Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "shuniida"

Nazm MATCHES FOR "shuniida"

Nazm

sham-e-ayaadat

(3)
na.e zamaane me.n agar udaas KHud ko paa.uu.ngaa
ye shaam yaad kar ke apne Gam ko bhuul jaa.uu.ngaa
ayaadat-e-habiib se vo aaj zindagii milii
KHushii bhii chau.nk chauk uThii Gam kii aa.nkh khul ga.ii
agarche doctor ne mujh ko maut se bachaa liyaa
par is ke baa'd us nigaah ne mujhe jilaa liyaa
nigaah-e-yaar tujh se apnii manzile.n mai.n paa.uu.ngaa
tujhe jo bhuul jaa.uu.ngaa to raah bhuul jaa.uu.ngaa
(4)
qariib-tar mai.n ho chalaa huu.n dukh kii kaa.enaat se
mai.n ajnabii nahii.n rahaa hayaat se mamaat se
vo dukh sahe ki mujh pe khul gayaa hai dard-e-kaa.enaat
hai apne aa.nsu.o.n se mujh pe aa.iina Gam-e-hayaat
ye be-qusuur jaan-daar dard jhelte hu.e
ye KHaak-o-KHuu.n ke putle apnii jaa.n pe khelte hu.e
vo ziist kii karaah jis se be-qaraar hai fazaa
vo zindagii kii aah jis se kaa.np uThtii hai fazaa
kafan hai aa.nsu.o.n kaa dukh kii maarii kaa.enaat par
hayaat kyaa inhe.n haqiiqato.n se honaa be-KHabar
jo aa.nkh jaagtii rahii hai aadmii kii maut par
vo abr-e-ra.ng-ra.ng ko bhii dekhtii hai saada-tar
sikhaa gayaa dukh miraa puraanii piir jaan.naa
nigaah-e-yaar thii jahaa.n bhii aaj merii rahnumaa
yahii nahii.n ki mujh ko aaj zindagii na.ii milii
haqiiqat-e-hayaat mujh pe sau tarah se khul ga.ii
gavaah hai ye shaam aur nigaah-e-yaar hai gavaah
KHayaal-e-maut ko mai.n apne dil me.n ab na duu.ngaa raah
jiyuu.ngaa haa.n jiyuu.ngaa ai nigaah-e-aashnaa-e-yaar
sadaa suhaag zindagii hai aur jahaa.n sadaa-bahaar
(5)
abhii to kitne naa-shuniida naGma-e-hayaat hai.n
abhii nihaa.n dilo.n se kitne raaz-e-kaa.enaat hai.n
abhii to zindagii ke naa-chashiida ras hai.n saik.Do.n
abhii to haath me.n ham ahl-e-Gam ke jas hai.n saik.Do.n
abhii vo le rahii hai.n merii shaa.erii me.n karvaTe.n
abhii chamakne vaalii hai chhupii hu.ii haqiiqate.n
abhii to bahr-o-bar pe so rahii hai.n merii vo sadaa.e.n
sameT luu.n unhe.n to phir vo kaa.enaat ko jagaa.e.n
abhii to ruuh ban ke zarre zarre me.n samaa.uu.ngaa
abhii to sub.h ban ke mai.n ufuq pe thartharaa.uu.ngaa
abhii to merii shaa.erii haqiiqate.n luuTaa.egii
abhii mirii sadaa-e-dard ik jahaa.n pe chhaa.egii
abhii to aadmii asiir-e-daam hai Gulaam hai
abhii to zindagii sad-inqalaab kaa payaam hai
abhii tamaam zaKHm o daaG hai tamaddun-e-jahaa.n
abhii ruKH-e-bashar pe hai.n bahmiyat kii jhaa.iyaa.n
abhii mashiyyato.n pe fat.h paa nahii.n sakaa bashar
abhii muqaddaro.n ko bas me.n laa nahii.n sakaa bashar
abhii to is dukhii jahaa.n me.n maut hii kaa daur hai
abhii to jis ko zindagii kahe.n vo chiiz aur hai
abhii to KHuun thoktii hai zindagii bahaar me.n
abhii to rone kii sadaa hai naGma-e-sitaar me.n
abhii to u.Dtii hai.n ruKH-e-bahaar par havaa.iyaa.n
abhii to diidanii hai.n har chaman kii be-fazaa.iyaa.n
abhii fazaa-e-dahr legii karvaTo.n pe karvaTe.n
abhii to sotii hai.n havaa.o.n kii vo sansanaahaTe.n
ki jis ko sunte hii hukuumato.n ke ra.ng-e-ruKH u.De.n
chapeTe.n jin kii sarkasho.n kii gardane.n maro.D de.n
abhii to siina-e-bashar me.n sote hai.n vo zalzale
ki jin ke jaagte hii maut kaa bhii dil dahal uThe
abhii to batn-e-Gaib me.n hai is savaal kaa javaab
KHudaa-e-KHair-o-shar bhii laa nahii.n sakaa thaa jis kii taab
abhii to god me.n hai.n devtaa.o.n kii vo maah-o-saal
jo de.nge ba.Dh ke barq-e-tuur se hayaat ko jalaal
abhii rag-e-jahaa.n me.n zindagii machalne vaalii hai
abhii hayaat kii na.ii sharaab Dhalne vaalii hai
abhii chhurii sitam kii Duub kar uchhalne vaalii hai
abhii to hasrat ik jahaan kii nikalne vaalii hai
abhii ghan-garaj sunaa.ii degii inqalaab kii
abhii to gosh-bar-sadaa hai bazm aaftaab kii
abhii to puu.njii-vaad ko jahaan se miTaanaa hai
abhii to saamraajo.n ko sazaa-e-maut paanaa hai
abhii to daa.nt piistii hai maut shahryaaro.n kii
abhii to KHuu.n utar rahaa hai aa.ankho.n me.n sitaaro.n kii
abhii to ishtiraakiyat ke jhanDe ga.Dne vaale hai.n
abhii to ja.D se kisht-o-KHuu.n ke nazm ukha.Dne vaale hai.n
abhii kisaan-o-kaamgaar raaj hone vaalaa hai
abhii bahut jahaa.n me.n kaam-kaaj hone vaalaa hai
magar abhii to zindagii musiibato.n kaa naam hai
abhii to nii.nd maut kii mire liye haraam hai
ye sab payaam ik nigaah me.n vo aa.nkh de ga.ii
ba-yak-nazar kahaa.n kahaa.n mujhe vo aa.nkh le ga.ii

