Best Protest Shayari

un kā jo farz hai vo ahl-e-siyāsat jāneñ

merā paiġhām mohabbat hai jahāñ tak pahuñche

un ka jo farz hai wo ahl-e-siyasat jaanen

mera paigham mohabbat hai jahan tak pahunche

usī kā shahr vahī mudda.ī vahī munsif

hameñ yaqīñ thā hamārā qusūr niklegā

usi ka shahr wahi muddai wahi munsif

hamein yaqin tha hamara qusur niklega

mere siine meñ nahīñ to tere siine meñ sahī

ho kahīñ bhī aag lekin aag jalnī chāhiye

mere sine mein nahin to tere sine mein sahi

ho kahin bhi aag lekin aag jalni chahiye

tum se pahle vo jo ik shaḳhs yahāñ taḳht-nashīñ thā

us ko bhī apne ḳhudā hone pe itnā hī yaqīñ thā

tum se pahle wo jo ek shaKHs yahan taKHt-nashin tha

us ko bhi apne KHuda hone pe itna hi yaqin tha

kuchh aur bhī haiñ kaam hameñ ai ġham-e-jānāñ

kab tak koī uljhī huī zulfoñ ko sañvāre

kuchh aur bhi hain kaam hamein ai gham-e-jaanan

kab tak koi uljhi hui zulfon ko sanware

ham shaiḳh na leader na musāhib na sahāfī

jo ḳhud nahīñ karte vo hidāyat na kareñge

hum shaiKH na leader na musahib na sahafi

jo KHud nahin karte wo hidayat na karenge

sutūn-e-dār pe rakhte chalo saroñ ke charāġh

jahāñ talak ye sitam kī siyāh raat chale

sutun-e-dar pe rakhte chalo saron ke charagh

jahan talak ye sitam ki siyah raat chale

ab apnā iḳhtiyār hai chāhe jahāñ chaleñ

rahbar se apnī raah judā kar chuke haiñ ham

ab apna iKHtiyar hai chahe jahan chalen

rahbar se apni rah juda kar chuke hain hum

ye intiqām hai yā ehtijāj hai kyā hai

ye log dhuup meñ kyuuñ haiñ shajar ke hote hue

ye intiqam hai ya ehtijaj hai kya hai

ye log dhup mein kyun hain shajar ke hote hue

amīr-e-shahr ke tāqoñ meñ jalne vaale charāġh

ujāle kitne gharoñ ke sameT laate haiñ

amir-e-shahr ke taqon mein jalne wale charagh

ujale kitne gharon ke sameT late hain