Anaasir Shayari

zindagī kyā hai anāsir meñ zuhūr-e-tartīb

maut kyā hai inhīñ ajzā pareshāñ honā

zindagi kya hai anasir mein zuhur-e-tartib

maut kya hai inhin ajza ka pareshan hona

Chakbast Brij Narayan

muzmahil ho ga.e qavā ġhālib

vo anāsir meñ e'tidāl kahāñ

muzmahil ho gae qawa ghaalib

wo anasir mein e'tidal kahan

Mirza Ghalib

maut ek alāmat hai agar dekhā jaa.e

ruuh chaar anāsir pe savārī karnā

maut ki ek alamat hai agar dekha jae

ruh ka chaar anasir pe sawari karna

Khursheed Rizvi

haiñ anāsir ye sūrat-bāziyāñ

sho.abde kyā kyā haiñ un chāroñ ke beach

hain anasir ki ye surat-baziyan

shoabde kya kya hain un chaaron ke beach

Meer Taqi Meer

ek hastī mirī anāsir chaar

har taraf se ghirī rahtī hai

ek hasti meri anasir chaar

har taraf se ghiri si rahti hai

Ghulam Murtaza Rahi

kaun tahlīl huā hai mujh meñ

muntashir kyuuñ haiñ anāsir mere

kaun tahlil hua hai mujh mein

muntashir kyun hain anasir mere

Vikas Sharma Raaz

har ruuh pas-e-parda-e-tartīb-e-anāsir

nā-karda gunāhoñ sazā kaaT rahī hai

har ruh pas-e-parda-e-tartib-e-anasir

na-karda gunahon ki saza kaT rahi hai

Jamuna Parsad Rahi

anāsir koī tartīb qaa.em rah nahīñ saktī

taġhayyur ġhair-fānī hai taġhayyur jāvedānī hai

anasir ki koi tartib qaem rah nahin sakti

taghayyur ghair-fani hai taghayyur jawedani hai

Matin Niazi

iḳhtilāt apne anāsir meñ nahīñ

jo hai mere jism meñ begāna hai

iKHtilat apne anasir mein nahin

jo hai mere jism mein begana hai

Muneer Shikohabadi

ab anāsir meñ tavāzun DhūñDne jaa.eñ kahāñ

ham jise hamrāz samjhe pāsbāñ niklā tirā

ab anasir mein tawazun DhunDne jaen kahan

hum jise hamraaz samjhe pasban nikla tera

Ameen Rahat Chugtai

maiñ raat sust anāsir se tañg aa gayā thā

mirī hayāt-e-fasurda meñ rañg aa gayā thā

main raat sust anasir se tang aa gaya tha

meri hayat-e-fasurda mein rang aa gaya tha

Osama Zakir

zamīñ na.ī thī anāsir ḳhū badaltī thī

havā se pahle jazīre pe dhuup chaltī thī

zamin nai thi anasir ki KHu badalti thi

hawa se pahle jazire pe dhup chalti thi

Bilal Ahmad

anāsir ghanī zanjīr hai

so ye hastī ik ta.abīr hai

anasir ki ghani zanjir hai

so ye hasti ki ek tabir hai

Khalid Mubashshir