Firaq Gorakhpuri
Nazm

parda aur ismat

sabaa aur gulistaa.n se daaman kashiida
navaa-e-fusuu.n-KHez aur naa-shuniida

Asrarul Haq Majaz
Nazm

dil mere sahra-naward-e-pir dil

naGma-dar-jaa.n raqs barpaa KHanda-bar-lab
dil tamannaa.o.n ke be-paayaa.n alaav ke qariib
dil mire sahraa-navard-e-piir dil
reg ke dil-shaad shahrii reg tuu
aur reg hii terii talab
reg kii nik.hat tire paikar me.n terii jaa.n me.n hai
reg sub.h-e-iid ke maanind zartaab-o-jaliil
reg sadiyo.n kaa jamaal
jashn-e-aadam par bichha.D kar milne vaalo.n kaa visaal
shauq ke lamhaat ke maanind aazaad-o-aziim
reg naGma-zan
ki zarre reg-zaaro.n kii vo paazeb-e-qadiim
jis pe pa.D saktaa nahii.n dast-e-la.iim
reg-e-sahraa zar-garii kii ek kii lahro.n se duur
chashma-e-makr-o-riyaa shahro.n se duur
reg shab-bedaar hai suntii hai har jaabir kii chaap
reg shab-bedaar hai nigaraa.n hai maanind-e-naqiib
dekhtii hai saaya-e-aamir kii chaap
reg har ayyaar Gaarat-gar kii maut
reg istibdaad ke tuGyaa.n ke shor-o-shar kii maut
reg jab uThtii hai u.D jaatii hai har faateh kii nii.nd
reg ke nezo.n se zaKHmii sab shahanshaaho.n ke KHvaab
reg ai sahraa kii reg
mujh ko apne jaagte zarro.n ke KHvaabo.n kii
na.ii ta.abiir de
reg ke zarro.n ubhartii sub.h tum
aa.o sahraa kii hado.n tak aa gayaa roz-e-tarab
dil mire sahraa-navard-e-piir dil
aa chuum reg
hai KHayaalo.n ke parii-zaado.n se bhii ma.asuum reg
reg-e-raqsaa.n maah-o-saal nuur tak raqsaa.n rahe
us kaa abresham mulaa.em narm-KHuu KHandaa.n rahe
dil mire sahraa-navard-e-piir dil
ye tamannaa.o.n kaa be-paayaa.n alaav
raah gum kar duu.n kii mash.al is ke lab par aa.o aa.o
tere maazii ke KHazaf rezo.n se jaagii hai ye aag
aag kii qurmuz zabaa.n par imbisaat-e-nau ke raag
dil mire sahraa-navard-e-piir dil
sargiraanii kii shab-e-rafta se jaag
kuchh sharar aaGosh sarsar me.n hai.n gum
aur kuchh ziina ba ziina sho.alo.n ke miinaar par cha.Dhte hu.e
aur kuchh tah me.n alaav kii abhii
muztarib lekin muzabzab tifl-e-kam-sin kii tarah
aag ziina aag ra.ngo.n kaa KHaziina
aag un lazzaat kaa sar-chashma hai
jis se letaa hai Gizaa ushshaaq ke dil kaa tapaak
chob-e-KHushk anguur us kii mai hai aag
sarsaraatii hai rago.n me.n iid ke din kii tarah
aag kaahin yaad se utrii hu.ii sadiyo.n kii ye afsaana-KHvaa.n
aane vaale qarnahaa kii daastaane.n lab pe hai.n
dil miraa sahraa-navard-e-piir dil sun kar javaa.n
aag aazaadii kaa dil-shaadii kaa naam
aag paidaa.ish kaa afzaa.ish kaa naam
aag ke phuulo.n me.n nasrii.n yaasman sumbul shafiiq-o-nastaran
aag aaraa.ish kaa zebaa.ish kaa naam
aag vo taqdiis dhul jaate hai.n jis se sab gunaah
aag insaano.n kii pahlii saa.ns ke maanind ik aisaa karam
umr kaa ik tuul bhii jis kaa nahii.n kaafii javaab
ye tamannaa.o.n kaa be-paayaa.n alaav gar na ho
is laq-o-daq me.n nikal aa.e.n kahii.n se bhe.Diye
is alaav ko sadaa raushan rakho
reg-e-sahraa ko bashaarat ho ki zinda hai alaav
bhe.Diyo.n kii chaap tak aatii nahii.n
aag se sahraa kaa rishta hai qadiim
aag se sahraa ke Te.Dhe re.ngne vaale
girah-aaluud zholiida daraKHt
jaagte hai.n naGma-dar-jaa.n raqs barpaa KHanda-bar-lab
aur manaa lete hai.n tanhaa.ii me.n jashn-e-maahtaab
un kii shaaKHe.n Gair-mara.ii tabl kii aavaaz par detii hai.n taal
biikH-o-bun se aane lagtii hai KHudaavandii jalaajil kii sadaa
aag se sahraa kaa rishta hai qadiim
rahravo.n sahraa-navardo.n ke liye hai rahnumaa
kaarvaano.n kaa sahaaraa bhii hai aag
aur sahraa.o.n kii tanhaa.ii ko kam kartii hai aag
