Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "suuliyo.n"

Nazm MATCHES FOR "suuliyo.n"

Nazm

hum jo tarik rahon mein mare gae

suuliyo.n par hamaare labo.n se pare
tere ho.nTo.n kii laalii lapaktii rahii
terii zulfo.n kii mastii barastii rahii
tere haatho.n kii chaa.ndii damaktii rahii

Faiz Ahmad Faiz
Nazm

mere azizo, mere rafiqo

magar ko.ii to.De de rahaa hai
laraztii mizhgaa.n ke nashtaro.n ko
dilo.n ke andar utaartaa hai
ko.ii siyaasat ke KHanjaro.n ko
kisii ke zahriile tez naaKHun
uqaab ke panja-haa-e-KHuunii.n
kii tarah aa.nkho.n pe aa rahe hai.n
gulaab se tan misaal-e-bismil
zamiin par tilmilaa rahe hai.n
jo pyaas paanii kii muntazir thii
vo suuliyo.n par Ta.ngii hu.ii hai
vo bhuuk roTii jo maa.ngtii thii
saliib-e-zar par cha.Dhii hu.ii hai
ye zulm kaisaa, sitam ye kyaa hai
mai.n sochtaa huu.n ye kyaa junuu.n hai
jahaa.n me.n naan-e-javii.n kii qiimat
kisii kii ismat, kisii kaa KHuu.n hai

Ali Sardar Jafri
Nazm

murda-KHana

mirii rago.n me.n KHunuk suu.iyaa.n pirotaa hu.aa
barhana laasho.n ke ambaar par se hotaa hu.aa
havaa kaa haath bahut sard, maut jaisaa sard
vo jaa rahaa hai, vo darvaaze sar paTakne lage
vo balb TuuT gayaa, saa.e saath chho.D ga.e
vo naachte hu.e bheje kisii raqiiq se tar
vo re.ngte hu.e baazuu, vo chiiKHte hu.e sar
vo ho.nT niim-taraashiida, daa.nt nikle hu.e
vo nisf dha.D chale aate hai.n raqs karte hu.e
vo jism sahme hu.e band martabaano.n me.n
jo baat kii to unhe.n tez-o-tursh zahr milaa
jo chup hu.e to unhe.n suuliyo.n pe Taa.ng diyaa
chhupii hai.n saik.Do.n bad-ruuhe.n in fazaa.o.n me.n
vo ghuurtii hu.ii aa.nkhe.n kahii.n KHalaa.o.n me.n
zamii.n ke maalik-e-deriina kii talaash me.n hai.n
jaraahato.n ke nishaa.n har KHamiida laash me.n hai.n
aur ik sadaa chalii aatii hai, har jaraahat se
ye saare zaKHm muqaddar hu.e hai.n maut ke baad
sukuun-e-lafz-o-bayaan o sukuut-e-saut ke baad

Saqi Faruqi
Nazm

laKHt-e-jigar

mohabbat ko tum laakh phe.nk aa.o gahre ku.e.n me.n
magar ek aavaaz piichhaa karegii
kabhii chaa.ndnii raat kaa giit ban kar
kabhii ghup a.ndhere kii paglii ha.nsii ban ke
piichhaa karegii
magar ek aavaaz piichhaa karegii
vo aavaaz
naa-KHvaasta tiflak-e-be-pidar
ek din
suuliyo.n ke sahaare
banii-nau-e-insaa.n kii haadii banii
phir KHudaa ban ga.ii
ko.ii maa.n
ka.ii saal pahle
zamaane ke Dar se
sar-e-rah-guzar
apnaa laKHt-e-jigar chho.D aa.ii
vo naa-KHvaasta tiflak-e-be-pidar
ek din
suuliyo.n ke sahaare
banii-nau-e-insaa.n kaa haadii banaa
phir KHudaa ban gayaa

Makhdoom Mohiuddin
Nazm

landscape

tum log yahaa.n baiThe ho
tum log yahaa.n is liye baiThe ho ki
jo tum me.n se yahaa.n nahii.n hai
use vahaa.n se uThaa diyaa gayaa hai
tum me.n se ko.ii portugal nahii.n gayaa
lekin tumhaare darmiyaan mez aur kursiyaa.n hai.n
jo duniyaa tum ko dikhaane ke liye kaafii hai
is se ba.Dh kar bhii ko.ii dukh hogaa
jitnaa sochoge bhuulte jaa.oge
masla
mausiiqii yaa aurte.n aur aab-o-havaa bachche
aKHbaar yaa Gizaa.o.n ke naam
yahaa.n tak ki nii.nd aa jaatii hai
yaa vo ek buu.Dhaa jis ke paa.nv
maidaano.n me.n chalte chalte KHatm hu.e
us kii fasl us ke puraane chehre ko
gaalii de us par phe.nk dii ga.ii
naariyal kaa banaa hu.aa huqqa bhii aur us me.n jo jalaa hu.aa paanii hotaa hai vo bhii tum log
us kamre me.n aa ga.e
tumhaare saamne mez par ashtray me.n abhii abhii jabki mulk kii gha.Diyo.n me.n raat ke 9 baj rahe hai.n
ek cigarette kaa jaltaa hu.aa filter KHatm ho rahaa hai
mai.n tum sab ke baare me.n bahut kuchh kahnaa chaahtaa huu.n kuchh bahut zaruurii bhed hai.n
lekin agar kah duu.n to bahut buraa hogaa
tumhaarii gardane.n mujhe insaanii shakl me.n dikhaa.ii nahii.n detii.n
ye gardane.n jism kaa filter hai.n
jism tafsiilaat me.n jal ga.e ab filter jal rahe hai.n
ye mai.n nahii.n bataa.uu.ngaa ki tumhe.n kis ne jalaa jalaa ke piyaa
maz.hab ne is jism me.n tumhaare is kamre me.n jaise an-ginat kamre banaa.e aur har kamra aag
jalaa.e rakhne kii tarkiib bataa.ii
mai.n tum me.n se ek thaa tumhaare darmiyaan musiibat me.n KHudaa kaa naam sunaa thaa
karo.Do.n bhikaariyo.n ke dilo.n ko sameT kar roTii kaa ek suukhaa Tuk.Daa maa.ngne ke liye use pukaaraa
kitaabo.n me.n sachchaa.ii ke do lafz pa.Dhne ke liye miTTii ke tel kii Dheriyaa.n chaar-paa.iiyo.n par ulaT dii.n
merii Gariibii ke yaadgaar gud.De aur bistar jal ga.e
zamiin par itne ka.nkar patthar ii.nTe.n bajrii aur baaluu ke zarre bhii nahii.n hoge
jitnii merii raTii hu.ii du.aa.e.n
ki aurato.n aur jaanvaro.n se chhuTkaaraa mil jaa.e
baat ye ki mai.n khul kar ronaa chaahtaa thaa
itnaa ki tumhaarii aabaadiyo.n me.n baazaaro.n ke hujuum bhii nahii.n hoge aur la.Dko.n kii gaaliyaa.n jo na.nge paagalo.n ke piichhe dau.Dtii hai.n
suno mai.n use apne Dha.ng se chaahtaa thaa
itnaa ki ek arab nekiyo.n se bhare hu.e aspataal bhii kaafii nahii.n
are mai.n jo KHudaa maa.ngtaa huu.n vo tum dete nahii.n
aag jalaane kii tarkiib to mai.n nahii.n jaantaa
mai.n tum se kahtaa huu.n mujhe jalaa.o yaa merii nabaataat jalaa.o mai.n jaluu.ngaa aur jaluu.ngaa
kaam karuu.ngaa aur kaam karuu.ngaa
suno kaam karne ke liye ek aisii zindagii chaahiye ki mai.n tum sab ko bilaa-vaj.h marne se rok sakuu.n
zindagii kaa kaam kabhii ruktaa nahii.n
har-chand ki
burii bhii.D ke zamaana me.n achchhii kitaabe.n likhne pa.Dhne ke mazbuut saamaan naayaab ho jaate hai.n
daulat ba.De style se ishtihaarii sukuun baa.nTtii hai
microphone yaa baap aur universitiyo.n me.n jab professor e.azaaz kii suuliyo.n par KHush-gavaar dikhaa.ii dete hai.n
davaa.e.n yaa maa.e.n bahne.n
tab ba.Daa Galat a.ndheraa hotaa hai Galat beTe aur bhaa.ii
jinhe.n binaa-qiimat liye agar tum chhuu lo to kaaGaz tumhe.n paka.D le.nge
kaaGaz tumhe.n maar Daale.nge
yahii kaaGaz jin se tumhaare liye dhoke aur mustaqbil banaate hai.n
chalo is bhii.D se niklo
zindagii kaa kaam kabhii ruktaa nahii.n
paas aa.o
mai.n tumhaarii jebo.n ke jhuuT se aaj tak Daraa nahii.n huu.n
un me.n rakhe hu.e paise nikaal luu.ngaa
paise mat chhupaa.o paas aa.o
ye mai.n jaantaa huu.n ki tumhaarii biiviyaa.n tumhaarii maut ke agnet hai.n
tumhaare beTe aur bhaa.ii mujh se nafrat karte hai.n
mai.n tumhaare gharo.n ke Dare hu.e band darvaazo.n par dastak detaa huu.n aur tum aur tumhaare log
andar se chillaate hai.n ki tum nahii.n ho
mai.n tumhe.n marne se kyuu.n rokuu.n har-chand ki rok saktaa huu.n
maut kisii ko maarne ke liye aasmaan se nahii.n utartii
maut is liye hai ki tum ne use aasmaan maan liyaa
zamiin tumhe.n jaagne ke liye dii ga.ii tum ne use maayuus kiyaa
maut zamiin kii maayuusii par aaj tak KHush hai
aur tumhaare KHvaabo.n me.n chalne kii aazaadii hai
tambaakuu afiim aur bha.ng ke paude aaj tak KHush hai.n ki vo tumhaarii marii hu.ii maa.o.n kii maamtaa hai.n
tumhaarii bahut sii biimaariyaa.n tumhaare jism me.n ba.De aaraam se hai.n
aur davaa-KHaano.n me.n bahut sii davaa.e.n bhii ba.De aaraam se hai.n
mai.n tumhe.n marne se kaise rokuu.n
haa.n tum mujhe jiine se rokte ho
mai.n tum se kahtaa huu.n ki tumhaare chho.De hu.e maidaano.n kii havaa.o.n ke jho.nke jab tumhaarii khi.Dkiyo.n me.n aa rahe ho.n to
khi.Dkiyaa.n mat band karo
baat ye hai ki tumhaaraa jam.a kiyaa hu.aa asaasa tumhaare jism ke ek ma.amuulii ro.e.n tak ko nahii.n chamkaa saktaa
tumhaare jam.a kiye hu.e Galat a.ndhero.n par jab suuraj chamaktaa hai
to tum us se uktaate ho
tum mujhe bolne se rokte ho
mai.n kahtaa huu.n tumhaare ye makaan tumhaarii aane vaalii qabro.n se muKHtalif nahii.n
tum bainal-aqvaamii bichchhuu.o.n se ziyaada chaalaak nahii.n
tum duniyaa kii ba.Dii kitaabo.n se ziyaada gambhiir nahii.n ho
jab tak mai.n tum se apne safar kaa saaraa saamaan chhiin nahii.n luu.ngaa tum se iKHtilaaf karuu.ngaa
tumhe.n marne se rokuu.ngaa

