Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "shash-jahaat"

Nazm MATCHES FOR "shash-jahaat"

Nazm

aaraf

savaaliya nishaan kii qataar me.n kha.De hu.e mufakkiro!
javaab do
vo kaun, kaisaa, kis liye, kahaa.n pe, kab se, kab talak?
savaal-e-shash-jahaat kaa javaab ko.ii ab talak?
''magar yahaa.n kushaad-e-chashm-o-lab kisii ke bas me.n hai
savaal tak rasaa.ii jab muhaal hai
to himmat-e-javaab kis ke bas me.n hai
vo kis kii dastaras me.n hai
jo ma.arifat ke lab khule
to pattharo.n kii baarisho.n se suuliyaa.n lahuuluhaan ho ga.ii.n
agar kisii payambar-e-aziim kii nazar uThii
nigaah baazgasht-e-naa-muraad kii shikastagii ke vaar se
basiirato.n ke zo.am me.n basaarte.n bhii jal ga.ii.n
to Thiik hai
tumhe.n kushaad-e-chashm-o-lab kii lazzato.n kii kyaa KHabar
so tum hanuuz barzaKH-e-tazabzub-o-gumaan me.n pa.De raho
mufakkiro!
savaaliya nishaan kii qataar me.n kha.De raho

Syed Mubarak Shah
Nazm

shuur

mirii rago.n me.n chahakte hu.e lahuu ko suno
hazaaro.n laakho.n sitaaro.n ne saaz chhe.Daa hai
har ek buu.nd me.n aafaaq gungunaate hai.n
ye sharq o Garb shumaal o junuub past o buland
lahuu me.n Garq hai.n aur shash-jahaat kaa aaha.ng
zamii.n kii pe.ng tuluu-e-nujuum-o-shams-o-qamar
Guruub-e-shaam zavaal-e-shab o numuud-e-sahar
tamaam aalam-e-raanaa.ii bazm-e-barnaa.ii
ka.nval kii tarah khile hai.n lahuu kii jhiilo.n me.n

Ali Sardar Jafri
Nazm

shash-jihat

lamha-e-nau aziim hai
sozish-e-dil hai kyaa balaa jazb-o-junuu.n bhii kuchh nahii.n
saa.njh samaaj hech hai.n rishta-e-KHuu.n bhii kuchh nahii.n
hasrat va aarzuu kii nai bandish va bastagii kii lai
damdama-e-qadiim hai

Akhtar Usman
Nazm

taj-mahal

shah-jahaa.n kaa taaj hai duniyaa ke sab mahlo.n kaa shaah
pyaar kaa ye giit hai qalb-e-hazii.n kii bhii hai aah
ik shahanshah kii mohabbat ho ga.ii hai laa-zavaal
paikar-e-marmar me.n pinhaa.n hai numaayaa.n hai kamaal
chaudhvii.n kii chaa.ndnii me.n taaj kaa vo husn-o-rang
chaa.nd hai apne hariif-e-husn ke jalve se dang
zindagii me.n chaa.nd se ba.Dh kar hasii.n mumtaaz thii
shah-jahaa.n kii ham-nashii.n thii hamdam-o-hamraaz thii
husn us kaa aaj bhii hai goshe goshe se ayaa.n
taaj ke har ek pahluu me.n hai ulfat kaa nishaa.n
taaj husn-o-ishq kaa hai aisaa ik rangiin KHvaab
pesh karnaa Gair mumkin hai 'asad' jis kaa javaab

Ahmad Mujaddadi Asad
Nazm

aazadi

chau.nk kar uTh baiThtii kyo.n hai.n
ye aa.nkhe.n nii.nd se
Dhuu.nDhtii hai.n phir vahii mub.ham saa paikar
putliyo.n me.n band aa.nkho.n kii jo aa kar
baiTh jaataa hai bahut hii shauq se
KHvaab ye kaisaa hai dhu.ndlaayaa hu.aa
naqsh aarii jis ke apnii saaKHt se
aa.nkh ke parde pe ubhre
KHvaab me.n janmii hu.ii mahduud KHvaabo.n hii talak
kyaa hayuulaa hai usii kaa
jo mukammal ho nahii.n paa.ii kisii bhii sarzamii.n pe
har taraf pahra ka.Daa
sochne kii saarii quvvat
aur biinaa.ii hamaarii
in pe kunDalii maar kar
jhuuTii rivaayat kii chamak baiThii hu.ii
laplapaatii hai zabaa.n
bain jaarii yaa ki ik zaKHmii ha.nsii ho.nTo.n pe hai bikhrii hu.ii
shash-jihat hai jashn meraa
aur mai.n hii qaid me.n