aag ke chaaro.n taraf pashmiina-o-dastaar me.n lipTe hu.e
afsaana-go
jaise gird-e-chashm mizhgaa.n kaa hujuum
un ke hairat-naak dilkash tajrabo.n se
jab damak uThtii hai ret
zarra zarra bajne lagtaa hai misaal-e-saaz-e-jaa.n
gosh-bar-aavaaz rahte hai.n daraKHt
aur ha.ns dete hai.n apnii aarifaana be-niyaazii se kabhii
ye tamannaa.o.n kaa be-paayaa.n alaav gar na ho
reg apnii KHalvat-e-be-nuur-o-KHud-bii.n me.n rahe
apnii yaktaa.ii kii tahsii.n me.n rahe
is alaav ko sadaa raushan rakho
ye tamannaa.o.n kaa be-paayaa.n alaav gar na ho
asia africa pahnaa.ii kaa naam
be-kaar pahnaa.ii kaa naam
europe aur america daaraa.ii kaa naam
takraar-e-daaraa.ii kaa naam
meraa dil sahraa-navard-e-piir dil
jaag uThaa hai mashriq-o-maGrib kii aisii yak-dilii
ke kaarvaano.n kaa nayaa ruuyaa liye
yak-dilii aisii ki hogii fahm-e-insaa.n se varaa
yak-dilii aisii ki ham sab kah uThe.n
is qadar ujlat na kar
izhdihaam-e-gul na ban
kah uThe.n ham
tuu Gam-e-kul to na thii
ab lazzat-e-kul bhii na ban
roz-e-aasaa.ish kii bedardii na ban
yak-dilii ban aisaa sannaaTaa na ban
jis me.n taabistaa.n kii dopahro.n kii
be-haasil kasaalat ke sivaa kuchh bhii na ho
is jafaa-gar yak-dilii ke kaarvaa.n yuu.n aa.e.nge
dast-e-jaaduu-gar se jaise phuuT nikle ho.n tilism
ishq-e-haasil-KHez se yaa zor-e-paidaa.ii se jaise naa-gahaa.n
khul ga.e ho.n mashriq-o-maGrib ke jism
jism sadiyo.n ke aqiim
kaarvaa.n farKHanda-pai aur un kaa baar
kiisa kiisa taKHt-e-jam aur taaj-e-kai
kuuza kuuza fard kii satvat kii mai
jaama jaama roz-o-shab mehnat kaa KHai
naGma naGma hurriyat kii garm lai
saaliko firoz-baKHto aane vaale qaaflo
shahr se lauToge tum to paa.oge
ret ke sarhad pe jo ruuh-e-abad KHvaabiida thii
jaag uThii hai shikva-haa-e-nai se vo
ret kii tah me.n jo sharmiilii sahar ro.iida thii
jaag uThii hai hurriyat kii lai se vo
itnii doshiiza thii itnii mard-e-naa-diida thii sub.h
puuchh sakte the na us kii umr ham
dard se ha.nstii na thii
zarro.n kii ra.anaa.ii pe bhii ha.nstii na thii
ek mahjuubaana be-KHabarii me.n ha.ns detii thii sub.h
ab manaatii hai vo sahraa kaa jalaal
jaise izz-o-jal ke paa.nv kii yahii mehraab ho
zer-e-mehraab aa ga.ii ho us ko bedaarii kii raat
KHud janaab-e-izz-o-jal se jaise umiid-e-zafaaf
saare naa-karda gunaah is ke mu.aaf
sub.h-e-sahraa shaad-baad
ai uruus-e-izz-o-jal farKHanda ro taabinda kho
tuu ik aise hujra-e-shab se nikal kar aa.ii hai
dast-e-qaatil ne bahaayaa thaa jahaa.n har sej par
sai.nka.Do.n taaro.n kaa raKHshanda lahuu phuulo.n ke paas
sub.h-e-sahraa sar mire zaanuu pe rakh kar daastaa.n
un tamannaa ke shahiido.n kii na kah
un kii niima-ras uma.ngo.n aarzuu.o.n kii na kah
jin se milne kaa ko.ii imkaa.n nahii.n
shahd teraa jin ko nashsh-e-jaa.n nahii.n
aaj bhii kuchh duur is sahraa ke paar
dev kii diivaar ke niiche nasiim
roz-o-shab chaltii hai mub.ham KHauf se sahmii hu.ii
jis tarah shahro.n kii raaho.n par yatiim
naGma-bar-lab taaki un kii jaa.n kaa sannaaTaa ho duur
aaj bhii is reg ke zarro.n me.n hai.n
aise zarre aap hii apne Ganiim
aaj bhii is aag ke sho.alo.n me.n hai.n
vo sharar jo us kii tah me.n par-buriida rah ga.e
misl-e-harf naa-shuniida rah ga.e
sub.h-e-sahraa ai uruus-e-izz-o-jal
aa ki un kii daastaa.n dohraa.e.n ham
un kii izzat un kii azmat gaa.e.n ham
sub.h ret aur aag ham sab kaa jalaal
yak-dilii ke kaarvaa.n un kaa jamaal
aa.o
is tahliil ke halqe me.n ham mil jaa.e.n
aa.o
shaad-baaG apnii tamannaa.o.n kaa be-paayaa.n alaav

