Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "satar"

Nazm MATCHES FOR "satar"

Nazm

itna malum hai!

aap ko ilm hai vo aaj nahii.n aa.ii hai.n?
merii har dost se us ne yahii puuchhaa hogaa
kyuu.n nahii.n aa.ii vo kyaa baat hu.ii hai aaKHir
KHud se is baat pe sau baar vo uljhaa hogaa
kal vo aa.egii to mai.n us se nahii.n boluu.ngaa
aap hii aap ka.ii baar vo ruuThaa hogaa
vo nahii.n hai to bulandii kaa safar kitnaa kaThin
sii.Dhiyaa.n cha.Dhte hu.e us ne ye sochaa hogaa
raahdaarii me.n hare lawn me.n phuulo.n ke qariib
us ne har samt mujhe aan ke Dhuu.nDaa hogaa

Parveen Shakir
Nazm

walid

ab mai.n kaise rahuu.n be-KHauf-o-KHatar
saamne laakho.n dukh kha.De hai.n satar

Noor N Sahir
Nazm

iqbaal ke mazar par

lahad me.n so rahii hai aaj be-shak musht-e-KHaak us kii
magar garm-e-amal hai jaagtii hai jaan-e-paak us kii
vo ik faanii bashar thaa mai.n ye baavar kar nahii.n saktaa
bashar iqbaal ho jaa.e to hargiz mar nahii.n saktaa
ba-zer-e-saaya-e-diivaar-e-masjid hai jo aasuuda
ye KHaakii jism hai sattar baras kaa raah paimuuda
ye KHaakii jism bhii us kaa bahut hii besh-qiimat thaa
jise ham-jalva samjhe the vo parda bhii Ganiimat thaa
use ham naapte the le ke aa.nkho.n hii kaa paimaanaa
Gazal-KHvaa.n us ko jaanaa ham ne shaa.ir us ko gardaanaa
faqat suurat hii dekhii us ke ma.anii ham nahii.n samjhe
na dekhaa ra.ng-e-tasviir aa.ine ko dil-nashii.n samjhe
hame.n zof-e-basaarat se kahaa.n thii taab-e-nazzaaraa
sikhaa.e us ke parde ne hame.n aadaab-e-nazzaaraa
ye naGma kyaa hai zer-e-parda-haa-e-saaz kam samjhe
rahe sab gosh-bar-aavaaz lekin raaz kam samjhe
shikast-e-paikar-e-mahsuus ne to.Daa hijaab aaKHir
tuluu-e-sub.h-e-mahshar ban ke chamkaa aaftaab aaKHir
muqayyad ab nahii.n 'iqbaal' apne jism-e-faanii me.n
nahii.n vo band haa.il aaj dariyaa kii ravaanii me.n
vajuud-e-marg kii qaa.el nahii.n thii zindagii us kii
ta.aalaa allaah ab dekhe ko.ii paa.indagii us kii
jise ham murda samjhe zinda tar paa.inda tar niklaa
mah o KHurshiid se zarre kaa dil taabinda tar niklaa
abhii andaaza ho saktaa nahii.n us kii bulandii kaa
abhii duniyaa kii aa.nkho.n par hai parda firqa-bandii kaa
magar merii nigaaho.n me.n hai.n chehre un javaano.n ke
jinhe.n 'iqbaal' ne baKHshe hai.n baazuu qahar-maano.n ke

Hafeez Jalandhari
Nazm

hamal-sara

daadii-ammaa.n...
(bastii ke sab se mumtaaz
gharaane kii beTii...
sab se mu.azzaz
aa.ngan kii dulhan
maashaa-allaah
sattar ke piiTe me.n ho.ngii)
apnaa... istehqaaq maa.ngtii hai.n

Saqi Faruqi
Nazm

aurten nahin jaantin

nahii.n jaantii hai.n aurte.n
ko.ii saada sii satar
kaaGaz par kitnii darashtii se likhii jaa saktii hai
aaraam se pa.Dh jaatii hai.n vo

