kuchh der mere ghar se bahāreñ ḳhafā rahīñ

lekin mujhe gulāb koī bhejtā rahā

kuchh der mere ghar se bahaaren KHafa rahin

lekin mujhe gulab koi bhejta raha

jo kahtā thā tire bin mar rahā huuñ

vo kaise jī rahā hai sochtā huuñ

jo kahta tha tere bin mar raha hun

wo kaise ji raha hai sochta hun

kāñToñ meñ qaid phuul se girne se peshtar

shabnam kā qatra der talak kāñptā rahā

kanTon mein qaid phul se girne se peshtar

shabnam ka qatra der talak kanpta raha

maiñ huuñ ik shaḳhs ki hai 'aam kitāboñ jaisā

tū hai mash.hūr bahut bāñg-e-darā kī sūrat

main hun ek shaKHs ki hai 'am kitabon jaisa

tu hai mashhur bahut bang-e-dara ki surat

so ga.e haiñ phuul bhī Tahnī kā jhūlā jhūlte

loriyāñ koī sunā.e shaam peḌoñ ke tale

so gae hain phul bhi Tahni ka jhula jhulte

loriyan koi sunae sham peDon ke tale