Noon Meem Rashid
Nazm

mujhe talash karo

shajar se TuuT ke jab mai.n giraa kahaa.n pe giraa
mujhe talaash karo
jin aa.ndhiyo.n ne mirii sar-zamii.n udhe.Dii thii
vo aaj maulid-e-iisaa me.n gard u.Daatii hai.n
jo ho sake to unhii se miraa pata puuchho
mujhe talaash karo
chalii jo mashriq-o-maGrib se tund-o-tez havaa
mire shajar ne mujhe pyaar se sameT liyaa
mujhe lapeT liyaa apnii kitnii baaho.n me.n
ye be-lihaaz anaasir magar ba-zid hii rahe
mai.n barg-e-sabz giraa barg-e-zard kii maanind
usii sulagtii hu.ii raakh sii pataavar me.n
jo bichh rahii hai ufuq se ufuq ke paar talak
mujhe talaash karo
shajar se kaT ke zabaa.n kaT ga.ii na ho merii
mai.n chiiKHtaa huu.n magar harf-e-naa-shuniida huu.n
hayaat-e-taaza hai merii shajar se meraa milaap
ki bas vahii mirii baaliidgii kaa mamba.a hai
jo regzaar me.n chhitnaar dekhne hai.n tumhe.n
mujhe talaash karo
falak ke raaz to khulte rahe.nge ham-nafaso
mire vajuud kaa bhii ab to raaz faash karo
mujhe talaash karo

Ahmad Nadeem Qasmi
Nazm

ham-zad

vo kahaa.n gum ho gayaa
ko.ii naqsh-e-paa nahii.n jis kii zabaa.n
ek harf-e-naa-shuniida hii kahe
aur mai.n din-raat ke sahraa me.n
us ko Dhuu.nDh kar paane kii ko.ii aarzuu le chaluu.n
raasto.n par ko.ii naqsh-e-paa nahii.n

Ahmed Shamim
Nazm

ek KHwahish

aa tujhe apne labo.n se chuum kar
tere chehre ko banaa duu.n ek achchhii sii bayaaz
taaki is par har gha.Dii bante rahe.n miTte rahe.n
tere andar ghuumte phirte hu.e
naa-shuniida aur naa-gufta huruuf

Ameeq Hanafi
Nazm

isbaat

vo ek lamha ki
lam-yazal ne azal kii KHush-baKHt saa.ato.n kaa KHamiir le kar
hamaare KHuu.n kii rutuubato.n me.n bhigo ke
ik munhanii se paikar me.n Dhaal kar
dhiire dhiire
aazmaa.ish ke marhalo.n se guzaar kar
jis ko dam kiyaa thaa
vo ek lamha ki tarah jis ki
samundaro.n kii rivaayato.n se
havaa.o.n kii sansanaahaTo.n kii hikaayato.n se
KHaliiq miTTii kii so.ndhii so.ndhii amaanato.n se
jhulaste suuraj kii barguziida tamaazato.n se
amal me.n aa.ii vo ek lamha ki
sab avaamil asiir kar ke
zamaa.n kii yak-ra.ng sarhado.n ko phalaa.ng kar jab
makaa.n kii pechiida vus.ato.n par raqam hu.aa thaa
amii.n hai sachchii ibaadato.n kaa
hamaare maathe pe jo likhe hai.n
haliif hai saarii azmato.n kaa sadaaqato.n kaa
hamaare KHuu.n me.n jo rach ga.ii hai.n
hariif hai sab kuduurato.n kaa, adaavato.n kaa, sa.uubato.n kaa
hamaarii banjar zamii.n ke siine se jo ugii hai.n
aziim markaz hai naa-shuniida inaayato.n kaa, mohabbato.n kaa, rifaaqato.n kaa, muravvato.n kaa
hamaarii ruuho.n me.n jo basii hai.n
ham apne KHaaliq kii kaun sii nemato.n se inkaar kar sake.nge
ki sajda-gaah-e-yaqii.n se
phuuTii hu.ii kiran me.n asiir hai.n ham
bulandiyo.n ke safiir hai.n ham
guzishta sadiyo.n ke mojazo.n kii naziir hai.n ham
aziim daanish ko ham ne
harf o navaa kii ra.ngii.n ridaa ataa kii
zaruurato.n kii qabaa ataa kii
vo ek lamha ki
aarzuu me.n azal se jis kii
haqiiqato.n kii
jhulastii dahliiz pe
ham ne tum ne
mubaasharat ke tamaam aasan hii aazmaa.e
agar hamaare dilo.n me.n diivaar-e-jaa.n uThaa.e
magar ye mumkin hii kis tarah hai ki
ham mohabbat ke biij bo kar adaavato.n ke shajar ugaa.e.n
jo ek lamha ham
apne KHaaliq ke naam mansuub kar chuke hai.n
vo ek lamha agar na aa.e
magar ye imkaa.n kii sarhado.n se gurez hogaa
gurez jo aasmaa.n se utre
kisii sahiife kii vaa-jbii.n par
raqam nahii.n hai
ham apne KHaaliq kii kaun sii nemato.n se inkaar kar sake.nge

