Chiraagh Shayari

raat ko jiit to paatā nahīñ lekin ye charāġh

kam se kam raat kā nuqsān bahut kartā hai

raat ko jit to pata nahin lekin ye charagh

kam se kam raat ka nuqsan bahut karta hai

ajab charāġh huuñ din raat jaltā rahtā huuñ

maiñ thak gayā huuñ havā se kaho bujhā.e mujhe

ajab charagh hun din raat jalta rahta hun

main thak gaya hun hawa se kaho bujhae mujhe

charāġhoñ ko āñkhoñ meñ mahfūz rakhnā

baḌī duur tak raat hī raat hogī

charaghon ko aankhon mein mahfuz rakhna

baDi dur tak raat hi raat hogi

aaj phir bujh ga.e jal jal ke umīdoñ ke charāġh

aaj phir tāroñ bharī raat ne dam toḌ diyā

aaj phir bujh gae jal jal ke umidon ke charagh

aaj phir taron bhari raat ne dam toD diya

charāġh jalte haiñ bād-e-sabā mahaktī hai

tumhāre husn-e-takallum se kyā nahīñ hotā

charagh jalte hain baad-e-saba mahakti hai

tumhaare husn-e-takallum se kya nahin hota

charāġh jalte hī bīnā.ī bujhne lagtī hai

ḳhud apne ghar meñ hī ghar kā nishāñ nahīñ miltā

charagh jalte hi binai bujhne lagti hai

KHud apne ghar mein hi ghar ka nishan nahin milta

na.e charāġh jalā yaad ke ḳharābe meñ

vatan meñ raat sahī raushnī manāyā kar

nae charagh jala yaad ke KHarabe mein

watan mein raat sahi raushni manaya kar

ab kaise charāġh kyā charāġhāñ

jab saarā vajūd jal rahā hai

ab kaise charagh kya charaghan

jab sara wajud jal raha hai

dil ko jalā.e rakkhā hai ham ne charāġh sā

is ghar meñ ham haiñ aur tirā intizār hai

dil ko jalae rakkha hai hum ne charagh sa

is ghar mein hum hain aur tera intizar hai

bujhā.ūñ kyā charāġh-e-sub.h-gāhī

mire ghar shaam honī hai sahar se

bujhaun kya charagh-e-subh-gahi

mere ghar sham honi hai sahar se