Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "takte"

Nazm MATCHES FOR "takte"

Nazm

KHwabon ke byopari

ham KHvaabo.n ke byopaarii the
par is me.n hu.aa nuqsaan ba.Daa
kuchh baKHt me.n Dhero.n kaalak thii
kuchh ab ke Gazab kaa kaal pa.Daa
ham raakh liye hai.n jholii me.n
aur sar pe hai saahuukaar kha.Daa
yaa.n buu.nd nahii.n hai Deve me.n
vo baaj-byaaj kii baat kare
ham baa.njh zamiin ko takte hai.n
vo Dhor anaaj kii baat kare
ham kuchh din kii mohlat maa.nge.n
vo aaj hii aaj kii baat kare

Ahmad Faraz
Nazm

KHamosh aawaz

aaj tumhaaraa rasta takte
mai.n ne puuraa saal bitaayaa
kitne tuufaano.n kii zad par
mai.n ne apnaa diip jalaayaa

Jan Nisar Akhtar
Nazm

etiraf

jaane kab tak tirii tasviir nigaaho.n me.n rahii
ho ga.ii raat tire aks ko takte takte
mai.n ne phir tere tasavvur ke kisii lamhe me.n
terii tasviir pe lab rakh diye aahista se!

Parveen Shakir
Nazm

marhum

kabhii tasviir se baahar nikal kar bol bhii uTTho
hamesha ek saa chehra liye kyuu.n takte rahte ho
zaraa ho.nTo.n ko jumbish aur lafzo.n ko rihaa.ii do
akelaa pa.D gayaa huu.n mai.n zaraa merii safaa.ii do

Manoj Azhar
Nazm

ek kamra-e-imtihan mein

har taraf kanakhiyo.n se bach bachaa ke takte hai.n
duusro.n ke parcho.n ko rahnumaa samajhte hai.n
shaayad is tarah ko.ii raasta hii mil jaa.e
be-nishaa.n javaabo.n kaa kuchh pata hii mil jaa.e

Amjad Islam Amjad
Nazm

chand ke tamannai

sad hazaar baate.n thii.n
hiila-e-shakebaa.ii
suurato.n kii zebaa.ii
qaamato.n kii ra.anaa.ii
in siyaah raato.n me.n
ek bhii na yaad aa.ii
jaa-ba-jaa bhaTakte hai.n
kis kii raah takte hai.n
chaa.nd ke tamannaa.ii
ye nagar kabhii pahle
is qadar na viiraa.n thaa
kahne vaale kahte hai.n
qarya-e-nigaaraa.n thaa
KHair apne jiine kaa
ye bhii ek saamaa.n thaa

Ibn۔e۔Insha
Nazm

koi dil ki chahat se majbur hai

chhup ke takte ho kyuu.n saamne aa.o jii
ham tumhaare hai.n ham se na sharmaa.o jii

Sahir Ludhianvi
Nazm

chand ke tamannai

shahr-e-dil kii galiyo.n me.n
shaam se bhaTakte hai.n
chaa.nd ke tamannaa.ii
be-qaraar saudaa.ii
dil-gudaaz taariikii
jaa.n-gudaaz tanhaa.ii
ruuh-o-jaa.n ko Dastii hai
ruuh-o-jaa.n me.n bastii hai
shahr-e-dil kii galiyo.n me.n
taak shab kii belo.n par
shabnamii.n sarishko.n kii
be-qaraar logo.n ne
be-shumaar logo.n ne
yaadgaar chho.Dii hai
itnii baat tho.Dii hai
sad-hazaar baate.n thii.n
hiila-e-shakebaa.ii
suurato.n kii zebaa.ii
qaamato.n kii ra.anaa.ii
un siyaah raato.n me.n
ek bhii na yaad aa.ii
jaa-ba-jaa bhaTakte hai.n
kis kii raah takte hai.n
chaa.nd ke tamannaa.ii
ye nagar kabhii pahle
is qadar na viiraa.n thaa
kahne vaale kahte hai.n
qarya-e-nigaaraa.n thaa
KHair apne jiine kaa
ye bhii ek saamaa.n thaa
aaj dil me.n viiraanii
abr ban ke ghir aa.ii
aaj dil ko kyaa kahiye
baa-vafaa na harjaa.ii
phir bhii log diivaane
aa ga.e hai.n samjhaane
apnii vahshat-e-dil ke
bun liye hai.n afsaane
KHush-KHayaal duniyaa ne
garmiyaa.n to jaatii hai.n
vo rute.n bhii aatii hai.n
jab maluul raato.n me.n
dosto.n kii baato.n me.n
jii na chain paa.egaa
aur uub jaa.egaa
aahaTo.n se guu.njegii
shahr-e-dil kii pinhaa.ii
aur chaa.nd-raato.n me.n
chaa.ndnii ke shaidaa.ii
har bahaane nikle.nge
aarzuu kii giiraa.ii
Dhuu.nDne ko rusvaa.ii
sard sard raato.n ko
zard chaa.nd baKHshegaa
be-hisaab tanhaa.ii
be-hijaab tanhaa.ii
shahr-e-dil kii galiyo.n me.n