Muzaffar Eraj
Nazm

karachi

dhu.e.n aur dhuul me.n kaalaa gulaab
yahaa.n par saatvaa.n dar ism se mahruum
bose kii vilaadat ke liye suukhe hu.e ho.nTo.n kii shikne.n
barf kii qaashe.n
zamii.n kaa baa.njh-pan apnaa hisaar
shuniida naa-shuniida raasto.n kii garm raate.n
jism ke baalo.n kaa uunii coat

Abdur Rasheed
Nazm

ufuq-dar-ufuq

ufuq ke us taraf aur is taraf bikhraa hu.aa imkaa.n
jise ham raah kahte the vo ik sapnaa thaa saudaa thaa
navaa-e-naa-shuniida ke savero.n tak pahu.nchne kaa
abad-aashaam tanhaa.ii kii vaadii paar karne kaa
alaavo.n ke qarii.n aane kaa ik pyaaraa bahaana thaa
vo raqs-e-nik.hat-e-gul thaa ki gardish me.n zamaana thaa

Shafiq Fatima Shera
Nazm

wapsi

kabhii taGayyur jo mausamo.n kaa
niraale giito.n ke saath aayaa
to zindagii kii aziiz-tar saa.ato.n ke maalik
bha.Dak uThe the
palak palak par ka.ii kahe an-kahe fasaane
machal ga.e the
to qand-e-guftaar me.n bhii talKHii rachii hu.ii thii
fazaa kii aaluudgii kaa shikva thaa un ke lab par
shuniida baato.n kaa KHauf un ke dilo.n me.n aisaa basaa hu.aa thaa
ki vo kisii baat par yaqii.n bhii na karne paate
gire the un kii samaa.ato.n aur basaarato.n par dabiiz parde
kabhii jo mausam ne ruKH jo badlaa
to un ke hosh-o-havaas jaage
unho.n ne qudrat ke rang dekhe
to zindagii kaa yaqiin aayaa
bahaar kii samt lauT aa.e

Taj Saeed
Nazm

ufuq-dar-ufuq

ufuq ke us taraf aur is taraf bikhraa hu.aa imkaa.n
jise hamraah kahte the vo ik sapnaa thaa saudaa thaa
navaa-e-naa-shuniida ke savero.n tak pahu.nchne kaa
abad-aashaam tanhaa.ii kii vaadii paar karne kaa
alaavo.n ke qarii.n aane kaa ik pyaaraa bahaana thaa
vo raqs-e-nik.hat-e-gul thaa ki gardish me.n zamaana thaa

Shafiq Fatima Shera
Nazm

chaak

1
vo azal se apne aziim chaak pe
mumkinaat ke inkishaaf me.n mahv hai
falak-o-zamii.n mah-o-aaftaab-o-nujuum kohna karishme us ke kamaal ke
abhii is kii jiddat-e-be-panaah ko tarah-e-nau kii talaash hai
abhii arsh-o-farsh ke naa-shuniida shamaa.il us kii nazar me.n hai.n
abhii maavara-e-KHayaal-o-fikr-e-masaa.il us kii nazar me.n hai.n

Zia Jalandhari
Nazm

nazm-e-KHayal

naa-shuniida saa.ato.n kaa muntazir huu.n
anginat guzre hu.e lamho.n kii chiiKHe.n
naKHl-e-jaa.n kii sabz shaaKHo.n me.n saraayat kar chukii hai.n
mere andar ek hangaama bapaa hai
ek aisii be-KHudii taarii hai mujh par
mai.n ugaltaa jaa rahaa huu.n
be-panah zaKHmii sadaa.o.n kii haraarat
sochtaa huu.n
apnii ye pur-shor hastii
ik Ginaa.ii chaap ko sun.ne kii KHaatir
be-panah zaKHmii sadaa.o.n kii haraarat sah rahii hai
yaa mire maujuud kii hassaas jihato.n me.n musalsal
vaqt kaa sii-murG apne baadbaa.n kii
saarii girhe.n kholtaa hii jaa rahaa hai
KHvaab-zaar-e-vaqt me.n kitne hii be-saamaa.n sisyphus
naa-shuniida saa.ato.n kii sar-bulandii chaahte hai.n
jin kii aa.nkho.n me.n abhii
nii.ndo.n kii baarish ho rahii hai
aur ik koh-e-tasavvur kii bulandii
zaat ke gahraav kii jaanib lu.Dhaktii jaa rahii hai
mere shaano.n ke kaTore jal uThe hai.n
mai.n ugaltaa jaa rahaa huu.n
be-panah zaKHmii sadaa.o.n kii haraarat

Khawar Naqeeb
Nazm

aaj bazar mein pa-ba-jaulan chalo

chashm-e-nam jaan-e-shoriida kaafii nahii.n
tohmat-e-ishq-e-poshiida kaafii nahii.n
aaj baazaar me.n paa-ba-jaulaa.n chalo
dast-afshaa.n chalo mast o raqsaa.n chalo
KHaak-bar-sar chalo KHuu.n-ba-daamaa.n chalo
raah taktaa hai sab shahr-e-jaanaa.n chalo
haakim-e-shahr bhii majma-e-aam bhii
tiir-e-ilzaam bhii sang-e-dushnaam bhii
sub.h-e-naashaad bhii roz-e-naakaam bhii
un kaa dam-saaz apne sivaa kaun hai
shahr-e-jaanaa.n me.n ab baa-safaa kaun hai
dast-e-qaatil ke shaayaa.n rahaa kaun hai

Faiz Ahmad Faiz
Nazm

intisab

un asiiro.n ke naam
jin ke siino.n me.n fardaa ke shab-taab gauhar
jel-KHaano.n kii shoriida raato.n kii sarsar me.n
jal jal ke anjum-numaa hoga.e hai.n
aane vaale dino.n ke safiiro.n ke naam
vo jo KHushbuu-e-gul kii tarah
apne paiGaam par KHud fidaa hoga.e hai.n