Ahmad Hamesh
Nazm

subh-e-shab-e-intizar

yahii vo manzil-e-maqsuud hai ki jis ke liye
ba.De hii azm se apne safar pe nikle the
isii gha.Dii kii tamanna me.n jaane kitne log
jo be-KHataa the magar suuliyo.n pe laTke the

Syeda Shan-e-Meraj
Nazm

aakrosh

ye zaalimo.n kaa mu.aashra hai
yahaa.n pe
zaalim
agar sa.Dak par
kisii ko kuchle.n
to log tasviir khii.nchte hai.n
kahaa.n vo muTThii ko bhii.nchte hai.n
ye buz-dilo.n kaa mu.aashra hai
samaaj sajde me.n
zaalimo.n ke jhukaa hu.aa hai
na rii.Dh baaqii
kisii ke tan me.n
na aab aa.nkho.n me.n rah gayaa hai
adaalate.n
masKHaro.n kii chaupaal ban ga.ii hai.n
Ta.ngaa hai
insaaf suuliyo.n par
hai zulm
muskaa.e kursiyo.n par
pa.Daa hai
mazluum sii.Dhiyo.n par
shikan
nahii.n hai kisii ke mu.nh par
ye daad-KHoro.n kii ma.nDlii hai
adab nahii.n hai
ye daad-KHorii bhii
kyaa balaa hai
ki haq pe
sab kaa hii
mu.nh silaa hai
adiib ajgar hai.n jo adab me.n
sadaa-e-haq ko nigal rahe hai.n
usuul sab ne kuchal diye hai.n
qalam to kau.Dii me.n bik ga.e hai.n
zahr bujhii hai
sahaafiyo.n kii zabaa.n yahaa.n par
lahuu lagaa hai Gariib logo.n kaa un ke mu.nh par
jidhar hukuumat kaa ho ishaara
to dum hilaate hai.n ye vahaa.n par
ko.ii bhii haq pe nahii.n yahaa.n par
kisii ko parvaa
nahii.n kisaano.n kii
un kii jaano.n kii
ko.ii phaa.nsii pe chaahe jhuule
yaa zahr pii le
kise pa.Dii hai
ki peT jin ke bhare hu.e hai.n
vo bistarao.n par pa.De hu.e hai.n
ugaa rahe hai.n jo KHuun
de kar Gizaa zamii.n se
vahii zamii.n me.n ga.De hu.e hai.n
yahaa.n mu.nDero.n pe
gidh baiThe hai.n vaasnaa ke
nazar ga.Daa ke
yahaa.n pe ismat
nahii.n salaamat hai ab kisii kii
na bachchiyo.n kii na buu.Dhiyo.n kii
ye bhe.Diyo.n kaa mu.aashra hai
to mere mazluum uTh kha.Daa ho
tuu apne zaKHmo.n me.n
dhuul bhar le
ye sach hai is ko
qubuul kar le
tuu aise barbar
samaaj me.n sar
jhukaa ke mat jii
tuu ghuu.nT apmaan ke nahii.n pii
agar hai yalGaar is kaa hal to
mahaaz par aa
rago.n se Dar ab nikaal de tuu
lahuu havaa me.n uchhaal de tuu

Siraj Faisal Khan
Nazm

mujhse pahli si mohabbat meri mahbub na mang

an-ginat sadiyo.n ke taariik bahiimaana tilism
resham o atlas o kamKHaab me.n bunvaa.e hu.e
jaa-ba-jaa bikte hu.e kuucha-o-baazaar me.n jism
KHaak me.n luTh.De hu.e KHuun me.n nahlaa.e hu.e

