Search result for "taqaddus-ma.aab" | Category - Nazm, Page

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "taqaddus-ma.aab"

Nazm MATCHES FOR "taqaddus-ma.aab"

Nazm

main kaun hun

is taqaddus-ma.aab duniyaa me.n
kis se puuchhuu.n mai.n kaun huu.n kyaa huu.n

Muslim Shameem

Nazm

sukut gulnar ho rahi hai

ufuq kii sii.Dhii utar ke suuraj
sukuut-e-dariyaa ko chuumtaa hai
sukuut gulnaar ho rahii hai
kanaar-e-dariyaa kha.De hu.e sab
daraKHt hairat se dekhte hai.n
sukuut me.n ra.ng
ra.ng me.n chhab
vahii.n pe ko.ii
kanaar-e-dariyaa bichhii hu.ii ret kii darii ko
ulaT ke jaanaa.n
kisii taqaddus-ma.aab saa.at
likhii hu.ii ik
hasiin sii nazm Dhuu.nDhtaa hai

Anwar Shamim

Nazm

main kaun hun

kis se puuchhuu.n ki jhuuT sach kyaa hai
tiirgii kyaa hai raushnii kyaa hai
kaun me.ayaar-e-KHair-o-shar samjhaa.e
kaun takziib-e-jabr-o-jahl kare
vaqt kis samt hai ravaa.n paiham
vaj.h-e-taKHliiq-o-irtiqaa kyaa hai
zindagii vahm hai haqiiqat hai
shajar-e-dard saaya-e-Gam hai
kis se mafhuum-e-maa-o-man puuchhuu.n
kaun taqdiir-e-husn-o-ishq bataa.e
kis se puuchhuu.n saliib-o-daar kaa raaz
azmat-e-jaam-e-zahr kaun bataa.e
aql-o-daanish pe kufr ke fatve
fikr-o-fan par hai tohmat-e-ilhaad
is taqaddus-ma.aab duniyaa me.n
kis se puuchhuu.n mai.n kaun huu.n kyaa huu.n
ko.ii afsaana ko.ii KHvaab huu.n mai.n
ko.ii tahriir-e-naa-tamaam huu.n mai.n
ko.ii sahraa-e-dard-o-karb huu.n mai.n
KHauf-o-KHadshaat ke jahannum me.n
kitnii sadiyo.n se jal rahaa huu.n mai.n

Muslim Shameem

Nazm

ma-siwa

use mahsuus kartaa huu.n
nasiim-e-sub.h ke jho.nko.n me.n
sar sar ke thape.Do.n me.n
amaavas ke a.ndhero.n me.n
mah-e-kaamil ke shab-afroz ujaalo.n me.n

Arshad Kamal

Nazm

man

maa.n
faqat ik lafz hai vaise to lekin
magar maa.n kyaa hai
mamtaa kaa samundar
taqaddus pyaar kii bahtii nadii hai
vafaa iisaar qurbaanii kaa jiitaa jaagtaa paikar
vajuud is kaa himaala se bhii uu.nchaa
vajuud is kaa hai rahmat
vajuud is kaa hai rahmat
saro.n pe is kaa saaya hazaaro.n ne.amato.n kii ek ne.amat
jab bhii lab is ke khule big.Dii banaa de
du.aa is kii musiibat ko Talaa de
pukaare jab lo saaraa
arsh hilaa de
vajuud
is kaa saraapaa aafiyat hai
KHudaa ne is kii
yuu.n azmat ba.Dhaa.ii
hai is ke paa.nv ke niiche hii jannat

Dr. Rahi

Nazm

safed raat se mansub hai lahu ka zawal

safed raat se mansuub hai lahuu kaa zavaal
sabaa ke shaano.n pe bikhre sunahrii dhuup ke baal
har ek lafz ke chehre pe mal diyaa hai malaal
miTe miTe se ma.aanii bujhe bujhe se KHayaal
pighalte lamho.n ke haatho.n me.n raushnii kaa ma.aal
KHilaaf kii naaf se rah rah ke sar uThaate savaal
mire badan kaa tajassus mire gunaah kii Dhaal

Adil Mansuri

Nazm

dusra janm

lab-e-juu-e-mai KHaamushii
aur said-e-fuGaa.n ko.ii harf-e-takallum
kahii.n rahguzar par mire chashm-o-lab
aur aavaaz se raushnii kii kashaakash
bahut faasla hai mire aur mere tasavvur ke saahil me.n
us se pare ik jahaan-e-digar hai

Balraj Komal

Nazm

tajassus

is saraa.e me.n musaafir kaa qayaam
ek lamha be-yaqiinii kaa
jis ko jannat yaa jahannam jo bhii kah lo
kyaa kisii pe inhisaar
har ko.ii apne amal kaa zimmedaar