Faiz Ahmad Faiz
Nazm

taswir-e-dard

nahii.n minnat-kash-e-taab-e-shuniidan daastaa.n merii
KHamoshii guftuguu hai be-zabaanii hai zabaa.n merii
ye dastuur-e-zabaa.n-bandii hai kaisaa terii mahfil me.n
yahaa.n to baat karne ko tarastii hai zabaa.n merii
uThaa.e kuchh varaq laale ne kuchh nargis ne kuchh gul ne
chaman me.n har taraf bikhrii hu.ii hai daastaa.n merii
u.Daa lii qumriyo.n ne tuutiyo.n ne andaliibo.n ne
chaman vaalo.n ne mil kar luuT lii tarz-e-fuGaa.n merii
Tapak ai sham.a aa.nsuu ban ke parvaane kii aa.nkho.n se
saraapaa dard huu.n hasrat bharii hai daastaa.n merii
ilaahii phir maza kyaa hai yahaa.n duniyaa me.n rahne kaa
hayaat-e-jaavedaa.n merii na marg-e-naa-gahaa.n merii
miraa ronaa nahii.n ronaa hai ye saare gulistaa.n kaa
vo gul huu.n mai.n KHizaa.n har gul kii hai goyaa KHizaa.n merii
darii.n hasrat saraa umriist afsuun-e-jaras daaram
z faiz-e-dil tapiidan-haa KHarosh-e-be-nafas daaram
riyaaz-e-dahr me.n naa-aashnaa-e-bazm-e-ishrat huu.n
KHushii rotii hai jis ko mai.n vo mahruum-e-masarrat huu.n
mirii big.Dii hu.ii taqdiir ko rotii hai goyaa.ii
mai.n harf-e-zer-e-lab sharminda-e-gosh-e-samaa.at huu.n
pareshaa.n huu.n mai.n musht-e-KHaak lekin kuchh nahii.n khultaa
sikandar huu.n ki aa.iina huu.n yaa gard-e-kuduurat huu.n
ye sab kuchh hai magar hastii mirii maqsad hai qudrat kaa
saraapaa nuur ho jis kii haqiiqat mai.n vo zulmat huu.n
KHaziina huu.n chhupaayaa mujh ko musht-e-KHaak-e-sahraa ne
kisii ko kyaa KHabar hai mai.n kahaa.n huu.n kis kii daulat huu.n
nazar merii nahii.n mamnuun-e-sair-e-arsa-e-hastii
mai.n vo chhoTii sii duniyaa huu.n ki aap apnii vilaayat huu.n
na sahbaa huu.n na saaqii huu.n na mastii huu.n na paimaana
mai.n is mai-KHaana-e-hastii me.n har shai kii haqiiqat huu.n
mujhe raaz-e-do-aalam dil kaa aa.iina dikhaataa hai
vahii kahtaa huu.n jo kuchh saamne aa.nkho.n ke aataa hai
ataa aisaa bayaa.n mujh ko hu.aa ra.ngii.n-bayaano.n me.n
ki baam-e-arsh ke taa.ir hai.n mere ham-zabaano.n me.n
asar ye bhii hai ik mere junuun-e-fitna-saamaa.n kaa
miraa aa.iina-e-dil hai qazaa ke raaz-daano.n me.n
rulaataa hai tiraa nazzaara ai hindostaa.n mujh ko
ki ibrat-KHez hai teraa fasaana sab fasaano.n me.n
diyaa ronaa mujhe aisaa ki sab kuchh de diyaa goyaa
likhaa kalk-e-azal ne mujh ko tere nauha-KHvaano.n me.n
nishaan-e-barg-e-gul tak bhii na chho.D us baaG me.n gulchii.n
tirii qismat se razm-aaraa.iyaa.n hai.n baaGbaano.n me.n
chhupaa kar aastii.n me.n bijliyaa.n rakkhii hai.n garduu.n ne
anaadil baaG ke Gaafil na baiThe.n aashiyaano.n me.n
sun ai Gaafil sadaa merii ye aisii chiiz hai jis ko
vaziifa jaan kar pa.Dhte hai.n taa.ir bostaano.n me.n
vatan kii fikr kar naadaa.n musiibat aane vaalii hai
tirii barbaadiyo.n ke mashvare hai.n aasmaano.n me.n
zaraa dekh us ko jo kuchh ho rahaa hai hone vaalaa hai
dharaa kyaa hai bhalaa ahd-e-kuhan kii daastaano.n me.n
ye KHaamoshii kahaa.n tak lazzat-e-fariyaad paidaa kar
zamii.n par tuu ho aur terii sadaa ho aasmaano.n me.n
na samjhoge to miT jaa.oge ai hindostaa.n vaalo
tumhaarii daastaa.n tak bhii na hogii daastaano.n me.n
yahii aa.iin-e-qudrat hai yahii usluub-e-fitrat hai
jo hai raah-e-amal me.n gaam-zan mahbuub-e-fitrat hai
huvaidaa aaj apne zaKHm-e-pinhaa.n kar ke chho.Duu.ngaa
lahuu ro ro ke mahfil ko gulistaa.n kar ke chho.Duu.ngaa
jalaanaa hai mujhe har sham-e-dil ko soz-e-pinhaa.n se
tirii taariik raato.n me.n charaaGaa.n kar ke chho.Duu.ngaa
magar Guncho.n kii suurat huu.n dil-e-dard-aashnaa paidaa
chaman me.n musht-e-KHaak apnii pareshaa.n kar ke chho.Duu.ngaa
pironaa ek hii tasbiih me.n in bikhre daano.n ko
jo mushkil hai to is mushkil ko aasaa.n kar ke chho.Duu.ngaa
mujhe ai ham-nashii.n rahne de shaGl-e-siina-kaavii me.n
ki mai.n daaG-e-mohabbat ko numaayaa.n kar ke chho.Duu.ngaa
dikhaa duu.ngaa jahaa.n ko jo mirii aa.nkho.n ne dekhaa hai