Faiz Ahmad Faiz
Nazm

jawab-e-shikwa

dil se jo baat nikaltii hai asar rakhtii hai
par nahii.n taaqat-e-parvaaz magar rakhtii hai
qudsi-ul-asl hai rif.at pe nazar rakhtii hai
KHaak se uThtii hai garduu.n pe guzar rakhtii hai
ishq thaa fitnagar o sarkash o chaalaak miraa
aasmaa.n chiir gayaa naala-e-bebaak miraa
piir-e-garduu.n ne kahaa sun ke kahii.n hai ko.ii
bole sayyaare sar-e-arsh-e-barii.n hai ko.ii
chaa.nd kahtaa thaa nahii.n ahl-e-zamii.n hai ko.ii
kahkashaa.n kahtii thii poshiida yahii.n hai ko.ii
kuchh jo samjhaa mire shikve ko to rizvaa.n samjhaa
mujh ko jannat se nikaalaa hu.aa insaa.n samjhaa
thii farishto.n ko bhii hairat ki ye aavaaz hai kyaa
arsh vaalo.n pe bhii khultaa nahii.n ye raaz hai kyaa
taa-sar-e-arsh bhii insaa.n kii tag-o-taaz hai kyaa
aa ga.ii KHaak kii chuTkii ko bhii parvaaz hai kyaa
Gaafil aadaab se sukkaan-e-zamii.n kaise hai.n
shoKH o gustaaKH ye pastii ke makii.n kaise hai.n
is qadar shoKH ki allaah se bhii barham hai
thaa jo masjuud-e-malaa.ik ye vahii aadam hai
aalim-e-kaif hai daanaa-e-rumuuz-e-kam hai
haa.n magar ijz ke asraar se naa-mahram hai
naaz hai taaqat-e-guftaar pe insaano.n ko
baat karne kaa saliiqa nahii.n naa-daano.n ko
aa.ii aavaaz Gam-a.ngez hai afsaana tiraa
ashk-e-betaab se labrez hai paimaana tiraa
aasmaa.n-giir hu.aa naara-e-mastaana tiraa
kis qadar shoKH-zabaa.n hai dil-e-diivaana tiraa
shukr shikve ko kiyaa husn-e-adaa se tuu ne
ham-suKHan kar diyaa bando.n ko KHudaa se tuu ne
ham to maa.il-ba-karam hai.n ko.ii saa.il hii nahii.n
raah dikhlaa.e.n kise rah-rav-e-manzil hii nahii.n
tarbiyat aam to hai jauhar-e-qaabil hii nahii.n
jis se ta.amiir ho aadam kii ye vo gil hii nahii.n
ko.ii qaabil ho to ham shaan-e-ka.ii dete hai.n
Dhuu.nDne vaalo.n ko duniyaa bhii na.ii dete hai.n
haath be-zor hai.n ilhaad se dil KHuugar hai.n
ummatii baa.is-e-rusvaa.i-e-paiGambar hai.n
but-shikan uTh ga.e baaqii jo rahe but-gar hai.n
thaa braahiim pidar aur pisar aazar hai.n
baada-aashaam na.e baada nayaa KHum bhii na.e
haram-e-kaaba nayaa but bhii na.e tum bhii na.e
vo bhii din the ki yahii maaya-e-raanaa.ii thaa
naazish-e-mausam-e-gul laala-e-sahraa.ii thaa
jo musalmaan thaa allaah kaa saudaa.ii thaa
kabhii mahbuub tumhaaraa yahii harjaa.ii thaa
kisii yakjaa.ii se ab ahd-e-Gulaamii kar lo
millat-e-ahmad-e-mursil ko maqaamii kar lo
kis qadar tum pe giraa.n sub.h kii bedaarii hai
ham se kab pyaar hai haa.n nii.nd tumhe.n pyaarii hai
tab-e-aazaad pe qaid-e-ramazaa.n bhaarii hai
tumhii.n kah do yahii aa.iin-e-vafaadaarii hai
qaum maz.hab se hai maz.hab jo nahii.n tum bhii nahii.n
jazb-e-baaham jo nahii.n mahfil-e-anjum bhii nahii.n
jin ko aataa nahii.n duniyaa me.n ko.ii fan tum ho
nahii.n jis qaum ko parvaa-e-nasheman tum ho
bijliyaa.n jis me.n ho.n aasuuda vo KHirman tum ho
bech khaate hai.n jo aslaaf ke madfan tum ho
ho niko naam jo qabro.n kii tijaarat kar ke
kyaa na bechoge jo mil jaa.e.n sanam patthar ke
safha-e-dahr se baatil ko miTaayaa kis ne
nau-e-insaa.n ko Gulaamii se chhu.Daayaa kis ne
mere ka.abe ko jabiino.n se basaayaa kis ne
mere qur.aan ko siino.n se lagaayaa kis ne
the to aabaa vo tumhaare hii magar tum kyaa ho
haath par haath dhare muntazir-e-fardaa ho
kyaa kahaa bahr-e-musalmaa.n hai faqat vaada-e-huur
shikva bejaa bhii kare ko.ii to laazim hai shu.uur
adl hai faatir-e-hastii kaa azal se dastuur
muslim aa.ii.n hu.aa kaafir to mile huur o qusuur
tum me.n huuro.n kaa ko.ii chaahne vaalaa hii nahii.n
jalva-e-tuur to maujuud hai muusaa hii nahii.n
manfa.at ek hai is qaum kaa nuqsaan bhii ek
ek hii sab kaa nabii diin bhii iimaan bhii ek
haram-e-paak bhii allaah bhii qur.aan bhii ek
kuchh ba.Dii baat thii hote jo musalmaan bhii ek
firqa-bandii hai kahii.n aur kahii.n zaate.n hai.n
kyaa zamaane me.n panapne kii yahii baate.n hai.n
kaun hai taarik-e-aa.iin-e-rasuul-e-muKHtaar
maslahat vaqt kii hai kis ke amal kaa me.aar
kis kii aa.nkho.n me.n samaayaa hai shi.aar-e-aGyaar
ho ga.ii kis kii nigah tarz-e-salaf se be-zaar
qalb me.n soz nahii.n ruuh me.n ehsaas nahii.n
kuchh bhii paiGaam-e-mohammad kaa tumhe.n paas nahii.n
jaa ke hote hai.n masaajid me.n saf-aaraa to Gariib
zahmat-e-roza jo karte hai.n gavaaraa to Gariib
naam letaa hai agar ko.ii hamaaraa to Gariib
parda rakhtaa hai agar ko.ii tumhaaraa to Gariib
umaraa nashsha-e-daulat me.n hai.n Gaafil ham se
zinda hai millat-e-baizaa Gorabaa ke dam se
vaa.iz-e-qaum kii vo puKHta-KHayaalii na rahii
barq-e-tab.ii na rahii shola-maqaalii na rahii
rah ga.ii rasm-e-azaa.n ruuh-e-bilaalii na rahii
falsafa rah gayaa talqiin-e-Gazaalii na rahii
masjide.n marsiyaa.n-KHvaa.n hai.n ki namaazii na rahe
yaanii vo sahib-e-ausaaf-e-hijaazii na rahe
shor hai ho ga.e duniyaa se musalmaa.n naabuud
ham ye kahte hai.n ki the bhii kahii.n muslim maujuud
vaz.a me.n tum ho nasaaraa to tamaddun me.n hunuud
ye musalmaa.n hai.n jinhe.n dekh ke sharmaa.e.n yahuud
yuu.n to sayyad bhii ho mirzaa bhii ho afGaan bhii ho
tum sabhii kuchh ho bataa.o to musalmaan bhii ho
dam-e-taqriir thii muslim kii sadaaqat bebaak
adl us kaa thaa qavii laus-e-maraa.aat se paak
shajar-e-fitrat-e-muslim thaa hayaa se namnaak
thaa shujaa.at me.n vo ik hasti-e-fauq-ul-idraak
KHud-gudaazii nam-e-kaifiyat-e-sahbaa-yash buud
