دعا شاعری

مجھے زندگی کی دعا دینے والے

ہنسی آ رہی ہے تری سادگی پر

کوئی چارہ نہیں دعا کے سوا

کوئی سنتا نہیں خدا کے سوا

دعا کرو کہ یہ پودا سدا ہرا ہی لگے

اداسیوں میں بھی چہرہ کھلا کھلا ہی لگے

کامیابی کی دعائیں مجھے دینے والے

میں ترے عشق میں ناکام ہوا جاتا ہوں

کیا ہاتھ اٹھائیے دعا کو

ہم ہاتھ اٹھا چکے دعا سے

چلے گا تیر جب اپنی دعا کا

کلیجے دشمنوں کے چھان دے گا

اب ہے دعا یہ اپنی ہر شام ہر سحر کو

یا وہ بدن سے لپٹے یا جان تن سے نکلے

گھر سے نکلو تو دعا مانگ کے نکلو ورنہ

لوٹ آنے کا نہیں اپنے بھروسہ کوئی

بہر بیمار دوا ہے نہ دعا

کیا اسے چارہ گری کہتے ہیں

دلوں سے درد دعا سے اثر نکلتا ہے

یہ کس بہشت کی جانب بشر نکلتا ہے