Syed Kashif Raza
Nazm

loop

vaqt kyaa hai kisii shai ke hone se le kar na hone talak kaa vo dauraaniya hai
jis me.n vo apne hone na hone kaa ehsaas bhii
go kisii shakl me.n ho karaatii rahe
umr kyaa hai faqat chand zarraat kaa
ek muddat talak ek hii shakl me.n
ek duuje se lipTe hu.e vaqt ko kaaTnaa
umr insaan kii sau baras kuchh ziyaada hu.ii
umr sattar arab saal bhii
ik sitaare kaa kuchh bhii nahii.n
jism kyaa hai
vahii chand zarraat kii ek shakl
jaise mai.n
jaise tuu
vaqt ik loop hai
jis me.n zarraat gardish me.n hai.n
jaise mai.n aur tuu ek insaanii shakl
ain mumkin hai kuchh sau arab saal baad
kuchh mire jism ke kuchh tire jism ke chand zarraat mil kar ko.ii shakl le.n
ab mai.n KHush huu.n ki kuchh sau arab saal baad
apne milne kaa ko.ii to imkaan hai

Yasir Khan Inam
Nazm

har jaanib hain

har jaanib hai.n dilo.n zamiiro.n me.n kaale tuufaano.n vaale lafz hazaaro.n ghanii bhavo.n ke niiche
ghaat me.n
ab to mere labo.n tak aa bhii harf-e-zinda
har jaanib galiyo.n ke daldalii taalaabo.n me.n be-satar hiraasaa.n kha.Dii hai.n ruuhe.n
qadam khube hai.n niile kiicha.D me.n aur un kii Duubtii nazro.n me.n ik baar zaraa terii thii un kii zindagii
abhii abhii ik pal ko
aur ab phir kaale tuufaa.n vaale lafz un ke liye jaane kyaa kyaa sandese laa.e hai.n
un ko zinda rakhiyo harf-e-zinda

Majeed Amjad
Nazm

breaking-news

kaash tum mere bulletin kii anchor hotii.n
jo mai.n likhtaa
vo tum pa.Dtii.n
mai.n saarii headlines multavii kar detaa
taviil aur muKHtasar dauraaniye kii
tamaam reports talaf kar Daaltaa
sab commercial-drop karne kii hidaayat kartaa
breaking-news kii tarah
tum Teli-prompter par
merii likhii hu.ii
ek satar baar baar pa.Dhtii.n
i-love-u
i-love-u

Mubashshir Ali Zaidi
Nazm

meinopause

yahaa.n se umr-e-gurez-paa jo nikal pa.Dii aur raaste par
to sochtii huu.n ki jaate jaate
mai.n apne KHaaliq se ye to puuchhuu.n
KHudaa-e-sattaar
ismato.n ko hazaar pardo.n me.n rakhne vaale
sifaat me.n terii adl bhii hai

