maiñ to ġhazal sunā ke akelā khaḌā rahā

sab apne apne chāhne vāloñ meñ kho ga.e

main to ghazal suna ke akela khaDa raha

sab apne apne chahne walon mein kho gae

itne hissoñ meñ baT gayā huuñ maiñ

mere hisse meñ kuchh bachā hī nahīñ

itne hisson mein baT gaya hun main

mere hisse mein kuchh bacha hi nahin

zindagī se baḌī sazā hī nahīñ

aur kyā jurm hai patā hī nahīñ

zindagi se baDi saza hi nahin

aur kya jurm hai pata hi nahin

sach ghaTe yā baḌhe to sach na rahe

jhuuT kī koī intihā hī nahīñ

sach ghaTe ya baDhe to sach na rahe

jhuT ki koi intiha hi nahin

yahī milne kā samay bhī hai bichhaḌne kā bhī

mujh ko lagtā hai bahut apne se Dar shaam ke baad

yahi milne ka samay bhi hai bichhaDne ka bhi

mujh ko lagta hai bahut apne se Dar sham ke baad