دل کی آوارہ مزاجی کا گلا کیا کیجے

خانہ برباد رہا خانہ خرابوں میں رہا

میرے ہی خون میں نہلا کے شررؔ

وہ صلیبوں پہ سجا دے گا مجھے

ان سے شررؔ کچھ ایسے بچھڑے

جیون کا ہر سپنا بکھرا

اہل خرد کو سونپ نہ دنیا کی باگ ڈور

کار زمانہ اہل جنوں کو سنبھال دے

کیا تھی وہ دیر و حرم کی دنیا

جو بھی دنیا کا خدا تھا کیا تھا

بے حسی وہ ہے کہ اس دور میں جینے کا مزا

نہ گناہوں میں رہا اور نہ ثوابوں میں رہا

میں سمجھتا ہوں زمانے کا مزاج

وہ بنائے گا مٹا دے گا مجھے

دشواریٔ حیات کو دشوار تر بنا

جس کا جواب بن نہ پڑے وہ سوال دے

نقش تحیر چہرہ چہرہ

حسن کرامت جوبن جوبن

کیا تھا ہم راہ خیالوں کی طرح

سایہ سا ساتھ چلا تھا کیا تھا

آئنہ دیکھ کے جینے والو

دور حاضر کے بھی تیور دیکھو

بجھ گئی ماتھے کی ایک ایک شکن

خالی ہاتھوں کا مقدر دیکھو

مصلحت تھی کوئی وہ چپ تھے اگر

بولنے والے تو کھل کر بولتے

کچھ نہ ہونے کا گماں تھا پھر بھی

کچھ تو ہونے کو ہوا تھا کیا تھا

جھوٹ تھا جو بھی کیا تھا میں نے

اور جو تم نے کہا تھا کیا تھا

اس ستم پیشہ کا اعجاز ستم ہی ہوگا

دست قاتل کو اگر دست مسیحا لکھوں