Dii hai
itnii baat tho.Dii hai
sad-hazaar baate.n thii.n
hiila-e-shakebaa.ii
suurato.n kii zebaa.ii
qaamato.n kii ra.anaa.ii
un siyaah raato.n me.n
ek bhii na yaad aa.ii
jaa-ba-jaa bhaTakte hai.n
kis kii raah takte hai.n
chaa.nd ke tamannaa.ii
ye nagar kabhii pahle
is qadar na viiraa.n thaa
kahne vaale kahte hai.n
qarya-e-nigaaraa.n thaa
KHair apne jiine kaa
ye bhii ek saamaa.n thaa
aaj dil me.n viiraanii
abr ban ke ghir aa.ii
aaj dil ko kyaa kahiye
baa-vafaa na harjaa.ii
phir bhii log diivaane
aa ga.e hai.n samjhaane
apnii vahshat-e-dil ke
bun liye hai.n afsaane
KHush-KHayaal duniyaa ne
garmiyaa.n to jaatii hai.n
vo rute.n bhii aatii hai.n
jab maluul raato.n me.n
dosto.n kii baato.n me.n
jii na chain paa.egaa
aur uub jaa.egaa
aahaTo.n se guu.njegii
shahr-e-dil kii pinhaa.ii
aur chaa.nd-raato.n me.n
chaa.ndnii ke shaidaa.ii
har bahaane nikle.nge
aarzuu kii giiraa.ii
Dhuu.nDne ko rusvaa.ii
sard sard raato.n ko
zard chaa.nd baKHshegaa
be-hisaab tanhaa.ii
be-hijaab tanhaa.ii
shahr-e-dil kii galiyo.n me.n

Ibn۔e۔Insha

Nazm

phir sham hui

phailtaa phailtaa shaam-e-Gam kaa dhu.aa.n
ik udaasii kaa tantaa hu.aa saa.ebaa.n
uu.nche uu.nche minaaro.n ke sar pe ravaa.n
dekh pahu.nchaa hai aaKHir kahaa.n se kahaa.n
jhaa.nktaa suurat-e-KHail-e-aavaargaa.n
Gurfa Gurfa bahr kaaKH-o-kuu shahr me.n

Ibn۔e۔Insha

Load More

Search

ENG

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

Speak Now