Jaun Eliya ko samajhna mushkil hi nahi naa-mumkin hai

be-sutūñ ik navāhī meñ hai shahr-e-dil kī

tesha in.aam kareñ aur koī farhād rakheñ

be-sutun ek nawahi mein hai shahr-e-dil ki

tesha inam karen aur koi farhad rakhen

terā ḳhayāl ḳhvāb ḳhvāb ḳhalvat-e-jāñ kī āb-o-tāb

jism-e-jamīl-e-o-naujavāñ shām-ba-ḳhair shab-ba-ḳhair

tera KHayal KHwab KHwab KHalwat-e-jaan ki aab-o-tab

jism-e-jamil-e-o-naujawan sham-ba-KHair shab-ba-KHair

ek surūd-e-raushanī nīma-e-shab kā ḳhvāb thā

ek ḳhamosh tīrgī sāneha-āshnā bhī thī

ek surud-e-raushani nima-e-shab ka KHwab tha

ek KHamosh tirgi saneha-ashna bhi thi

lamha-ba-lamha dam-ba-dam ān-ba-ān ram-ba-ram

maiñ bhī guzishtagāñ meñ huuñ tū bhī guzishtagāñ meñ hai

lamha-ba-lamha dam-ba-dam aan-ba-an ram-ba-ram

main bhi guzishtagan mein hun tu bhi guzishtagan mein hai

ḳhīra-sarān-e-shauq kā koī nahīñ hai jumba-dār

shahr meñ is giroh ne kis ko ḳhafā nahīñ kiyā

KHira-saran-e-shauq ka koi nahin hai jumba-dar

shahr mein is giroh ne kis ko KHafa nahin kiya

husn se arz-e-shauq na karnā husn ko zak pahuñchānā hai

ham ne arz-e-shauq na kar ke husn ko zak pahuñchā.ī hai

husn se arz-e-shauq na karna husn ko zak pahunchana hai

hum ne arz-e-shauq na kar ke husn ko zak pahunchai hai

vo munkir hai to phir shāyad har ik maktūb-e-shauq us ne

sar-añgusht-e-hinā.ī se ḳhalāoñ meñ likhā hogā

wo munkir hai to phir shayad har ek maktub-e-shauq us ne

sar-angusht-e-hinai se KHalaon mein likha hoga

hai ye vajūd kī numūd apnī nafas nafas gurez

vaqt kī saarī bastiyāñ apnī hazīmatoñ meñ haiñ

hai ye wajud ki numud apni nafas nafas gurez

waqt ki sari bastiyan apni hazimaton mein hain

us kī chashm-e-nīm-vā se pūchhiyo

vo tire mizhgāñ-shumārāñ kyā hue

us ki chashm-e-nim-wa se puchhiyo

wo tere mizhgan-shumaran kya hue

mire harīf mirī yakka-tāzīyoñ pe nisār

tamām umr halīfoñ se jañg kī maiñ ne

mere harif meri yakka-taziyon pe nisar

tamam umr halifon se jang ki main ne

tiflān-e-kūcha-gard ke patthar bhī kuchh nahīñ

saudā bhī ek vahm hai aur sar bhī kuchh nahīñ

tiflan-e-kucha-gard ke patthar bhi kuchh nahin

sauda bhi ek wahm hai aur sar bhi kuchh nahin

'jaun' junūb-e-zard ke ḳhāk-basar ye dukh uThā

mauj-e-shimāl-e-sabz-jāñ aa.ī thī aur chalī ga.ī

'jaun' junub-e-zard ke KHak-basar ye dukh uTha

mauj-e-shimal-e-sabz-jaan aai thi aur chali gai

aaj lab-e-guhar-fishāñ aap ne vā nahīñ kiyā

tazkira-e-ḳhajista-e-āb-o-havā nahīñ kiyā

aaj lab-e-guhar-fishan aap ne wa nahin kiya

tazkira-e-KHajista-e-ab-o-hawa nahin kiya

ham-nafasān-e-vaz.a-dār mustami.ān-e-burd-bār

ham to tumhāre vāste ek vabāl ho ga.e

ham-nafasan-e-waza-dar mustamian-e-burd-bar

hum to tumhaare waste ek wabaal ho gae

ai tarah-dār-e-ishva-tarāz-e-dayār-e-nāz

ruḳhsat huā huuñ tere liye dil-galī se maiñ

ai tarah-dar-e-ishwa-taraaz-e-dayar-e-naz

ruKHsat hua hun tere liye dil-gali se main

vo jo the shahr-e-tahayyur tire pur-fan me.amār

vahī pur-fan tujhe Dhāne ke liye nikle haiñ

wo jo the shahr-e-tahayyur tere pur-fan meamar

wahi pur-fan tujhe Dhane ke liye nikle hain

pās-e-hayāt kā ḳhayāl ham ko bahut burā lagā

pas ba-hujūm-e-ma.arka jaan ke be-sipar ga.e

pas-e-hayat ka KHayal hum ko bahut bura laga

pas ba-hujum-e-marka jaan ke be-sipar gae

vo hujūm-e-dil-zadgāñ ki thā tujhe muzhda ho ki bikhar gayā

tire āstāne kī ḳhair ho sar-e-rah-e-ġhubār bhī ab nahīñ

wo hujum-e-dil-zadgan ki tha tujhe muzhda ho ki bikhar gaya

tere aastane ki KHair ho sar-e-rah-e-ghubar bhi ab nahin

māni-e-jāvedān-e-jāñ kuchh bhī nahīñ magar ziyāñ

saare kalīm haiñ zubūñ saarā kalām rañj hai

mani-e-jawedan-e-jaan kuchh bhi nahin magar ziyan

sare kalim hain zubun sara kalam ranj hai

sad-yād-e-yād 'jaun' vo hañgām-e-dil ki jab

ham ek gaam ke na the par haft-ḳhvāñ ke the

sad-yaad-e-yaad 'jaun' wo hangam-e-dil ki jab

hum ek gam ke na the par haft-KHwan ke the