Qamar Jahan Naseer
Nazm

prometheus

zamiin kaa KHuub-suurat suDaul jism
zaKHmo.n se chuur
dard se karaah rahaa hai
zamiinii KHudaa.o.n kii sang-dilii dekh kar aasmaano.n par maujuud devtaa bhii shashdar hai.n
ki unho.n ne raaz-e-hayaat chhupaayaa thaa
maut ke saudaagar nahii.n bane the
laasho.n ke Dher par apne KHvaabo.n ke shiish-mahal nahii.n taa'miir kiye the
zeus ne to sirf aag chhupaa.ii thii
lekin
mohazzab duniyaa ke zamiinii aaqaa
unho.n ne zamiin ko maut ke capsule me.n tabdiil kar diyaa
hamaarii jannat me.n
duudh aur shahd nahii.n
laasho.n kii nadiyaa.n bahtii hai.n
yahaa.n zindagii nahii.n maut ko davaam hai
yahaa.n yazdaa.n nahii.n ahraman kaa raaj hai
prometheus
kyaa isii din ke liye tum ne aag churaa.ii thii
aur raaz-e-hayaat faash karne kii sazaa kaaTii thii
prometheus
zamiin ke pheph.De oxygen kashiid karte karte thak chuke hai.n
us kii nabz Duubtii jaa rahii hai
kurra-e-arz phir zamhariir ban.ne kii taraf gaamzan hai
kahii.n se tho.Dii sii aag laa do
ek baar phir zeus ko maat de do

Qamar Jahan Naseer
Nazm

aah parwin shakir

vo shaa.ir-e-zaat-e-shash-jihat thii
zamiin aur aasmaa.n se guzrii
alaamato.n me.n vo jii rahii thii
vo isti.aaro.n me.n jaa.n se guzrii

Zafar Adeem
Nazm

be-nur kaenat mein ek kanch ka charagh

be-nuur kaa.enaat me.n ik kaa.nch kaa charaaG
kaafii hai shash-jihaat me.n ik kaa.nch kaa charaaG

Nasira Zuberi
Nazm

sair karaen

dillii me.n ik laal qila hai
aur qutub-miinaar kha.Daa hai
shaah-jahaa.n kii jaame’ masjid
vahii.n india gate banaa hai

Amaan Zakhirvi
Nazm

aadmi

tausiif-e-be-kanaar kaa haqdaar aadmii
duniyaa-e-shash-jihaat kaa sardaar aadmii
sach puuchhiye agar to hai dono.n jahaan me.n
taKHliiq-e-zul-jalaal kaa shahkaar aadmii

Jameel Azimabadi
Nazm

safar la safar

soch zaraa der ko
gosht ke malbuus me.n pi.njra hai.n ye pisliyaa.n
jis ke ajab sehr me.n
qaid tirii ruuh kaa taa.er-e-KHush-ra.ng hai
aa.nkh uThaa kar to dekh
baazuu kushaada kiye vo shajar-e-shash-jihat
kitne zamaano.n se hai sirf tiraa muntazir

Saeed Ahmad
Nazm

ye hum kaun hain

ye ham kaun hai.n
sajda-gaah-e-mohabbat me.n jin kii jabii.n
sa.ng-e-dar ho ga.ii
mo'atabar ho ga.ii
aur ho.nTo.n pe harf-e-du.aa tak nahii.n
iltijaa tak nahii.n
aasmaano.n kii khi.Dkii khulii hai magar
KHaaliq-e-shash-jihat
maalik-e-bahr-o-bar
dekh saktaa nahii.n
puuchh saktaa nahii.n
ye ham kaun hai.n

Shaheen Mufti
Nazm

chand dariya par kar ke aa raha hai

aa ga.ii hai rut-bahaar
sabz patte sabz titlii sabz manzar intizaar
itr-aagii.n hai.n havaa.e.n
pe.D kii gardan pe ha.nstaa hai tirii yaado.n kaa haar
ek saaya pe.D par cha.Dhtaa hu.aa
ik sitaara baadalo.n ke aar-paar
chaa.nd dariyaa paar kar ke aa rahaa hai
tum se milne be-qaraar
shash-jihat par KHushbu.o.n kii bhii.D sii
band rakhnaa tum na apne ghar ke dvaar

Jayant Parmar
Nazm

sadhae hue parinde

vahii puraanaa javaab meraa
vahii girah vaarid-e-chaman kii sadaa-e-parvaaz par lagaa dii hai
jis kaa halqa mirii zabaa.n par pa.Daa hu.aa hai
mujhe yaqii.n hai ki ye nayaa ham-safiir meraa
mirii tarah se zamii.n ke shiishe kii shash-jihat se na aage parvaaz kar sakegaa
vo ek miiThii sadaa kii naddii
jo raat din kii jalii zamiino.n se duur sarsabz ja.ngalo.n me.n ravaa.n hai naGme
ko.ii sadhaayaa hu.aa parinda na us ke sar-basta saahilo.n par utar sakegaa

