بیسٹ جنگل شاعری

قیس جنگل میں اکیلا ہے مجھے جانے دو

خوب گزرے گی جو مل بیٹھیں گے دیوانے دو

وہ جنگلوں میں درختوں پہ کودتے پھرنا

برا بہت تھا مگر آج سے تو بہتر تھا

جنگلوں کو کاٹ کر کیسا غضب ہم نے کیا

شہر جیسا ایک آدم خور پیدا کر لیا

ارے کیوں ڈر رہے ہو جنگل سے

یہ کوئی آدمی کی بستی ہے

ایسا ہنگامہ نہ تھا جنگل میں

شہر میں آئے تو ڈر لگتا تھا

بستی میں ہے وہ سناٹا جنگل مات لگے

شام ڈھلے بھی گھر پہنچوں تو آدھی رات لگے

ہے شاداب نفرت کا جنگل بہت ہی

محبت کا ہر پیڑ سوکھا پڑا ہے

جنگلوں میں کہیں کھو جانا ہے

جانور پھر مجھے ہو جانا ہے

عمر بھر جنگل میں رہ سکتا ہوں میں

اس میں گھر جیسی فضا موجود ہے

کسی جنگل کے گل بوٹے سے جی میرا بہل جاتا

ترے ہاتھوں سے عاجز ہوں نہیں تو میں نکل جاتا