KHaalii-az-KHesh shudan suurat-e-miinaa-yash buud
har musalmaa.n rag-e-baatil ke liye nashtar thaa
us ke aa.iina-e-hastii me.n amal jauhar thaa
jo bharosaa thaa use quvvat-e-baazuu par thaa
hai tumhe.n maut kaa Dar us ko KHudaa kaa Dar thaa
baap kaa ilm na beTe ko agar azbar ho
phir pisar qaabil-e-miiraas-e-pidar kyuu.nkar ho
har ko.ii mast-e-mai-e-zauq-e-tan-aasaanii hai
tum musalmaa.n ho ye andaaz-e-musalmaanii hai
haidarii faqr hai ne daulat-e-usmaanii hai
tum ko aslaaf se kyaa nisbat-e-ruuhaanii hai
vo zamaane me.n mu.azziz the musalmaa.n ho kar
aur tum KHvaar hu.e taarik-e-qur.aa.n ho kar
tum ho aapas me.n Gazabnaak vo aapas me.n rahiim
tum KHataa-kaar o KHataa-bii.n vo KHataa-posh o kariim
chaahte sab hai.n ki ho.n auj-e-surayyaa pe muqiim
pahle vaisaa ko.ii paidaa to kare qalb-e-saliim
taKHt-e-faGfuur bhii un kaa thaa sariir-e-ka.e bhii
yuu.n hii baate.n hai.n ki tum me.n vo hamiyat hai bhii
KHud-kushii sheva tumhaaraa vo Gayuur o KHuddaar
tum uKHuvvat se gurezaa.n vo uKHuvvat pe nisaar
tum ho guftaar saraapaa vo saraapaa kirdaar
tum taraste ho kalii ko vo gulistaa.n ba-kanaar
ab talak yaad hai qaumo.n ko hikaayat un kii
naqsh hai safha-e-hastii pe sadaaqat un kii
misl-e-anjum ufuq-e-qaum pe raushan bhii hu.e
but-e-hindii kii mohabbat me.n birhman bhii hu.e
shauq-e-parvaaz me.n mahjuur-e-nasheman bhii hu.e
be-amal the hii javaa.n diin se bad-zan bhii hu.e
in ko tahziib ne har band se aazaad kiyaa
laa ke ka.abe se sanam-KHaane me.n aabaad kiyaa
qais zahmat-kash-e-tanhaa.i-e-sahraa na rahe
shahr kii khaa.e havaa baadiya-paimaa na rahe
vo to diivaana hai bastii me.n rahe yaa na rahe
ye zaruurii hai hijaab-e-ruKH-e-lailaa na rahe
gila-e-zaur na ho shikva-e-bedaad na ho
ishq aazaad hai kyuu.n husn bhii aazaad na ho
ahd-e-nau barq hai aatish-zan-e-har-KHirman hai
aiman is se ko.ii sahraa na ko.ii gulshan hai
is na.ii aag kaa aqvaam-e-kuhan ii.ndhan hai
millat-e-KHatm-e-rusul shola-ba-pairaahan hai
aaj bhii ho jo braahiim kaa iimaa.n paidaa
aag kar saktii hai andaaz-e-gulistaa.n paidaa
dekh kar ra.ng-e-chaman ho na pareshaa.n maalii
Kaukab-e-Guncha se shaaKHe.n hai.n chamakne vaalii
KHas o KHaashaak se hotaa hai gulistaa.n KHaalii
Gul-bar-andaaz hai KHuun-e-shohdaa kii laalii
ra.ng garduu.n kaa zaraa dekh to unnaabii hai
ye nikalte hu.e suuraj kii ufuq-taabii hai
ummate.n gulshan-e-hastii me.n samar-chiida bhii hai.n
aur mahruum-e-samar bhii hai.n KHizaa.n-diida bhii hai.n
saik.Do.n naKHl hai.n kaahiida bhii baaliida bhii hai.n
saik.Do.n batn-e-chaman me.n abhii poshiida bhii hai.n
naKHl-e-islaam namuuna hai birau-mandii kaa
phal hai ye saik.Do.n sadiyo.n kii chaman-bandii kaa
paak hai gard-e-vatan se sar-e-daamaa.n teraa
tuu vo yuusuf hai ki har misr hai kan.aa.n teraa
qaafila ho na sakegaa kabhii viiraa.n teraa
Gair yak-baa.ng-e-daraa kuchh nahii.n saamaa.n teraa
naKHl-e-shama astii o dar shola do-resha-e-tuu
aaqibat-soz bavad saaya-e-andesha-e-tuu
tuu na miT jaa.egaa iiraan ke miT jaane se
nashsha-e-mai ko ta'alluq nahii.n paimaane se
hai ayaa.n yurish-e-taataar ke afsaane se
paasbaa.n mil ga.e ka.abe ko sanam-KHaane se
kashti-e-haq kaa zamaane me.n sahaaraa tuu hai
asr-e-nau-raat hai dhundlaa saa sitaaraa tuu hai
hai jo ha.ngaama bapaa yurish-e-bulGaarii kaa
Gaafilo.n ke liye paiGaam hai bedaarii kaa
tuu samajhtaa hai ye saamaa.n hai dil-aazaarii kaa
imtihaa.n hai tire iisaar kaa KHuddaarii kaa
kyuu.n hiraasaa.n hai sahiil-e-faras-e-aadaa se
nuur-e-haq bujh na sakegaa nafas-e-aadaa se
chashm-e-aqvaam se maKHfii hai haqiiqat terii
hai abhii mahfil-e-hastii ko zaruurat terii
zinda rakhtii hai zamaane ko haraarat terii
kaukab-e-qismat-e-imkaa.n hai KHilaafat terii
vaqt-e-fursat hai kahaa.n kaam abhii baaqii hai
nuur-e-tauhiid kaa itmaam abhii baaqii hai
misl-e-buu qaid hai Gunche me.n pareshaa.n ho jaa
raKHt-bar-dosh havaa-e-chamanistaa.n ho jaa
hai tunak-maaya tuu zarre se bayaabaa.n ho jaa
naGma-e-mauj hai ha.ngaama-e-tuufaa.n ho jaa
quvvat-e-ishq se har past ko baalaa kar de
dahr me.n ism-e-mohammad se ujaalaa kar de
ho na ye phuul to bulbul kaa tarannum bhii na ho
chaman-e-dahr me.n kaliyo.n kaa tabassum bhii na ho
ye na saaqii ho to phir mai bhii na ho KHum bhii na ho
bazm-e-tauhiid bhii duniyaa me.n na ho tum bhii na ho
KHema-e-aflaak kaa istaada isii naam se hai
nabz-e-hastii tapish-aamaada isii naam se hai
dasht me.n daaman-e-kohsaar me.n maidaan me.n hai
bahr me.n mauj kii aaGosh me.n tuufaan me.n hai
chiin ke shahr maraaqash ke bayaabaan me.n hai
aur poshiida musalmaan ke iimaan me.n hai
chashm-e-aqvaam ye nazzaara abad tak dekhe
rif.at-e-shaan-e-rafaanaa-lakaa-zikrak dekhe
mardum-e-chashm-e-zamii.n yaanii vo kaalii duniyaa
vo tumhaare shohdaa paalne vaalii duniyaa
garmii-e-mehr kii parvarda hilaalii duniyaa
ishq vaale jise kahte hai.n bilaalii duniyaa
tapish-andoz hai is naam se paare kii tarah
Gota-zan nuur me.n hai aa.nkh ke taare kii tarah
aql hai terii sipar ishq hai shamshiir tirii
mire darvesh KHilaafat hai jahaa.ngiir tirii
maa-sivaa-allaah ke liye aag hai takbiir tirii
tuu musalmaa.n ho to taqdiir hai tadbiir tirii
kii mohammad se vafaa tuu ne to ham tere hai.n
ye jahaa.n chiiz hai kyaa lauh-o-qalam tere hai.n

