Search result for "sila-kaar-e-mohabbat" | Category - Nazm, Page

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "sila-kaar-e-mohabbat"

Nazm MATCHES FOR "sila-kaar-e-mohabbat"

Nazm

dua

ai KHudaa sham-e-mohabbat ko farozaa.n kar de
daaG-e-dil ko mire sad-rashk-e-gulistaa.n kar de
jin kii raahat ko hai KHaamoshii-e-saahil kii talaash
un kii himmat ko phir aavaara-e-tuufaa.n kar de
jin kaa dil Dhuu.nDhtaa hai gosha-e-KHalvat kaa sukuu.n
suurat-e-nik.hat-e-gul un ko pareshaa.n kar de
duur uftaada-e-manzil ko vo himmat mil jaa.e
jo har ik marhala-e-shauq ko aasaa.n kar de
dil-e-murda ko ho vo jazba-e-betaab ataa
maraz-e-pastii-e-millat kaa jo darmaa.n kar de
rau me.n ye mauja-e-baatil kii bahaa jaataa hai
fazl se apne musalmaa.n ko musalmaa.n kar de

Zafar Ahmad Siddiqi

Nazm

be-yaqini ka phailta dhuan

mai.n daftar kii kursii pe baiThaa hu.aa
gaaliyaa.n bak rahaa huu.n
mausam kii hiddat ko
hiddat me.n shiddat ko
hiddat kii shiddat me.n pakte hu.e aam ko
jo ki meraa nahii.n hai
Table pe rakkhe hu.e kaam ko
jo abhii tak pa.Daa hai
havaa ko
havaa me.n munaafiq suro.n kii aamezish ko
kaar-e-mohabbat ko
kaar-e-mohabbat me.n tapte hu.e husn ko bhii
jise dekh kar qais kii aa.nkh
juftii ke sapno.n me.n Duubii
Table pe au.ndhaa pa.Daa hai jo cigarette kaa packet
mai.n kahtaa huu.n yuu.nhii pa.Daa hai
mai.n piitaa nahii.n huu.n
kisii din piyuu.ngaa jiyuu.ngaa
magar vo mirii baat par muskuraatii hai
aur us kii aa.nkho.n me.n ik be-yaqiinii hai
mujhe qatl kartii hu.ii be-yaqiinii
mai.n daftar kii kursii pe baiThaa hu.aa
be-yaqiinii se us be-yaqiinii ko
gaaliyaa.n bak rahaa huu.n
mujhe ek cigarette hii sulgaa do ko.ii

Saqib Nadeem

Nazm

abhi mujhse kisi ko mohabbat nahin hui

qatl-e-aam jaarii hai
agle pa.Daav tak
kaar-e-mohabbat mauquuf kar diyaa gayaa hai
qismat ko kaaGaz ke Tuk.Do.n
aur baaruud se munsalik kar diyaa gayaa hai
aabaadii kaa mas.ala darpesh hai
mohabbat ko kisii faariG vaqt par uThaa diyaa gayaa hai
bahaar aane tak
ye mausam to tai karnaa pa.Degaa

Ziyaul Hasan

Nazm

abhi mujhse kisi ko mohabbat nahin hui

abhii mujh se kisii ko mohabbat nahii.n hu.ii
so dil ke baaG me.n phuul bhii nahii.n khile
mujhe har aurat ke siine par pistaan
aur raano.n ke biich qaus nazar aatii hai
abhii mohabbat shuruu.a nahii.n hu.ii
mai.n har ham-bistarii ke baad be-zaar
aur phir se is kaam par tayyaar ho jaataa huu.n
pistaano.n aur raano.n me.n
mohabbat talaash karne ke kaar-e-be-suud me.n masruuf
mohabbat ke mausam tak
ishrat ke raste jaayaa jaa saktaa
to kab kaa pahu.nch gayaa hotaa
nazar kartaa huu.n to lagtaa hai
zindagii se kuchh aur bhii duur nikal aaya huu.n
mujhe maut se Dar lagne lagaa hai
kyo.n ki abhii mujh se kisii ko mohabbat nahii.n hu.ii
qatl-e-aam jaarii hai
agle pa.Daav tak
kaar-e-mohabbat mauquuf
qismat ko kaaGaz ke Tuk.Do.n
aur baaruud se munsalik kar diyaa gayaa hai
aabaadii kaa mas.ala darpesh hai
mohabbat ko kisii faariG vaqt par uThaa diyaa gayaa hai
bahaar aane tak
ye mausam to tai karnaa pa.Degaa

