چراغ شاعری

رات کو جیت تو پاتا نہیں لیکن یہ چراغ

کم سے کم رات کا نقصان بہت کرتا ہے

چراغوں کو آنکھوں میں محفوظ رکھنا

بڑی دور تک رات ہی رات ہوگی

عجب چراغ ہوں دن رات جلتا رہتا ہوں

میں تھک گیا ہوں ہوا سے کہو بجھائے مجھے

آج پھر بجھ گئے جل جل کے امیدوں کے چراغ

آج پھر تاروں بھری رات نے دم توڑ دیا

چراغ جلتے ہیں باد صبا مہکتی ہے

تمہارے حسن تکلم سے کیا نہیں ہوتا

چراغ جلتے ہی بینائی بجھنے لگتی ہے

خود اپنے گھر میں ہی گھر کا نشاں نہیں ملتا

نئے چراغ جلا یاد کے خرابے میں

وطن میں رات سہی روشنی منایا کر

اب کیسے چراغ کیا چراغاں

جب سارا وجود جل رہا ہے

دل کو جلائے رکھا ہے ہم نے چراغ سا

اس گھر میں ہم ہیں اور ترا انتظار ہے

بجھاؤں کیا چراغ صبح گاہی

مرے گھر شام ہونی ہے سحر سے