Top 10 couplets of Manzar Lakhnavi

ghar ko chhoḌā hai ḳhudā jaane kahāñ jaane ko

ab samajh lījiye TuuTā huā taarā mujh ko

ghar ko chhoDa hai KHuda jaane kahan jaane ko

ab samajh lijiye TuTa hua tara mujh ko

mujhe miTā ke vo yuuñ baiThe muskurāte haiñ

kisī se jaise koī nek kaam ho jaa.e

mujhe miTa ke wo yun baiThe muskuraate hain

kisi se jaise koi nek kaam ho jae

be-ḳhud aisā kiyā ḳhauf-e-shab-e-tanhā.ī ne

subah se sham.a jalā dī tire saudā.ī ne

be-KHud aisa kiya KHauf-e-shab-e-tanhai ne

subah se shama jala di tere saudai ne

duniyā ko diin diin ko duniyā kareñge ham

tere baneñge ham tujhe apnā kareñge ham

duniya ko din din ko duniya karenge hum

tere banenge hum tujhe apna karenge hum

mohabbat to ham ne bhī kī aur bahut kī

magar husn ko ishq karnā na aayā

mohabbat to hum ne bhi ki aur bahut ki

magar husn ko ishq karna na aaya

aap kī yaad meñ ro.uuñ bhī na maiñ rātoñ ko

huuñ to majbūr magar itnā bhī majbūr nahīñ

aap ki yaad mein roun bhi na main raaton ko

hun to majbur magar itna bhi majbur nahin

huī dīvāngī is darja mash.hūr-e-jahāñ merī

jahāñ do aadmī bhī haiñ chhiḌī hai dāstāñ merī

hui diwangi is darja mashhur-e-jahan meri

jahan do aadmi bhi hain chhiDi hai dastan meri

tafrīq husn-o-ishq ke andāz meñ na ho

lafzoñ meñ farq ho magar āvāz meñ na ho

tafriq husn-o-ishq ke andaz mein na ho

lafzon mein farq ho magar aawaz mein na ho

muddatoñ ba.ad kabhī ai nazar aane vaale

iid kā chāñd na dekhā tirī sūrat dekhī

muddaton baad kabhi ai nazar aane wale

id ka chand na dekha teri surat dekhi

ġhussa qātil kā na baḌhtā hai na kam hotā hai

ek sar hai ki vo har roz qalam hotā hai

ghussa qatil ka na baDhta hai na kam hota hai

ek sar hai ki wo har roz qalam hota hai