Ziyaul Hasan

Nazm

clerk ka naghma-e-mohabbat

sab raat mirii sapno.n me.n guzar jaatii hai aur mai.n sotaa huu.n
phir sub.h kii devii aatii hai
apne bistar se uThtaa huu.n mu.nh dhotaa huu.n
laayaa thaa kal jo double-roTii
us me.n se aadhii khaa.ii thii
baaqii jo bachii vo meraa aaj kaa naashta hai

Meeraji

Nazm

kar-e-junun

kahaa ik roz suuraj ne
KHud apne aap se
zamii.n par KHushk-saalii
ba.Dh ga.ii hai
zamii.n kii pyaas
ba.Dhtii jaa rahii hai
sisakte kheto.n ko
vahshat-zada
in jangalo.n ko
bilaktii rahguzaaro.n
pyaas se bechain vaadii ko
musalsal aah bhartii sar-zamiino.n
thakan se chuur
insaano.n kii bastii ko
zaruurat hai
na.e dariyaa.o.n kii
so us ne
apnii kirno.n kii anii se
ba-tarz-e-tesha-e-farhaad
ik din
pahaa.Do.n se
na.e dariyaa.o.n ke
sote kiye jaarii
zamiino.n kii anaa thii
yaa mizaaj-e-mausam-e-dauraa.n
jidhar se bhii guzartaa ko.ii dariyaa
use miltii vahaa.n
ik be-numuu miTTii kii duniyaa
magar suuraj
musalsal apnii dhun me.n
vahii kaar-e-mohabbat kar rahaa thaa
ki ik din
ik kiran suuraj se bolii
mire pur-azm
aur pur-josh suuraj
mirii nazro.n me.n
tum shaayad abhii tak
musalsal kaar-e-hasrat kar rahe ho
zamii.n sahraa kii
paanii se
kahaa.n sairaab hotii hai
baraste baadalo.n ke
jaane kitne qaafile guzre
na jaane kitne dariyaa
dafn hai.n
in reg-zaaro.n me.n
magar kufraan-e-ne.amat kii ravish
hai aaj tak qaa.em
kiran kii baat sun kar
muskuraayaa mahr-e-dil-afroz
kahaa phir us ne
is nannhii kiran se
mujhe taa-der
ye kaar-e-junuu.n to
karte rahnaa hai
ki merii aa.nkh me.n
ik KHvaab
KHema-zan abhii tak hai

Rafiuddin Raz

Nazm

mohabbat mar nahin sakti

vahii be-taabiyaa.n dil kii
vahii phirtaa hu.aa dariyaa
vahii kachchaa gha.Daa hai muntazir sach ke musaafir kaa
vahii shab kii siyah chaadar
chhupii hai.n saazishe.n jis me.n aziizo.n kii
puraane dosto.n kii ham-jaliiso.n kii
vahii sargoshiyaa.n sail-e-sitam kii
vahii manzar
jo hotaa hai hamesha ruuh-farsaa haadso.n kaa pesh-KHema saa
vahii saare qariine saare hiile hai.n baham ab ke
jo ahl-e-dil ko be-manzil banaane kii hai.n tadbiire.n
magar ahl-e-jahaa.n ko kyaa KHabar
kachche gha.De par tair kar raah-e-mohabbat me.n fanaa honaa
alag se ik kahaanii hai
ki ye vo maut hai jis me.n
baqaa-e-jaavedaanii hai
mohabbat mar nahii.n saktii
mohabbat Gair-faanii hai
mohabbat Gair-faanii hai

Mohammad Tanviruzzaman

Nazm

ahl-e-hunar bekar hue

ik umr kii kaavish se ham ne
jo kaar-e-tamannaa siikhaa thaa
duniyaa ke na.e baazaar me.n ab
kuchh maa.ng nahii.n baaqii us kii
ye zo.am-e-mohabbat kyaa kiije
ham ahl-e-hunar bekaar hu.e

Mubeen Mirza

Nazm

jazbaat-e-aftab

gar tamannaa hai ki ho saaraa zamaana apnaa
jazba-e-ishq-o-mohabbat kii nazar paidaa kar