Ibn۔e۔Insha
Nazm

eid manaun kaise

saal ye biit gayaa raasta takte takte
sabr ab KHatm bataa.uu.n to bataa.uu.n kaise

Salahuddin Ayyub
Nazm

mori arj suno

is suurat se
arz sunaate
dard bataate
nayyaa khete
minnat karte
rasta takte
kitnii sadiyaa.n biit ga.ii hai.n
ab jaa kar ye bhed khulaa hai
jis ko tum ne arz guzaarii
jo thaa haath paka.Dne vaalaa
jis jaa laagii naav tumhaarii
jis se dukh kaa daaruu maa.ngaa
tore mandir me.n jo nahii.n aayaa
vo to tumhii.n the
vo to tumhii.n the

Faiz Ahmad Faiz
Nazm

shaer log

har ik daur me.n har zamaane me.n ham
zahr piite rahe, giit gaate rahe
jaan dete rahe zindagii ke liye
saa.at-e-vasl kii sarKHushii ke liye
diin o duniyaa kii daulat luTaate rahe
faqr-o-faaqa kaa tosha sambhaale hu.e
jo bhii rasta chunaa us pe chalte rahe
maal vaale haqaarat se takte rahe
ta.an karte rahe haath malte rahe
ham ne un par kiyaa harf-e-haq sa.ng-zan
jin kii haibat se duniyaa laraztii rahii
jin pe aa.nsuu bahaane ko ko.ii na thaa
apnii aa.nkh un ke Gam me.n barastii rahii
sab se ojhal hu.e hukm-e-haakim pe ham
qaid-KHaane sahe, taaziyaane sahe
log sunte rahe saaz-e-dil kii sadaa
apne naGme salaaKHo.n se chhante rahe
KHuu.n-chakaa.n dahr kaa KHuu.n-chakaa.n aa.iina
dukh-bharii KHalq kaa dukh-bharaa dil hai.n ham
tab.a-e-shaa.er hai ja.ngaah-e-adl-o-sitam
munsif-e-KHair-o-shar haqq-o-baatil hai.n ham

Faiz Ahmad Faiz
Nazm

ishq apne mujrmon ko pa-ba-jaulan le chala

daar kii rassiyo.n ke guluu-band gardan me.n pahne hu.e
gaane vaale har ik roz gaate rahe
paayale.n be.Diyo.n kii bajaate hu.e
naachne vaale dhuume.n machaate rahe
ham na is saf me.n the aur na us saf me.n the
raaste me.n kha.De un ko takte rahe
rashk karte rahe
aur chup chaap aa.nsuu bahaate rahe

Faiz Ahmad Faiz
Nazm

yaqin se yaadon ke bare mein kuchh kaha nahin ja sakta

tum ne jo phuul mujhe ruKHsat hote vaqt diyaa thaa
vo nazm mai.n ne tumhaarii yaado.n ke saath lifaafe me.n band kar ke rakh dii thii
aaj dino.n baad bahut akele mai.n use khol kar dekhaa hai
phuul kii nau pa.nkhu.Diyaa.n hai.n
nazm ke nau misre
yaade.n bhii kaisii ajiib hotii hai.n
pahlii pa.nkhu.Dii yaad dilaatii hai us lamhe kii jab mai.n ne
pahlii baar tumhe.n bharii mahfil me.n apnii taraf musalsal takte hu.e dekh liyaa thaa
duusrii pa.nkhu.Dii jab ham pahlii baar ek duusre ko kuchh kahe baGair
bas yuu.nhii jaan buujh kar nazar bachaate hu.e ek raahdaarii se guzar ga.e the
phir tiisrii baar jab ham aachaanak ek mo.D par kahii.n mile
aur ham ne bahut saarii baate.n kii.n aur bahut saare baras
ek saath pal me.n guzaar diye
aur chauthii baar
ab mai.n bhuulne lagaa huu.n
bahut dino.n se Thahrii hu.ii udaasii keii vajah se shaayad
kuchh log kahte hai.n udaasii tanhaa.ii keii kokh se janam letii hai
mumkin hai Thiik kahte ho.n
kuchh log kahte hai.n bahut tanhaa rahnaa bhii udaasii kaa sabab ban jaataa hai
mumkin hai ye bhii Thiik ho
mumkin hai tum aa.o to bhuulii hu.ii saarii baate.n phir se yaad aa jaa.e.n
mumkin hai tum aa.o to vo baate.n bhii mai.n bhuul chukaa huu.n jo abhii mujhe yaad hai.n
yaado.n ke baare me.n aur udaasii ke baare me.n aur tanhaa.ii ke baare me.n
ko.ii baat yaqiin se nahii.n kahii jaa saktii

