مومن خاں مومن کے 10 منتخب شعر

تم مرے پاس ہوتے ہو گویا

جب کوئی دوسرا نہیں ہوتا

وہ جو ہم میں تم میں قرار تھا تمہیں یاد ہو کہ نہ یاد ہو

وہی یعنی وعدہ نباہ کا تمہیں یاد ہو کہ نہ یاد ہو

تم ہمارے کسی طرح نہ ہوئے

ورنہ دنیا میں کیا نہیں ہوتا

کیا جانے کیا لکھا تھا اسے اضطراب میں

قاصد کی لاش آئی ہے خط کے جواب میں

شب جو مسجد میں جا پھنسے مومنؔ

رات کاٹی خدا خدا کر کے

چل دئیے سوئے حرم کوئے بتاں سے مومنؔ

جب دیا رنج بتوں نے تو خدا یاد آیا

حال دل یار کو لکھوں کیوں کر

ہاتھ دل سے جدا نہیں ہوتا

اس غیرت ناہید کی ہر تان ہے دیپک

شعلہ سا لپک جائے ہے آواز تو دیکھو

ہو گیا راز عشق بے پردہ

اس نے پردہ سے جو نکالا منہ

میرے تغییر رنگ کو مت دیکھ

تجھ کو اپنی نظر نہ ہو جائے