Akhtar Rahi

Nazm

tamancha

mat tahziib tamaddun kii tum ham se baat karo
dil kaa dard chhalak jaa.egaa varna aa.nkho.n se
Gairat ke us naam pe ab tak jitne KHuun hu.e
un me.n kal ik chaar saal kii bachchii bhii dekhii
jis ne haath me.n kap.De kii ik gu.Diyaa thaamii thii
muTThii me.n ik toffee thii jo us ne khaanii thii
us kii palko.n par hairat thii
hairat me.n thaa KHauf
gardan par KHanjar kaa ghaav itnaa gahraa thaa
jaise us ko kaaTne vaalaa haath paraayaa ho
ghar ke Gairat-ma.nd mardo.n se puuchh sakii na vo
baabaa bhayyaa bolo Gairat kis ko kahte hai.n
mat tahziib tamaddun kii tum ham se baat karo

Fakhira batool

Nazm

allah allah

ye taqdiir ke pech-o-KHam allaah allaah
ye tahriir-e-lauh-o-qalam allaah allaah

Masoom Sharqi

Nazm

man

ik mohabbat kaa saaya mire sar pe hai
jo mujhe tez sho.alo.n se
barq-e-tapaa.n se
aur
duniyaa kii har aafat-e-naa-gahaa.n se
apnaa sab kuchh luTaa kar bachaataa rahaa
mere har har qadam kii KHushii ke liye
iltijaa.o.n du.aa.o.n kii jholii liye
mahv-e-taqdiis-e-rab
dil kii mehraab me.n

Jamal Naqvi

Nazm

kaif-o-rang

ye mai ye fazaa.e.n ye junuu.n-rez nazaare
ai kaash mujhe ko.ii hasii.n lai me.n pukaare
e.ajaaz hai.n sab merii hii taKH.iil-e-hasii.n kaa
jannat ke nazaare ho.n ki dozaKH ke sharaare
ye kaun mirii ruuh kii gahraa.ii me.n jhuumaa
ye kis ne mire big.De hu.e baal sa.nvaare
kab tak na bahaa.egaa mire haal pe aa.nsuu
o merii mohabbat ke chamakte hu.e taare
barsaataa hu.aa phuul tabassum ke nazar se
aa dil ke shivaale me.n javaanii ko ubhaare
'najma' na gunaahgaar kahii.n mujh ko banaa de
ye bahkii hu.ii raat ye ha.nste hu.e taare

Najma Tasadduq

Nazm

qurban-gah-e-amn

khet sote hai.n
fazaa me.n kargaso.n kaa ek jhunD
tairtaa aataa hai ma.nDlaataa hu.aa
so.ii zamii.n
aa.nkh me.n tanhaa.iyo.n kii vus.ate.n
jho.npa.Dii me.n ek maa.n
ik javaa.n afsurdagii
siina-e-uryaa.n se lipTaa.e hu.e
ek jaan-e-naa-tavaa.n
aa.nkh par nam ho.nT larzaa.n
pii mirii jaa.n pii
javaa.n ho
muntazir hai terii qurbaa.n-gaah-e-amn

Tasadduq Husain Khalid

Nazm

hum log

Gaayat-e-suud-o-ziyaa.n suurat-e-aaGaaz-o-ma.aal
vahii be-suud-e-tajassus vahii bekaar savaal
muzmahil saa.at-e-imroz kii be-ra.ngii se
yaad-e-maazii se Gamii.n dahshat-e-fardaa se niDhaal
tishna afkaar jo taskiin nahii.n paate hai.n
soKHta ashk jo aa.nkho.n me.n nahii.n aate hai.n
ik ka.Daa dard ki jo giit me.n Dhaltaa hii nahii.n
dil ke taariik shagaafo.n se nikaltaa hii nahii.n
aur uljhii hu.ii mauhuum sii darbaa.n kii talaash
dasht o zindaa.n kii havas chaak-e-girebaa.n kii talaash

Faiz Ahmad Faiz

Nazm

yaksui

ahd-e-gum-gashta kii tasviir dikhaatii kyuu.n ho
ek aavaara-e-manzil ko sataatii kyuu.n ho
vo hasii.n ahd jo sharminda-e-iifaa na hu.aa
us hasii.n ahd kaa mafhuum jataatii kyuu.n ho
zindagii sho.ala-e-be-baak banaa lo apnii
KHud ko KHaakistar-e-KHaamosh banaatii kyuu.n ho
mai.n tasavvuf ke maraahil kaa nahii.n huu.n qaa.il
merii tasviir pe tum phuul cha.Daatii kyuu.n ho
kaun kahtaa hai ki aa.he.n hai.n masaa.ib kaa ilaaj
jaan ko apnii abas rog lagaatii kyuu.n ho
ek sarkash se mohabbat kii tamannaa rakh kar
KHud ko aa.iin ke phando.n me.n pha.nsaatii kyuu.n ho
mai.n samajhtaa huu.n taqaddus ko tamaddun kaa fareb
tum rusuumaat ko iimaan banaatii kyuu.n ho
jab tumhe.n mujh se ziyaada hai zamaane kaa KHayaal
phir mirii yaad me.n yuu.n ashk bahaatii kyuu.n ho
tum me.n himmat hai to duniyaa se baGaavat kar do
varna maa.n baap jahaa.n kahte hai.n shaadii kar lo