Ishrat Afreen
Nazm

dukhti haDDiyon ki wakalat

dikhtii haDDiyaa.n kahtii hai aaraam karo ab
dil kahtaa hai abhii nahii.n abhii to kaam pa.Daa hai sab
magar ek aur hii bolii boltaa hai dimaaG
pahle kaun saa tiir maar liyaa thaa aap ne jo ab phir chale hai.n jauhar dikhaane
sarau.Te kaa don khote aur sarshaar kaa KHudaa.ii faujdaarii bhii
ta.Dapte ho.nge qabr me.n pa.De pa.De
aap kii be-qaraariyaa.n dekh kar
duniyaa hii to badal Daalii aap ne apnii tahriiro.n aur taqriiro.n se
aur kyaa kahne hai.n aap kii siyaasat ke
soto.n ko jagaa diyaa aap ne
zer-dasto.n ko uThaa diyaa zabardasto.n ko giraa diyaa aap ne
sach-much kaa inqilaab hii to barpaa kar ke rakh diyaa aap ne
chho.D jaane diijiye bahut ho ga.ii janaab
sunahre harfo.n me.n likhaa jaa chukaa hai aap kaa naam an-likhii taariiKH me.n
aap vo hero hai.n ko.ii giit nahii.n gaataa jis ke
vo gumnaam sipaahii hai.n jise sirf
aasmaan kii aa.nkh ne dekhaa hotaa hai daad-e-shujaa.at dete
agar aap ke haatho.n vaaqa.ii ko.ii achchhaa kaam sarzad ho gayaa thaa to
yaqiinan pataa hogaa us kaa KHudaa ko
vo is kaa zaruur ajr degaa aap ko
aur sabr se ba.Dh kar kyaa ho saktaa hai ajr
sabr kiijiye zaraa
dukhtii haDDiyo.n kii bhii sun liijiye zaraa
is KHaana-KHaraab-e-dil kii maan kar hii to aap hu.e hai.n KHaana-KHaraab
hamesha bahkaayaa hai us ne aap ko
Galat-salat raasto.n par chalaayaa hai aap ko
jahaa.n chup rahne me.n maslahat thii vahaa.n bolne par uksaayaa hai aap ko
jab haath ba.Dhaa kar jaam uThaane kaa vaqt thaa to
inkisaarii ke chakkar me.n pha.nsaayaa hai aap ko
zaraa apne badan se pochhiye apnii umr aur phir puuchh kar dekhiye dil se
aap sattar ke hai.n naa magar badan kahe gaa saal
aur dil bataa.egaa chaaliis saal
is dil par KHuun kii gulaabii ne
huliya bigaa.D kar rakh diyaa hai achchhe-bhale insaan kaa
pa.Dhe-likkhe shariif aadmii ko dhakel diyaa hai
siyaasat ke qassaab-KHaane me.n
bha.ii jis kaa kaam usii ko saaje aur kare to The.ngaa baaje
aap kyuu.n pareshaan hote hai.n har barii KHabar par
vaise kabhii KHair kii KHabar bhii aa.ii hai vatan-e-aziiz se
yaad nahii.n rahaa aap ke to murshid bhii kahte the baar baar
vo kaam hamaarii zimmedaarii nahii.n hotaa jis kii anjaam-dahii kaa saamaan na de KHudaa
umar-faaruuq ko zeb detaa thaa fikrmand honaa
furaat ke kinaare bhuuk se mar jaane vaale kutte ke liye
is liye ki vo the KHaliifa-a-vaqt
to kan me.n KHvaah-maKHvaah
aap to kotvaal bhii nahii.n kisii shahr ke
aur chale hai.n puure malak kii fikr karne
balki saarii insaaniyat kaa Gam paal rakhaa hai aap ne to
mai.n ne pahle bhii kahaa shaa.iro.n kii bak bak na sunaa kare.n aap ziyaada
ba-qaul-e-KHudaa vo to aadii hai.n Galat-bayaanii ke
haahaa kaa.nTaa chubhe kisii ko ta.Dapte hai.n ham amiir saare jahaa.n kaa dard hamaare jigar me.n hai
aap ko auro.n kii pa.Dii hai.n pahle apnii to nabe.D le.n aap
charity begins at home janaab
aa.iye sukuun se baiThe do gha.Dii
ziyaada der kha.De rahne se aur ba.Dh jaa.egaa ghuTne kaa dard
kyaa KHayaal hai sabz chaa.e ke baare me.n
yaa phir pii liijiye ThanDaa miiThaa ruuh-afzaa
siine aasmaanii mausiiqii baaKH aur motzaarT kii
Dhiilaa chho.Diye zaraa a.asaab ko
so jaa.iye so jaa.iye nii.nd aa jaa.e agar
lorii duu.n aap ko
raat-din gardish me.n hai.n saat aasmaa.n
ho rahegaa kuchh na kuchh ghabraa.e.n kyaa

Mohammad Haneef Rame
Nazm

sukun

is tamaam muddat me.n
jo shaayad sattarah baras thii yaa sattar
ek duusre kii saa.ns kii aavaaz ne
hame.n tapish dii
aavaaz jo bahut halkii bahut maddham thii
tapish jo duur thartharaatii lau se bhii mulaa.em

