فریب شاعری

عاشق ہوں پہ معشوق فریبی ہے مرا کام

مجنوں کو برا کہتی ہے لیلیٰ مرے آگے

آدمی جان کے کھاتا ہے محبت میں فریب

خود فریبی ہی محبت کا صلہ ہو جیسے

بچے فریب کھا کے چٹائی پہ سو گئے

اک ماں ابالتی رہی پتھر تمام رات

اے مجھ کو فریب دینے والے

میں تجھ پہ یقین کر چکا ہوں

ہر دل فریب چیز نظر کا غبار ہے

آنکھیں حسین ہوں تو خزاں بھی بہار ہے

رنگ ہی سے فریب کھاتے رہیں

خوشبوئیں آزمانا بھول گئے

جن کا مقصد فریب ہوتا ہے

وہ بڑی سادگی سے ملتے ہیں

ڈھونڈھتا پھرتا ہے مجھ کو کیوں فریب رنگ و بو

میں وہاں ہوں خود جہاں اپنا پتہ ملتا نہیں

دوسروں کو فریب دے دے کر

ہم نے خود بھی فریب کھایا ہے

شوق کتنے فریب دیتا ہے

مسکرا کر ہمارا نام نہ لے