Iftikhar Arif
Nazm

ibn-e-maryam

takte rahte ho us sa.Dak kii taraf
dafn jin me.n ka.ii kahaaniyaa.n hai.n
dafn jin me.n ka.ii javaaniyaa.n hai.n
jis pe ik saath bhaagii phirtii hai.n
KHaalii jebe.n bhii aur tijoriyaa.n bhii
jaane kis kaa hai intizaar tumhe.n

Kaifi Azmi
Nazm

mazdur ki bansuri

mazduur hai.n ham, mazduur hai.n ham, majbuur the ham, majbuur hai.n ham
insaaniyat ke siine me.n ristaa hu.aa ik naasuur hai.n ham
daulat kii aa.nkho.n kaa surma bantaa hai hamaarii haDDii se
mandir ke diye bhii jalte hai.n mazduur kii pighlii charbii se
ham se baazaar kii raunaq hai, ham se chehro.n kii laalii hai
jaltaa hai hamaare dil kaa diyaa duniyaa kii sabhaa ujyaalii hai
daulat kii sevaa karte hai.n Thukraa.e hu.e ham daulat ke
mazduur hai.n ham, mazduur hai.n ham sautele beTe qismat ke
sone kii chaTaa.ii tak bhii nahii.n, ham zaat ke itne heTe hai.n
ye sejo.n par sone vaale shaayad bhagvaan ke beTe hai.n
ham me.n nahii.n ko.ii tabdiilii jaa.De kii paalii raato.n me.n
baisaakh ke tapte mausam me.n, saavan kii bharii barsaato.n me.n
kap.De kii zaruurat hii kyaa hai mazduuro.n ko, haivaano.n ko
kyaa bahs hai, sardii garmii se lohe ke bane insaano.n ko
hone do charaaGaa.n mahlo.n me.n, kyaa ham ko agar diivaalii hai
mazduur hai.n ham, mazduur hai.n ham, mazduur kii duniyaa kaalii hai
mazduur ke bachche takte hai.n jab hasrat se duukaano.n ko
mazduur kaa dil detaa hai du.aa devtaa.o.n ko, bhagvaano.n ko
khaayaa miTTii ke bartan me.n, so.e to bichhaune ko tarse
muKHtaaro.n par tanqiide.n hai.n, be-chaargiyaa.n majbuuro.n kii
suukhaa chehra dahqaano.n kaa, zaKHmii piiThe.n mazduuro.n kii
vo bhuuko.n ke an-daataa hai.n, haq un kaa hai be-daad kare.n
ham kis darvaaze par jaa.e.n kis se jaa kar fariyaad kare.n
baazaar-e-tamaddun bhii un kaa duniyaa-e-siyaasat bhii un kii
maz.hab kaa iraada bhii un kaa, duniyaa-e-siyaasat bhii un kii
paaband hame.n karne ke liye sau raahe.n nikaalii jaatii hai.n
qaanuun banaa.e jaate hai.n, zanjiire.n Dhaalii jaatii hai.n
phir bhii aaGaaz kii shoKHii me.n anjaam dikhaa.ii detaa hai
ham chup hai.n lekin fitrat kaa insaaf duhaa.ii detaa hai

Jameel Mazhari
Nazm

sandesa

use kahnaa
kabhii milne chalaa aa.e
hamaare paa.nv me.n jo raasta thaa
raaste me.n pe.D the
pe.Do.n pe jitnii taa.ero.n kii Toliyaa.n
ham se milaa kartii thii.n
ab vo u.Dte u.Dte thak ga.ii hai.n
vo ghanii shaaKHe.n jo ham par saayaa kartii thii.n
vo sab murjhaa ga.ii hai.n
tum use kahnaa
kabhii milne chalaa aa.e
labo.n par lafz hai.n
lafzo.n me.n ko.ii daastaa.n qissa kahaanii
jo use aksar sunaate the
kise jaa kar sunaa.e.nge
bataa.e.nge
ki ham mehraab-e-abruu me.n sitaare Taa.nkne vaale
dar-e-lab bosa-e-iz.haar kii dastak se aksar kholne vaale
kabhii bikhrii hu.ii zulfo.n me.n ham
mahtaab ke gajre banaa kar baa.ndhne vaale
charaaG aur aa.ine ke darmiyaa.n
kab se sar-e-saahil kha.De maujo.n ko takte hai.n
use kahnaa
use ham yaad karte hai.n
use kahnaa
ham aa kar KHud use milte
magar maqtal badalte mausamo.n ke KHuun me.n ra.ngiin hai
aur ham
qataar andar qataar aise bahut se mausamo.n ke darmiyaa.n
tanhaa kha.De hai.n
jaane kab apnaa bulaavaa ho
ki ham me.n aaj bhii
ik umr kii vaaraftagii aur vahshato.n kaa raqs jaarii hai
vo baazii jo bisaat-e-jaa.n pe khelii thii
abhii ham ne na jiitii hai na haarii hai
use kahnaa kabhii milne chalaa aa.e
ki ab kii baar shaayad
apnii baarii hai

