tū chhuḌā kar haath ik din daf'atan kho jā.egā

aur merī jeb meñ terā pata rah jā.egā

tu chhuDa kar hath ek din daf'atan kho jaega

aur meri jeb mein tera pata rah jaega

kuud kar dīvār 'arshī' ġham gharoñ meñ aa base

anginat tā'vīz darvāzoñ pe laTke rah ga.e

kud kar diwar 'arshi' gham gharon mein aa base

anginat ta'wiz darwazon pe laTke rah gae

sab ke sab mil kar bhī mujh ko zer kar sakte na the

merā apnā haath shāmil hai mirī paspā.ī meñ

sab ke sab mil kar bhi mujh ko zer kar sakte na the

mera apna hath shamil hai meri paspai mein

ik 'umr se ulfat ke kaTahre meñ khaḌā hai

bhugtā.e haiñ is dil ne muqadmāt musalsal

ek 'umr se ulfat ke kaTahre mein khaDa hai

bhugtae hain is dil ne muqadmat musalsal

kisī ke lahje kī yaḳh-bastagī qayāmat thī

ThiThur ke rah gayā lab par savāl kā mausam

kisi ke lahje ki yaKH-bastagi qayamat thi

ThiThur ke rah gaya lab par sawal ka mausam