Allama Iqbal
Nazm

dastur

tum ne luuTaa hai sadiyo.n hamaaraa sukuu.n
ab na ham par chalegaa tumhaaraa fusuu.n
chaaraagar dardmando.n ke bante ho kyuu.n
tum nahii.n chaaraagar ko.ii maane magar
mai.n nahii.n maantaa mai.n nahii.n jaantaa

Habib Jalib
Nazm

tarana-e-hindi

saare jahaa.n se achchhaa hindostaa.n hamaaraa
ham bulbule.n hai.n is kii ye gulsitaa.n hamaaraa
Gurbat me.n ho.n agar ham rahtaa hai dil vatan me.n
samjho vahii.n hame.n bhii dil ho jahaa.n hamaaraa
parbat vo sab se uu.nchaa ham-saaya aasmaa.n kaa
vo santarii hamaaraa vo paasbaa.n hamaaraa
godii me.n kheltii hai.n is kii hazaaro.n nadiyaa.n
gulshan hai jin ke dam se rashk-e-jinaa.n hamaaraa
ai aab-ruud-e-ga.ngaa vo din hai yaad tujh ko
utraa tire kinaare jab kaarvaa.n hamaaraa
maz.hab nahii.n sikhaataa aapas me.n bair rakhnaa
hindii hai.n ham vatan hai hindostaa.n hamaaraa
yuunaan o misr o ruumaa sab miT ga.e jahaa.n se
ab tak magar hai baaqii naam-o-nishaa.n hamaaraa
kuchh baat hai ki hastii miTtii nahii.n hamaarii
sadiyo.n rahaa hai dushman daur-e-zamaa.n hamaaraa
'iqbaal' ko.ii mahram apnaa nahii.n jahaa.n me.n
maaluum kyaa kisii ko dard-e-nihaa.n hamaaraa

Allama Iqbal
Nazm

wo subh kabhi to aaegi

1
vo sub.h kabhii to aa.egii
in kaalii sadiyo.n ke sar se jab raat kaa aa.nchal Dhalkegaa
jab dukh ke baadal pighle.nge jab sukh kaa saagar chhalkegaa
jab ambar jhuum ke naachegaa jab dhartii naGme gaa.egii
vo sub.h kabhii to aa.egii
jis sub.h kii KHaatir jug jug se ham sab mar mar kar jiite hai.n
jis sub.h ke amrit kii dhun me.n ham zahr ke pyaale piite hai.n
in bhuukii pyaasii ruuho.n par ik din to karam farmaa.egii
vo sub.h kabhii to aa.egii
maanaa ki abhii tere mere armaano.n kii qiimat kuchh bhii nahii.n
miTTii kaa bhii hai kuchh mol magar insaano.n kii qiimat kuchh bhii nahii.n
insaano.n kii izzat jab jhuuTe sikko.n me.n na taulii jaa.egii
vo sub.h kabhii to aa.egii
daulat ke liye jab aurat kii ismat ko na bechaa jaa.egaa
chaahat ko na kuchlaa jaa.egaa Gairat ko na bechaa jaa.egaa
apne kaale kartuuto.n par jab ye duniyaa sharmaa.egii
vo sub.h kabhii to aa.egii
biite.nge kabhii to din aaKHir ye bhuuk ke aur bekaarii ke
TuuTe.nge kabhii to but aaKHir daulat kii ijaara-daarii ke
jab ek anokhii duniyaa kii buniyaad uThaa.ii jaa.egii
vo sub.h kabhii to aa.egii
majbuur bu.Dhaapaa jab suunii raaho.n kii dhuul na phaa.nkegaa
ma.asuum la.Dakpan jab gandii galiyo.n me.n bhiik na maa.ngegaa
haq maa.ngne vaalo.n ko jis din suulii na dikhaa.ii jaa.egii
vo sub.h kabhii to aa.egii
faaqo.n kii chitaa.o.n par jis din insaa.n na jalaa.e jaa.e.nge
siino.n ke dahakte dozaKH me.n armaa.n na jalaa.e jaa.e.nge
ye narak se bhii gandii duniyaa jab sovarg banaa.ii jaa.egii
vo sub.h kabhii to aa.egii
2
vo sub.h hamii.n se aa.egii
jab dhartii karvaT badlegii jab qaid se qaidii chhuuTe.nge
jab paap gharau.nde phuuTe.nge jab zulm ke bandhan TuuTe.nge
us sub.h ko ham hii laa.e.nge vo sub.h hamii.n se aa.egii
vo sub.h hamii.n se aa.egii
manhuus samaajii Dhaa.ncho.n me.n jab zulm na paale jaa.e.nge
jab haath na kaaTe jaa.e.nge jab sar na uchhaale jaa.e.nge
jailo.n ke binaa jab duniyaa kii sarkaar chalaa.ii jaa.egii
vo sub.h hamii.n se aa.egii
sansaar ke saare mehnat-kash kheto.n se milo.n se nikle.nge
be-ghar be-dar be-bas insaa.n taariik bilo.n se nikle.nge
duniyaa amn aur KHush-haalii ke phuulo.n se sajaa.ii jaa.egii
vo sub.h hamii.n se aa.egii

Sahir Ludhianvi
Nazm

aadat

saa.ns lenaa bhii kaisii aadat hai
jiye jaanaa bhii kyaa rivaayat hai
ko.ii aahaT nahii.n badan me.n kahii.n
ko.ii saaya nahii.n hai aa.ankho.n me.n
paa.nv behis hai.n chalte jaate hai.n
ik safar hai jo bahtaa rahtaa hai
kitne barso.n se kitnii sadiyo.n se
jiye jaate hai.n jiye jaate hai.n

