tū ḳhvāb hī meñ sahī aa ke ḳhud javāb to de

bujhī bujhī sī mirī aarzū ko aab to de

tu KHwab hi mein sahi aa ke KHud jawab to de

bujhi bujhi si meri aarzu ko aab to de

tujh se judā hue to tirī yaad baḌh ga.ī

āzād ho ke qaid kī mī'ād baḌh ga.ī

tujh se juda hue to teri yaad baDh gai

aazad ho ke qaid ki mi'ad baDh gai

mirī 'āshiqī sahī be-asar tirī dilbarī ne bhī kyā kiyā

vahī maiñ rahā vahī be-dilī vahī rang-e-lail-o-nahār hai

meri 'ashiqi sahi be-asar teri dilbari ne bhi kya kiya

wahi main raha wahi be-dili wahi rang-e-lail-o-nahaar hai

vo bulāte to haiñ mujh ko magar ai jazba-e-dil

shauq itnā bhī na baḌh jaa.e ki jaa.e na bane

wo bulate to hain mujh ko magar ai jazba-e-dil

shauq itna bhi na baDh jae ki jae na bane

vo kahte haiñ kuchh der hai faisle meñ

ki 'ushshāq kī 'arziyāñ aur bhī haiñ

wo kahte hain kuchh der hai faisle mein

ki 'ushshaq ki 'arziyan aur bhi hain