Lala Anoop Chand Aaftab Panipati

Nazm

shair

mujh ko ehsaas hai ab KHaak-e-vatan ko hai zaruurat merii
gulshan-e-amn-o-mohabbat ko hai haajat merii
tujh ko ai dil miraa naGma ban kar
chhup ke is KHaak ke zarro.n me.n dh.Daknaa hogaa
rah ke har Guncha ke pahluu me.n chaTaknaa hogaa

Rifat Sarosh

Nazm

karachi

hasii.n is nagar ke fusuu.n-kaar bhii hai.n
usuul-e-mohabbat ke Gaddaar bhii hai.n

Abul Fitrat Meer Zaidi

Nazm

gandhi-ji ki aawaz

salaam ai ufuq-e-hind ke hasii.n taaro
salaam tum pe sip.har-e-vatan ke mah-paaro
salaam tum pe mire bachcho ai mire pyaaro
bhulaa.e baiThe ho tum mujh ko kis liye yaaro
jalaa.o mere payaamaat ke diye yaaro
suno ki merii tamannaa-o-aarzuu tum ho
suno ki maadar-e-bhaarat kii aabruu tum ho
suno ki amn-e-zamaana kii justujuu tum ho
KHamosh baiThe ho kyuu.n apne lab siye yaaro
jalaa.o mere payaamaat ke diye yaaro
salaam tum pe ki mere chaman ke phuul ho tum
mirii nazar mirii fitrat miraa usuul ho tum
magar ye kyaa hu.aa kis vaaste maluul ho tum
ye tum ne chand Galat kaam kyuu.n kiye yaaro
jalaa.o mere payaamaat ke diye yaaro
vatan me.n KHuun ke dariyaa bahaa diye tum ne
sabhii nuquush-e-ahinsaa miTaa diye tum ne
rivaaj-kaar-e-mohabbat bhalaa diye tum ne
rusuum-e-mehr-o-vafaa tark kar diye yaaro
jalaa.o mere payaamaat ke diye yaaro
sabaq pa.Dhaayaa thaa tum ko adam-tashaddud kaa
tumhe.n bataayaa thaa mai.n ne gunaah hai hinsaa
ye tum ne kis liye teG-o-tabar se kaam liyaa
tumhaare haatho.n me.n KHanjar hai.n kis liye yaaro
jalaa.o mere payaamaat ke diye yaaro
tumhaare zehno.n me.n makruuh saazish aur fasaad
dilo.n me.n nafrat-o-kiina hai aur buGz-o-inaad
magar labo.n pe hai baabaa-e-qaum zindabaad
mujhe ye khokhle na.are na chaahiye yaaro
jalaa.o mere payaamaat ke diye yaaro
zamiin naanak-o-chishtii pukaartii hai tumhe.n
dayaar-e-budh kii tajallii pukaartii hai tumhe.n
suno kanhaiyaa kii bansii pukaartii hai tumhe.n
ab aur der bhii karnii na chaahiye yaaro
jalaa.o mere payaamaat ke diye yaaro
uTho zamaana-e-haazir hai ik payaam-e-amal
uTho ki kaa.np rahii hai navaa-e-saaz-e-Gazal
uTho ki maa.nd na ho jaa.e husn-e-taaj-mahal
uTho ki siino.n me.n phir raushnii jiye yaaro
jalaa.o mere payaamaat ke diye yaaro
phir apne zehno.n me.n lahkaa.o dostii kaa chaman
phir apnii saa.nso.n se mahkaa.o pyaar kaa madhuuban
phir apne kaamo.n se chamkaa.o sar-zamiin-e-vatan
tumhaare mai-kade me.n dahr phir piye yaaro
jalaa.o mere payaamaat ke diye yaaro
na chho.Do zinda vatan me.n kisii luTere ko
kuchal do ba.Dh ke har ik saa.np ko sapere ko
miTaa.o firqa-parastii ke har a.ndhere ko
bachaa.o desh ko bhagvaan ke liye yaaro
jalaa.o mere payaamaat ke diye yaaro
mujhe ye khokhle na.are na chaahiye yaaro

