نفرت پر شاعری

بے پئے ہی شراب سے نفرت

یہ جہالت نہیں تو پھر کیا ہے

سات صندوقوں میں بھر کر دفن کر دو نفرتیں

آج انساں کو محبت کی ضرورت ہے بہت

نئے سال میں پچھلی نفرت بھلا دیں

چلو اپنی دنیا کو جنت بنا دیں

ہم سے نفرت کرو کہ پیار کرو

کوئی رشتہ تو استوار کرو

زوروں پہ سلیمؔ اب کے ہے نفرت کا بہاؤ

جو بچ کے نکل آئے گا تیراک وہی ہے

کاغذ پہ اگل رہا ہے نفرت

کم ظرف ادیب ہو گیا ہے

باہر انسانوں سے نفرت ہے لیکن

گھر میں ڈھیروں بچے پیدا کرتے ہیں

پڑے ہیں نفرت کے بیچ دل میں برس رہا ہے لہو کا ساون

ہری بھری ہیں سروں کی فصلیں بدن پہ زخموں کے گل کھلے ہیں

نفرت سے ہے نفرت ہم کو پریت ہماری ریت

پیار کے ہیں انمول خزانے تتلی پھول اور میں

مجنوں سے جو نفرت ہے دیوانی ہے تو لیلیٰ

وہ خاک اڑاتا ہے لیکن نہیں دل میلا