بیسٹ سیاست شاعری

ان کا جو فرض ہے وہ اہل سیاست جانیں

میرا پیغام محبت ہے جہاں تک پہنچے

عشق میں بھی سیاستیں نکلیں

قربتوں میں بھی فاصلہ نکلا

مصلحت آمیز ہوتے ہیں سیاست کے قدم

تو نہ سمجھے گا سیاست تو ابھی نادان ہے

ان سے امید نہ رکھ ہیں یہ سیاست والے

یہ کسی سے بھی محبت نہیں کرنے والے

دل ہی تو ہے سیاست درباں سے ڈر گیا

میں اور جاؤں در سے ترے بن صدا کیے

کل سیاست میں بھی محبت تھی

اب محبت میں بھی سیاست ہے

یہ کیسی سیاست ہے مرے ملک پہ حاوی

انسان کو انساں سے جدا دیکھ رہا ہوں

سیاست کے چہرے پہ رونق نہیں

یہ عورت ہمیشہ کی بیمار ہے

میں پیروی اہل سیاست نہیں کرتا

اک راستہ ان سب سے جدا چاہئے مجھ کو

سامنے محبت کے ہیچ ہے سیاست بھی

جب دماغ تھک جائے دل سے کام لے اے دوست