Fareb Shayari

āshiq huuñ pa māshūq-farebī hai mirā kaam

majnūñ ko burā kahtī hai lailā mire aage

aashiq hun pa mashuq-farebi hai mera kaam

majnun ko bura kahti hai laila mere aage

aadmī jaan ke khātā hai mohabbat meñ fareb

ḳhud-farebī hī mohabbat kā sila ho jaise

aadmi jaan ke khata hai mohabbat mein fareb

KHud-farebi hi mohabbat ka sila ho jaise

bachche fareb khā ke chatā.ī pe so ga.e

ik maañ ubāltī rahī pathar tamām raat

bachche fareb kha ke chatai pe so gae

ek man ubaalti rahi pathar tamam raat

ai mujh ko fareb dene vaale

maiñ tujh pe yaqīn kar chukā huuñ

ai mujh ko fareb dene wale

main tujh pe yaqin kar chuka hun

har dil-fareb chiiz nazar kā ġhubār hai

āñkheñ hasīn hoñ to ḳhizāñ bhī bahār hai

har dil-fareb chiz nazar ka ghubar hai

aankhen hasin hon to KHizan bhi bahaar hai

rañg hī se fareb khāte raheñ

ḳhushbueñ āzmānā bhuul ga.e

rang hi se fareb khate rahen

KHushbuen aazmana bhul gae

jin kā maqsad fareb hotā hai

vo baḌī sādgī se milte haiñ

jin ka maqsad fareb hota hai

wo baDi sadgi se milte hain

DhūñDhtā phirtā hai mujh ko kyuuñ fareb-e-rañg-o-bū

maiñ vahāñ huuñ ḳhud jahāñ apnā pata miltā nahīñ

DhunDhta phirta hai mujh ko kyun fareb-e-rang-o-bu

main wahan hun KHud jahan apna pata milta nahin

dūsroñ ko fareb de de kar

ham ne ḳhud bhī fareb khāyā hai

dusron ko fareb de de kar

hum ne KHud bhi fareb khaya hai

shauq kitne fareb detā hai

muskurā kar hamārā naam na le

shauq kitne fareb deta hai

muskura kar hamara nam na le