Sahir Ludhianvi

Nazm

aawara

KHuub ha.ns lo mirii aavaara-mizaajii par tum
mai.n ne barso.n yuu.n hii khaa.e hai.n mohabbat ke fareb
ab na ehsaas-e-taqaddus na rivaayat kii fikr
ab ujaalo.n me.n na khaa.uu.ngii mai.n zulmat ke fareb
KHuub ha.ns lo ki mire haal pe sab ha.nste hai.n
merii aa.nkho.n se kisii ne bhii na aa.nsuu po.nchhe
mujh ko hamdard nigaaho.n kii zaruurat bhii nahii.n
aur sho.alo.n ko ba.Dhaate hai.n havaa ke jho.nke
KHuub ha.ns lo ki takalluf se bahut duur huu.n mai.n
mai.n ne masnuu.ii tabassum kaa bhii dekhaa anjaam
mujh se kyuu.n duur raho aa.o mai.n aavaara huu.n
apne haatho.n se pilaa.o to mai-e-talKH kaa jaam
KHuub ha.ns lo ki yahii vaqt guzar jaa.egaa
kal na vaaraftagi-e-shauq se dekhegaa ko.ii
itnii ma.asuum lataafat se na khelegaa ko.ii
KHuub ha.ns lo ki yahii lamhe Ganiimat hai.n abhii
merii hii tarah se tum bhii to ho aavaara-mizaaj
kitnii baa.nho.n ne tumhe.n shauq se jak.Daa hogaa
kitne jalte hu.e ho.nTo.n ne liyaa hogaa KHiraaj
KHuub ha.ns lo tumhe.n biite hu.e lamho.n kii qasam
merii bahkii hu.ii baato.n kaa buraa mat maano
mere ehsaas ko tahziib kuchal detii hai
tum bhii tahziib ke malbuus utaaro phe.nko
KHuub ha.ns lo ki mire lamhe gurezaa.n hai.n ab
merii rag rag me.n abhii mastii-e-sahbaa bhar do
mai.n bhii tahziib se bezaar huu.n tum bhii bezaar
aur is jism-e-barahna ko barahna kar do

Akhtar Payami

Nazm

KHadsha

guphaa.o.n ja.ngalo.n se duur
ham tahziib kii dhun par
tamaddun kii ridaa o.Dhe
safar karte rahe hai.n ek muddat se
magar ye ik haqiiqat hai
ki is lambe safar kii ek saa.at bhii
hamaare haq me.n kuchh achchhii nahii.n niklii
dariida ho chukii is darmiyaa.n chaadar tamaddun kii
giraa.n-baar-e-samaa.at ho ga.ii tahziib kii har dhun
ab aise me.n
zamii.n kii shakl ko madd-e-nazar rakhiye
to ye mahsuus hotaa hai
ki yuu.n jaarii rahaa apnaa safar
to ek din
phir se na jaa pahu.nche.n
guphaa.o.n ke a.ndhero.n me.n

Arshad Kamal

Nazm

taKHliq

vo mujh se kahtii thii
mere shaa.ir
Gazal sunaa.o
jo an-sunii ho
jo an-kahii ho
ki jis ke ehsaas
an-chhu.e ho.n
ho.n sher aise
ki pahle misre ko
sun ke
man me.n
khile tajassus
kaa phuul aisaa
misaal jis kii
adab me.n saare
kahii.n bhii naa ho
mai.n us se kahtaa thaa
merii jaanaa.n
Gazal to ko.ii ye kah chukaa hai
ye mo.ajiza to
KHudaa ne mere
du.aa se
pahle hii kar diyaa hai
tamaam aalam kii
sab se pyaarii
jo an-kahii sii
jo an-sunii sii
jo an-chhu.ii sii
hasii.n Gazal hai
vo mere pahluu me.n
jalva-gar hai

Siraj Faisal Khan

Nazm

pluto

mai.n jaantaa huu.n tumhaare badan par se andoh kaa sail guzraa hai
lekin mirii baat kaa tum buraa mat manaanaa
agar mai.n kahuu.n ye ki tum pahle hii din se is masnad-e-aaliya ke taqaddus
ke laa.eq nahii.n the
so jitne baras tum ne is svaa.ng me.n karr-o-far se guzaare hai.n
un par qanaa.at karo

Zafar Sayyad

Nazm

hifz-e-ma-taqaddam

kahaa ik bhe.D ne kuchh memano.n se
mire pyaaro hamesha saath reva.D ke raho
tumhaare daa.e.n baa.e.n aage piichhe ko.ii ho
jo Dhaal kii suurat muhaafiz ho

Basir Sultan Kazmi

Load More

Search

ENG

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

Speak Now