طنز و مزاح پر اشعار

کوٹ اور پتلون جب پہنا تو مسٹر بن گیا

جب کوئی تقریر کی جلسے میں لیڈر بن گیا

جو چاہتا ہے کہ بن جائے وہ بڑا شاعر

وہ جا کے دوستی گانٹھے کسی مدیر کے ساتھ

کلام میر سمجھے اور زبان میرزا سمجھے

مگر ان کا کہا یا آپ سمجھیں یا خدا سمجھے

پہلے ہم کو بہن کہا اب فکر ہمیں سے شادی کی

یہ بھی نہ سوچا بہن سے شادی کر کے کیا کہلائیں گے

خود تیس کا ہے اور دلہن ساٹھ برس کی

گرتی ہوئی دیوار کے سائے میں کھڑا ہے

وہاں جو لوگ اناڑی ہیں وقت کاٹتے ہیں

یہاں بھی کچھ متشاعر دماغ چاٹتے ہیں

میں نے ہر فائل کی دمچی پر یہ مصرع لکھ دیا

کام ہو سکتا نہیں سرکار میں روزے سے ہوں

بوا کو تو دیکھو نہ گہنا نہ پاتا

بجٹ ہاتھ میں جیسے دھوبن کا کھاتا

یہ رشوت کے ہیں پیسے دن میں کیسے لوں مسلماں ہوں

میں لے سکتا نہیں سر اپنے یہ الزام روزے میں

آئی صدائے حق کہ یہی بند و بست ہیں

تیرے وطن کے لوگ تو مردہ پرست ہیں

سیاست داں جو طبعی موت مرتے

تو سازش کی ضرورت ہی نہ ہوتی

علم حاصل کر کے بھی ملتی نہیں ہے نوکری

رحم کے قابل ہے بس حالت ہماری ان دنوں

نہیں ہے بحر میں بے وزن ہے رحیمؔ مگر

ہماری شاعری سر میں ہے اور تال میں ہے

دیا ہے نام کفن چور جب سے تم نے مجھے

پرانی قبروں کے مردے مری تلاش میں ہیں

اپنے استاد کے شعروں کا تیا پانچہ کیا

اے رحیم آپ کے فن میں یہ کمال اچھا ہے

کہیں گولی لکھا ہے اور کہیں مار

یہ گولی مار لکھا جا رہا ہے

ممکن ہے کہ ہو جائے نشہ اس سے ذرا سا

پھر آپ کا چالان بھی ہو سکتا ہے اس سے

پریشانی سے سر کے بال تک سب جھڑ گئے لیکن

پرانی جیب میں کنگھی جو پہلے تھی سو اب بھی ہے

پایان کار ختم ہوا جب یہ تجزیہ

میں نے کہا حضور تو بولے کہ شکریہ

آ کے بزم شعر میں شرط وفا پوری تو کر

جتنا کھانا کھا گیا ہے اتنی مزدوری تو کر

انورؔ خدا کرے کہ یہ سچی نہ ہو خبر

اکیسویں صدی میں وڈیرے بھی جائیں گے

تمہیں خبر نہیں تھی کیسی آن بان کی دم

کٹا کے بیچ لی تم نے تو خاندان کی دم

نرس کو دیکھ کے آ جاتی ہے منہ پہ رونق

وہ سمجھتے ہیں کہ بیمار کا حال اچھا ہے

کہتے تھے میچ دیکھنے والے پکار کے

استاد جا رہے ہیں شب غم گزار کے

داڑھی کا نام لے کے ہمیں کیوں ہو ٹوکتی

داڑھی کوئی بریک ہے جو سائیکل کو روکتی

درگت بنے ہے چائے میں بسکٹ کی جس طرح

شادی کے بعد لوگو وہی میرا حال ہے

ہمارا دوست طفیلی بھی ہے بڑا شاعر

اگرچہ ایک بڑے آدمی کا چمچہ ہے

کسی تجربے کی تلاش میں مرا عقد ثانوی ہو گیا

مری اہلیہ کو خبر نہیں مری اہلیہ کوئی اور ہے

کر لیجے رضیہؔ سے محبت ہم پر کیجے نظر کرم

وہ بے چاری پھنس جائے گی ہم اس کو سمجھائیں گے

ایک شادی تو ٹھیک ہے لیکن

ایک دو تین چار حد کر دی

یہ سن کے بول اٹھا اس سے بے زباں شوہر

سکون بخشے گا تم کو اب آٹھواں شوہر

دستخط تو تمہیں بھی آتے ہیں

ابا تم بھی وزیر بن جاتے

ہم نے یہ مانا کہ پیدا ہو گیا کھائے گا کیا

گھر میں دانے ہی نہ پائے گا تو بھنوائے گا کیا

اگر آتا ہمیں حق چھین لینا

گزارش کی ضرورت ہی نہ ہوتی

پیسے نہ تھے علاج کے گر تیری جیب میں

پھر یہ بتا ہوا ہے تو بیمار کس لیے

میں ان کا مال غبن کرکے جب سے بیٹھا ہوں

یتیم خانے کے لونڈے مری تلاش میں ہیں

بولیں بیگم موت کے پنجے میں شوہر آئے گا

اب دوپٹہ کا نہیں ٹوپی کا نمبر آئے گا

کہنے لگے وہ انورؔ صاحب آپ بھی کتنے بھولے ہیں

میرے پاس اٹھا لائے ہیں کیس زنانے تھانے کا

جیسے سچ کچھ بھی نہیں جیسے خدا کوئی نہیں

کس قدر امیدیں وابستہ ہیں انکل سام سے

نہ چھیڑ اے شیخ ہم یوں ہی بھلے چل راہ لگ اپنی

تجھے تو بیویاں سوجھی ہیں ہم بیزار بیٹھے ہیں

مرتبے میں میرؔ و مومنؔ سے ہے ہر کوئی بلند

ان میں ہر بے بحر غالب سے بڑا فن کار ہے

بس میں بیٹھی ہے مرے پاس جو اک زہرہ جبیں

مرد نکلے گی اگر زلف منڈا دی جائے

ہے عجب نظام زکوٰۃ کا مرے ملک میں مرے دیس میں

اسے کاٹتا کوئی اور ہے اسے بانٹتا کوئی اور ہے

ہم مانتے ہیں آپ بڑے غم گسار ہیں

لیکن یہ آستین میں کیا ہے دکھائیے

محسوس ہوا سن کے تقاریر مغلظ

اب اہل سیاست میں بھی چرکین بہت ہیں

میں نے کہا کلام روشؔ لا جواب ہے

کہنے لگے کہ ان کا ترنم خراب ہے

غزل کی شکل بدل دی ہے آپریشن سے

سخن وری ہے اگر یہ تو سرجری کیا ہے

جیب غائب ہے تو نیفا ہے بٹن کے بدلے

تم نے پتلون کا پاجامہ بنا رکھا ہے

جمہوریت اک طرز حکومت ہے کہ جس میں

گھوڑوں کی طرح بکتے ہیں انسان وغیرہ

جہاں سے تحفتاً بھیجی گئی تھی عید کے دن سے

وہیں پھرتی پھراتی آ گئی ہے ران بکرے کی