Nazish Partap Gadhi

Nazm

tazmin bar-ashaar-e-ghaalib

chho.D kar zindaa.n me.n mujh ko tuu ne raah-e-KHuld lii
tere zaKHm-e-naavak-e-furqat se mai.n jiitii bachii
ho chukii bas e'timaad-e-dil kii sheKHii kirkirii
KHaak me.n naamuus-e-paimaan-e-mohabbat mil ga.ii
uTh ga.ii duniyaa se raah-rau rasm yaarii haa.e haa.e

Ze Khe Sheen

Nazm

guftugu jo hoti hai sal-e-nau se ambar ki

sajda-e-mohabbat se aa.o mo'atabar kar de.n
saal-e-nau ke aa.ngan ko KHushbu.o.n kaa ghar kar de.n

Aleena Itrat

Nazm

hum log

jahaa.n ko amn-o-mohabbat kaa vaasta de kar
mah-o-nujuum kii mahfil sajaa.e.nge ham log

Azmat Abdul Qayyum Khan

Nazm

siraj aurang-abaadi

tirii sadaa-e-mohabbat ne faash kar Daalaa
vo raaz-e-hashr jo rakhtaa hai ek mahshar-e-raaz

Maikash Akbarabadi

Nazm

jaddai

vo soz-o-saaz-e-mohabbat vo pur-fusuu.n raate.n
vo halkaa halkaa tarannum vo jaa.n-fazaa baate.n
vo naddiyo.n kaa talaatum vo pattharo.n kaa KHarosh
vo maahtaab-e-javaa.n zard pur-sukuu.n KHaamosh
vo bahke bahke manaazir fusuu.n-navaaz havaa
vo niil-ka.nTh vo chashme pe shaarko.n kii sadaa
tilism-e-ahd-e-mohabbat kii mad-bharii raahe.n
vafuur-e-kaif-o-junuu.n kii hasii.n jilau-gaahe.n
mire jahaan-e-mohabbat kii yaadgaare.n hai.n
suruud-o-sher-o-taGazzul kii rahguzaare.n hai.n
nigaah-e-shauq vo andaaz-e-pur-fusuu.n ya.anii
na.e na.e vo mataalib vo jazb-e-baa-ma.anii
vo tarz-e-KHaas vo aqdaar kii na.ii baate.n
vo tajrabaat vo afkaar kii na.ii baate.n
taKHaiyyulaat kii duniyaa ko jagmagaatii thii.n
tasavvuraat kii aa.nkho.n pe kau.nd jaatii thii.n
agarche aane ko aatii hai.n chaudhvii.n raate.n
jhijak jhijak ke nigaaho.n me.n pur-fusuu.n baate.n
vo soz-o-saaz-e-mohabbat kii jaan ban ban kar
suruud-o-sher hasii.n paayalo.n se chhan chhan kar
vo chaa.ndnii kii hasii.n vaadiyo.n me.n raqsaa.n hai.n
vo daur-e-paikar-e-ruumaa.n junuu.n-ba-daamaa.n hai.n
vo saahiraana taraano.n ko gungunaate hai.n
vo shaa.iraana tamannaa ko gudgudaate hai.n
magar mai.n bekas-o-aavaara phirtaa rahtaa huu.n
qadam qadam pe sa.nbhaltaa huu.n girtaa rahtaa huu.n

Siddique Kaleem

Nazm

izhaar ka matruk rasta

iz.haar-e-mohabbat ke liye tum apne bose
kaaGaz me.n lapeT kar bhej saktii ho
jis tarah mai.n ne apne jazbe
tumhe.n post kar diye hai.n

Zahid Imroz

Nazm

intiqam

khi.Dkii band karo aa.o
aa.nhke.n miich ke so jaa.o
kal suuraj aa.egaa to
kirno.n kii pichkaarii se
khi.Dkii ke shiishe dho kar
ThanDe ThanDe kamre me.n
tum ko soyaa dekhegaa
aur bahut jhallaa.egaa!

Mohammad Alvi

Nazm

ek lamha

mai.n apnii zindagii se ek lamha chhiin laayaa huu.n
churaa kar zindagii se ko.ii lamha tum bhii le aa.o
mire haatho.n me.n ik saaz-e-mohabbat hai bahut din se
bahaaro.n kaa ko.ii ma.asuum naGma tum bhii le aa.o

Qaisarul Jafri

Load More

Search

ENG

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

Speak Now