tujhe bhii suurat-e-aa.iina hairaa.n kar ke chho.Duu.ngaa
jo hai pardo.n me.n pinhaa.n chashm-e-biinaa dekh letii hai
zamaane kii tabii.at kaa taqaazaa dekh letii hai
kiyaa rif.at kii lazzat se na dil ko aashnaa tuu ne
gizaarii umr pastii me.n misaal-e-naqsh-e-paa tuu ne
rahaa dil-basta-e-mahfil magar apnii nigaaho.n ko
kiyaa bairuun-e-mahfil se na hairat-aashnaa tuu ne
fidaa kartaa rahaa dil ko hasiino.n kii adaa.o.n par
magar dekhii na us aa.iine me.n apnii adaa tuu ne
ta.assub chho.D naadaa.n dahr ke aa.iina-KHaane me.n
ye tasviire.n hai.n terii jin ko samjhaa hai buraa tuu ne
saraapaa naala-e-bedaad-e-soz-e-zindagii ho jaa
sapand-aasaa girah me.n baa.ndh rakkhii hai sadaa tuu ne
safaa-e-dil ko kyaa aaraa.ish-e-ra.ng-e-ta.alluq se
kaf-e-aa.iina par baa.ndhii hai o naadaa.n hinaa tuu ne
zamii.n kyaa aasmaa.n bhii terii kaj-biinii pe rotaa hai
Gazab hai satr-e-qur.aa.n ko chaliipaa kar diyaa tuu ne
zabaa.n se gar kiyaa tauhiid kaa daavaa to kyaa haasil
banaayaa hai but-e-pindaar ko apnaa KHudaa tuu ne
ku.e.n me.n tuu ne yuusuf ko jo dekhaa bhii to kyaa dekhaa
are Gaafil jo mutlaq thaa muqayyad kar diyaa tuu ne
havas baalaa-e-mimbar hai tujhe ra.ngii.n-bayaanii kii
nasiihat bhii tirii suurat hai ik afsaana-KHvaanii kii
dikhaa vo husn-e-aalam-soz apnii chashm-e-pur-nam ko
jo ta.Dpaataa hai parvaane ko rulvaataa hai shabnam ko
zaraa nazzaara hii ai bul-havas maqsad nahii.n us kaa
banaayaa hai kisii ne kuchh samajh kar chashm-e-aadam ko
agar dekhaa bhii us ne saare aalam ko to kyaa dekhaa
nazar aa.ii na kuchh apnii haqiiqat jaam se jam ko
shajar hai firqa-aaraa.ii ta.assub hai samar us kaa
ye vo phal hai ki jannat se nikalvaataa hai aadam ko
na uTThaa jazba-e-KHurshiid se ik barg-e-gul tak bhii
ye rif.at kii tamannaa hai ki le u.Dtii hai shabnam ko
phiraa karte nahii.n majruuh-e-ulfat fikr-e-darmaa.n me.n
ye zaKHmii aap kar lete hai.n paidaa apne marham ko
mohabbat ke sharar se dil saraapaa nuur hotaa hai
zaraa se biij se paidaa riyaaz-e-tuur hotaa hai
davaa har dukh kii hai majruuh-e-teG-e-aarzuu rahnaa
ilaaj-e-zaKHm hai aazaad-e-ehsaan-e-rafuu rahnaa
sharaab-e-be-KHudii se taa-falak parvaaz hai merii
shikast-e-ra.ng se siikhaa hai mai.n ne ban ke buu rahnaa
thame kyaa diida-e-giryaa.n vatan kii nauha-KHvaanii me.n
ibaadat chashm-e-shaa.ir kii hai har dam baa-vazuu rahnaa
banaa.e.n kyaa samajh kar shaaKH-e-gul par aashiyaa.n apnaa
chaman me.n aah kyaa rahnaa jo ho be-aabruu rahnaa
jo tuu samjhe to aazaadii hai poshiida mohabbat me.n
Gulaamii hai asiir-e-imtiyaaz-e-maa-o-tuu rahnaa
ye istiGnaa hai paanii me.n niguu.n rakhtaa hai saaGar ko
tujhe bhii chaahiye misl-e-habaab-e-aabjuu rahnaa
na rah apno.n se be-parvaa isii me.n KHair hai terii
agar manzuur hai duniyaa me.n o begaana-KHuu rahnaa
sharaab-e-ruuh-parvar hai mohabbat nau-e-insaa.n kii
sikhaayaa is ne mujh ko mast be-jaam-o-subuu rahnaa
mohabbat hii se paa.ii hai shifaa biimaar qaumo.n ne
kiyaa hai apne baKHt-e-KHufta ko bedaar qaumo.n ne
bayaabaan-e-mohabbat dasht-e-Gurbat bhii vatan bhii hai
ye viiraana qafas bhii aashiyaana bhii chaman bhii hai
mohabbat hii vo manzil hai ki manzil bhii hai sahraa bhii
jaras bhii kaarvaa.n bhii raahbar bhii raahzan bhii hai
maraz kahte hai.n sab is ko ye hai lekin maraz aisaa
chhupaa jis me.n ilaaj-e-gardish-e-charKH-e-kuhan bhii hai
jalaanaa dil kaa hai goyaa saraapaa nuur ho jaanaa
ye parvaana jo sozaa.n ho to sham-e-anjuman bhii hai
vahii ik husn hai lekin nazar aataa hai har shai me.n
ye shiirii.n bhii hai goyaa be-sutuu.n bhii kohkan bhii hai
ujaa.Daa hai tamiiz-e-millat-o-aa.ii.n ne qaumo.n ko
mire ahl-e-vatan ke dil me.n kuchh fikr-e-vatan bhii hai
sukuut-aamoz tuul-e-daastaan-e-dard hai varna
zabaa.n bhii hai hamaare mu.nh me.n aur taab-e-suKHan bhii hai
namii-gardiid ko tah rishta-e-ma.anii rihaa kardam
hikaayat buud be-paayaa.n ba-KHaamoshii adaa kardam