Harbans Mukhia
Nazm

sattar maon ka pyar

kitaabo.n kaa ziina banaa kar
machaanii se mai.n ne miThaa.ii churaa.ii to
ghar me.n kisii ko bhii Gussa na aayaa
ye kam-sin zehaanat kii taasiir thii
yaa sharaarat kii shiirii.n shakar-qandiyo.n jaisii umro.n kii lazzat
abhii tak vo KHush-zaa.eqa vaaqi.a
jab rag-e-jaa.n me.n ghultaa hai
bachpan ke baaGaat kii titliyaa.n
phuul ban kar barastii hai.n
pathriilii umro.n ke din raat kii
zard kaalii musiibat kaa Gam bhuul kar
muskuraahaT kii miiThii phuvaare.n
bayaabaa.n ko jal-thal banaatii hai.n gaatii hai.n
ek do tiin
allaah miyaa.n kii zamiin
chaar paa.nch chhe saat
saare mil kar khaa.e.n bhaat
aaTh nau das paanii miiThaa ras
paanii kii lahro.n pe hachkole khaatii hu.ii
kaaGazii-umr kii naav
karvaT badal kar ulaT detii hai KHvaab saare
kitaabo.n pe girte hu.e aa.nsu.o.n se
siyaahii ke dariyaa hii bante hai.n
dariyaa samundar banaate hai.n
saare samundar siyaahii qalam ban ga.ii.n saarii shaaKHe.n
qasam u.ngliyo.n kii
mohabbat bharaa KHat mire aur tire darmiyaa.n tiir hai
mai.n likkhuu.n aur likhtaa rahuu.n taa-qayaamat
mohabbat kii nazme.n
magar jaaniyaa.n in kitaabo.n ko ziina banaa kar
ka.ii baar mai.n ne
tire aasmaano.n pe jaa kar
tujhe Dhuu.nD laane kii naakaam koshish me.n
aa.nsuu bahaa.e
siyaahii ke dariyaa banaa.e

Ali Mohammad Farshi
Nazm

aur jo dastaras mein nahin

jab vo Gusse me.n hotii hai to
kuchh bhii kah jaatii hai
dukh to hotaa hai par
asal me.n mujh ko tashviish rahtii hai
is baare jo
us ke ho.nTo.n pe aataa nahii.n
dil me.n rah jaataa hai
dost kitne hai.n jo
dil me.n aane se pahle hii bak dete hai.n
kahte rahte hai.n achchhii burii
aur vo dost jo har jagah
baiThaa rahtaa hai KHaamosh
bas sar hilaataa hai haa.n mai.n
magar kuchh bhii kahtaa nahii.n
ko.ii laavaa hai is me.n ubaltaa hu.aa
jaan.ne kaa use
kis qadar ishtiyaaq hai mujhe
maa.n kii aa.nkho.n me.n
rahmat kii ThanDak
mujhe maa.n ke haatho.n me.n
shafqat kii hiddat
mujhe maa.n ke dil me.n
du.aa.o.n kii kasrat
bahut hai yaqiinan bahut hai
magar mujh ko vo pyaar bhii dekhnaa hai
jo sattar gunaa hai
pahaa.Do.n se lag kar nazar ruk sii jaatii hai
dil un kii haibat se larzaa.n saa rahtaa hai
par kaa.npte kaa.npte bhii
yahii zehn me.n guu.njtaa hai
ki us paar kyaa hai
jo aa.nkho.n se ojhal hai
bas dekh letaa huu.n mai.n
nazm me.n nazm maujuud hai
nazm me.n nazm kaa zikr hai
haa.n magar
nazm se bhii ziyaada mujhe
nazm se maavaraa nazm kii fikr hai