Gulzar
Nazm

tulu-e-islam

daliil-e-sub.h-e-raushan hai sitaaro.n kii tunuk-taabii
ufuq se aaftaab ubhraa gayaa daur-e-giraa.n-KHvaabii
uruuq-murda-e-mashriq me.n KHuun-e-zindagii dau.Daa
samajh sakte nahii.n is raaz ko siinaa o faaraabii
musalmaa.n ko musalmaa.n kar diyaa tuufaan-e-maGrib ne
talaatum-haa-e-dariyaa hii se hai gauhar kii sairaabii
ataa momin ko phir dargaah-e-haq se hone vaalaa hai
shikoh-e-turkamaanii zehn hindii nutq aaraabii
asar kuchh KHvaab kaa Guncho.n me.n baaqii hai tuu ai bulbul
navaa-raa talKH-tarmii zan chuu zauq-e-naGma kam-yaabii
ta.Dap sehn-e-chaman me.n aashiyaa.n me.n shaaKH-saaro.n me.n
judaa paare se ho saktii nahii.n taqdiir-e-siimaabii
vo chashm-e-paak hai.n kyuu.n ziinat-e-bar-gustavaa.n dekhe
nazar aatii hai jis ko mard-e-Gaazii kii jigar-taabii
zamiir-e-laala me.n raushan charaaG-e-aarzuu kar de
chaman ke zarre zarre ko shahiid-e-justujuu kar de
sarishk-e-chashm-e-muslim me.n hai naisaa.n kaa asar paidaa
KHaliilullaah ke dariyaa me.n ho.nge phir guhar paidaa
kitaab-e-millat-e-baizaa kii phir shiiraaza-bandii hai
ye shaaKH-e-haashmii karne ko hai phir barg-o-bar paidaa
rabuud aa.n turk shiiraazii dil-e-tabrez-o-kaabul raa
sabaa kartii hai buu-e-gul se apnaa ham-safar paidaa
agar usmaaniyo.n par koh-e-Gam TuuTaa to kyaa Gam hai
ki KHuun-e-sad-hazaar-anjum se hotii hai sahar paidaa
jahaa.nbaanii se hai dushvaar-tar kaar-e-jahaa.n-biinii
jigar KHuu.n ho to chashm-e-dil me.n hotii hai nazar paidaa
hazaaro.n saal nargis apnii be-nuurii pe rotii hai
ba.Dii mushkil se hotaa hai chaman me.n diida-var paidaa
navaa-pairaa ho ai bulbul ki ho tere tarannum se
kabuutar ke tan-e-naazuk me.n shaahii.n kaa jigar paidaa
tire siine me.n hai poshiida raaz-e-zindagii kah de
musalmaa.n se hadiis-e-soz-o-saaz-e-zindagii kah de
KHudaa-e-lam-yazal kaa dast-e-qudrat tuu zabaa.n tuu hai
yaqii.n paidaa kar ai Gaafil ki maGluub-e-gumaa.n tuu hai
pare hai charKH-e-niilii-faam se manzil musalmaa.n kii
sitaare jis kii gard-e-raah ho.n vo kaarvaa.n to hai
makaa.n faanii makii.n faanii azal teraa abad teraa
KHudaa kaa aaKHirii paiGaam hai tuu jaavedaa.n tuu hai
Hinaa-band-e-uruus-e-laala hai KHuun-e-jigar teraa
tirii nisbat baraahiimii hai memaar-e-jahaa.n tuu hai
tirii fitrat amii.n hai mumkinaat-e-zindagaanii kii
jahaa.n ke jauhar-e-muzmar kaa goyaa imtihaa.n to hai
jahaan-e-aab-o-gil se aalam-e-jaaved kii KHaatir
nubuvvat saath jis ko le ga.ii vo armuGaa.n tuu hai
ye nukta sarguzisht-e-millat-e-baizaa se hai paidaa
ki aqvaam-e-zamiin-e-asia kaa paasbaa.n tuu hai
sabaq phir pa.Dh sadaaqat kaa adaalat kaa shujaa.at kaa
liyaa jaa.egaa tujh se kaam duniyaa kii imaamat kaa
yahii maqsuud-e-fitrat hai yahii ramz-e-musalmaanii
uKHuvvat kii jahaa.ngiirii mohabbat kii faraavaanii
butaan-e-ra.ng-o-KHuu.n ko to.D kar millat me.n gum ho jaa
na tuuraanii rahe baaqii na iiraanii na afGaanii
miyaan-e-shaaKH-saaraa.n sohbat-e-murG-e-chaman kab tak
tire baazuu me.n hai parvaaz-e-shaahiin-e-qahastaanii
gumaa.n-aabaad hastii me.n yaqii.n mard-e-musalmaa.n kaa
bayaabaa.n kii shab-e-taariik me.n qindiil-e-rohbaanii
miTaayaa qaisar o kisraa ke istibdaad ko jis ne
vo kyaa thaa zor-e-haidar faqr-e-buu-zar sidq-e-salmaanii
hu.e ahraar-e-millat jaada-paimaa kis tajammul se
tamaashaa.ii shigaaf-e-dar se hai.n sadiyo.n ke zindaanii
sabaat-e-zindagii iimaan-e-mohkam se hai duniyaa me.n
ki almaanii se bhii paa.enda-tar niklaa hai tuuraanii
jab is a.ngaara-e-KHaakii me.n hotaa hai yaqii.n paidaa
to kar letaa hai ye baal-o-par-e-ruuh-ul-amii.n paidaa
Gulaamii me.n na kaam aatii hai.n shamshiire.n na tadbiire.n
jo ho zauq-e-yaqii.n paidaa to kaT jaatii hai.n zanjiire.n
ko.ii andaaza kar saktaa hai us ke zor-e-baazuu kaa
nigaah-e-mard-e-momin se badal jaatii hai.n taqdiire.n
vilaayat paadshaahii ilm-e-ashiyaa kii jahaa.ngiirii
ye sab kyaa hai.n faqat ik nukta-e-iimaa.n kii tafsiire.n
baraahiimii nazar paidaa magar mushkil se hotii hai
havas chhup chhup ke siino.n me.n banaa letii hai tasviire.n
tamiiz-e-bandaa-o-aaqaa fasaad-e-aadmiyat hai
hazar ai chiira-dastaa.n saKHt hai.n fitrat kii ta.aziire.n
haqiiqat ek hai har shai kii KHaakii ho ki nuurii ho
lahuu KHurshiid kaa Tapke agar zarre kaa dil chiire.n
yaqii.n mohkam amal paiham mohabbat faatah-e-aalam
jihaad-e-zindagaanii me.n hai.n ye mardo.n kii shamshiire.n
che baayad mard raa tab-e-buland mashrab-e-naabe
dil-e-garme nigaah-e-paak-biine jaan-e-betaabe
uqaabii shaan se jhapTe the jo be-baal-o-par nikle
sitaare shaam ke KHuun-e-shafaq me.n Duub kar nikle
hu.e madfuun-e-dariyaa zer-e-dariyaa tairne vaale
tamaa.nche mauj ke khaate the jo ban kar guhar nikle
Gubaar-e-rahguzar hai.n kiimiyaa par naaz thaa jin ko
jabiine.n KHaak par rakhte the jo iksiir-gar nikle
hamaaraa narm-rau qaasid payaam-e-zindagii laayaa
KHabar detii thii.n jin ko bijliyaa.n vo be-KHabar nikle
haram rusvaa hu.aa piir-e-haram kii kam-nigaahii se
javaanaan-e-tataarii kis qadar saahab-nazar nikle
zamii.n se nuuryaan-e-aasmaa.n-parvaaz kahte the
ye KHaakii zinda-tar paa.enda-tar taabinda-tar nikle
jahaa.n me.n ahl-e-iimaa.n suurat-e-KHurshiid jiite hai.n
idhar Duube udhar nikle udhar Duube idhar nikle
yaqii.n afraad kaa sarmaaya-e-taamiir-e-millat hai
yahii quvvat hai jo suurat-gar-e-taqdiir-e-millat hai
tuu raaz-e-kun-fakaa.n hai apnii aa.nkho.n par ayaa.n ho jaa
KHudii kaa raaz-daa.n ho jaa KHudaa kaa tarjumaa.n ho jaa
havas ne kar diyaa hai Tuk.De Tuk.De nau-e-insaa.n ko
uKHuvvat kaa bayaa.n ho jaa mohabbat kii zabaa.n ho jaa
ye hindii vo KHuraasaanii ye afGaanii vo tuuraanii
tuu ai sharminda-e-saahil uchhal kar be-karaa.n ho jaa
Gubaar-aaluuda-e-ra.ng-o-nasab hai.n baal-o-par tere
tuu ai murG-e-haram u.Dne se pahle par-fishaa.n ho jaa
KHudii me.n Duub jaa Gaafil ye sirr-e-zindagaanii hai
nikal kar halqa-e-shaam-o-sahar se jaavedaa.n ho jaa
masaaf-e-zindagii me.n siirat-e-faulaad paidaa kar
shabistaan-e-mohabbat me.n hariir o parniyaa.n ho jaa
guzar jaa ban ke sail-e-tund-rau koh o bayaabaa.n se
gulistaa.n raah me.n aa.e to juu-e-naGma-KHvaa.n ho jaa
tire ilm o mohabbat kii nahii.n hai intihaa ko.ii
nahii.n hai tujh se ba.Dh kar saaz-e-fitrat me.n navaa ko.ii
abhii tak aadmii said-e-zabuun-e-shahryaarii hai
qayaamat hai ki insaa.n nau-e-insaa.n kaa shikaarii hai
nazar ko KHiira kartii hai chamak tahziib-e-haazir kii
ye sannaa.ii magar jhuuTe niguu.n kii reza-kaarii hai
vo hikmat naaz thaa jis par KHirad-mandaan-e-maGrib ko
havas ke panja-e-KHuunii.n me.n teG-e-kaar-zaarii hai
tadabbur kii fusuu.n-kaarii se mohkam ho nahii.n saktaa
jahaa.n me.n jis tamaddun kii binaa sarmaaya-daarii hai
amal se zindagii bantii hai jannat bhii jahannam bhii
ye KHaakii apnii fitrat me.n na nuurii hai na naarii hai
KHarosh-aamoz bulbul ho girah Gunche kii vaa kar de
ki tuu is gulsitaa.n ke vaaste baad-e-bahaarii hai
phir uTThii asia ke dil se chi.ngaarii mohabbat kii
zamii.n jaulaa.n-gah-e-atlas qabaayaan-e-tataarii hai
bayaa paidaa KHariidaa raast jaan-e-naa-tavaan-e-raa
pas az muddat guzaar uftaad barmaa kaarvaane raa
bayaa saaqii navaa-e-murG-zaar az shaaKH-saar aamad
bahaar aamad nigaar aamad nigaar aamad qaraar aamad
kashiid abr-e-bahaarii KHema andar vaadii o sahraa
sadaa-e-aabshaaraa.n az faraaz-e-koh-saar aamad
sarat gardam toham qaanuun peshii.n saaz dah saaqii
ki KHail-e-naGma-pardaazaa.n qataar andar qataar aamad
kanaar az zaahidaa.n bar-giir o bebaakaana saaGar-kash
pas az muddat azii.n shaaKH-e-kuhan baa.ng-e-hazaar aamad
ba-mushtaaqaa.n hadiis-e-KHvaajaa-e-badro hunain aavar
tasarruf-haa-e-pinhaanash ba-chashm-e-aashkaar aamad
digar shaaKH-e-KHaliil az KHuun-e-maa namnaak mii gardad
ba-baazaar-e-mohabbat naqd-e-maa kaamil ayyaar aamad
sar-e-KHaak-e-shahiire barg-haa-e-laala mii paasham
ki KHuunash baa-nihaal-e-millat-e-maa saazgaar aamad
bayaa taa-gul baa-afmaishaaniim o mai dar saaGar andaazem
falak raa saqf ba-shagaafem o tarh-e-diigar andaazem

