Best Shayari On Neend

hameñ bhī niiñd aa jā.egī ham bhī so hī jā.eñge

abhī kuchh be-qarārī hai sitāro tum to so jaao

hamein bhi nind aa jaegi hum bhi so hi jaenge

abhi kuchh be-qarari hai sitaro tum to so jao

is safar meñ niiñd aisī kho ga.ī

ham na so.e raat thak kar so ga.ī

is safar mein nind aisi kho gai

hum na soe raat thak kar so gai

na niiñd āñkhoñ meñ baaqī na intizār rahā

ye haal thā to koī nek kaam kyā karte

na nind aankhon mein baqi na intizar raha

ye haal tha to koi nek kaam kya karte

apne apne ghar jā kar sukh kī niiñd so jaa.eñ

tū nahīñ ḳhasāre meñ maiñ nahīñ ḳhasāre meñ

apne apne ghar ja kar sukh ki nind so jaen

tu nahin KHasare mein main nahin KHasare mein

achānak haḌbaḌā kar niiñd se maiñ jaag uTThā huuñ

purānā vāqi.a hai jis pe hairat ab huī hai

achanak haDbaDa kar nind se main jag uTTha hun

purana waqia hai jis pe hairat ab hui hai

niiñd aa.e to kuchh surāġh mile

kaun hai dafn mere ḳhvāboñ meñ

nind aae to kuchh suragh mile

kaun hai dafn mere KHwabon mein

āñkhoñ ko sab kī niiñd bhī dī ḳhvāb bhī diye

ham ko shumār kartī rahī dushmanoñ meñ raat

aankhon ko sab ki nind bhi di KHwab bhi diye

hum ko shumar karti rahi dushmanon mein raat

niiñd uḌne lagī hai āñkhoñ se

dhuul jamne lagī hai bistar par

nind uDne lagi hai aankhon se

dhul jamne lagi hai bistar par

maiñ kab se niiñd kā maarā huā huuñ aur kab se

ye merī jāgtī āñkheñ haiñ mahv-e-ḳhvāb na pūchh

main kab se nind ka mara hua hun aur kab se

ye meri jagti aankhen hain mahw-e-KHwab na puchh

balā kā habs thā par niiñd TūTtī hī na thī

na koī dar na darīcha fasīl-e-ḳhvāb meñ thā

bala ka habs tha par nind TuTti hi na thi

na koi dar na daricha fasil-e-KHwab mein tha