Akhtar Husain Jafri
Nazm

taj

vus.at-e-kaun-o-makaa.n kaa aa.ina
jalva-zaar-e-kahkashaa.n kaa aa.ina
jis ko duniyaa kho ke rotii hii rahii
is mataa-e-raa.egaa.n kaa aa.ina
ek bazm-e-rafta kaa maatam-gusaar
ik nishaan-e-be-nishaa.n kaa aa.ina
dil-kushaa tasviir-e-sub.h-e-anjuman
daastaan-e-paastaa.n kaa aa.ina
azmat-e-mumtaaz kii ik jalva-gaah
shaukat-e-shaah-jahaa.n kaa aa.ina
yaadgaar-e-mahfil-e-taaraaj hai
taaj ab bhii hairato.n kaa taaj hai

Mohammad Sadiq Zia
Nazm

aur diya jalta hai KHwab mein

vahii kaa.enaat kii phailtii hu.ii zulmate.n
vahii suurajo.n kii hai bebasii
yahii ek manzar-e-ruuu-ba-ruu
mire shash jihaat kii dastaa.n
mujhe lamha lamha nigal rahaa hai
magar kahii.n
mirii KHvaab raat ke aasmaan pe ko.ii haala-e-nuur hai
jo azal se taa-ba-abad fazaa-e-fanaa me.n darj hai aisii satr davaam kii
jise masjido.n ke ujaa.D taaq taras ga.e
jise Dhuu.nDte ka.ii din mahiine baras ga.e

Saeed Ahmad
Nazm

hamein KHanon mein mat banTo

hame.n KHaano.n me.n mat baa.nTo
ki ham to raushnii Thahre
kisii dahliiz par jalte hu.e shab bhar
kisii kaa raasta takte
charaaGo.n se bhii aage hai jahaa.n apnaa
ujaalo.n kii kumak le kar
a.ndhere kii safo.n ko chiir jaate hai.n
ye jugnuu chaa.nd aur taare
hamaarii suurate.n jaise
hame.n KHaano.n me.n mat baa.nTo
havaa hai.n ham
bhalaa diivaar-o-dar me.n qaid kyaa ho.nge
sunahrii sub.h Dhaltii shaam kii raahat hamii.n se hai
hame.n miizaan par rakhne se pahle
tolne se qabl itnaa soch lenaa hai
hamaaraa bojh terii band muTThii me.n dabii rassii
uThaa.egii bhalaa kaise
ki ham to shash-jihat me.n
jis taraf nazre.n uThaa.o
dekh lo phailii hu.ii bikhrii hu.ii ham ko
ki ham to zindagii hai.n

Kahkashan Tabassum
Nazm

na-umidi kufr hai

tum jo maGrib kii jugaalii se kabhii thakte nahii.n
tum ko kyaa ma.aluum hai taKHliiq kaa jauhar kahaa.n
falsafii bante ho apne aap se puuchho kabhii
kho gayaa hai ruuh kaa gauhar kahaa.n
tum dil-o-jaa.n se mashriq kii parastaarii karo
kyaa barahman ke sivaa kuchh aur ho
kyaa kisii kii mashriq-o-maGrib me.n dildaarii hu.ii
bhuuk se behaal hai.n jo un kii Gam-KHvaarii hu.ii
adl kii miizaan jab TuuTii pa.Dii ho darmiyaa.n
zindagii saarii kii saarii hii riyaa-kaarii hu.ii
maGrib-o-mashriq kii saarii bahs me.n tum naa-umiidii ke sivaa kyaa de sake
naa-umiidii kufr hai
kufr se bachte bhii aur kufr hii karte ho tum
tum to maazii haal o mustaqbil ke bhii qaa.il nahii.n
dil kahe kuchh bhii magar tum is taraf maa.il nahii.n
vo jo mutlaq hai tumhaare vaaste saare zamaane de gayaa
tum bataa.o tum ne ab tak kyaa kiyaa
naa-umiidii kufr hai kufr hii karte ho tum
dil me.n gar raushan ho us din kii ummiid
justujuu tum ko jab apne aap se milvaa.egii
zindagii karne ko pyaare shash-jihat khul jaa.egii