Saleem Kausar
Nazm

wasiyyat

mire beTe mirii aa.nkhe.n mire baa'd un ko de denaa
jinho.n ne ret me.n sar gaa.D rakkhe hai.n
aur aise mutma.in hai.n jaise un ko
na ko.ii dekhtaa hai aur na ko.ii dekh saktaa hai
magar ye vaqt kii jaasuus nazre.n
jo piichhaa kartii hai.n sab kaa zamiiro.n ke a.ndhere tak
a.ndheraa nuur par rahtaa hai Gaalib bas savere tak
saveraa hone vaalaa hai
(2)
mire beTe mirii aa.nkhe.n mire baa'd un ko de denaa
kuchh andhe suurmaa jo tiir a.ndhere me.n chalaate hai.n
sadaa dushman kaa siina taakte KHud zaKHm khaate hai.n
lagaa kar jo vatan ko daav par kursii bachaate hai.n
bhunaa kar khoTe sikke dharm ke jo pun kamaate hai.n
jataa do un ko aise Thag kabhii pak.De bhii jaate hai.n
(3)
mire beTe unhe.n tho.Dii sii KHuddaarii bhii de denaa
jo haakim qarz le ke is ko apnii jiit kahte hai.n
jahaa.n rakhte hai.n sonaa rehn KHud bhii rehn rahte hai.n
aur is ko bhii vo apnii jiit kahte hai.n
shariik-e-jurm hai.n ye sun ke jo KHaamosh rahte hai.n
qusuur apnaa ye kyaa kam hai ki ham sab un ko sahte hai.n
(4)
mire beTe mire baa'd un ko meraa dil bhii de denaa
ki jo shar rakhte hai.n siine me.n apne dil nahii.n rakhte
hai un kii aastii.n me.n vo bhii jo qaatil nahii.n rakhte
jo chalte hai.n unhii.n rasto.n pe jo manzil nahii.n rakhte
ye majnuu.n apnii nazro.n me.n ko.ii mahmil nahii.n rakhte
ye apne paas kuchh bhii faKHr ke qaabil nahii.n rakhte
taras khaa kar jinhe.n jantaa ne kursii par biThaayaa hai
vo KHud se to na uTThe.nge unhe.n tum hii uThaa denaa
ghaTaa.ii hai jinho.n ne itnii qiimat apne sikke kii
ye zimma hai tumhaaraa un kii qiimat tum ghaTaa denaa
jo vo phailaa.e.n daaman ye vasiyyat yaad kar lenaa
unhe.n har chiiz de denaa par un ko vote mat denaa

Kaifi Azmi
Nazm

ghar

chuulhe ko jii bhar ke aag nahii.n miltii
kap.Do.n ko sanduuq taraste rahte hai.n
darvaaza khi.Dkii mu.nh khole takte hai.n
diivaaro.n par bhutne ha.nste rahte hai.n

Mohammad Alvi
Nazm

ashgabad ki sham

jab suuraj ne jaate jaate
ashghabad ke niile ufuq se
apne sunahrii jaam
me.n Dhaalii
surKHii-e-avval-e-shaam
aur ye jaam
tumhaare saamne rakh kar
tum se kyaa kalaam
kahaa parnaam
uTTho
aur apne tan kii sej se uTh kar
ik shiirii.n paiGaam
sabt karo is shaam
kisii ke naam
kanaar-e-jaam
shaayad tum ye maan ga.ii.n aur tum ne
apne lab-e-gulfaam
kiye in.aam
kisii ke naam
kanaar-e-jaam
yaa shaayad
tum apne tan kii sej pe saj kar
thii.n yuu.n mahv-e-aaraam
ki raste takte takte
bujh ga.ii sham-e-jaam
ashghabad ke niile ufuq par
Gaarat ho ga.ii shaam

Faiz Ahmad Faiz
Nazm

ahd-e-tifli

takte rahnaa haa.e vo pahro.n talak suu-e-qamar
vo phaTe baadal me.n be-aavaaz-paa us kaa safar
puuchhnaa rah rah ke us ke koh-o-sahraa kii KHabar
aur vo hairat daroG-e-maslahat-aamez par
aa.nkh vaqf-e-diid thii lab maa.il-e-guftaar thaa
dil na thaa meraa saraapaa zauq-e-istifsaar thaa

Allama Iqbal
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now