Bilal Aswad
Nazm

akaD shah ki zehanat

kahaa mai.n is se na ghabraa zaraa
tuu sattar kaa ab pher le usturaa

Mohammad Osama Sarsari
Nazm

information technology

nizaam badal rahaa hai
na.e sikke raa.ij ho chuke hai.n
na.e registraro.n par puraane hindise makkhiyo.n kii tarah bhinbhinaane lage hai.n
keyboard se zanjiir kiye ga.e haath
saat aasmaano.n par dastak dene kii mashq kar rahe hai.n
newin-sine se baahar aatii hu.ii la.Dkii
KHaalii jebo.n kii taraf ishaara kar ke muskuraatii hai
aur naujavaanii sheKH neck-Taa.eyaa.n lagaa.e
five-satar hoTalo.n ke baahar pa.Dii KHaalii botalo.n me.n
munnii plant ugaane kii tarbiyat le rahe hai.n
guu.nge bahre vaaldain
mailii razaa.iyo.n me.n paanii kii garm botalo.n se lipaT kar
aabaa.ii qabristaano.n kaa KHvaab dekhte hai.n
aur bachche
music channel kii dhun par
''duniyaa ek gaa.nv hai'' kaa naGma gaate hai.n

Zahid Masood
Nazm

samajh se pare

kisii kii ik jhalak bhar dekhne ke vaaste
rozaana
sattar miil kaa lambaa safar karnaa
mohabbat kii ye shaayad intihaa thii
magar jaataa thaa us bus se
ziyaada la.Dkiyaa.n hotii thii.n jis me.n

Shariq Kaifi
Nazm

bholi-bhaali chiDiya

ai pyaarii pyaarii chi.Diyaa
suurat mujhe dikhaa jaa
bholii sii terii suurat
dil me.n basii hai muurat
nannhii sii cho.nch terii
kaisii bhalii hai lagtii
ik raag tuu sunaa jaa
ai bholii-bhaalii chi.Diyaa
shaaKHo.n pe baiThii baiThii
aanand se chahaktii
kis ko hai yaad kartii
dam kis kaa tuu hai bhartii
duniyaa ke nek-o-bad se
kiine se aur hasad se
tujh ko nahii.n KHabar kyaa
ai bholii-bhaalii chi.Diyaa
patto.n pe chahchahaanaa
aur dil ko yuu.n lubhaanaa
u.Dnaa ye Daalii Daalii
kab lutf se hai KHaalii
kyaa paak zindagii hai
kyaa shaa.ntii KHushii hai
bhaataa hai raag teraa
ai bholii-bhaalii chi.Diyaa
kyaa miiThii raagnii hai
kyaa shakl mohnii hai
terii ye chuu.n chuu.n pyaarii
aur phirnaa kyaarii kyaarii
teraa phudaknaa har dam
aur bolnaa gajar dam
tujh se hai ghar suhaanaa
ai bholii-bhaalii chi.Diyaa
vo sub.h kaa jhamka.Daa
mil-jul ke aur vo gaanaa
vo shaam kaa baseraa
dil ko bhalaa hai lagtaa
chhat me.n vo gho.nsla hai
vo bhii bahut bhalaa hai
har Dhang teraa pyaaraa
ai bholii-bhaalii chi.Diyaa
naadaan bachche tuu kyaa
jaanegaa us kaa kahnaa
chi.Diyaa jo boltii hai
aur motii roltii hai
maKHluuq hai KHudaa kii
hastii hai ye vafaa kii
kartii hai zikr rab kaa
ye bholii-bhaalii chi.Diyaa

Syed Fazal Sattar
Nazm

mumkin na mumkin

ek ba.ndariyaa sattar laDDuu khaa saktii hai
khaa saktii hai iqraa use khilaa saktii hai
sattar laDDuu
jii haa.n iqraa jail use pahu.nchaa saktii hai

Muzaffar Hanfi
Nazm

meinopause

KHudaa-e-sattaar
ismato.n ko hazaar pardo.n me.n rakhne vaale
sifaat me.n terii adl bhii hai
to phir mire aur mere mahram ke biich tafriiq kaa sabab kyaa

Ishrat Afreen
Nazm

kaun kya khata hai

daadii chiiKH rahii hai.n kyaa kyaa saTar paTar ham khaate hai.n
kaun inhe.n samjhaa.e biscuit jam butter ham khaate hai.n
naanii ko sadma hotaa hai kyo.n burger ham khaate hai.n
kitnaa KHush ho jaatii hai.n vo jab gaajar ham khaate hai.n

Muzaffar Hanfi
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now