Best Jaam Shayari
jaam le kar mujh se vo kahtā hai apne muñh ko pher
rū-ba-rū yuuñ tere mai piine se sharmāte haiñ ham
jam le kar mujh se wo kahta hai apne munh ko pher
ru-ba-ru yun tere mai pine se sharmate hain hum
-
Tags : Adaand 3 more
bhar bhar ke jaam bazm meñ chhalkā.e jaate haiñ
ham un meñ haiñ jo duur se tarsā.e jaate haiñ
cups are filled with wine and sprinkled in her domain
I am at a distance kept and thirsting I remain
bhar bhar ke jam bazm mein chhalkae jate hain
hum un mein hain jo dur se tarsae jate hain
cups are filled with wine and sprinkled in her domain
I am at a distance kept and thirsting I remain
aisī qismat kahāñ ki jaam aatā
bū-e-mai bhī idhar nahīñ aa.ī
That I would get a goblet it was'nt my fate
now even the whiff of wine does'nt permeate
aisi qismat kahan ki jam aata
bu-e-mai bhi idhar nahin aai
That I would get a goblet it was'nt my fate
now even the whiff of wine does'nt permeate
ġhair leñ mahfil meñ bose jaam ke
ham raheñ yuuñ tishna-lab paiġhām ke
rivals get to sip from goblets in her company
thirsty for even a message I'm destined to be
ghair len mahfil mein bose jam ke
hum rahen yun tishna-lab paigham ke
rivals get to sip from goblets in her company
thirsty for even a message I'm destined to be
jaam hai tauba-shikan tauba mirī jām-shikan
sāmne Dher haiñ TuuTe hue paimānoñ ke
jam hai tauba-shikan tauba meri jam-shikan
samne Dher hain TuTe hue paimanon ke
-
Tag : Tauba
ek naġhma ik taarā ek ġhuncha ek jaam
ai ġham-e-daurāñ ġham-e-daurāñ tujhe merā salām
ek naghma ek tara ek ghuncha ek jam
ai gham-e-dauran gham-e-dauran tujhe mera salam
ham jām-e-mai ke bhī lab-e-tar chūste nahīñ
chaskā paḌā huā hai tumhārī zabān kā
hum jam-e-mai ke bhi lab-e-tar chuste nahin
chaska paDa hua hai tumhaari zaban ka
bāda-o-jām ke rahe hī nahīñ
ham kisī kaam ke rahe hī nahīñ
baada-o-jam ke rahe hi nahin
hum kisi kaam ke rahe hi nahin
jām-e-ishq pī chuke zindagī bhī jī chuke
ab 'hilāl' ghar chalo ab to shaam ho ga.ī
jam-e-ishq pi chuke zindagi bhi ji chuke
ab 'hilal' ghar chalo ab to sham ho gai
jām-e-sharāb ab to mire sāmne na rakh
āñkhoñ meñ nuur haath meñ jumbish kahāñ hai ab
jam-e-sharab ab to mere samne na rakh
aankhon mein nur hath mein jumbish kahan hai ab
jām-e-aqīq zard hai nargis ke haath meñ
taqsīm kar rahā hai mai-e-arġhavāñ basant
jam-e-aqiq zard hai nargis ke hath mein
taqsim kar raha hai mai-e-arghawan basant
-
Tag : Basant