Allama Iqbal
Nazm

log aurat ko faqat jism samajh lete hain

kitnii sadiyo.n se ye vahshat kaa chalan jaarii hai
kitnii sadiyo.n se hai qaa.em ye gunaaho.n kaa rivaaj

Sahir Ludhianvi
Nazm

nazm

tuu kisii aur hii duniyaa me.n milii thii mujh se
tuu kisii aur hii manzar kii mahak laa.ii thii
Dar rahaa thaa ki kahii.n zaKHm na bhar jaa.e.n mire
aur tuu muTThiyaa.n bhar bhar ke namak laa.ii thii
aur hii tarh kii aa.nkhe.n thii.n tire chehre par
tuu kisii aur sitaare se chamak laa.ii thii
terii aavaaz hii sab kuchh thii mujhe monis-e-jaa.n
kyaa karuu.n mai.n ki tuu bolii hii bahut kam mujh se
terii chup se hii ye mahsuus kiyaa thaa mai.n ne
jiit jaa.egaa kisii roz tiraa Gam mujh se
shahr aavaaze.n lagaataa thaa magar tuu chup thii
ye ta'alluq mujhe khaataa thaa magar tuu chup thii
vahii anjaam thaa jo 'ishq kaa aaGaaz se hai
tujh ko paayaa bhii nahii.n thaa ki tujhe khonaa thaa
chalii aatii hai yahii rasm ka.ii sadiyo.n se
yahii hotaa hai yahii hogaa yahii honaa thaa

Tahzeeb Hafi
Nazm

tariq ki dua

(undulus ke maidaan-e-ja.ng me.n)
ye Gaazii ye tere pur-asraar bande
jinhe.n tuu ne baKHshaa hai zauq-e-KHudaa.ii
do-niim un kii Thokar se sahraa o dariyaa
simaT kar pahaa.D un kii haibat se raa.ii
do-aalam se kartii hai begaana dil ko
ajab chiiz hai lazzat-e-aashnaa.ii
shahaadat hai matluub-o-maqsuud-e-momin
na maal-e-Ganiimat na kishvar-kushaa.ii
KHayaabaa.n me.n hai muntazir laala kab se
qabaa chaahiye us ko KHuun-e-arab se
kiyaa tuu ne sahraa-nashiino.n ko yaktaa
KHabar me.n nazar me.n azaan-e-sahar me.n
talab jis kii sadiyo.n se thii zindagii ko
vo soz us ne paayaa unhii.n ke jigar me.n
kushaad-e-dar-e-dil samajhte hai.n us ko
halaakat nahii.n maut un kii nazar me.n
dil-e-mard-e-momin me.n phir zinda kar de
vo bijlii ki thii naara-e-laa-tazar me.n
azaa.em ko siino.n me.n bedaar kar de
nigaah-e-musalmaa.n ko talvaar kar de

Allama Iqbal
Nazm

ye daulat bhi le lo ye shohrat bhi le lo

vo naanii kii baato.n me.n pariyo.n kaa Dheraa
vo chehre kii jhuriyo.n me.n sadiyo.n kaa pheraa
bhulaa.e nahii.n bhuul saktaa hai ko.ii
vo chhoTii sii raate.n vo lambii kahaanii
vo kaaGaz kii kashtii vo baarish kaa paanii