Anjum Azmi
Nazm

baDa pur-haul rasta tha

ba.Daa pur-haul rasta thaa
badan ke jauhar-e-KHufta me.n ko.ii quvvat-e-laahuut mudGam thii
kisii Guul bayaabaanii kii gardish mere dast-o-paa kii mahram thii
dahaan-e-jaa.n se KHaarij hone vaalii bhaap me.n the saalimaat-e-dard raushan
guzargaaho.n ke sab naa-mo'tabar patthar
KHalaa me.n u.Dne vaalii past miTTii ke siyah zarre
pahaa.D aur aa.ine saa.e kure pe.Do.n ke patte
paaniyo.n kii gol lahre.n
raat kii laa-ilm chiize.n
shash-jihat ke sab anaasir zor se piichhe haTe the
aur mai.n aage hazaaro.n kos aage ba.Dh gayaa thaa
ik ajab raftaar merii aag me.n thii
kis qadar pur-haul rasta thaa
pa.Daav ke liye kitne jaziire darmiyaa.n aa.e
zamii.n mu.D mu.D ke aa.ii aur ik ik kar ke saato.n aasmaa.n aa.e
musalsal chal rahaa thaa mai.n
havaa me.n Dhal rahaa thaa mai.n
masaamo.n se shu.aa-e-be-nihaayat phuuTii pa.Dtii thii
abad kaa ik ja.Daav taaj mere sar pe rakhaa thaa
ba.Daa pur-haul rasta thaa
ko.ii barq-e-shabaahat aarzuu-bardaar merii aag me.n thii
ik ajab raftaar merii aag me.n thii

Rafiq Sandelvi
Nazm

sahaara

os kii buu.ndo.n me.n namkiinii nahii.n
phuul gar chaahe ki apnii raat ke anjaam ko
ek hii lamhe me.n yaksar jaan le
us ko laazim hai havaa ke sard jho.nke se kahe
jaa.o us ke aa.nsu.o.n ko chuum lo
aa.nsu.o.n ko chuum kar mahsuus ye hone lagaa
ek aa.nsuu ek buu.nd
ek pal me.n ek bahr-e-niilguu.n
ban ke chhaa jaataa hai tanhaa naav par
kyaa hu.aa gar os kii buu.ndo.n me.n namkiinii nahii.n
os kii buu.ndo.n me.n namkiinii agar hotii to kyaa
phuul is me.n tairte hii tairte
apnii manzil tak pahu.nch saktaa na thaa ik naav ban saktaa na thaa
phuul kyaa hai tuu ki mai.n
phuul mai.n huu.n tuu nahii.n
tuu to bahr-e-niilguu.n me.n ek tanhaa naav hai
bahtii jaatii hai zaraa ruktii nahii.n
tujh ko ye ma.aluum kab hai os kii buu.ndo.n me.n namkiinii nahii.n
tuu faqat baato.n ke bal par apnii raato.n kii rasiilii chhaa.nv me.n
ye samajhtii hai ki har lamha achaanak phail kar
shash-jihat par dil dha.Dakte hii me.n yuu.n chhaane lagaa
jaise ik Thahraav furqat kii a.ndherii raat me.n
dard ke ham-dosh lazzat ko bhii uksaataa rahe
le piyaala thaam le
is me.n baaqii hai abhii zahr-e-Gam
jis ko pii kar mai.n bhii apnii zindagii se bhaagtaa phirtaa rahaa
guftuguu se faa.eda kuchh bhii nahii.n lekin mujhe
har ishaaraa daam hai alfaaz kaa
jis me.n taa.ir pha.D-pha.Daate chiiKHte
chiiKHte hii chiiKHte KHaamosh ho jaate hu.e
jaan lete hai.n ki ab vo raat hii darmaa.n banegii dard ke ambaar kaa
jis ke bikhre daaman-e-sad-chaak me.n
phuul kii bhiigii hu.ii pattii pe buu.nde.n os kii
saath laatii hai.n gudaaz-e-ruuh kii halkii malaahat ko jise
chakh ke kahtii hai zabaa.n kyuu.n ab kaho
os kii buu.ndo.n me.n namkiinii nahii.n
dekh duur
ek tanhaa naav bahr-e-niilguu.n pe rafta rafta ba.Dhte ba.Dhte aa rahii hai paas dekh
duur kii chiize.n bhii yuu.n
baato.n baato.n me.n qariib aa jaa.e.ngii kyaa thii KHabar
dekh to
rishta-e-ahd-e-taKHayyul band thaa
khulne lagaa
rafta rafta ik na.ii suurat nazar aane lagii
ik na.ii suurat magar kuchh naqsh to maanuus hai.n
aur har lamhe se har aa.nsuu se qasr-e-niilguu.n istaada hai
duur us kii chhat me.n do faanuus hai.n

Meeraji
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now