Best Bazm Shayari

bharī bazm meñ raaz kī baat kah dī

baḌā be-adab huuñ sazā chāhtā huuñ

bhari bazm mein raaz ki baat kah di

baDa be-adab hun saza chahta hun

ab ke is bazm meñ kuchh apnā pata bhī denā

paañv par paañv jo rakhnā to dabā bhī denā

ab ke is bazm mein kuchh apna pata bhi dena

panw par panw jo rakhna to daba bhi dena

bazm-e-vafā sajī to ajab silsile hue

shikve hue na un se na ham se gile hue

bazm-e-wafa saji to ajab silsile hue

shikwe hue na un se na hum se gile hue

dil-girafta hī sahī bazm sajā lī jaa.e

yād-e-jānāñ se koī shaam na ḳhālī jaa.e

dil-girafta hi sahi bazm saja li jae

yaad-e-jaanan se koi sham na KHali jae

bazm se duur vo gaatā rahā tanhā tanhā

so gayā saaz pe sar rakh ke sahar se pahle

bazm se dur wo gata raha tanha tanha

so gaya saz pe sar rakh ke sahar se pahle

sajāo bazm ġhazal gaao jaam taaza karo

''bahut sahī ġham-e-gītī sharāb kam kyā hai''

sajao bazm ghazal gao jam taza karo

bahut sahi gham-e-giti sharab kam kya hai

avval-e-shab vo bazm kī raunaq sham.a bhī thī parvāna bhī

raat ke āḳhir hote hote ḳhatm thā ye afsāna bhī

awwal-e-shab wo bazm ki raunaq shama bhi thi parwana bhi

raat ke aaKHir hote hote KHatm tha ye afsana bhi

daur-e-hāzir kī bazm meñ 'bekal'

kaun hai aadmī nahīñ mālūm

daur-e-hazir ki bazm mein 'bekal'

kaun hai aadmi nahin malum

bas yahī hogā ki dīvāna kaheñge ahl-e-bazm

aap chup kyuuñ haiñ mirī tarz-e-navā le lījiye

bas yahi hoga ki diwana kahenge ahl-e-bazm

aap chup kyun hain meri tarz-e-nawa le lijiye

saaqī ke aane kī ye tamannā hai bazm meñ

dast-e-subū buland hai dast-e-duā ke saath

saqi ke aane ki ye tamanna hai bazm mein

dast-e-subu buland hai dast-e-dua ke sath