Sudarshan Faakir
Nazm

masjid-e-qurtuba

silsila-e-roz-o-shab naqsh-gar-e-haadsaat
silsila-e-roz-o-shab asl-e-hayaat-o-mamaat
silsila-e-roz-o-shab taar-e-hariir-e-do-ra.ng
jis se banaatii hai zaat apnii qabaa-e-sifaat
silsila-e-roz-o-shab saaz-e-azal kii fuGaa.n
jis se dikhaatii hai zaat zer-o-bam-e-mumkinaat
tujh ko parakhtaa hai ye mujh ko parakhtaa hai ye
silsila-e-roz-o-shab sairafi-e-kaa.enaat
tuu ho agar kam ayaar mai.n huu.n agar kam ayaar
maut hai terii baraat maut hai merii baraat
tere shab-o-roz kii aur haqiiqat hai kyaa
ek zamaane kii rau jis me.n na din hai na raat
aani-o-faanii tamaam mojaza-haa-e-hunar
kaar-e-jahaa.n be-sabaat kaar-e-jahaa.n be-sabaat
avval o aaKHir fanaa baatin o zaahir fanaa
naqsh-e-kuhan ho ki nau manzil-e-aaKHir fanaa
hai magar is naqsh me.n ra.ng-e-sabaat-e-davaam
jis ko kiyaa ho kisii mard-e-KHudaa ne tamaam
mard-e-KHudaa kaa amal ishq se saahab faroG
ishq hai asl-e-hayaat maut hai us par haraam
tund o subuk-sair hai garche zamaane kii rau
ishq KHud ik sail hai sail ko letaa hai thaam
ishq kii taqviim me.n asr-e-ravaa.n ke sivaa
aur zamaane bhii hai.n jin kaa nahii.n ko.ii naam
ishq dam-e-jibra.iil ishq dil-e-mustafaa
ishq KHudaa kaa rasuul ishq KHudaa kaa kalaam
ishq kii mastii se hai paikar-e-gil taabnaak
ishq hai sahbaa-e-KHaam ishq hai kaas-ul-karaam
ishq faqiih-e-haram ishq amiir-e-junuuud
ishq hai ibnus-sabiil is ke hazaaro.n maqaam
ishq ke mizraab se naGma-e-taar-e-hayaat
ishq se nuur-e-hayaat ishq se naar-e-hayaat
ai haram-e-qurtuba ishq se teraa vajuud
ishq saraapaa davaam jis me.n nahii.n raft o buud
ra.ng ho yaa KHisht o sang cha.ng ho yaa harf o saut
mojaza-e-fan kii hai KHuun-e-jigar se numuud
qatra-e-KHuun-e-jigar sil ko banaataa hai dil
KHuun-e-jigar se sadaa soz o suruur o suruud
terii fazaa dil-faroz merii navaa siina-soz
tujh se dilo.n kaa huzuur mujh se dilo.n kii kushuud
arsh-e-mo.allaa se kam siina-e-aadam nahii.n
garche kaf-e-KHaak kii had hai sip.har-e-kabuud
paikar-e-nuurii ko hai sajda mayassar to kyaa
us ko mayassar nahii.n soz-o-gudaaz-e-sajuud
kaafir-e-hindi huu.n mai.n dekh miraa zauq o shauq
dil me.n salaat o duruud lab pe salaat o duruud
shauq mirii lai me.n hai shauq mirii nai me.n hai
naGma-e-allaah-huu mere rag-o-pai me.n hai
teraa jalaal o jamaal mard-e-KHudaa kii daliil
vo bhii jaliil o jamiil tuu bhii jaliil o jamiil
terii binaa paa.edaar tere sutuu.n be-shumaar
shaam ke sahraa me.n ho jaise hujuum-e-nuKHiil
tere dar-o-baam par vaadii-e-aiman kaa nuur
teraa minaar-e-buland jalva-gah-e-jibra.iil
miT nahii.n saktaa kabhii mard-e-musalmaa.n ki hai
us kii azaano.n se faash sirr-e-kaliim-o-KHaliil
us kii zamii.n be-huduud us kaa ufuq be-saGuur
us ke samundar kii mauj dajla o danyuub o niil
us ke zamaane ajiib us ke fasaane Gariib
ahd-e-kuhan ko diyaa us ne payaam-e-rahiil
saaqi-e-rabaab-e-zauq faaras-e-maidaan-e-shauq
baada hai us kaa rahiiq teG hai us kii asiil
mard-e-sipaahii hai vo us kii zirah laa-ilaah
saaya-e-shamshiir me.n us kii panah laa-ilaah
tujh se hu.aa aashkaar banda-e-momin kaa raaz
us ke dino.n kii tapish us kii shabo.n kaa gudaaz
us kaa maqaam-e-buland us kaa KHayaal-e-aziim
us kaa suruur us kaa shauq us kaa niyaaz us kaa naaz
haath hai allaah kaa banda-e-momin kaa haath
Gaalib o kaar-aafrii.n kaar-kushaa kaarsaaz
KHaakii o nuurii-nihaad banda-e-maulaa-sifaat
har do-jahaa.n se Ganii us kaa dil-e-be-niyaaz
us kii umiide.n qaliil us ke maqaasid jaliil
us kii adaa dil-fareb us kii nigah dil-navaaz
aaj bhii is des me.n aam hai chashm-e-Gazaal
aur nigaaho.n ke tiir aaj bhii hai.n dil-nashii.n
buu-e-yaman aaj bhii us kii havaa.o.n me.n hai
ra.ng-e-hijaaz aaj bhii us kii navaa.o.n me.n hai
diida-e-anjum me.n hai terii zamii.n aasmaa.n
aah ki sadiyo.n se hai terii fazaa be-azaa.n
kaun sii vaadii me.n hai kaun sii manzil me.n hai
ishq-e-balaa-KHez kaa qaafla-e-saKHt-jaa.n
dekh chukaa almanii shorish-e-islaah-e-dii.n
jis ne na chho.De kahii.n naqsh-e-kuhan ke nishaa.n
harf-e-Galat ban ga.ii ismat-e-piir-e-kunisht
aur hu.ii fikr kii kashti-e-naazuk ravaa.n
chashm-e-faraansiis bhii dekh chukii inqalaab
jis se digar-guu.n hu.aa maGrabiyo.n kaa jahaa.n
millat-e-ruumii-nizhaad kohna-parastii se piir
lazzat-e-tajdiida se vo bhii hu.ii phir javaa.n
ruuh-e-musalmaa.n me.n hai aaj vahii iztiraab
raaz-e-KHudaa.ii hai ye kah nahii.n saktii zabaa.n
narm dam-e-guftuguu garm dam-e-justujuu
razm ho yaa bazm ho paak-dil o paak-baaz
nuqta-e-parkaar-e-haq mard-e-KHudaa kaa yaqii.n
aur ye aalam tamaam vahm o tilism o majaaz
aql kii manzil hai vo ishq kaa haasil hai vo
halqa-e-aafaaq me.n garmi-e-mahfil hai vo
kaaba-e-arbaab-e-fan satvat-e-diin-e-mubii.n
tujh se haram martabat undulusiyo.n kii zamii.n
hai tah-e-garduu.n agar husn me.n terii naziir
qalb-e-musalmaa.n me.n hai aur nahii.n hai kahii.n
aah vo mardaan-e-haq vo arabii shahsavaar
haamil-e-KHalq-e-aziim saahab-e-sidq-o-yaqii.n
jin kii hukuumat se hai faash ye ramz-e-Gariib
saltanat-e-ahl-e-dil faqr hai shaahii nahii.n
jin kii nigaaho.n ne kii tarbiyat-e-sharq-o-Garb
zulmat-e-europe me.n thii jin kii KHirad-raah-bii.n
jin ke lahuu ke tufail aaj bhii hai.n undulusii
KHush-dil o garam-iKHtilaat saada o raushan-jabii.n
dekhiye is bahr kii tah se uchhaltaa hai kyaa
gumbad-e-niilofarii rang badaltaa hai kyaa
vaadi-e-koh-saar me.n Garq-e-shafaq hai sahaab
laal-e-badaKHshaa.n ke Dher chho.D gayaa aaftaab
saada o pur-soz hai duKHtar-e-dahqaa.n kaa giit
kashtii-e-dil ke liye sail hai ahd-e-shabaab
aab-e-ravaan-e-kabiir tere kinaare ko.ii
dekh rahaa hai kisii aur zamaane kaa KHvaab
aalam-e-nau hai abhii parda-e-taqdiir me.n
merii nigaaho.n me.n hai us kii sahar be-hijaab
parda uThaa duu.n agar chehra-e-afkaar se
laa na sakegaa fara.ng merii navaa.o.n kii taab
jis me.n na ho inqalaab maut hai vo zindagii
ruuh-e-umam kii hayaat kashmakash-e-inqilaab
suurat-e-shamshiir hai dast-e-qazaa me.n vo qaum
kartii hai jo har zamaa.n apne amal kaa hisaab
naqsh hai.n sab naa-tamaam KHuun-e-jigar ke baGair
naGma hai saudaa-e-KHaam KHuun-e-jigar ke baGair

Allama Iqbal
Nazm

KHizr-e-rah

banda-e-mazduur ko jaa kar miraa paiGaam de
KHizr kaa paiGaam kyaa hai ye payaam-e-kaa.enaat
ai ki tujh ko khaa gayaa sarmaaya-daar-e-hiila-gar
shaaKH-e-aahuu par rahii sadiyo.n talak terii baraat
dast-e-daulat-aafrii.n ko muzd yuu.n miltii rahii
ahl-e-sarvat jaise dete hai.n Gariibo.n ko zakaat
saahir-al-muut ne tujh ko diyaa barg-e-hashiish
aur tuu ai be-KHabar samjhaa use shaaKH-e-nabaat
nasl qaumiyat kaliisaa saltanat tahziib rang
KHvaajgii ne KHuub chun chun ke banaa.e muskiraat
kaT maraa naadaa.n KHayaalii devtaa.o.n ke liye
sukr kii lazzat me.n tuu luTvaa gayaa naqd-e-hayaat
makr kii chaalo.n se baazii le gayaa sarmaaya-daar
intihaa-e-saadgii se khaa gayaa mazduur maat
uTh ki ab bazm-e-jahaa.n kaa aur hii andaaz hai
mashriq-o-maGrib me.n tere daur kaa aaGaaz hai
himmat-e-aalii to dariyaa bhii nahii.n kartii qubuul
Guncha saa.n Gaafil tire daaman me.n shabnam kab talak
naGma-e-bedaarii-e-jamhuur hai saamaan-e-'aish
qissa-e-KHvaab-aavar askandar-o-jam kab talak
aaftaab-e-taaza paidaa batn-e-giitii se hu.aa
aasmaan Duube hu.e taaro.n kaa maatam kab talak
to.D Daalii.n fitrat-e-insaa.n ne zanjiire.n tamaam
duurii-e-jannat se rotii chashm-e-aadam kab talak
baaGbaan-e-chaara-farmaa se ye kahtii hai bahaar
zaKHm-e-gul ke vaaste tadbiir-e-marham kab talak
kirmak-e-naadaa.n tavaaf-e-sham.a se aazaad ho
apnii fitrat ke tajallii-zaar me.n aabaad ho
duniyaa-e-islaam

Allama Iqbal
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now