Allama Iqbal
Nazm

taaqub

mujh se pahle ke din
ab bahut yaad aane lage hai.n tumhe.n
KHvaab-o-ta.abiir ke gum-shuda silsile
baar baar ab sataane lage hai.n tumhe.n
dukh jo pahu.nche the tum se kisii ko kabhii
der tak ab jagaane lage hai.n tumhe.n

Jaun Eliya
Nazm

shikast

tuu damakte hu.e aariz kii shu.aa.e.n le kar
gul-shuda sham.e.n jalaane ko chalii aa.ii hai

Sahir Ludhianvi
Nazm

krishn kanhayya

ai dekhne vaalo
is husn ko dekho
is raaz ko samjho
ye naqsh-e-KHayaalii
ye fikrat-e-aalii
ye paikar-e-tanviir
ye krishn kii tasviir
ma.anii hai ki suurat
san.at hai ki fitrat
zaahir hai ki mastuur
nazdiik hai yaa duur
ye naar hai yaa nuur
duniyaa se niraalaa
ye baa.nsurii vaalaa
gokul kaa gvaalaa
hai sehr ki e.ajaaz
khultaa hii nahii.n raaz
kyaa shaan hai vallaah
kyaa aan hai vallaah
hairaan huu.n kyaa hai
ik shaan-e-KHudaa hai
but-KHaane ke andar
KHud husn kaa but-gar
but ban gayaa aa kar
vo turfa nazzaare
yaad aa ga.e saare
jamunaa ke kinaare
sabze kaa lahaknaa
phuulo.n kaa mahaknaa
ghanghor ghaTaa.e.n
sarmast havaa.e.n
ma.asuum uma.nge.n
ulfat kii tara.nge.n
vo gopiyo.n ke saath
haatho.n me.n diye haath
raqsaa.n hu.aa brijnaath
bansii me.n jo lai hai
nashsha hai na mai hai
kuchh aur hii shai hai
ik ruuh hai raqsaa.n
ik kaif hai larzaa.n
ek aql hai mai-nosh
ik hosh hai mad.hosh
ik KHanda hai sayyaal
ik girya hai KHush-haal
ik ishq hai maGruur
ik husn hai majbuur
ik sehr hai mas.huur
darbaar me.n tanhaa
laachaar hai kirishnaa
aa shyaam idhar aa
sab ahl-e-KHusuumat
hai.n dar pa.e izzat
ye raaj dulaare
buzdil hu.e saare
parda na ho taaraaj
bekas kii rahe laaj
aa jaa mere kaale
bhaarat ke ujaale
daaman me.n chhupaa le
vo ho ga.ii an-ban
vo garm hu.aa ran
Gaalib hai duryodhan
vo aa ga.e jagdiish
vo miT ga.ii tashviish
arjun ko bulaayaa
updesh sunaayaa
Gam-zaad kaa Gam kyaa
ustaad kaa Gam kyaa
lo ho ga.ii tadbiir
lo ban ga.ii taqdiir
lo chal ga.ii shamshiir
siirat hai aduu-soz
suurat nazar-afroz
dil kaifiyat-andoz
Gusse me.n jo aa jaa.e
bijlii hii giraa jaa.e
aur lutf par aa.e
to ghar bhii luTaa jaa.e
pariyo.n me.n hai gulfaam
raadhaa ke liye shyaam
balraam kaa bhayyaa
mathuraa kaa basayyaa
bindraa me.n kanhayyaa
ban ho ga.e viiraa.n
barbaad gulistaa.n
sakhiyaa.n hai.n pareshaa.n
jamunaa kaa kinaaraa
sunsaan hai saaraa
tuufaan hai.n KHaamosh
maujo.n me.n nahii.n josh
lau tujh se lagii hai
hasrat hii yahii hai
ai hind ke raajaa
ik baar phir aa jaa
dukh dard miTaa jaa
abr aur havaa se
bulbul kii sadaa se
phuulo.n kii ziyaa se
jaaduu-asarii gum
shoriida-sarii gum
haa.n terii judaa.ii
mathuraa ko na bhaa.ii
tuu aa.e to shaan aa.e
tuu aa.e to jaan aa.e
aanaa na akele
ho.n saath vo mele
sakhiyo.n ke jhamele

Hafeez Jalandhari
Nazm

kisan

zer-e-lab arz o samaa me.n baahamii guft-o-shunuud
mish.al-e-garduu.n ke bujh jaane se ik halkaa saa duud

Josh Malihabadi
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now