Jangal Shayari

qais jañgal meñ akelā hai mujhe jaane do

ḳhuub guzregī jo mil baiTheñge dīvāne do

qais jangal mein akela hai mujhe jaane do

KHub guzregi jo mil baiThenge diwane do

vo jañgaloñ meñ daraḳhtoñ pe kūdte phirnā

burā bahut thā magar aaj se to behtar thā

wo jangalon mein daraKHton pe kudte phirna

bura bahut tha magar aaj se to behtar tha

jañgaloñ ko kaaT kar kaisā ġhazab ham ne kiyā

shahr jaisā ek ādam-ḳhor paidā kar liyā

jangalon ko kaT kar kaisa ghazab hum ne kiya

shahr jaisa ek aadam-KHor paida kar liya

are kyuuñ Dar rahe ho jañgal se

ye koī aadmī kī bastī hai

are kyun Dar rahe ho jangal se

ye koi aadmi ki basti hai

aisā hañgāma na thā jañgal meñ

shahr meñ aa.e to Dar lagtā thā

aisa hangama na tha jangal mein

shahr mein aae to Dar lagta tha

bastī meñ hai vo sannāTā jañgal maat lage

shaam Dhale bhī ghar pahuñchūñ to aadhī raat lage

basti mein hai wo sannaTa jangal mat lage

sham Dhale bhi ghar pahunchun to aadhi raat lage

hai shādāb nafrat kā jañgal bahut hī

mohabbat kā har peḌ sūkhā paḌā hai

hai shadab nafrat ka jangal bahut hi

mohabbat ka har peD sukha paDa hai

umr bhar jañgal meñ rah saktā huuñ maiñ

is meñ ghar jaisī fazā maujūd hai

umr bhar jangal mein rah sakta hun main

is mein ghar jaisi faza maujud hai

jañgaloñ meñ kahīñ kho jaanā hai

jānvar phir mujhe ho jaanā hai

jangalon mein kahin kho jaana hai

jaanwar phir mujhe ho jaana hai

kisī jañgal ke gul-būTe se jī merā bahal jaatā

tire hāthoñ se aajiz huuñ nahīñ to maiñ nikal jaatā

kisi jangal ke gul-buTe se ji mera bahal jata

tere hathon se aajiz hun nahin to main nikal jata